ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:17 - New Testament in Pengo Parja Language

¹⁷ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇନେର୍ ପା ହିରୁ ହିମ୍‌ଣା ଲେକେ ଈଶ୍ୱର ଆଦିକାର୍‌ତିଙ୍ଗ୍ ମାନିକିଉନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍।”

ସତ୍‌ ବଚନ୍‌ ପୁନି ନିୟମ୍‌

¹⁷ ଆନ୍‌ ମିଙ୍ଗେଙ୍ଗ୍‌ ହାତ୍‌ପା ଇଞ୍ଜ୍‌ନାଙ୍ଗା, “ଇନେର୍‌ ହିମ୍‌ଣା ଲାକେ ଇସ୍ୱର୍ତି ରାଜି ଇଟ୍‍ୱିତିସ୍, ହେୱାନ୍‌ ଇନେସ୍‌ କିଜ଼ିପା ହେବେ ହଣ୍ଡେଙ୍ଗ୍‌ ଆଡୁନ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:17 ပူးပေါင်းရင်းမြစ်များ

ମାତିଉ 18:3

ତାପାଚେ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଜି ହିରୁ ହିମ୍‌ଣା ଲେକେ ଆୱିତିସ୍ ଈଶ୍ୱର ସାସନ୍ କିନି ରାଜିତାକେ କେତେକ୍ ଉପାୟ୍ କିତିସ୍ ପା ହାଞ୍ଜେଙ୍ଗ୍ ଆଡୁଦେର୍।

ମାତିଉ 19:14

ମାତର୍ ଯୀଶୁ ୱେଚ୍‌ଚାନ୍, “ହିରୁ-ହିରୁ ଗାଡ଼୍‌ଚେ ହିମ୍‌ଣାକାଙ୍ଗ୍ ନା ଲାଗେ ତାହିୱାଦେଙ୍ଗ୍ ପିସ୍ତି ହିୟାଟ୍, ହେୱାରିଙ୍ଗ୍ ନା ଲାଗେ ୱାଦେଙ୍ଗ୍ ମୁନା କିମାଟ୍। ଇନେସ୍‌କି ଈଶ୍ୱର ସାସନ୍ କିନି ରାଜି ଇ ଗାଡ଼୍‌ଚେ ହିମ୍‌ଣାଙ୍ଗ୍ ତି ଲେକେ।”

ମାର୍କ 10:15

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇନେର୍ ପା ହିରୁ ହିମ୍‌ଣା ଲେକେ ଈଶ୍ୱର ଆଦିକାର୍‌ତିଙ୍ଗ୍ ମାନିକିଉନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:16

ମାତର୍ ଯୀଶୁ ହେୱାରିଙ୍ଗ୍ ତା ଲାଗେ କୁକ୍‌ଚି ୱେଚ୍‌ଚାନ୍, “ହିରୁ-ହିରୁ ଗାଡ଼୍‌ଚେ ହିମ୍‌ଣାକାଙ୍ଗ୍ ନା ଲାଗେ ୱାଦେଙ୍ଗ୍ ହିଆଟ୍। ଆରେ ହେୱାରିଙ୍ଗ୍ ମୁନା କିମାଟ୍, ଇନେସ୍‌କି ଈଶ୍ୱର ସାସନ୍ କିନି ରାଜି ଇ ଗାଡ଼୍‌ଚେ ହିମ୍‌ଣାଙ୍ଗ୍ ଲେକେ।

୧ କରନ୍ତିୟ 14:20

ଏ ଟଣ୍ଡାର୍‌କାଦେର୍, ଇ ୱିଜୁ ବିଷୟ ବୁଜା ଆଦେଙ୍ଗ୍ ଏପେଙ୍ଗ୍ ହିମ୍‌ଣାଙ୍ଗ୍ ଲେକେ ଆମାଟ୍। ପାପ୍ ବିଷୟରେ ପୁନ୍‌ୱି ହିମ୍‌ଣା ଲେକେ ଆଡ, ମାତର୍ ଇଲେଗ୍‌ଦି ବିଷୟତିଙ୍ଗ୍ ବୁଜା ଆଦେଙ୍ଗ୍ ଗାଜାକାର୍‌ଲେକେ ଆଡ।

୧ ପିତର 1:14

ହାର୍ଦି ହିମ୍‌ଣାଙ୍ଗ୍ ଜାର୍ ଆବା କାତା ମାନି କିତିଲେକେ ଏପେଙ୍ଗ୍ ଈଶ୍ୱର କାତାତିଙ୍ଗ୍ ମାନି କିୟାଟ୍, ଇନେସ୍‌କି ଏପେଙ୍ଗ୍ ଈଶ୍ୱର ହିମ୍‌ଣା କାଦେର୍। ଏପେଙ୍ଗ୍ ଈଶ୍ୱର ସତ୍‌ତିଙ୍ଗ୍ ପୁନ୍‌ୱି ଆଗେ ଇମ୍‌ଣି କରାପ୍ କାମାୟ୍ କିଦେଙ୍ଗ୍ ଇଚା କିଜି ମାଚାଦେର୍ ହେଦାଙ୍ଗ୍ ଆରେରଗ କିମାଟ୍।

୧ ପିତର 2:2

ଏପେଙ୍ଗ୍ ପୁନ୍-ପୁନ୍ ଜନମ୍ ଆତି କଗେହିମ୍‌ଣା ଲେକେ ଆଡ, ହେୱାନ୍ ଆପ୍‌କା ତେହି ମାଁୟ୍ ନେ ଉଣ୍ଡେଙ୍ଗ୍ ଇଚାକିନାନ୍। ହେଲେକେ ଏପେଙ୍ଗ୍ ପା ଈଶ୍ୱର କାତାତିଙ୍ଗ୍ ହିକାଆଦେଙ୍ଗ୍ ଇଚାକିନି ଦର୍‌କାର୍, ଆରେ ଏପେଙ୍ଗ୍ ଗାଜା କାଦେର୍ ଆନାଦେର୍। ଲାଗିଙ୍ଗ୍ ସେସ୍ ୱେଡ଼ାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରାପୁରି ବାବ୍‌ରେ ଇ ପୁର୍ତିନି କରାପ୍ ଜିନିଷ୍‌ତାଙ୍ଗ୍ ଉଦାର୍ କିଦ୍‌ନାନ୍।