ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:14 - New Testament in Pengo Parja Language

¹⁴ “ସରଗ୍‌ତାକେ ମାନି ଈଶ୍ୱରତିଙ୍ଗ୍ ଜୟ୍-ଜୟ୍‌ ଆୟେତ୍, ଆରେ ଇ ପୁର୍ତିତାକେ ଇମ୍‌ଣି ମାନାୟାରିଙ୍ଗ୍ ଈଶ୍ୱର ଦୟା କିନାନ୍ ହେୱାରିଙ୍ଗ୍ ଶାନ୍ତି ଆୟେତ୍।”

ସତ୍‌ ବଚନ୍‌ ପୁନି ନିୟମ୍‌

¹⁴ “ଜପ୍‌ଣି ନିକାରିଂ ଇସ୍ୱର୍‌ ମାପ୍ରୁଙ୍ଗ୍‌ ଜାଜ୍‌ମାଲ୍‌, ଆରେ ପୁର୍ତିତ ହେୱାନ୍ତି ଏଚେକ୍‌ସାରି ବିୱାହିଂ ମାନାୟ୍‌ ବିତ୍ରେ ସୁସ୍ତା ଆଏତ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:14 ပူးပေါင်းရင်းမြစ်များ

ମାତିଉ 21:9

ଯୀଶୁ ଆଗେ-ଆଗେ କେତେକ୍ ହେନି ମାନାୟାର୍ ହାଲ୍‌ଜି ମାଚାର୍। ଆରେ ତା ପାଚେ-ପାଚେ ପା କେତ୍‌ଜାଣ୍ ହାଲ୍‌ଜି ମାଚାର୍। ହେୱାର୍ ୱିଜାକାର୍ ଚେରାଆଜି ୱେଚ୍‌ଚାର୍, “ଦାଉଦ ମେହିଙ୍ଗ୍ ଜୟ୍-ଜୟ୍ କିୟାଟ୍। ଇନେର୍ ମାପୃ ତର୍‍ଦାଙ୍ଗ୍ ୱାନାନା ହେୱାନ୍ ଦନ୍ୟ। ସରଗ୍‌ତାକେ ମାନି ଈଶ୍ୱରତିଙ୍ଗ୍ ଜୟ୍-ଜୟ୍ କିୟାଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:79

ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍ ମାଜ୍‌ଗାତ ମାନି ମାନାୟ୍, ଆରେ ହାଃଦେଙ୍ଗ୍ ପାଣ୍ଡ୍ରାଆନି ମାନାୟାରିଙ୍ଗ୍ ହେୱାନ୍ ର ଅଜଡ଼୍‌ଲେକେ ଆନାନ୍। ହେୱାନ୍ ମାଙ୍ଗେଙ୍ଗ୍ ଶାନ୍ତିତାଙ୍ଗ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍‌ନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:38

“ଇମ୍‌ଣି ରାଜା ମାପୃ ତର୍‍ଦାଙ୍ଗ୍ ୱାନାନା, ହେୱାନିଙ୍ଗ୍ ଈଶ୍ୱର ଆଶ୍ରିବାଦ୍ କିୟେନ୍, ସରଗ୍‌ତାକେ ଶାନ୍ତି ଆରେ ୱିଜୁ ଈଶ୍ୱରତାଙ୍ଗ୍ ଗାଜା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:13

ହେପାଦ୍ନା ସରଗ୍‌ତାଙ୍ଗ୍ ବେସିହେନି ଦୁତ୍‌କୁ ୱାଜି ହେ ସରଗ୍‌ଦୁତ୍ ଲାହାଙ୍ଗ୍ ମେହା ଆତିକ୍। ଆରେ ହେୱାର୍ ଈଶ୍ୱରତିଙ୍ଗ୍ ଜୟ୍-ଜୟକିଜି ୱେଚ୍‌ଚିକ୍,

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:15

ସରଗ୍‌ଦୁତ୍‌କୁ ମେଣ୍ଢାଗଡ଼ିଆରିଙ୍ଗ୍ ପିସ୍ତି ସରଗ୍‌ତାକେ ହାଚିକ୍। ତାପାଚେ ମେଣ୍ଡାଗଡ଼ିଆର୍ ଜାର୍-ଜାର୍ ୱେଚ୍‌ପା ୱେଚ୍‌ପି ଆତାର୍, “ୱାଡ, ଆସେଙ୍ଗ୍ ବେତଲିହିମ୍ ସହର୍‌ତାକେ ହାନାସ୍, ମାପୃ ମାଙ୍ଗେଙ୍ଗ୍ ଇମ୍‌ଣି ବିଷୟ ଶୁଣାୟ୍ କିତ୍‌ତାନ୍‌ନା ହେଦାଙ୍ଗ୍ ଆସେଙ୍ଗ୍ ହୁଡ଼୍‌ନାସ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:22

ପବିତ୍ର ଆତ୍ମା ସରଗ୍‌ତାଙ୍ଗ୍ ପାର୍‌ୱା ଲେକେ ତା ଜପି ୱାତାତ୍। ଆରେ ଈଶ୍ୱର ସରଗ୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ଜହନ୍‌ 14:27

ଆନେଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଜି ହାନାଙ୍ଗା। ଇ ଶାନ୍ତି ନାଦି, ଇନାକା ମିଙ୍ଗେଙ୍ଗ୍ ହିଦ୍‌ନାଙ୍ଗା। ପୁର୍ତିନି ଇଲେକେ ଶାନ୍ତି ଆନେଙ୍ଗ୍ ମିଙ୍ଗେଙ୍ଗ୍ ହିଦୁଙ୍ଗା। ଲାଗିଙ୍ଗ୍ ଏପେଙ୍ଗ୍ ମି ମାନ୍ତ ଦୁକ୍ କିଜି ପାଣ୍ଡ୍ରା ଆମାଟ୍।

ଜହନ୍‌ 17:4

ଏନେଙ୍ଗ୍ ନାଙ୍ଗେଙ୍ଗ୍ ଇମ୍‌ଣି କାମାୟ୍ ହିତ୍‌ତାଇନା, ହେଦାଙ୍ଗ୍ ଆନେଙ୍ଗ୍ ପୁରା କିତାଙ୍ଗ୍‌ନା। ଆରେ ଆନେଙ୍ଗ୍ ମିଙ୍ଗେଙ୍ଗ୍ ପୁର୍ତିତାକେ ଜୟ୍-ଜୟ୍ କିତ୍‌ତାଙ୍ଗ୍‌ନା।

ଜହନ୍‌ 3:16

ଇନେସ୍‌କି ଈଶ୍ୱର ପୁର୍ତିତିଙ୍ଗ୍ ଏଚେକ୍ ଲାଡ୍ କିତାନ୍ ଯେ, ହେୱାନ୍ ତା ରକାନ୍ ଇଞ୍ଜି ମେହିଙ୍ଗ୍ ହିତ୍‌ତାନ୍। ଇନେସ୍ ଲେକେ ତା ମାଜିଙ୍ଗ୍ ପାର୍ତିକିନାର୍ ହେ ମାନାୟାର୍, ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ ପାୟାଆନାର୍‌।

ପକ୍ୟାତାକା 10:36

ଈଶ୍ୱର ମା ଇସ୍ରାଏଲ ଜାତିତାକେ ପକ୍ତିତି କାବୁର୍ ଏପେଙ୍ଗ୍ ପୁଚାଦେର୍‌ନା। ଈଶ୍ୱର ତା ଶାନ୍ତିନି ହାର୍ଦିକାବୁର୍ ୱେଚ୍‌ଚାତାନ୍‌ନା। ଇନେସ୍‌କି ମାନାୟାର୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଜି ହେୱାର୍ ଈଶ୍ୱର ହୁଦାଙ୍ଗ୍ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଆଡ୍‌ନାର୍। ହେୱାନ୍‌ନେ ୱିଜାକାର୍ ମାପୃ।

ରୋମିୟ 5:1

ଲାଗିଙ୍ଗ୍, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇମ୍‌ଣି କାମାୟ୍ କିତାନ୍‌ନା, ଆରେ ଆସେଙ୍ଗ୍ ପାର୍ତିକିତି କାଜିଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାପ୍‌ନା ଆରେ ଆସେଙ୍ଗ୍ ତା ହୁଦାଙ୍ଗ୍ ଶାନ୍ତିତାଙ୍ଗ୍ ମାନାପ୍।

ଏପିସିୟ 1:6

ଲାଗିଙ୍ଗ୍ ତା ଇ ବେସି ଦୟା କାଜିଙ୍ଗ୍ ଆସେଙ୍ଗ୍ ହେୱାନିଙ୍ଗ୍ ଜୟ୍-ଜୟ୍ କିନାସ୍। ତା ଲାଡ୍‌ନି ମାଜି କିଜିମାଚି କାମାୟ୍ କାଜିଙ୍ଗ୍ ହେୱାନ୍ ଇ ବେସି ଦୟା ହିତ୍‌ତାନ୍‌ନା।

ଏପିସିୟ 1:9

ଈଶ୍ୱର ତା ଇଚାତାଙ୍ଗ୍ ଆଗେତାଙ୍ଗ୍ କିଜିମାଚି ଡ଼ୁକ୍‌ତି ଜଜ୍‌ନା ମାବେ ଚଚ୍‌ଚାତାନ୍‌ନା। ଆରେ ହେ ଜଜ୍‌ନା ଖ୍ରୀଷ୍ଟତାଙ୍ଗ୍ କିନି କାଜିଙ୍ଗ୍ ହେୱାନ୍ ଇଚା କିଜି ମାଚାନ୍।

ଏପିସିୟ 2:4

ମାତର୍ ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନି କାଜିଙ୍ଗ୍ ଆରେ ହେୱାନ୍ ବେସି ଦୟା ଆତି କାଜିଙ୍ଗ୍,

ଏପିସିୟ 2:7

ତା ଦୟା ଯେ କେତେକ୍‌ ଗାଜା, ହେଦାଙ୍ଗ୍ ଜେକନିକାର୍‌ତାକେ ଆଗେ ୱାନି ଦିନ୍‌ତ ପୁନିକିଦେଙ୍ଗ୍ ଈଶ୍ୱର ଇଦାଙ୍ଗ୍ କିତାନ୍‌ନା। ଆରେ ଯୀଶୁ ଖ୍ରୀଷ୍ଟ ଇନାକା ମା କାଜିଙ୍ଗ୍ କିତାନ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ପିଲିପିୟ 2:11

ଆରେ ୱିଜାକାର୍ ଯୀଶୁ ଖ୍ରୀଷ୍ଟ ମାପୃ ଇଞ୍ଜି ୱେଚ୍‌ନାର୍, ଆରେ ଆବା ଈଶ୍ୱରତିଙ୍ଗ୍ ଗୌରବ କିନାର୍।

ପିଲିପିୟ 2:13

ଇନେସ୍‌କି ଈଶ୍ୱର ମିବେ ମାନ୍‌ଞ୍ଜି କାମାୟ୍ କିନାନା, ଲାଗିଙ୍ଗ୍ ହେୱାନ୍ ଇନାକା ଇଚା ହେଦାଙ୍ଗ୍ ପୁରା କିଦେଙ୍ଗ୍ ମିଙ୍ଗେଙ୍ଗ୍ ଇଚା କିୟି କିଦ୍‌ନାନା। ଆରେ ହେୱାନ୍ ମିଙ୍ଗେଙ୍ଗ୍ ସାଇଜ ପା କିଦ୍‌ନାନା।

କଲସିୟ 1:20

ଆରେ ଖ୍ରୀଷ୍ଟତାଙ୍ଗ୍ ଈଶ୍ୱର ଜାର୍‌ତାକେ ୱିଜୁ ବିଷୟତିଙ୍ଗ୍ ମାହାୟ୍ କିତାନ୍‌ନା। ଖ୍ରୀଷ୍ଟ କୃଶକାଟ୍‌ତାକେ ନେତେର୍ ବଡ଼ାଆତି କାଜିଙ୍ଗ୍ ଈଶ୍ୱର ସରଗ୍ ଆରେ ପୁର୍ତିତାକେ ମାନି ୱିଜୁ ବିଷୟତିଙ୍ଗ୍ ତା ହୁଦାଙ୍ଗ୍ ଶାନ୍ତି କିତାନ୍‌ନା।

୨ ଥେସଲନୀକିୟ 2:16

ଆସେଙ୍ଗ୍ ପାର୍ତାନା କିନାସା ଯେ, ମା ମାପୃ ଯୀଶୁ ଖ୍ରୀଷ୍ଟ, ଆରେ ମା ଆବା ଈଶ୍ୱର ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ଆରେ ହେୱାର୍ ମାଙ୍ଗେଙ୍ଗ୍ ଦୟାକିଜି ୱିଜ୍‌ୱିଦିନ୍‌ନି ସାସ୍, ଆରେ ହାର୍ ଆହା ହିଦେନ୍।

ହତ୍‌ତି 5:13

ଆରେ ପାଚେ ଆନେଙ୍ଗ୍ ୱେଚାଙ୍ଗ୍, ସରଗ୍‌ତାଙ୍ଗ୍, ପୁର୍ତିତାଙ୍ଗ୍, ପାତାଳ୍‌ତାଙ୍ଗ୍ ଆରେ ହାମ୍‌ଦୁର୍‌ତାଙ୍ଗ୍ ୱିଜୁ ଜିବୁନ୍ ମାନି ପଶୁଙ୍ଗ୍‌ ପା କେର୍‌କଣ୍ କେର୍‌ତିକ୍‌। “ୱାଡ ଆସେଙ୍ଗ୍ ସିଙ୍ଗାସନ୍‌ତାକେ କୁଚ୍‌ଚି ମାନାୟ୍‌ତିଙ୍ଗ୍ ଦନ୍ଯବାଦ୍ ହିଜି ଜୟ୍-ଜୟ୍ କିନାସ୍। ୱାଡ ଆସେଙ୍ଗ୍ ମେଣ୍ଢା ଇନେର୍‌କି ଯୀଶୁଙ୍ଗ୍ ଜୟ୍-ଜୟ୍ କିନାସ୍। ୱାଡ ଆସେଙ୍ଗ୍ ତାଙ୍ଗେଙ୍ଗ୍ ସନ୍‌ମାନ୍ ହିନାସ୍ ଆରେ ୱିଜୁଦିନ୍ ତାଙ୍ଗେଙ୍ଗ୍ ସନ୍‌ମାନ୍ ହିନାସ୍, ଇନେସ୍‌କି ହେୱାନ୍ ନେ ୱିଜୁତାଙ୍ଗ୍ ଶାକ୍ତି ମାନାକାନ୍।”