ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:33 - New Testament in Pengo Parja Language

³³ ମାତର୍ ଆନେଙ୍ଗ୍ ଇୱିଜୁ ନେଞ୍ଜେଙ୍ଗ୍ ଆରେ ୱିଗାଲିଙ୍ଗ୍ କିନାଙ୍ଗ୍। ତାପାଚେ ଆନେଙ୍ଗ୍ ହାଃନାଙ୍ଗ୍। ଇନେସ୍‌କି ୱିଜୁ ଭବିଷ୍ଯତବକ୍ତାର୍ ଯିରୁଶାଲାମ ସହର୍‌ତାକେ ହାଃନାର୍।

ସତ୍‌ ବଚନ୍‌ ପୁନି ନିୟମ୍‌

³³ ଇନାକା ଆୟେତ୍‌, ନେଞ୍ଜେଙ୍ଗ୍‌, ୱିଗା ଆରି ମାହିଙ୍ଗ୍ ନାଙ୍ଗେଙ୍ଗ୍‌ ହାଞ୍ଜେଙ୍ଗ୍‌ ଆନାତ୍‌, ଇନାକିଦେଂକି ଜିରୁସାଲମ୍‌ନି ବାର୍ତ ବେଣ୍‌ବାକ୍‌ଣାୟ୍‌କିନାକାର୍ ନାସ୍‌ ଆନାକା ହାର୍‌ ଆକାୟ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:33 ပူးပေါင်းရင်းမြစ်များ

ମାତିଉ 20:18

“ୱେନାଟ୍, ଆସେଙ୍ଗ୍ ଯିରୁଶାଲାମ ସହର୍‌ତାକେ ହାନାସ୍। ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ କେଇଦ ଆହିଆନାନ୍।

ମାତିଉ 21:11

ହେବେତାଙ୍ଗ୍ ମାନାୟାର୍ ୱେଚ୍‌ଚାର୍, “ଏ ଗାଲିଲୀ ଜିଲ୍ଲାନି ନାଜରିତନି ଭବିଷ୍ଯତବକ୍ତା ଯୀଶୁ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:53

ମାତର୍ ଯୀଶୁ ଯିରୁଶାଲାମ୍‌ତାକେ ହାନାକା ହୁଡ଼୍‌ଜି ହେବେନି ମାନାୟାର୍ ଯୀଶୁଙ୍ଗ୍ ଇନେର୍ ପା ଆହ୍‌ୱାତାର୍।

ଜହନ୍‌ 11:54

ଲାଗିଙ୍ଗ୍ ଯୀଶୁ ଯିହୁଦିର୍ ଲାଗାୟ୍ ଚଞ୍ଜିଆଆଜି ବୁଲାଆୱାତାନ୍, ହେୱାନ୍ ଯିରୁଶାଲାମ ସହର୍ ପିସ୍ତି ଟାଙ୍ଗ୍ରାବାହା ଲାଗାୟ୍ ମାନି ର ଏପ୍ରିୟିମ୍ ସହର୍‌ତାକେ ହାଚାନ୍। ଆରେ ତା ଚେଲାହିର୍ ହୁଦାଙ୍ଗ୍ ମାଚାନ୍।

ଜହନ୍‌ 11:9

ଯୀଶୁ ୱେଚ୍‌ଚାନ୍, “ର ଦିନ୍‌ତିଙ୍ଗ୍ ବାର ଘଣ୍ଟା ଅଜଡ଼୍ ମାନ୍‌ଗାନାତ୍। ରକାନ୍ ମାନାୟ୍ ୱେଡ଼ାଲିଙ୍ଗ୍ ତାଙ୍ଗ୍‌ତିସ୍ ହେୱାନ୍ ଅଜୁନ୍ କି ଗୁରୁନ୍, ଇନେସ୍‌କି ପୁର୍ତିନି ଅଜଡ଼୍‌ତାକେ ହେୱାନ୍ ହୁଡ଼୍‌ଦେଙ୍ଗ୍ ଆଡ୍‌ନାନ୍।

ଜହନ୍‌ 12:35

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମି ଲାଗାୟ୍ ଆରେ ଅଲପ୍‌ଦିନ୍ ଅଜଡ଼୍ ମାନ୍‌ଗାନାତ୍। ଲାଗିଙ୍ଗ୍ ଅଜଡ଼୍ ମି ଲାଗାୟ୍ ମାନି ପାତେକ୍ ତାଙ୍ଗାଟ୍। ଲାଗିଙ୍ଗ୍ ମାଜ୍‌ଗା ମିଙ୍ଗେଙ୍ଗ୍ ଆସ୍ତେଦେଙ୍ଗ୍ ଆଡ଼୍‌ଦୁତ୍। ମାଜ୍‌ଗାତାକେ ତାଙ୍ଗ୍‌ନାକାନ୍ ଇମେନିପଣ୍ ହାନାନା ପୁଞ୍ଜେଙ୍ଗ୍ ଆଡୁନ୍।

ଜହନ୍‌ 4:34

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆବା ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା, ତା ଇଚା ମାନିକିଜି ଆରେ ତା କାମାୟ୍ ପୁରା କିନାକା ନେ ନା କାଦି।

ଜହନ୍‌ 9:4

ମାଙ୍ଗେଙ୍ଗ୍ ପକ୍ତାତାକାନ୍ ଆବା ଈଶ୍ୱର ଇମ୍‌ଣି କାମାୟ୍ କିଦେଙ୍ଗ୍ ହିତ୍‌ତାନ୍‌ନା ହେଦାଙ୍ଗ୍‌ତିଙ୍ଗ୍ ଆସେଙ୍ଗ୍ ବେଗି-ବେଗି ପୁରା କିନାକା ମାନାତ୍। ଇନେସ୍‌କି ଇନେର୍ ପା କାମାୟ୍ କିଦେଙ୍ଗ୍ ଆଡୁର୍ ହେଲେକେ ମାଜ୍‌ଗା ୱାନାତା।

ପକ୍ୟାତାକା 10:38

ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।

ପକ୍ୟାତାକା 13:27

ଯିରୁଶାଲାମ ସହର୍‌ନି ମାନାୟାର୍ ଆରେ ହେୱାର୍ ନେତାର୍ ଯୀଶୁ ଖ୍ରୀଷ୍ଟଙ୍ଗ୍ ପୁଞ୍ଜେଙ୍ଗ୍ ଆଡ୍‌ୱାତାର୍। ୱିଜୁ ଜମ୍‌ନିଦିନ୍‌ତ ହେୱାର୍ ଭବିଷ୍ଯତବକ୍ତାର୍ ସାସ୍ତର୍ ପଡ଼ିକିଜି ମାଚାର୍। ମାତର୍ ହେୱାର୍ ହେଦାଙ୍ଗ୍ ବୁଜା ଆଦେଙ୍ଗ୍ ଆଡ୍‌ୱାତାର୍। ହେଦାଙ୍ଗ୍ କାଜିଙ୍ଗ୍ ହେ ନେତାର୍ ଭବିଷ୍ଯତବକ୍ତାର୍ ଲେକିକିତି କାତା ପୁରା ଆନି କାଜିଙ୍ଗ୍ ଯୀଶୁଙ୍ଗ୍ ହେ ନେତାର୍ ମାର୍ନେ ଅସ୍ତାର୍।