ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:37 - New Testament in Pengo Parja Language

³⁷ ସାସ୍ତର୍‌ତାକେ ଭବିଷ୍ଯତବକ୍ତାର୍ ୱେଚ୍‌ଚାର୍, ‘ମାନାୟାର୍ ହେୱାନିଙ୍ଗ୍ ରକାନ୍ ଦସି ମାନାୟ୍ ଇଞ୍ଜି ୱେଚ୍‌ନାର୍। ଇ ସାସ୍ତର୍‌ନି ବେଣ୍ ହାତ୍‌ପା ଗଟାଆନାତ୍, ଇଦାଙ୍ଗ୍ ନା ବିଷୟରେ ଲେକାମାଚାତ୍, ଆରେ ଇଦାଙ୍ଗ୍ ନଙ୍ଗୟ୍ ପୁରା ଆନାତା।’ ”

ସତ୍‌ ବଚନ୍‌ ପୁନି ନିୟମ୍‌

³⁷ ଇନାକିଦେଂକି ଆନ୍‌ ମିଙ୍ଗେଙ୍ଗ୍‌ ଇଞ୍ଜ୍‌ନାଙ୍ଗା, “ହେୱାନ୍‌ ଅଦାର୍ମିର୍‌ ଲାହାଂ ଗାଣାକିୟା ଆତାନ୍‌,” ଇ କାତା ଲେକା ଆତାତ୍‌ନ୍ନା, “ହେଦାଂ ନା ତାକେ ପୁରାଆନାକା ମାନାତ୍‌; ଲାଗିଂ ନା ବିସ୍ରେ ପୁରା ଆତାତ୍‌ନ୍ନା ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:37 ပူးပေါင်းရင်းမြစ်များ

ମାର୍କ 15:27

ଆରେ, ଯୀଶୁଙ୍ଗ୍ କୃଶକାଟ୍‌ତାକେ ଦୁପ୍‌ତାର୍। ଆରେ ହେ ରିକାର୍ ଚର୍‌କୁକାଙ୍ଗ୍ ପା ରକାନିଙ୍ଗ୍ ତା ତିନା ବାଗାଇ ଆରେ ରକାନିଙ୍ଗ୍ ଆରେ ଡେବା ବାଗାଇ କୃଶକାଟ୍‌ତାକେ ଦୁପ୍‌ତାର୍।

ମାର୍କ 15:28

ଇଲେକେ ରକ୍ଷାକିଦ୍ନାକାନ୍‌ ବିଷୟ ଦରମ୍ ସାସ୍ତର୍ ଲେକାମାଚାତ୍ ହେଦାଙ୍ଗ୍ ସତ୍ ଆତାତ୍, “ହେୱାନ୍ ର ଦସି ମାନାୟ୍ ଲେକେ ଆଜି ଗାଣାକିୟା ଆତାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:31

ଯୀଶୁ ବାରଜାଣ୍ ଚେଲାହିରିଙ୍ଗ୍ ର ବାହାତାକେ କୁକ୍‌ଚି ହେୱାରିଙ୍ଗ୍ ୱେଚ୍‌ଚାନ୍, “ହୁଡ଼ାଟ୍, ଆସେଙ୍ଗ୍ ଯିରୁଶାଲାମ ସହର୍‌ତାକେ ହାନାସ୍। ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବିଷୟରେ ଭବିଷ୍ଯତବକ୍ତାର୍ ଇମ୍‌ଣିୱିଜୁ ଲେକିକିତାର୍‌, ହେ ୱିଜୁ ବିଷୟ ହେବେ ହାଚିସ୍ ପୁରାଆନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:22

ଈଶ୍ୱର ଇନେସ୍‌କିଜି ହିତାନ୍‌ନା, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପା ହେଲେକେ ହାଃନାନ୍। ମାତର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ଇମ୍‌ଣାକାନ୍ ଶାତ୍ରୁ କେଇଦ ଆହିକିଦ୍‍ନାନ୍, ତା କାଜିଙ୍ଗ୍ ଇଦାଙ୍ଗ୍ ବେସି କରାପ୍ ଆନାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:36

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ଯଦି ଡାବୁଙ୍ଗ୍ କି ମଣା ମାନ୍‌ଗାନାତ୍, ଲାଗିଙ୍ଗ୍ ହେଦାଙ୍ଗ୍ ହେୱାନ୍‌ ଅୱେନ୍‌। ଯଦି ମିଙ୍ଗେଙ୍ଗ୍ କାଣ୍ଡା ପା ରଞ୍ଜାଙ୍ଗ୍ ହିଲ୍‌ୱିତିସ୍ ଲାଗିଙ୍ଗ୍ ଏପେଙ୍ଗ୍ ଜାର୍ ଜପି ଉସ୍‌ପିନି କଟ୍ ପା ପସି କାଣ୍ଡା କଡ଼ାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:52

ତାପାଚେ ଯୀଶୁଙ୍ଗ୍ ଆସ୍ତେଙ୍ଗ୍ ୱାଜିମାଚି ହେଦଳ୍‌ତ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍, ମନ୍ଦିର୍‌ନି, ଯିହୁଦିର୍ ନେତାର୍‌ ଆରେ ଯିହୁଦିର୍ ସେନାର୍ ମାଚାର୍। ଯୀଶୁ ପ୍ରାଚିନାରିଙ୍ଗ୍ ୱେଚ୍‌ଚାନ୍, “ଡାକୁର୍ ବିରଦ୍‌ତାକେ ହାନିଲେକେ ଆଜି କାଣ୍ଡାଙ୍ଗ୍ ଆରେ କଣାଙ୍ଗ୍ ଆସ୍ତି ଏପେଙ୍ଗ୍ ଇନା କିଦେଙ୍ଗ୍ ନାଙ୍ଗେଙ୍ଗ୍ ଆସ୍ତି ଗାଚ୍‍ଚେଦେଙ୍ଗ୍ ୱାତାଦେର୍?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:32

ସେନାର୍ ରିକାର୍ ଚର୍‌କୁକାଙ୍ଗ୍ ପା ହାଃନି ଦଣ୍ଡ୍ ହିଦେଙ୍ଗ୍ ସେନାର୍ ଯୀଶୁ ହୁଦାଙ୍ଗ୍ ଅଜିମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:27

ତାପାଚେ ଯୀଶୁ ଦରମ୍ ସାସ୍ତର୍‌ନି ବିଷୟରେ ଇନାକା ୱିଜୁ ଲେକା ମାନାତ୍, ହେ ୱିଜୁ ରଞ୍ଜାଙ୍ଗ୍-ରଞ୍ଜାଙ୍ଗ୍ କିଜି ବୁଜାଇ କିଦେଙ୍ଗ୍ ଲାଗାତାନ୍। ଯୀଶୁ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ଆରମ୍ କିଜି ଜେକନି ଭବିଷ୍ଯତବକ୍ତାର୍ ପାତେକ୍ ୱିଜାକାର୍ ହେୱାନ୍ ବିଷୟରେ ଇନାକା ୱିଜୁ ୱେଚ୍‌ଚି ମାନ୍‌ଞ୍ଚାନ୍, ହେ ୱିଜୁ ବୁଜାଇ କିତାନ୍।”

ଜହନ୍‌ 10:35

ଇ ଦରମ୍ ସାସ୍ତର୍ ୱେଚ୍‌ନାତ୍ ଯେ, ଇମ୍‌ଣାକାର୍ ଈଶ୍ୱର ବେଣ୍ ଆହ୍‌ନାର୍, ହେୱାର୍ ଈଶ୍ୱର ନିକାର୍। ଆରେ ଦରମ୍ ସାସ୍ତର୍ କାତା ସବୁୱେଡ଼ାଙ୍ଗ୍ ସତ୍।

ଜହନ୍‌ 17:4

ଏନେଙ୍ଗ୍ ନାଙ୍ଗେଙ୍ଗ୍ ଇମ୍‌ଣି କାମାୟ୍ ହିତ୍‌ତାଇନା, ହେଦାଙ୍ଗ୍ ଆନେଙ୍ଗ୍ ପୁରା କିତାଙ୍ଗ୍‌ନା। ଆରେ ଆନେଙ୍ଗ୍ ମିଙ୍ଗେଙ୍ଗ୍ ପୁର୍ତିତାକେ ଜୟ୍-ଜୟ୍ କିତ୍‌ତାଙ୍ଗ୍‌ନା।

୨ କରନ୍ତିୟ 5:21

ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପାପ୍ କିୱିତି ଖ୍ରୀଷ୍ଟଙ୍ଗ୍ ମା ପାପ୍ କାଜିଙ୍ଗ୍ ହାଃଦେଙ୍ଗ୍ ହିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ତା ମୁମ୍‌ଦ ଦରମ୍ ମାନାୟ୍ କିଦ୍‌ଦେଙ୍ଗ୍ ଆଡ୍‌ନାନ୍।

ଗାଲାତିୟ 3:13

ମାତର୍ ଖ୍ରୀଷ୍ଟ ମାଙ୍ଗେଙ୍ଗ୍ ନିୟମ୍ ସାସ୍ତର୍‌ନି ଅବିଶାପ୍‌ତାଙ୍ଗ୍ ମୁକ୍ତି କିତ୍‌ତାନ୍‌ନା। ହେ ଅବିଶାପ୍‌ତିଙ୍ଗ୍ ମା ପାପ୍ କାଜିଙ୍ଗ୍ ଖ୍ରୀଷ୍ଟ ନିଜେ ତା ଜପି ଅତାନ୍ ଆରେ କୃଶକାଟ୍‌ତାକେ ଜଲାଆଜି ହାଃତାନ୍‌ନା। ଇନେସ୍‌କି ସାସ୍ତର୍‌ତାକେ ଲେକା ମାନାତ୍, “ଇମ୍‌ଣାକାନ୍ ମାର୍‌ତି କୁଟ୍ରୁତାକେ ଜଲା ଆନାନ୍ ହେୱାନ୍ ରକାନ୍ ଅବିଶାପ୍‌ନି ମାନାୟ୍।”