ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:6 - New Testament in Pengo Parja Language

⁶ ତାପାଚେ ହେୱାନ୍ ତା ହାଙ୍ଗ୍‌ଦାକାର୍ ଆରେ ପାଡ଼୍‌ହା ଇଞ୍ଜାକାର୍ ଲାଗାୟ୍ ହାଲ୍‌ଜି ୱେଚ୍‌ନାନ୍, ‘ଆନେଙ୍ଗ୍ ନା ଜାଙ୍ଗ୍‌ତି ମେଣ୍ଢାତିଙ୍ଗ୍ ଗାଟାଆତାଙ୍ଗ୍‌ନା। ଆନେଙ୍ଗ୍ ବେସି ୱାରି। ୱାଡ ନା ହୁଦାଙ୍ଗ୍ ଏପେଙ୍ଗ୍ ୱାରି କିୟାଟ୍।’

ସତ୍‌ ବଚନ୍‌ ପୁନି ନିୟମ୍‌

⁶ ଆରେ ଜାର୍‌ ସାଙ୍ଗ ପାଡ଼୍‍ହା ଇଞ୍ଜାକାରିଂ ରବେରୁଣ୍ତାୟ୍‍ କିଜ଼ି ହେୱାରିଂ ଇନାନ୍‌, ନା ହୁକେ ୱାରି କିୟାଟ୍‌, ଲାଗିଂ ନା ଜାଙ୍ଗ୍‌ତି ମେଣ୍ଡା ଗାଟାତାଙ୍ଗ୍ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:6 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:58

ମାପୃ ଏଲିଶାବେତତିଙ୍ଗ୍ ବେସି ଦୟାକିଜି ର ହିମ୍‌ଣା ହିତି କାତାତିଙ୍ଗ୍ ତା ପାଡ଼୍‌ହା ଇଞ୍ଜାକାର୍ ଆରେ ଜାର୍ ପରିବାର୍ ଲକ୍ ପୁଚାର୍। ଆରେ ହେୱାର୍ ତା ଲେକେ ୱାରିୟା ଆତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:10

ହେଲେକେ ରକାନ୍ ପାପି ତା ପାପ୍ କାମାୟ୍ ପିସ୍ତି ଈଶ୍ୱରତାକେ ୱାତିସ୍, ସରଗ୍‌ନି ଦୁତ୍‌କୁ ବେସି ୱାରି ଆନିକ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:24

ନା ହିମ୍‌ଣା ହାଃଜି ମାଚାନ୍, ନଙ୍ଗୟ୍ ହେୱାନ୍ ଜିତାନ୍‌ନା। ହେୱାନ୍ ଜାଙ୍ଗ୍‌ଜି ମାଚାନ୍। ନଙ୍ଗୟ୍ ଗାଟାଆତ୍‌ତାନ୍‌ନା।’ ଲାଗିଙ୍ଗ୍ ହେୱାର୍ ବଜି କିଦେଙ୍ଗ୍ ଇଚାକିତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:5

ହେୱାନ୍ ଜାଙ୍ଗ୍‌ତି ମେଣ୍ଢାତିଙ୍ଗ୍ ଗାଟାଆତିସ୍ ବେସି ୱାରି ଆନାନ୍। ଆରେ ହେ ମେଣ୍ଢାତିଙ୍ଗ୍ ନିପିତାକେ ପିଣ୍‌ଜି ଇଞ୍ଜ ତାନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:7

ହେଲେକେ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏଚେପାଦ୍ନା ରକାନ୍ ପାପି ତା ପାପ୍ କାମାୟ୍ ପିସ୍ତି ମାପୃତାକେ ୱାନାନ୍, ହେପାଦ୍ନା ତା କାଜିଙ୍ଗ୍ ସରଗ୍‌ତାକେ ଆଦିକ୍ ୱାରିୟା ଆନାନ୍। ଇମ୍‌ଣାକାର୍ ତା ପାପ୍ କାମାୟ୍ ପିସ୍ତି ମାପୃତାକେ ୱାନି ଦର୍‌କାର୍ ଆକାୟ୍, ହେଲେକେ ନବେନ ଜାଣ୍ ଦରମ୍‌ମାନାୟ୍‌ତାଙ୍ଗ୍ ରକାନ୍ ପାପି ମାନାୟ୍ ତା ପାପ୍ କାମାୟ୍ ପିସ୍ତି ମାପୃତାକେ ୱାତିସ୍ ଈଶ୍ୱର ଆଦିକ୍ ୱାରିୟା ଆନାନ୍।

ଜହନ୍‌ 15:14

ଏପେଙ୍ଗ୍ ଆନେଙ୍ଗ୍ ୱେଚ୍‌ଚିତି ଲେକେ କାମାୟ୍ କିୟାଟ୍, ଲାଗିଙ୍ଗ୍ ଏପେଙ୍ଗ୍ ନା ସାଙ୍ଗ ଆନାଦେର୍।

ଜହନ୍‌ 3:29

ଇନେର୍ ଯଦି ଡକ୍ରିଙ୍ଗ୍ ଆହ୍‌ନାନ୍ ହେୱାନ୍ ବର। ମାତର୍ ବର ପାର୍ଟି ନିକାର୍ ନିଲ୍‌ଚି ତା କାତା ୱେନାର୍। ଆରେ ହେୱାର୍ ବର ବେଣ୍ ୱେନ୍‌ଞ୍ଜି ବେସି ୱାରିଆ ଆନାର୍। ହେଲେକେ ଆନେଙ୍ଗ୍ ପା ୱାରି ଆନାଙ୍ଗ୍।

ପକ୍ୟାତାକା 11:23

ହେୱାନ୍ ହେବେ ଏକିସ୍ ଈଶ୍ୱର ଦୟା ହୁଡ଼୍‌ଜି ୱାରି ଆତାନ୍। ଆରେ ଯୀଶୁ ମାପୃତାକେ ନେ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ହେୱାରିଙ୍ଗ୍ କେତେକ୍ କାତା ୱେଚ୍‌ଚି ସାହାସ୍ କିୟିକିତ୍‌ତାନା।

ପକ୍ୟାତାକା 15:3

ଲାଗିଙ୍ଗ୍ ମଣ୍ଡ୍‌ଲିନି ମାନାୟାର୍ ହେୱାରିଙ୍ଗ୍ କେତେକ୍ ଡାବୁଙ୍ଗ୍ କର୍ଚ ହିଜି ପକ୍ତାର୍। ହେୱାର୍ ପୈନିକିଆ ସହର୍ ଆରେ ଶମିରଣିୟ ଜିଲ୍ଲା ନିପଣ୍ ଆଜି ହାନିହିଙ୍ଗ୍ ମଣ୍ଡ୍‌ଲିକାଙ୍ଗ୍ ବିନ୍‌ଜାତିନି ମାନାୟାର୍ ଇନେସ୍ ପାର୍ତି କିତାର୍ ହେ ବିଷୟରେ ୱେଚ୍‌ଚାର୍। ଇ କାତା ୱେନ୍‌ଞ୍ଜି ହେ ମଣ୍ଡ୍‌ଲିନି ଟଣ୍ଡାର୍ ୱାରି କିତାର୍।

ପିଲିପିୟ 1:4

ଇନେସ୍‌କି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିନି ପାର୍ତୁମ୍ ଦିନ୍‌ତାଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ଶୁଣାୟ୍ କିଦେଙ୍ଗ୍ ହାଙ୍ଗ୍ ଆତ୍‌ତାଦେର୍‌ନା।

ପିଲିପିୟ 2:17

ଆନେଙ୍ଗ୍ ଏଚେପାଦ୍ନା ମିଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦ୍‌ନାଙ୍ଗ୍ ହେପାଦ୍ନା ଏପେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିତାଦେର୍, ଆରେ ତା ପୁଜା କିଦେଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ହିୟାଆତାଦେର୍। ଲାଗିଙ୍ଗ୍ ନାଙ୍ଗେଙ୍ଗ୍ ଯଦି ହାର୍ଦିକାବୁର୍ ଶୁଣାୟ୍ କିଦ୍‌ନାନା ଇଞ୍ଜି ମାର୍ନେ ଅସ୍ତାନାର୍, ଆନେଙ୍ଗ୍ ୱାରି ଆନାଙ୍ଗ୍ ଆରେ ମିହୁଦାଙ୍ଗ୍ ୱାରି କିନାଙ୍ଗ୍।

ପିଲିପିୟ 4:1

ଏ ନା ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ବେସି ଲାଡ୍ କିଦ୍‌ନାଙ୍ଗା। ଆରେ ଆନେଙ୍ଗ୍ ମିଙ୍ଗେଙ୍ଗ୍ ଗିଟାଆଦେଙ୍ଗ୍ ଇଚା କିନାଙ୍ଗା। ମି କାଜିଙ୍ଗ୍ ଆନେଙ୍ଗ୍ ୱାରି ଆତାଙ୍ଗ୍‌ନା ଆରେ ଏପେଙ୍ଗ୍ ନା କାମାୟ୍ କାଜିଙ୍ଗ୍ ନା ମୁକୁଟ୍‌ଲେକେ। ଇ ଲେକେ ମାପୃତାକେ ବେସି ପାର୍ତି କିଜି ମାନାଟ୍।

୧ ଥେସଲନୀକିୟ 2:19

ଇନେସ୍‌କି ମା ଯୀଶୁ ଖ୍ରୀଷ୍ଟ ଏଚେକାଡ଼୍‌ଦ ପୁର୍ତିତାକେ ୱାନାନ୍ ତା ଆଗେ ଏପେଙ୍ଗ୍ ମା ଆହା, ସାର୍‌ଦା ଆରେ ମା ସନ୍‌ମାନ୍‌ନି ମୁକୁଟ୍‌ଲେକେ।

୧ ପିତର 2:10

ହସିୟ ଭବିଷ୍ୟତ୍‌ବକ୍ତା ମି ବିଷୟରେ ଇଲେକେ ୱେଚ୍‌ଚାନ୍‌ନା, “ଏପେଙ୍ଗ୍ ଆଗେ ଈଶ୍ୱର ଲକ୍ ଆୱାଦାଙ୍ଗ୍ ମାଚାଦେର୍, ମାତର୍ ନଙ୍ଗୟ୍ ଈଶ୍ୱର ମିଙ୍ଗେଙ୍ଗ୍ ତା ଲକ୍ କିତ୍‌ତାନ୍‌ନା। ଈଶ୍ୱର ଆଗେ ମିଙ୍ଗେଙ୍ଗ୍ ଦୟା କିଦ୍‌ୱାଦାଙ୍ଗ୍ ମାନ୍‌ଞ୍ଚାନ୍, ମାତର୍ ନଙ୍ଗୟ୍ ଈଶ୍ୱର ମିଙ୍ଗେଙ୍ଗ୍ ଦୟା କିତ୍‌ତାନ୍‌ନା।”

୧ ପିତର 2:25

ଦିନେକ୍ ଆସେଙ୍ଗ୍ ଗଡ଼ିୟା ହିଲ୍‌ୱି ମେଣ୍ଢାଙ୍ଗ୍ ଲେକେ ଏନେ ତେନେ ଆଜି ମାଚାସ୍, ମାତର୍ ନଙ୍ଗୟ୍ ମା ଜିବୁନ୍‌ତିଙ୍ଗ୍ ଜାତୁନ୍ ଅନି ଗଡ଼ିୟା ଆରେ ବିଶପ୍‌ ଯୀଶୁ ଖ୍ରୀଷ୍ଟତାକେ ଲେଉଟା ଆଜି ୱାତାସ୍‌ନା।