ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:36 - New Testament in Pengo Parja Language

³⁶ ହେ ଜିବୁନ୍‌ତ ମାନାୟାର୍ ସରଗ୍‌ଦୁତ୍ ଲେକେ ଆଜି ମାନାର୍। ଆରେ ହେୱାର୍ ଇନାୱେଡ଼ାଙ୍ଗ୍ ପା ହାଃଉର୍। ଇନେସ୍‌କି ହେୱାର୍ ହାଃତିତାଙ୍ଗ୍ ଆରେରଗ ଜିବୁନ୍ ଆତାର୍‌ନା। ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱର ମେହିର୍ ଆନାର୍।

ସତ୍‌ ବଚନ୍‌ ପୁନି ନିୟମ୍‌

³⁶ ଆରେ, ହେୱାର୍‌ ଆରେ ହାଦେଂ ଆଡୁର୍‌, ଇନାକିଦେଂକି ହେୱାର୍‌ ଦୁତ୍‌କୁ ଲାକେ ମାନ୍‍ଙ୍ଗାନାର୍ ଆରେ ନିଙ୍ଗ୍‌ଜି ଇସ୍ୱର୍ତି ମାଜ଼ି ଗାଡ଼୍‌ ଆନାର୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:36 ပူးပေါင်းရင်းမြစ်များ

ମାତିଉ 22:30

ଇନେସ୍‌କି ହାଃତାକାର୍ ଆରେରଗ ଜିବୁନ୍ଆତି ପାଚେ ବିବାକିଉର୍ କି ହାଃଉର୍‌। ମାତର୍ ସରଗ୍‌ନି ଦୁତ୍ ଲେକେ ଆଜି ମାନାର୍।

ମାର୍କ 12:25

ଏଚେପାଦ୍ନା ହାଃତାକାର୍ ଆରେରଗ ଜିବୁନ୍ଆତି ପାଚେ ଇଲ୍ଆଉର୍ ଆରେ ବିବା ଆଦେଙ୍ଗ୍ ପା ହିଉର୍, ମାତର୍ ସରଗ୍‌ନି ଦୁତ୍ ଲେକେ ଆଜି ମାନାର୍।

ରୋମିୟ 8:16

ଇନେସ୍‌କି ତା ପବିତ୍ର ଆତ୍ମା ମା ଗରବ୍ ବିତ୍ରେ ୱେଚ୍‌ନାତା ଯେ, ଆପେଙ୍ଗ୍ ଈଶ୍ୱର ମେହିକାପ୍।

୧ କରନ୍ତିୟ 15:26

ଆରେ ହେୱାନ୍ ସେସ୍ ଶତୃ ମାରାଣ୍‌ତିଙ୍ଗ୍ ନଷ୍ଟ କିନାନ୍।

୧ କରନ୍ତିୟ 15:42

ଟିକ୍ ହେଲେକେ ହାଃତିତାଙ୍ଗ୍ ଆରେରଗ ଜିବୁନ୍ ଆନାକା। ଏଚେପାଦ୍ନା ଆସେଙ୍ଗ୍ ହାଃନାସ୍ ମା ଇ ଗାଗାଡ଼୍ ଜମିତାକେ ରୁସ୍ତି ମାଞ୍ଜି ଲେକେ ଆତାତ୍‌ନା, ମାତର୍ ହେୱାରିଙ୍ଗ୍ ଈଶ୍ୱର ୱିଜୁଦିନ୍ କାଜିଙ୍ଗ୍ ଜିବୁନ୍ କିନାନ୍।

୧ କରନ୍ତିୟ 15:49

ନଙ୍ଗୟ୍ ଆସେଙ୍ଗ୍ ଇ ପୁର୍ତିନି ମାନାୟାର୍ ଆଦମଲେକେ ଚଞ୍ଜ୍‌ନାସା ଇନେରିଙ୍ଗ୍ ଈଶ୍ୱର ଚିକ୍‌ଲାତାଙ୍ଗ୍ ରସ୍ତାନ୍‌ନା। ହେଲେକେ ରଦିନ୍ ୱାନାତ୍ ଆସେଙ୍ଗ୍ ଖ୍ରୀଷ୍ଟ ଲେକେ ଚଞ୍ଜ୍‌ନାସ୍, ଇନେର୍ ସରଗ୍‌ତାଙ୍ଗ୍ ୱାଜିମାଚାନ୍।

ପିଲିପିୟ 3:21

ହେୱାନ୍‌ତାକେ ଶାକ୍ତି ମାନାତ୍ ଆରେ ହେ ସାକ୍ତିତାଙ୍ଗ୍ ୱିଜୁ ବିଷୟତିଙ୍ଗ୍ ତା ତାରେନ୍ କିଜି ଇଟ୍‌ନାନ୍, ହେ ସାକ୍ତିତାଙ୍ଗ୍ ମା ଚିକ୍‌ଲାନି ଗାଗାଡ଼୍‌ତିଙ୍ଗ୍ ତା ଲେକେ ଗୌରବ କିଦ୍‌ନାନ୍।

ହତ୍‌ତି 20:6

ଇମ୍‌ଣି ମାନାୟାର୍ ପାର୍ତୁମ୍ ହାଃତିତାଙ୍ଗ୍ ଆରେରଗ ଜିବୁନ୍ ଆନାର୍। ହେୱାର୍ ପବିତ୍ର ଆରେ ଆଶ୍ରିବାଦ୍ ପାୟା ଆତାକାର୍, ହେୱାର୍ ଆରେରଗ ହାଃଉର୍। ମାତର୍ ହେୱାର୍ ଈଶ୍ୱର ଆରେ ଖ୍ରୀଷ୍ଟଙ୍ଗ୍ ପୁଜାରିର୍ ଆନାର୍, ଆରେ ହେୱାର୍ ହୁଦାଙ୍ଗ୍ ମାହାଆଜି ହାଜାର୍ ବାର୍ହୁ ସାସନ୍ କିନାର୍।

ହତ୍‌ତି 21:4

ହେୱାନ୍ ତା ମାନାୟାର୍ ୱିଜୁ ଦୁଃକ୍‌ତିଙ୍ଗ୍ ଦେହା କିନାନ୍, ଆରେ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ମାରାଣ୍ ୱାଉତ୍, କି ଦୁଃକ୍ ପାୟା ଆଉର୍, କି ଆଡ଼୍‌ବୁର୍ କି ଇନାକା ନନାକା ପା ୱାଉତ୍। ଇନେସ୍‌କି ହେ ପାନି ପୁର୍ତି ଆରେ ହେବେନି ୱିଜୁ ଜିନିଷ୍ ୱିଜୁଦିନ୍ କାଜିଙ୍ଗ୍ ଡ଼ୁକ୍‌ତାତ୍‌ ଆରେ ଚନ୍‌ଞ୍ଜୁତ୍‌।”

ହତ୍‌ତି 22:9

ମାତର୍ ହେ ଦୁତ୍ ନାଙ୍ଗେଙ୍ଗ୍ ଆରେରଗ ୱେଚ୍‌ଚାତାତ୍, “ଆକାୟ୍, ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଇ ଈଶ୍ୱର ସାସ୍ତର୍‌ତିଙ୍ଗ୍ ମାନିକିଜି ଭବିଷ୍ଯତବକ୍ତା ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନିକିନାତା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା।”