ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:28 - New Testament in Pengo Parja Language

²⁸ ନା ପାଞ୍ଚ୍‌ଜାଣ୍ ଟଣ୍ଡାର୍ ମାନାର୍। ଲାଜର୍‌ ନା ଟଣ୍ଡାରିଙ୍ଗ୍ ଜାଗ୍ରତ୍ କିୟିକିନାନ୍। ଇଦାଙ୍ଗ୍‌ କାଜିଙ୍ଗ୍ ହେୱାର୍ ଇ କାଚାଆନି ନାଣିତାକେ ହେୱାର୍ ୱାମେର୍।’

ସତ୍‌ ବଚନ୍‌ ପୁନି ନିୟମ୍‌

²⁸ ଇନାକିଦେଂକି ନା ପାଞ୍ଚ୍‌ଜାଣ୍ ଟଣ୍ଡାର୍‌ ମାନାର୍‌; ହେୱାର୍‌ ପା ଇନେସ୍‌କି ଇ ବାଦା ବାହାତ ୱାଉର୍‌, ହେଦାଂ କାଜିଂ ହେୱାନ୍‌ ହେୱାର୍‌ କଚଣ୍‌ ସାକି ହିନାଦେର୍ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:28 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:27

ହେ ନାଣିତାକେ ତୁହିୟାଆତି ହାଉକାର୍ ୱେଚ୍‌ଚାନ୍, ‘ଏ ଆବା, ଦୟାକିଜି ଲାଜର୍‌‌ତିଙ୍ଗ୍ ପୁର୍ତିତାକେ ମାଞ୍ଜ୍‌ବା ମାନି ଇଞ୍ଜ ପକା।

ପକ୍ୟାତାକା 10:42

ଯୀଶୁଙ୍ଗ୍ ହାଃତାକାରିଙ୍ଗ୍ ଆରେ ଜିବୁନ୍ ମାନାକାରିଙ୍ଗ୍ ବିଚାର୍ କିଦେଙ୍ଗ୍ ଈଶ୍ୱର ବାଚି କିତାନ୍‌ନା। ଇ ବିଷୟରେ ୱିଜୁ ମାନାୟାରିଙ୍ଗ୍ ଶୁଣାୟ୍ କିଦେଙ୍ଗ୍, ଆରେ ସାକି ହିଦେଙ୍ଗ୍ ହେୱାନ୍ ମାଙ୍ଗେଙ୍ଗ୍ ଆଦେସ୍ ହିତ୍‌ତାନ୍‌ନା।

ପକ୍ୟାତାକା 18:5

ଶିଲା ଆରେ ତିମତି ମାକଦନିଆ ସହର୍‌ତାଙ୍ଗ୍ ପାଉଲ ଲାଗାୟ୍ ୱାତାର୍। ଲାଗିଙ୍ଗ୍ ହେୱାନ୍ ତମ୍ୱୁ ରହ୍‌ନି କାମାୟ୍ କିୱାତାନ୍, ଆରେ ତା ୱିଜୁ ସମୟତିଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସମୟ୍ ହିତାନ୍। ଯୀଶୁ ନେ ଖ୍ରୀଷ୍ଟ ଇଞ୍ଜି ଯିହୁଦି ମାନାୟାରିଙ୍ଗ୍ ହେୱାନ୍ ସାକି ହିଜିମାଚାନ୍।

ପକ୍ୟାତାକା 2:40

ଆରେ ବାରବିନି ବେଣ୍‌ତାଙ୍ଗ୍ ପିତର ଆଦେସ୍ ହିଜି ୱେଚ୍‌ଚେଙ୍ଗ୍ ଲାଗାତାନ୍, “ଏପେଙ୍ଗ୍ ଇ କରାପ୍ ମାନାୟାର୍‌ତାଙ୍ଗ୍ ରକ୍ଷା ପାୟାଆଡୁ।”

ପକ୍ୟାତାକା 20:21

ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ଆରେ ମା ମାପୃ ଯୀଶୁତାକେ ପାର୍ତିକିନି କାଜିଙ୍ଗ୍, ଯିହୁଦି ଆରେ ବିନ୍‌ଜାତିନି ମାନାୟାରିଙ୍ଗ୍ ଶୁଣାୟ୍ କିତ୍‌ତାଙ୍ଗ୍‌ନା।

ପକ୍ୟାତାକା 20:23

ୱିଜୁ ସହର୍‌ନି ମାନାୟାର୍ ଦୁକ୍‌କଷ୍ଟ ହିଜି ନାଙ୍ଗେଙ୍ଗ୍ ଜଇଲ୍ ଇଞ୍ଜ ଗେସ୍ତାନାର୍, ଇ ବିଷୟରେ ପବିତ୍ର ଆତ୍ମା ନାଙ୍ଗେଙ୍ଗ୍ ପୁନି କିତ୍‌ତାନ୍‌ନା।

ପକ୍ୟାତାକା 20:24

ଈଶ୍ୱର ଇମ୍‌ଣି ଦୟା ଚଚ୍‌ଚାତାନ୍‌ନା ହେ ବିଷୟରେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍, ମାପୃ ଯୀଶୁ ନାଙ୍ଗେଙ୍ଗ୍ ହିତ୍‌ତାନ୍‌ନା ଇ କାମାୟ୍‌ତିଙ୍ଗ୍ ପୁରା କିଜି ୱିହ୍‌ୱି ପାତେକ୍ ଆନେଙ୍ଗ୍ ନା ଜିବୁନ୍‌ତିଙ୍ଗ୍ କିଚି ମୁଲ୍ଯ ଆକାୟ୍ ଇଞ୍ଜି ବାବିକିନାଙ୍ଗା।

ପକ୍ୟାତାକା 23:11

ହେ ଦିନ୍ ମିକାଲିଙ୍ଗ୍ ମାପୃ ପାଉଲ ଲାଗାୟ୍ ନିଲ୍‌ଚି ୱେଚ୍‌ଚାନ୍, “ପାଣ୍ଡ୍ରାଆମା! ଇନେସ୍‌କି ଏନେଙ୍ଗ୍ ଯିରୁଶାଲାମ ସହର୍‌ତାକେ ନା ବିଷୟରେ ମାନାୟାରିଙ୍ଗ୍ ୱେଚ୍‌ଚାଇନା, ହେଲେକେ ରୋମ ଦେସ୍‌ତାକେ ପା ନା ବିଷୟରେ ୱେଚ୍‌ନାକା ଆନାତ୍।”

ପକ୍ୟାତାକା 26:22

ମାତର୍ ଈଶ୍ୱରତାଙ୍ଗ୍ ସାଇଜ ପାୟାଆଜି ଆନେଙ୍ଗ୍ ନେଞ୍ଜେଙ୍ଗ୍ ପାତେକ୍ ଗାଜାକାର୍‌ ଆରେ ହିରୁକାର୍ ମୁମ୍‌ଦ ଶୁଣାୟ୍ କିଜି ୱାତାଙ୍ଗ୍‌ନା, ଭବିଷ୍ଯତବକ୍ତାର୍ ଆରେ ମୋଶା ଇନା-ଇନାକା ଗଟାଆନାତ୍ ଇଞ୍ଜି ୱେଚ୍‌ଚାର୍‌ନା ହେଦାଙ୍ଗ୍‌ନେ ଆନେଙ୍ଗ୍ ୱେଚ୍‌ନାଙ୍ଗା।

ପକ୍ୟାତାକା 28:23

ହେ ମୁଡ଼୍‌ଦାକାର୍ ପାଉଲ ହୁଦାଙ୍ଗ୍ ମେହାଆଦେଙ୍ଗ୍ ରଦିନ୍ ଟିକ୍ କିତାର୍, ଆରେ ମାନାୟାର୍ ଅଜି ତାଞ୍ଜ ହାଚାର୍। ଲାଗିଙ୍ଗ୍ ପାଉଲ ନାଡ଼ିସ୍‌ତାଙ୍ଗ୍ ମିକାହାରେସ୍ ପାତେକ୍ ହେୱାରିଙ୍ଗ୍ ଈଶ୍ୱର ସାସନ୍ କିନି ରାଜି ବିଷୟରେ ହିକ୍ଷା ହିତାନ୍। ଆରେ ମୋଶା ଲେକିକିତି ନିୟମ୍‌ନି ସାସ୍ତର୍ ଆରେ ଭବିଷ୍ଯତବକ୍ତାର୍ ସାସ୍ତର୍‌ତାଙ୍ଗ୍ ଯୀଶୁ ବିଷୟରେ ହେୱାରିଙ୍ଗ୍ ବୁଜାଇ କିଦେଙ୍ଗ୍ ଉପାୟ୍ କିତାନ୍।

ପକ୍ୟାତାକା 8:25

ପିତର ଆରେ ଯୋହନ ଯୀଶୁ ମାପୃ ବିଷୟରେ ଆରେ ହାର୍ଦିକାବୁର୍ ଶୁଣାୟ୍ କିତାର୍। ହେୱାର୍ ଯିରୁଶାଲାମ ସହର୍‌ତାକେ ଲେଉଟା ଆଜି ହାନିହିଙ୍ଗ୍, ଶମିରଣିୟ ଜିଲ୍ଲାନି କେତେକ୍ ନାସ୍‌କୁକାଙ୍ଗ୍ ହାର୍ଦିକାବୁର୍ ଶୁଣାୟ୍ କିଜି ହାଚାର୍।

ଗାଲାତିୟ 5:3

ଆନେଙ୍ଗ୍ ଆରେରଗ ୱେଚ୍‌ଚେଦେଙ୍ଗ୍ ଇଚା କିନାଙ୍ଗା, ଏପେଙ୍ଗ୍ ଯଦି ସୁନତ ବିଦି ମାନିକିନି କାଜିଙ୍ଗ୍ ଈଶ୍ୱର ଦୟା ପାୟା ଆଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ ମୋଶା ଲେକିକିତି ନିୟମ୍ ସାସ୍ତର୍ ୱିଜୁ ମାନିକିନି ଦର୍‌କାର୍।

ଏପିସିୟ 4:17

ଲାଗିଙ୍ଗ୍ ଆନେଙ୍ଗ୍ ମାପୃ ଆଦିକାର୍‌ତାକେ ବିଷେସ୍‌କିଜି ଗୁୱାରି କିନାଙ୍ଗା, ପାର୍ତିକିୱାକାର୍ ଇନେସ୍ ଜାର୍-ଜାର୍ ଚିନ୍ତାତାକେ ଲାବ୍ ଆୱି ଜିବୁନ୍‌ତିଙ୍ଗ୍ କାଟିକିନାର୍, ଏପେଙ୍ଗ୍ ହେଲେକେ ଜିବୁନ୍ କାଟି କିମାଟ୍।

୧ ଥେସଲନୀକିୟ 2:11

ଏପେଙ୍ଗ୍ ପୁଚାଦେର୍‌ନା ଯେ, ର ଆବା ଇନେସ୍‌କି ତା ମେହିଙ୍ଗ୍ ବ୍ଯବହାର୍ କିନାନ୍, ହେଲେକେ ଆପେଙ୍ଗ୍ ମିଙ୍ଗେଙ୍ଗ୍ ହିକ୍ଷା ଆରେ ସାସ୍ ହିଜି ଗୁୱାରି କିଜି ମାନ୍‌ଞ୍ଚାପ୍।

୧ ଥେସଲନୀକିୟ 4:6

ଆରେ ଏପେଙ୍ଗ୍ ଜାର୍ ଟଣ୍ଡେନ୍ ଡକୃହିଙ୍ଗ୍ ଦାରି କାମାୟ୍ କିମାଟ୍, ଯଦି ଏଲେଙ୍ଗ୍ କିନାଦେର୍ ମାପୃ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ନାତ୍। ହେଦାଙ୍ଗ୍ ଆପେଙ୍ଗ୍ ଆଗେନେ ସାବ୍‌ଦାନ୍ ଆଜି ମାଞ୍ଜେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍।