ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:5 - New Testament in Pengo Parja Language

⁵ ଏପେଙ୍ଗ୍ ଇନେରିଙ୍ଗ୍ ପାଣ୍ଡ୍ରା ଆନାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା। ମିଙ୍ଗେଙ୍ଗ୍ ମାର୍ନେ ଅସ୍ତିପାଚେ ନରକ୍‌ତାକେ ତୁହିହିଦ୍‌ନି ସାକ୍ତି ଇନେର୍‌ତାକେ ମାନାତ୍, ଏପେଙ୍ଗ୍ ହେ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ସତ୍‌ ବଚନ୍‌ ପୁନି ନିୟମ୍‌

⁵ ମାତର୍‌ ଇନେରିଂ ପାଣ୍ଡ୍ରା ଆନାଦେର୍‌, ହେଦାଂ ଆନ୍‌ ମିଙ୍ଗେଙ୍ଗ୍‌ ୱେଚ୍‌ଚାନାଂ; ଅସ୍ତି ପାଚେ ନରକ୍‌ତ ତୁସିହିନି କାସି ଇନେର୍‌ତି ଆଦିକାର୍‌ ମାନାତ୍‌, ତାଙ୍ଗେଙ୍ଗ୍‌ ପାଣ୍ଡ୍ରା ଆଡୁ; ଆଁ ଆନ୍‌ ମିଙ୍ଗେଙ୍ଗ୍‌ ହାତ୍‌ପା ଇଞ୍ଜ୍‌ନାଙ୍ଗା, ତାଙ୍ଗେଙ୍ଗ୍‌ ପାଣ୍ଡ୍ରା ଆଡୁ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:5 ပူးပေါင်းရင်းမြစ်များ

ମାତିଉ 10:28

ଇମ୍‌ଣାକାର୍ ଗାଗାଡ଼୍‌ତିଙ୍ଗ୍ ନଷ୍ଟ କିନାର୍ ହେୱାରିଙ୍ଗ୍ ଏପେଙ୍ଗ୍ ପାଣ୍ଡ୍ରା ଆମାଟ୍। ଇନେସ୍‌କି ମି ଜିବୁନ୍‌ତିଙ୍ଗ୍ ନଷ୍ଟ କିଦେଙ୍ଗ୍ ଆଡୁର୍। ମାତର୍ ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ ଇ ରିଣ୍ଡେକାଙ୍ଗ୍ ପା ନରକ୍‌ନି ନାଣିତାକେ ନଷ୍ଟ କିଦେଙ୍ଗ୍ ଆଡ୍‌ନାନ୍ ହେ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ମାତିଉ 25:41

ତାପାଚେ ରାଜା ତା ଡେବା ବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାନ୍, ‘ନାବେତାଙ୍ଗ୍ ହାଲାଟ୍। ଈଶ୍ୱର ମି କାଜିଙ୍ଗ୍ ଦଣ୍ଡ୍ ବାଚି କିତାନ୍‌ନା। ଏପେଙ୍ଗ୍ ୱିଜୁଦିନ୍ କାଚାଆନି ନାଣିତାକେ ହାନାଦେର୍। ଇନେସ୍‌କି ଶୟତାନ ଆରେ ତା ଦୁତ୍‌କୁକାଜିଙ୍ଗ୍ ରହିଆତାତ୍‌ନା।’

ମାତିଉ 25:46

ତାପାଚେ ଇ ମାନାୟାର୍ ହସି ହାନାର୍। ଅଦରମ୍‌ ମାନାୟାରିଙ୍ଗ୍ ୱିଜ୍‌ୱି ଦଣ୍ଡ୍ ପାୟା ଆଦେଙ୍ଗ୍ ଆନାତ୍। ମାତର୍ ହାର୍ଦି ମାନାୟାର୍ ୱିଜ୍‌ୱି ଜିବୁନ୍ ପାୟାଆନାର୍‌।”

ମାତିଉ 5:22

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଇନେର୍ ଜାର୍ ଟଣ୍ତେନିଙ୍ଗ୍ ରିସା ଆନାନ୍, ହେୱାନ୍ ବିଚାର୍‌କିନି ବାହାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ଜାର୍ ଟଣ୍ତେନିଙ୍ଗ୍ ମୁର୍କ ଇଞ୍ଜି ଇନାନ୍, ହେୱାନ୍ ଗାଜାସବାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ବାନ୍ୟା ମାନାୟ୍ ଇଞ୍ଜ୍‌ନାର୍, ହେୱାନ୍ ନାଣିନି ନରକ୍‌ତାକେ ଦଣ୍ଡ୍ ପାୟା ଆନାନ୍।

ମାର୍କ 13:23

ମାତର୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍, ଇ ୱିଜୁଗଟ୍‌ନା ୱାୱି ଆଗେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।”

୧ ଥେସଲନୀକିୟ 4:6

ଆରେ ଏପେଙ୍ଗ୍ ଜାର୍ ଟଣ୍ଡେନ୍ ଡକୃହିଙ୍ଗ୍ ଦାରି କାମାୟ୍ କିମାଟ୍, ଯଦି ଏଲେଙ୍ଗ୍ କିନାଦେର୍ ମାପୃ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ନାତ୍। ହେଦାଙ୍ଗ୍ ଆପେଙ୍ଗ୍ ଆଗେନେ ସାବ୍‌ଦାନ୍ ଆଜି ମାଞ୍ଜେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍।

ଏବ୍ରି 10:31

ଜିବୁନ୍ ମାନି ଈଶ୍ୱର କେଇଦ ଦଣ୍ଡ୍ ପାୟାଆନି ବୟଙ୍କାର୍‌ନି ବିଷୟ।

୨ ପିତର 2:4

ଇନେସ୍‌କି ଆସେଙ୍ଗ୍ ପୁନାସ୍ ଯେ ଇମ୍‌ଣି ଦୁତ୍‌କୁ ଈଶ୍ୱର ଆଗେ ପାପ୍ କାମାୟ୍ କିଜି ମାଚିକ୍, ଈଶ୍ୱର ହେୱେକିୟାକାଙ୍ଗ୍ ଦଣ୍ଡ୍ ହିତାନ୍। ହେୱାନ୍ ହେୱେକିୟାକାଙ୍ଗ୍ ନରକ୍‌ତାକେ ତୁସିହିତାନ୍‌ନା, ଆରେ ହେୱେକିୟାକାଙ୍ଗ୍ ବିଚାର୍ କିଜି ଦଣ୍ଡ୍ ହିନି ଦିନ୍ ପାତେକ୍, ହେୱାନ୍ ହେୱେକାଙ୍ଗ୍ ମାଜ୍‌ଗା ଜଇଲ୍ ଇଞ୍ଜ ଇଡ଼୍‌ତାନ୍‌ନା।

ହତ୍‌ତି 14:7

ହେୱାନ୍ ଇଲେକେ ଗାଜାକାଟ୍ କିଜି ୱେଚ୍‌ଚାନ୍ “ଏପେଙ୍ଗ୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ ଆରେ ହେୱାନିଙ୍ଗ୍ ଗୌରବ କିୟାଟ୍। ଇନେସ୍‌କି ହେୱାନ୍ ବିଚାର୍‌କିନି ବାହାତାକେ କୁଚ୍‌ଚି ବିଚାର୍‌କିନି ଦିନ୍ ୱାତାତେ। ଏପେଙ୍ଗ୍ ତାଙ୍ଗେଙ୍ଗ୍ ପୁଜା କିୟାଟ୍, ଇନେସ୍‌କି ହେୱାନ୍ ବାଦାଡ଼୍, ପୁର୍ତି, ହାମ୍‌ଦୁର୍ ଆରେ ଜାରିଆ ଏଜୁଙ୍ଗ୍ ଉବ୍‌ଜାଇ କିତାନ୍‌ନା।”

ହତ୍‌ତି 15:4

ହେ ମାପୃ, ୱିଜୁ ଜାତିନି ମାନାୟାର୍ ନିଙ୍ଗେଙ୍ଗ୍ ପାଣ୍ଡ୍ରା ଆଦ୍‌ନାର୍, ଆରେ ୱିଜାର୍ ମାନାୟାର୍ ନିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାରା, ଇନେସ୍‌କି ଏନେଙ୍ଗ୍‍ନେ ରକାୟ୍ ପବିତ୍ର ଈଶ୍ୱର। ୱିଜୁ ଦେସ୍ତି ମାନାୟାର୍ ନି ଲାଗେ ୱାନାରା ଆରେ ନିଙ୍ଗେଙ୍ଗ୍ ପୁଜା କିଦ୍‌ନାରା, ଇନେସ୍‌କି ହେୱାର୍ ପୁଚାର୍‌ନା ନି କାମାୟ୍ ୱିଜୁ ଦରମ୍।”

ହତ୍‌ତି 20:14

ତାପାଚେ ଇମ୍‌ଣି ମାନାୟାର୍ ତର୍‌ ହେ ଜିବୁନ୍ ମାନି ମାନାୟାର୍ ବହିତାକେ ଲେକାଆୱାଦାଙ୍ଗ୍ ମାଚିସ୍ ଈଶ୍ୱର ହେୱାରିଙ୍ଗ୍ ପାତାଳ୍‌ନି ନାଣି ଆହ୍‌ନି କୁଣ୍ଡ୍‌ତାକେ ତୁସିହିନାନ୍‌। ଇନେସ୍‌କି ଇମ୍‌ଣି ମାନାୟାର୍ ତର୍‌ ଜିବୁନ୍ ମାନି ମାନାୟାର୍ ବହିତାକେ ଲେକାଆୱାତାତ୍‌ନା, ହେୱାରିଙ୍ଗ୍ ନାଣି ଆହ୍‌ନି କୁଣ୍ଡ୍‌ତାକେ ତୁସିହିତାନ୍‌ନା। ଇ ନାଣି ଆହ୍‌ନି କୁଣ୍ଡ୍‌ତାକେ ଦଣ୍ଡ୍ ପାୟାଆନାକା ନେ ଦୁଇ ନମ୍ବର୍ ମାରାଣ୍।