ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:17 - New Testament in Pengo Parja Language

¹⁷ ବାଦାଡ଼୍ ଆରେ ପୁର୍ତି ବୁଡାଆନାତ୍, ମାତର୍ ମୋଶା ଲେକିକିତି ନିୟମ୍‌ନି ସାସ୍ତର୍‌ନି ଇମ୍‌ଣି ହିରୁଟି ବିଷୟ ପା ବୁଡା ଆଉତ୍।”

ସତ୍‌ ବଚନ୍‌ ପୁନି ନିୟମ୍‌

¹⁷ ମାତର୍‌ ମସାତି ବିଦିନି ର ଟପା ବୁଡାଆନି ବାଟା ମତର୍‌ ବାଦାଡ଼୍‌ ଆରି ପୁର୍ତି ବୁଡାନାକା ଆଡ଼୍‌ୱା ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:17 ပူးပေါင်းရင်းမြစ်များ

ମାତିଉ 5:18

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇ ସରଗ୍ ଆରେ ପୁର୍ତି ବୁଡାଆୱି ପାତେକ୍ ଆରେ ଇୱିଜୁ କାତା ଗଟାଆୱି ପାତେକ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ନି ର ମାତ୍ରା କି ର ଟପା ଇନେସ୍ କିତିସ୍ ପା ଡ଼ୁଗୁତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:33

ବାଦାଡ଼୍ ଆରେ ପୁର୍ତି ବୁଡାଆନାତ୍ ହିନା, ମାତର୍ ନା କାତା ଅଲପ୍‌ପା ବୁଡା ଆଉତ୍।”

ରୋମିୟ 3:31

ଲାଗିଙ୍ଗ୍ ଆସେଙ୍ଗ୍ ପାର୍ତି କାଜିଙ୍ଗ୍ ନିୟମ୍‌ତିଙ୍ଗ୍ ଗୁଚାୟ୍ କିନାସା କି? ହେଦାଙ୍ଗ୍ ଇନାୱେଡ଼ାଙ୍ଗ୍ ପା ଆମେତ୍, ମାତର୍ ଆପେଙ୍ଗ୍ ଦରମ୍ ସାସ୍ତର୍‌ତିଙ୍ଗ୍ ପୁରା କିନାପ୍।

୧ ପିତର 1:25

ମାତର୍ ମାପୃ କାତା ୱିଜୁଦିନ୍ ମାନ୍‌ଗାନାତ୍।” ଆରେ ହେ କାତା ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ଶୁଣାୟ୍ କିତାକା ଏପେଙ୍ଗ୍ ୱେଚାଦେର୍‌ନା।

୨ ପିତର 3:10

ଖ୍ରୀଷ୍ଟ ହାତ୍‌ପା ଆରେରଗ ୱାନାନ୍। ଚର୍ ଇନେସ୍ ଇନେର୍ ପୁନ୍‌ୱିହିଙ୍ଗ୍ ହେଦାପ୍ରେ ୱାଜି ମାନାନ୍, ହେଲେକେ ମାପୃ ପା ହେଦାପ୍ରେ ୱାନାନ୍। ହେ ସମୟ୍‌ତ ବାଦାଡ଼୍‌ତାକେ ଗାଜା ଶବଦ୍ ଆନାତ୍, ଆରେ ବାଦାଡ଼୍ ଅଲପ୍‌ପା ଚଞ୍ଜ୍‌ଜୁତ୍। ସରଗ୍‌ତାକେ ମାନି ୱିଜୁ ଜିନିଷ୍, ୱେଡ଼ା, ଲେଞ୍ଜ୍ ଆରେ ହୁକାକାଙ୍ଗ୍ ଈଶ୍ୱର ପୁରାପୁରି ବାବ୍‌ରେ ନାଣିତାକେ କାଡି କିନାନ୍। ହେ ଦିନ୍ ମାନାୟାର୍ ଇ ପୁର୍ତିତାକେ ମାନିହିଙ୍ଗ୍ କିଜିମାଚି ୱିଜୁ ବିଷୟ ଈଶ୍ୱର ଚଚ୍‍ନାନ୍ ଆରେ ହେୱାରିଙ୍ଗ୍ ହେୱାନ୍ ବିଚାର୍ କିନାନ୍।

ହତ୍‌ତି 20:11

ତାପାଚେ ଆନେଙ୍ଗ୍ ର ଗାଜା ଡ଼ିଞ୍ଜ୍‌ନି ସିଙ୍ଗାସନ ହୁଡ଼୍‌ତାଙ୍ଗ୍, ହେବେ ଈଶ୍ୱର କୁଚ୍‌ଚି ମାଚାନ୍। ଇମ୍‌ଣି ବାହାତାକେ ଈଶ୍ୱର କୁଚ୍‌ଚି ମାଚାନ୍, ହେବେ ପୁର୍ତି ଆରେ ବାଦାଡ଼୍ ଡ଼ୁକ୍‌ତାତ୍‌ ଆରେ ଇନେର୍ ପା ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ୱାତାର୍।

ହତ୍‌ତି 21:1

ତାପାଚେ ଆନେଙ୍ଗ୍ ପୁନି ବାଦାଡ଼୍ ଆରେ ପୁନି ପୁର୍ତି ହୁଡ଼୍‌ତାଙ୍ଗ୍, ଇନେସ୍‌କି ପାନି ସରଗ୍ ଆରେ ପାନି ପୁର୍ତି ଡ଼ୁକ୍‌ତାତ୍‌ ଆରେ ହାମ୍‌ଦୁର୍ ପା ଚଞ୍ଜ୍‌ଞ୍ଜାୱାତାତ୍‌ଦେ।

ହତ୍‌ତି 21:4

ହେୱାନ୍ ତା ମାନାୟାର୍ ୱିଜୁ ଦୁଃକ୍‌ତିଙ୍ଗ୍ ଦେହା କିନାନ୍, ଆରେ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ମାରାଣ୍ ୱାଉତ୍, କି ଦୁଃକ୍ ପାୟା ଆଉର୍, କି ଆଡ଼୍‌ବୁର୍ କି ଇନାକା ନନାକା ପା ୱାଉତ୍। ଇନେସ୍‌କି ହେ ପାନି ପୁର୍ତି ଆରେ ହେବେନି ୱିଜୁ ଜିନିଷ୍ ୱିଜୁଦିନ୍ କାଜିଙ୍ଗ୍ ଡ଼ୁକ୍‌ତାତ୍‌ ଆରେ ଚନ୍‌ଞ୍ଜୁତ୍‌।”