ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:23 - New Testament in Pengo Parja Language

²³ ହାଉକାର୍ ମାନାୟ୍‌ତିଙ୍ଗ୍ ନରକ୍‌ତାକେ ତୁସିହିତାର୍। ହେୱାନ୍ ନାଣିତାକେ ବେସି କଷ୍ଟ ପାୟାଆନିହିଙ୍ଗ୍, ଲାଜର୍‌‌ତିଙ୍ଗ୍ ଅବ୍ରାହାମ୍‌ ଲାଗାୟ୍ ନିଲ୍‌ତାକା ହେ ମାନାୟ୍ ହୁଡ଼୍‌ତାନ୍।

ସତ୍‌ ବଚନ୍‌ ପୁନି ନିୟମ୍‌

²³ ଆରେ, ହେୱାନ୍‌ ନର୍କତ କଲ୍‌ ବଲ୍‌ ଆସ୍ତି ଜପି ହୁଡ଼୍‌ଜି ଦେହା ଅବ୍ରାହାମ୍‌ ଆରି ତା ଡ୍ରକ୍ୟାଆତାକା ଲାଜାର୍‌ତିଂ ହୁଡ଼୍‌ତାନ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:23 ပူးပေါင်းရင်းမြစ်များ

ମାତିଉ 11:23

ଏ କପୁର୍‌ନାହୁମ୍‌ ସହର୍‌ତାକେ ମାନି ମାନାୟ୍ କାଦେର୍! ଈଶ୍ୱର ମାଙ୍ଗେଙ୍ଗ୍ ସନ୍‌ମାନ୍ କିଦ୍‌ନାନ୍ ଇଞ୍ଜି ଏପେଙ୍ଗ୍ ବାବିକିମାଟ୍। ହେୱାନ୍ ମିଙ୍ଗେଙ୍ଗ୍ ନାଣିନି ନରକ୍‌ତାକେ ତୁସିହିଦ୍‌ନାନ୍‌। ଇନେସ୍‌କି ମି ବିତ୍ରେ ଇମ୍‌ଣି ଚାନିଆଆନି କାମାୟ୍ କିତାଙ୍ଗ୍‌ନା, ହେ କାମାୟ୍ ଯଦି ସଦୋମ ସହର୍‌ତାକେ କିୟାଆତାତ୍‌ମା, ଲାଗିଙ୍ଗ୍ ହେ ସହର୍ ନଷ୍ଟ ଆୱାତାତ୍‌ମା।”

ମାତିଉ 18:9

ମାତର୍ ମି କାଣ୍‌କୁ ପାପ୍ କାମାୟ୍ କିନାତ୍, ହେ କାଣ୍‍କୁକାଙ୍ଗ୍ ଉନ୍‌ନ୍ଦି ତୁୟାଟ୍। ରି କାଣ୍‌କୁ ଆସ୍ତି ୱିଜୁଦିନ୍ କାଚାଆନି ନାଣିନି ନରକ୍‌ତାକେ ହାନି ବାଦୁଲ୍ କାଣା ଆଜି ର କାଣ୍‌ଗା ଆସ୍ତି ସରଗ୍‌ତାକେ ହାନାକା ହାର୍।

ମାତିଉ 23:33

ଏପେଙ୍ଗ୍ ରାଚ୍ ଲେକେ। ଏପେଙ୍ଗ୍ ବିଶ୍ ଆସ୍ତି ରାଚ୍ ଲାତ୍ରାତାଙ୍ଗ୍ ଜନମ୍ ଆତାଦେର୍‌ନା। ଏପେଙ୍ଗ୍ ଈଶ୍ୱରତାଙ୍ଗ୍ ରକ୍ଷା ପାୟା ଆଉଦେର୍। ଏପେଙ୍ଗ୍ ୱିଜାକାରିଙ୍ଗ୍ ଦସି ଇଞ୍ଜି ବିଚାର୍ କିନାଦେର୍। ଆରେ ଏପେଙ୍ଗ୍ ନରକ୍‌ତାକେ ହାନାଦେର୍।

ମାତିଉ 5:22

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଇନେର୍ ଜାର୍ ଟଣ୍ତେନିଙ୍ଗ୍ ରିସା ଆନାନ୍, ହେୱାନ୍ ବିଚାର୍‌କିନି ବାହାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ଜାର୍ ଟଣ୍ତେନିଙ୍ଗ୍ ମୁର୍କ ଇଞ୍ଜି ଇନାନ୍, ହେୱାନ୍ ଗାଜାସବାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ବାନ୍ୟା ମାନାୟ୍ ଇଞ୍ଜ୍‌ନାର୍, ହେୱାନ୍ ନାଣିନି ନରକ୍‌ତାକେ ଦଣ୍ଡ୍ ପାୟା ଆନାନ୍।

ମାତିଉ 5:29

ଯଦି ମି ତିନାବାଗାୟ୍‌ନି କାଣ୍‌କୁ ପାପ୍ କାମାୟ୍ କିନାତ୍, ହେ କାଣ୍‍କୁକାଙ୍ଗ୍ ଉନ୍‌ନ୍ଦି ତୁୟାଟ୍, ଲାଗିଙ୍ଗ୍ ମି ୱିଜୁ ଗାଗାଡ଼୍ ନରକ୍‌ତାକେ ତାକେ ହାନି ବାଦୁଲ୍ ର ଜିନିଷ୍ ନଷ୍ଟ ଆଜି ସରଗ୍‌ତାକେ ହାନାକା ହାର୍।

ମାତିଉ 8:29

ଆରେ ଯୀଶୁଙ୍ଗ୍ ହୁଡ଼୍‌ତି ଦାପ୍ରେ, ହେ ବୁତ୍ ଡୁୟାଆତାକାର୍‌ ଚେରାଆଜି ୱେଚ୍‌ଚାର୍, “ଏ ଈଶ୍ୱର ମେହି ଯୀଶୁ, ମା ଲାଗାୟ୍ ନିଦାଙ୍ଗ୍ ଇନା କାମାୟ୍ ମାନାତ୍? ଈଶ୍ୱର ଦଣ୍ଡ୍ ହିଦ୍‌ୱି ଆଗେ ଏନେଙ୍ଗ୍ ମାଙ୍ଗେଙ୍ଗ୍ ଦୁକ୍‌କଷ୍ଟ ହିଦ୍‌ଦେଙ୍ଗ୍ ୱାତାୟ୍‌ନା?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:24

ନାଣିତାକେ ଆର୍ତି ହାଉକାର୍ ମାନାୟ୍ କୁକ୍‌ତାନ୍, ‘ଆବା ଅବ୍ରାହାମ୍‌, ନାଙ୍ଗେଙ୍ଗ୍ ଦୟାକିଦା। ନା ଲାଗାୟ୍ ଲାଜର୍‌‌ତିଙ୍ଗ୍ ପକ୍ତା। ହେୱାନ୍ ତା ୱାଚ୍‌କା ଏଜୁକାଙ୍ଗ୍ କୁକ୍‌ଚି ନା ୱେନ୍ଦୁଲ୍ ଟୁପା-ଟୁପା କିଜି ଏଜୁଙ୍ଗ୍ ହିଦେନ୍। ଆନେଙ୍ଗ୍ ଇ କାଚାଆନି ନାଣିତାକେ ମାନ୍‌ଞ୍ଜି ବେସି କଷ୍ଟ ପାୟାଆନାଙ୍ଗା।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:28

ନା ପାଞ୍ଚ୍‌ଜାଣ୍ ଟଣ୍ଡାର୍ ମାନାର୍। ଲାଜର୍‌ ନା ଟଣ୍ଡାରିଙ୍ଗ୍ ଜାଗ୍ରତ୍ କିୟିକିନାନ୍। ଇଦାଙ୍ଗ୍‌ କାଜିଙ୍ଗ୍ ହେୱାର୍ ଇ କାଚାଆନି ନାଣିତାକେ ହେୱାର୍ ୱାମେର୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:28

ଦେହାତାଙ୍ଗ୍ ଯୀଶୁଙ୍ଗ୍ ହୁଡ଼୍‌ଜି ହେୱାନ୍ ହନ୍‍ଚି ୱାଜି ଯୀଶୁଙ୍ଗ୍ ସନ୍‌ମାନ୍ ହିଦେଙ୍ଗ୍ ମୁଣ୍ଡିଆ ଇଡ଼୍‌ତାନ୍। ଚେରାଆଜି ୱେଚାନ୍, “ଏ ଈଶ୍ୱର ମେହି ଯୀଶୁ, ନା ଲାଗାୟ୍ ନିଦାଙ୍ଗ୍ ଇନା କାମାୟ୍ ମାନାତ୍? ନିଙ୍ଗେଙ୍ଗ୍ ଆନେଙ୍ଗ୍ ଗୁୱାରି କିଦ୍‌ନାଙ୍ଗା, ନାଙ୍ଗେଙ୍ଗ୍ କଷ୍ଟ ହିଦ୍‌ମା।”

୧ କରନ୍ତିୟ 15:55

ଏ ମାରାଣ୍ ଏନେଙ୍ଗ୍ ଆରା ଆନାୟ୍, ଏ ମାରାଣ୍ ନିଙ୍ଗେଙ୍ଗ୍ ମାଙ୍ଗେଙ୍ଗ୍ ନଷ୍ଟ କିଦ୍‌ନି ଶାକ୍ତି ହିଲେତ୍।”

୨ ପିତର 2:4

ଇନେସ୍‌କି ଆସେଙ୍ଗ୍ ପୁନାସ୍ ଯେ ଇମ୍‌ଣି ଦୁତ୍‌କୁ ଈଶ୍ୱର ଆଗେ ପାପ୍ କାମାୟ୍ କିଜି ମାଚିକ୍, ଈଶ୍ୱର ହେୱେକିୟାକାଙ୍ଗ୍ ଦଣ୍ଡ୍ ହିତାନ୍। ହେୱାନ୍ ହେୱେକିୟାକାଙ୍ଗ୍ ନରକ୍‌ତାକେ ତୁସିହିତାନ୍‌ନା, ଆରେ ହେୱେକିୟାକାଙ୍ଗ୍ ବିଚାର୍ କିଜି ଦଣ୍ଡ୍ ହିନି ଦିନ୍ ପାତେକ୍, ହେୱାନ୍ ହେୱେକାଙ୍ଗ୍ ମାଜ୍‌ଗା ଜଇଲ୍ ଇଞ୍ଜ ଇଡ଼୍‌ତାନ୍‌ନା।

ହତ୍‌ତି 20:10

ଲାଗିଙ୍ଗ୍ ଶୟତାନ ଇନେର୍‌କି ମାନାୟାରିଙ୍ଗ୍ ଟକାୟ୍ କିଜି ମାଚାତ୍, ତାଙ୍ଗେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସିହିନାର୍। ଇମେତାକେ ପାର୍ତୁମ୍ ପଶୁତିଙ୍ଗ୍, ଆରେ ଦୁଇ ନମ୍ବର୍ ପଶୁତିଙ୍ଗ୍ ଇନେର୍‌କି ମିଚ୍ ୱେଚ୍‌ନି ଭବିଷ୍ଯତବକ୍ତାଙ୍ଗ୍ ତୁସିହିନାର୍। ହେବେ ହେୱାର୍ ୱେଡ଼ା ନାଣା ୱିଜୁଦିନ୍ ଦୁଃକ୍ କଷ୍ଟ ପାୟା ଆନିକ୍।