ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:28 - New Testament in Pengo Parja Language

²⁸ ଏପେଙ୍ଗ୍ ଅବ୍ରାହାମ୍‌, ଇସାକ, ଯାକୁବ ଆରେ, ୱିଜୁ ଭବିଷ୍ଯତବକ୍ତାରିଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହୁଡ଼୍‌ଦେଙ୍ଗ୍ ଆଡ୍‌ନାଦେର୍। ମାତର୍ ମିଙ୍ଗେଙ୍ଗ୍ ନରକ୍‌ତାକେ ତୁସିହିଦ୍‌ନାର୍‌। ହେପାଦ୍ନା ଏପେଙ୍ଗ୍ ଆଡ଼୍‌ବାନାଦେର୍, ଆରେ ଟାଡାଙ୍ଗ୍ କାପ୍‌ଚି କିଲ୍‌ବିଲ୍ ଆନାଦେର୍।

ସତ୍‌ ବଚନ୍‌ ପୁନି ନିୟମ୍‌

²⁸ ଏଚେକାଡ଼୍‌ଦ ଏପେଙ୍ଗ୍‌ ଅବ୍ରାହାମ୍‌, ଇସ୍‌ହାକ୍‌, ଜାକୁବ୍‌, ଆରି ୱିଜ଼ାର୍‌ ବେଣ୍‌ବାକ୍‌ଣାୟ୍‌କିନାକାରିଂ ଇସ୍ୱର୍‌ ରାଜିତ ମାନି ଆରି ଜାର୍‌ ଜାର୍‌ତିଂ ବାର୍‌ତ ତୁସିହିତାକା ହୁଡ଼୍‌ନାଦେର୍, ହେପାଦ୍‌ନା ହେବେ ଆଡ଼୍‌ବିସ୍‌ ଆରି ଟାଡାଙ୍ଗ୍‌ କାଟ୍‍ନାଦେର୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:28 ပူးပေါင်းရင်းမြစ်များ

ମାତିଉ 13:42

ଆରେ ଦୁତ୍‌କୁ ହେୱାରିଙ୍ଗ୍ ନରକ୍‌ନି ନାଣିତାକେ ତୁଇନାର୍। କାକୁଲ୍‌ତି ଆଜି ହେବେ ଆଡ଼୍‌ବାନାର୍ ଆରେ ଟାଡାଙ୍ଗ୍ କାପ୍‌ଚି-କାପ୍‌ଚି ଆର୍ଲା ଆନାର୍,

ମାତିଉ 13:50

ଆରେ ହେୱାରିଙ୍ଗ୍ ନରକ୍‌ନି ନାଣିତାକେ ତୁସିହିନିକ୍। ହେବେ ହେୱାର୍ କାକୁଲ୍‌ତି ଆଜି ହେବେ ଆଡ଼୍‌ବାନାର୍ ଆରେ ଟାଡାଙ୍ଗ୍ କାପ୍‌ଚି ଆର୍ଲା ଆନାର୍।”

ମାତିଉ 22:13

ରାଜା ହଲିଆହିରିଙ୍ଗ୍ ୱେଚ୍‌ଚାନ୍, ‘ଇୱାନିଙ୍ଗ୍ ତା କେଇ କାଲ୍‌କୁ ଗାଚ୍‌ଚି ବାର୍ତ ତୁସିୟାଟ୍। ହେବେ ହେୱାନ୍ ଆଡ଼୍‌ବି-ଆଡ଼୍‌ବି ଟାଡାଙ୍ଗ୍ କାପ୍‌ଚି ମାନାନ୍।’ ”

ମାତିଉ 24:51

ହେ ହଲିଆହିଙ୍ଗ୍ ବେସି ଦଣ୍ଡ୍ ହିନାନ୍ ଆରେ ପାଟ୍‌କାର୍ ମାନାୟାର୍‌ତାକେ ପିସ୍ତିହିନାନ୍। ଇମେତାକେ ମାନାୟାର୍ ଆଡ଼୍‌ବିସ୍‌ ଟାଡାଙ୍ଗ୍ କାପ୍‌ଚି କିଲ୍‌ବିଲ୍ ଆନି ବାହାତ ପକ୍ତାନାନ୍।”

ମାତିଉ 25:30

ତାପାଚେ ମାଲିକ୍ ୱେଚ୍‌ଚାନ୍, ‘ହେୱାନ୍ ଦର୍‌କାର୍‌ଆୱି ହଲିଆହିଙ୍ଗ୍ ବାର୍ତ ମାଜ୍‌ଗାତ ତୁହିହିୟାଟ୍। ହେବେ ମାନାୟାର୍ ଆଡ଼୍‌ବାନାର୍ ଆରେ କଷ୍ଟତାଙ୍ଗ୍ ଟାଡାଙ୍ଗ୍ କାପ୍‌ନାର୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:15

ଏ କପୁର୍‌ନାହୁମ୍‌ ସହର୍‌ତାକେ ମାନି ମାନାୟ୍! ଏପେଙ୍ଗ୍ ଇନାକା ସରଗ୍‌ତାକେ ହାଞ୍ଜେଙ୍ଗ୍ ବାବିକିନାଦେରା କି? ମାତର୍ ଈଶ୍ୱର ମିଙ୍ଗେଙ୍ଗ୍ ନାଣି ମାନି ନରକ୍‌ତାକେ ତୁସିହିଦ୍‌ନାନ୍‌।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:15

ଯୀଶୁ ହୁଦାଙ୍ଗ୍ କୁକ୍‌ଚି ତିନି ମାନାୟାର୍ ବିତ୍ରେତାଙ୍ଗ୍ ରକାନ୍ ମାନାୟ୍ ଇ ୱିଜୁବେଣ୍ ୱେନ୍‌ଞ୍ଜି ଯୀଶୁଙ୍ଗ୍ ୱେଚ୍‌ଚାନ୍, “ଈଶ୍ୱର ସାସନ୍ କିନି ରାଜିତାକେ କୁକ୍‌ଚି ତିନିଲକ୍ ବେସି ୱାରି ଆନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:23

ହାଉକାର୍ ମାନାୟ୍‌ତିଙ୍ଗ୍ ନରକ୍‌ତାକେ ତୁସିହିତାର୍। ହେୱାନ୍ ନାଣିତାକେ ବେସି କଷ୍ଟ ପାୟାଆନିହିଙ୍ଗ୍, ଲାଜର୍‌‌ତିଙ୍ଗ୍ ଅବ୍ରାହାମ୍‌ ଲାଗାୟ୍ ନିଲ୍‌ତାକା ହେ ମାନାୟ୍ ହୁଡ଼୍‌ତାନ୍।

୨ ଥେସଲନୀକିୟ 1:5

ଏପେଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହାନି କାଜିଙ୍ଗ୍ ଦୁଃକ୍ କଷ୍ଟ ପାୟାଆନାଦେରା, ଆରେ ହେ ଦୁଃକ୍ କଷ୍ଟ କାଜିଙ୍ଗ୍ ଈଶ୍ୱର ତା ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଯଗ୍ଯ କିନାନ୍।

୨ ପିତର 1:11

ଆରେ ମା ମାପୃ ଆରେ ଉଦାର୍ କିଦ୍‌ନାକାନ୍ ଯୀଶୁ ଖ୍ରୀଷ୍ଟ ଇମ୍‌ଣି ରାଜିତାକେ ୱିଜ୍‌ୱିଦିନ୍ ପାତେକ୍ ରାଜା ଲେକେ ସାସନ୍ କିନାନ୍, ହେ ରାଜିତିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ହାର୍‌ଦାଙ୍ଗ୍ ଆସ୍ତାନାନ୍।

ହତ୍‌ତି 21:8

ମାତର୍ ଇମ୍‌ଣାକାର୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାର୍‌ନା, ମାନାୟାରିଙ୍ଗ୍ ଟକାୟ୍ କିନାରା। ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍, କରାପ୍ କାମାୟ୍ କିନାର୍, ମାନାୟାରିଙ୍ଗ୍ ମାର୍ନେ ଅହ୍‌ନାର୍। ଦାରି କାମାୟ୍ କିନାର୍, ଯାଦୁ ମନ୍ତର୍ କିନାରା, ମୁର୍ତି ପୁଜା କିନାରା ଆରେ ମିଚ୍ ୱେଚ୍‌ନାରା। ହେୱାରିଙ୍ଗ୍ ଆନେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସି ହିନାଙ୍ଗ୍ ଇଦାଙ୍ଗ୍ ନେ ଦୁଇ ନମ୍ବର୍ ମାରାଣ୍।”

ହତ୍‌ତି 22:15

ମାତର୍ ନିକୁଡ଼୍‌ଲେକେ ଇମ୍‌ଣି ମାନାୟାର୍ କରାପ୍ କାମାୟ୍ କିନାର୍, ଯାଦୁ ମନ୍ତର୍ କିନାର୍, ଦାରି କାମାୟ୍ କିନାର୍, ମାନାୟାରିଙ୍ଗ୍ ଅହ୍‌ନାର୍, ମୁର୍ତି ପୁଜାକିଜି ମାନାର୍ ଆରେ ମିଚ୍ ୱେଚ୍‌ନି ମାନାୟାର୍ ସହର୍ ବାର୍ତ ମାନାର୍।