ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:11 - New Testament in Pengo Parja Language

¹¹ ପାରୁସି ଆରେ ସିସ୍ତୁଏନ୍‌ନାକାନ୍‌ତାଙ୍ଗ୍ ଜେକ ନିଲ୍‌ଚି ମାଚାନ୍। ପାରୁସିଦଳ୍‍ନିକାନ୍‌ ରକାନ୍ ନିଲ୍‌ଚି ପାର୍ତାନା କିନିହିଙ୍ଗ୍ ୱେଚ୍‌ଚାନ୍, ‘ଏ ଈଶ୍ୱର, ଆନେଙ୍ଗ୍ ଜେକନିକାନ୍‌ ଲେକେ ବାନ୍ୟା ଆୱିତିଲେ ନିଙ୍ଗେଙ୍ଗ୍ ଦନ୍ଯବାଦ୍ ହିଦ୍‌ନାଙ୍ଗା। ଆନେଙ୍ଗ୍ ଚର୍, ଟକୁୱା, ଦାରି ଆରେ ପାପ୍ କାମାୟ୍ କିନି ମାନାୟାର୍‌ଲେକେ ଆକାୟ୍। ଆନେଙ୍ଗ୍ ଇ ସିସ୍ତୁଏନ୍‌ନାକାନ୍‌ତାଙ୍ଗ୍ ହାର୍‌ଦାକାଙ୍ଗ୍ ଆତିଲେ ନି ଲାଗାୟ୍ ଦନ୍ଯବାଦ୍ ହିଦ୍‌ନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

¹¹ ପାରୁସି ନିଲ୍‌ଚିପା ଜାର୍‌ ଲାଗେ ଇ ଲାକେ ପାର୍ତାନା କିଦେଙ୍ଗ୍‌ ଲାଗାତାନ୍‌, ଏ ଇସ୍ୱର୍‌, ଆନ୍‌ ନିଙ୍ଗେଙ୍ଗ୍‌ ଜୁୱାର୍‌ ହିଦ୍‍ନାଙ୍ଗା ଜେ ଆନ୍‌ ବିନ୍‌ ଲକୁଲାକେ ପାଣ୍ଡ୍ରୁକିନାକାଙ୍ଗ୍‌, ଅଦାର୍ମି, ନାଙ୍ଗ୍‌ରା କି ଇ ସିସ୍ତୁଏନ୍‌ନାକାନ୍‌ ଲାକେ ପା ଆକାୟ୍‌;

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:11 ပူးပေါင်းရင်းမြစ်များ

ମାତିଉ 10:3

ପିଲିପ ଆରେ ବାର୍ଥଲମି, ଥୋମା ଆରେ ସିସ୍ତୁଏନ୍‌ନି ମାଥିଉ, ଆଲ୍‌ପି ମେହି ଯାକୁବ ଆରେ ଥଦ୍ଦୀୟ,

ମାତିଉ 5:20

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଈଶ୍ୱର ଇଚାନି ଆଦେସ୍‌ତିଙ୍ଗ୍ ମାନିକିଜି ଏପେଙ୍ଗ୍ ପଣ୍ଡିତ୍‌ ଆରେ ପାରୁସିଦଳ୍‍ତାଙ୍ଗ୍‌ ଆଗେ ଆନାଦେର୍। ଲାଗିଙ୍ଗ୍ ଏପେଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡ୍‌ନାଦେର୍।

ମାତିଉ 6:5

ପାର୍ତାନା କିନିହିଙ୍ଗ୍ ପାଟ୍‌କାର୍ ଲେକେ ଆମାଟ୍। ଇନେସ୍‌କି ହେୱାର୍ ମାନାୟାରିଙ୍ଗ୍ ଚଚ୍‌ନି କାଜିଙ୍ଗ୍ ଯିହୁଦିର୍ ପାର୍ତାନା ଇଞ୍ଜ ଆରେ ରାସ୍ତାନି ଚକ୍ କନାତାକେ ନିଲ୍‌ଚି ପାର୍ତାନା କିଦେଙ୍ଗ୍ ଇଚାକିନାର୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ହେୱାର୍ ଜାର୍-ଜାର୍ ପୁରଷ୍କାର୍ ପାୟ୍ ଆତାର୍‌ନା।

ମାର୍କ 11:25

ଆରେ, ଏପେଙ୍ଗ୍ ଏଚେକାଡ଼୍‌ଦ ପା ପାର୍ତାନା କିଦେଙ୍ଗ୍ ନିଲ୍‌ନାଦେର୍, ଯଦି ଏପେଙ୍ଗ୍ ଇନେର୍‌ତାକେ ବିରଦ୍ ମାନାଦେର୍, ହେୱାନିଙ୍ଗ୍ ଏପେଙ୍ଗ୍ କେମା କିୟାଟ୍। ଇନେସ୍‌କି ସରଗ୍‌ନି ଆବା ମିଙ୍ଗେଙ୍ଗ୍ ପାପ୍ କେମା କିତ୍‌ତାନ୍‌ନା ହେଲେକେ ମି ବିରଦ୍ ଲଗାଙ୍ଗ୍ କେମା କିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:47

ହେୱାର୍ ଚାଲାକି କିଜି ରାଣ୍ଡି ଇଞ୍ଜାକା ୱିଜୁ ବୁଡାଇ କିନାର୍। ମାନାୟାରିଙ୍ଗ୍ ବଲ୍‍ବଲାୟ୍ ଆଦେଙ୍ଗ୍ ଡେଙ୍ଗା ପାର୍ତାନା କିନାର୍। ମାତର୍ ମାପୃ ହେୱାରିଙ୍ଗ୍ ବେସି ଗାଜା ଦଣ୍ଡ୍ ହିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:41

ତାପାଚେ ଯୀଶୁ ଚେଲାହିରିତାଙ୍ଗ୍ ଶହେ ହାତ୍ ଦେହା ହାଚାନ୍, ଆରେ ହେୱାନ୍ ମେଣ୍ଡାକୁନ୍ଦିକିଜି ପାର୍ତାନା କିତାନ୍,

ଗାଲାତିୟ 3:10

ମାତର୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଆଦେଙ୍ଗ୍ ଇମ୍‌ଣାକାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ଆହା କିନାନ୍, ଈଶ୍ୱର ହେୱାରିଙ୍ଗ୍ ଅବିଶାପ୍ ହିନାନ୍। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ଇମ୍‌ଣାକାନ୍ ମୋଶା ଲେକିକିତି ସାସ୍ତର୍‌ନି ନିୟମ୍ ୱିଜୁତିଙ୍ଗ୍ ମାନ୍‌ଦିୟାନ୍ କିଜି ମାନିକିୱିତିସ୍, ଈଶ୍ୱର ହେୱାନିଙ୍ଗ୍ ଅବିଶାପ୍ ହିନାନ୍।”

ପିଲିପିୟ 3:6

ଆନେଙ୍ଗ୍ ନା ଦରମ୍‌ତିଙ୍ଗ୍ ବେସି ମାନିକିନି କାଜିଙ୍ଗ୍ ଯୀଶୁତାକେ ପାର୍ତିକିନି ମଣ୍ଡ୍‌ଲିତିଙ୍ଗ୍ ବେସି ଦୁକ୍‌କଷ୍ଟ ହିଜି ମାଚାଙ୍ଗ୍। ଆନେଙ୍ଗ୍ ଯିହୁଦି ଦରମ୍‌ନି ୱିଜୁ ନିୟମ୍‌ତିଙ୍ଗ୍ ମାନିକିଜି ମାଚାଙ୍ଗ୍। ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ଇନେର୍ ପା ଦସି ଇଞ୍ଜି ୱେଚ୍‌ଚେଦେଙ୍ଗ୍ ଆଡ଼୍‌ଦୁର୍।

ହତ୍‌ତି 3:17

ଏପେଙ୍ଗ୍ ବାବିକିନାଦେରା ଯେ, ଏପେଙ୍ଗ୍ ହାଉକାର୍ ଆରେ ମିତାକେ ୱିଜୁ ଜିନିଷ୍ ମାନାତ୍, ମାତର୍ ଏପେଙ୍ଗ୍ ସତ୍ ବିଷୟତିଙ୍ଗ୍ ପୁନୁଦେର୍। ହେଦାଙ୍ଗ୍ ଇଲେକେ ଯେ, ଏପେଙ୍ଗ୍ ନେ ଗରିବ୍ ମିଙ୍ଗେଙ୍ଗ୍ ବସ୍ତ୍ର ହିଲେତ୍ ଆରେ ଏପେଙ୍ଗ୍ କାଣା ହେଦାଙ୍ଗ୍ ମି କାଜିଙ୍ଗ୍ ବେସି ଦୁଃକ୍‌ନି ବିଷୟ।