ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:41 - New Testament in Pengo Parja Language

⁴¹ ଲାଗିଙ୍ଗ୍ ମିବେ ଇନାକା ୱିଜୁ ହାର୍ଦି ବିଷୟ ମାନାତ୍, ହେଦାଙ୍ଗ୍ ଗରିବ୍‌ନିକାରିଙ୍ଗ୍ ଦାନ୍ ହିୟାଟ୍। ହେଦାଙ୍ଗ୍ ମି କାଜିଙ୍ଗ୍ ହାର୍ ଆନାତ୍।

ସତ୍‌ ବଚନ୍‌ ପୁନି ନିୟମ୍‌

⁴¹ ଏପେଙ୍ଗ୍‌ ଲବ୍‌ତାଂ ଇନାକା ରୁଣ୍ଡାୟ୍‌ କିନାଦେରା ହେଦାଂ ଅର୍କିତ୍‌ତାରିଂ ଦାନ୍‌ କିୟାଟ୍‌ ଲାଗିଂ ପୁରାପୁରି ସକଟ୍‌ ଆନାଦେର୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:41 ပူးပေါင်းရင်းမြစ်များ

ମାତିଉ 26:11

ଗରିବ୍ ନିକାର୍ ମି ଲାଗାୟ୍ ୱିଜୁଦିନ୍ ମାନ୍‌ଗାନାର୍, ମାତର୍ ଆନେଙ୍ଗ୍ ୱିଜୁଦିନ୍ ମିହୁଦାଙ୍ଗ୍ ମାନ୍‌ଗୁଙ୍ଗ୍।

ମାତିଉ 5:42

ଆରେ ଇନେର୍ ମିଙ୍ଗେଙ୍ଗ୍ ଏନ୍ତାନାର୍, ହେୱାନିଙ୍ଗ୍ ହିଆଟ୍, ଆରେ ଇନେର୍ ପା ନିବେତାଙ୍ଗ୍ ୱାଡି ଅଦେଙ୍ଗ୍ ମାନ୍ କିନାନ୍, ହେୱାନିଙ୍ଗ୍ ଏପେଙ୍ଗ୍ ମୁନା କିମାଟ୍।

ମାର୍କ 7:19

ଲାଗିଙ୍ଗ୍ ହେଦାଙ୍ଗ୍ ହେ କାଦି ଗରବ୍‌ତାକେ ହଣ୍‌ୱାଦାଙ୍ଗ୍ ପଟ ବିତ୍ରେ ହନାତ୍, ଆରେ ତାପାଚେ ଜିରା ଆଜି ବାର୍ତ ହସିହାନାତ୍।” ଏଲେଙ୍ଗ୍‌ନେ ଯୀଶୁ ପୁନିକିତାନ୍ ୱିଜୁ କାଦି ଏପେଙ୍ଗ୍ ଚିଚିସ୍ ମିଙ୍ଗେଙ୍ଗ୍ କରାପ୍ କିଦୁତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:33

ଲାଗିଙ୍ଗ୍ ଏପେଙ୍ଗ୍ ଜାର୍ ଦନ୍‌ସମ୍ଫତି ୱିଜୁ ପସି ହେ ଡାବୁଙ୍ଗ୍ ଗରିବ୍ ଲାଗାରିଙ୍ଗ୍ ବାଟାକିଜି ହିୟାଟ୍‌। ଇ ଜଗତ୍‌ନି ଦନ୍‌ସମ୍ଫତି ୱିଜୁଦିନ୍ ମାନ୍‌ଗୁତ୍। ଲାଗିଙ୍ଗ୍ ୱିଜୁଦିନ୍ ମାନି ଦନ୍‌ସମ୍ଫତି ଏପେଙ୍ଗ୍ ଆହାଟ୍। ଜାର୍ କାଜିଙ୍ଗ୍ ଈଶ୍ୱର ସାସନ୍ କିନି ରାଜିତାକେ ଦନ୍‌ସମ୍ଫତି ରୁଣ୍ଡାଇ କିୟାଟ୍। ଇଦାଙ୍ଗ୍ ୱିଜୁଦିନ୍ ମାନ୍‌ଗାନାତ୍ ସରଗ୍‌ତାକେ ମି ଦନ୍‌ସମ୍ଫତି ଇନେର୍ ପା ଚର୍‌କିଦେଙ୍ଗ୍ ଆଡୁର୍। ଆରେ ପ୍ରାଲ୍ ପା ଚିଞ୍ଜେଙ୍ଗ୍ ଆଡୁତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:9

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ପୁର୍ତିନି ଦନ୍ ହିଜି ସାଙ୍ଗ ରହାଟ୍। ଏଚେକାଡ଼୍‌ଦ ଏପେଙ୍ଗ୍ ହାଃନାଦେର୍, ଈଶ୍ୱର ମିଙ୍ଗେଙ୍ଗ୍ ସରଗ୍‌ତାକେ ମାନି ଇଞ୍ଜ ଆସ୍ତାନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:22

ଯୀଶୁ ଇଦାଙ୍ଗ୍ ୱେନ୍‌ଞ୍ଜି ହେୱାନିଙ୍ଗ୍ ୱେଚ୍‌ଚାନ୍, “ନିଦି ର ବିଷୟ ଉଣା ମାନାତ୍, ଏନେଙ୍ଗ୍ ହାଲ୍‌ଜି ନି ଦନ୍ ସମ୍ପତି ୱିଜେ ପସି ଗରିବ୍‌ନିକାରିଙ୍ଗ୍ ଡାବୁଙ୍ଗ୍ ହିୟା, ଆରେ ନା ପାଚେ ୱା, ଆରେ ଏନେଙ୍ଗ୍ ଏଲେଙ୍ଗ୍ କିତିସ୍ ସରଗ୍‌ତାକେ ଦନ୍ ପାୟାଆନାୟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:8

ଜକିୟ ନିଲ୍‌ଚି ଯୀଶୁଙ୍ଗ୍ ୱେଚ୍‌ଚାନ୍, “ଏ ମାପୃ ଦୟାକିଜି ନା କାତା ୱେନା! ଆନେଙ୍ଗ୍ ପାର୍ମାଣ୍ କିନାଙ୍ଗା ନା ଦନ୍ ସମ୍ଫିତିତାଙ୍ଗ୍ ଅଦା ବାଗ୍ ଗରିବ୍ ମାନାୟାରିଙ୍ଗ୍ ବାଟାକିଜି ହିନାଙ୍ଗ୍। ଆନେଙ୍ଗ୍ ଯଦି ଇନେରିଙ୍ଗ୍ ଟକାଇ କିଜିମାନ୍‌ଗାନାଙ୍ଗ୍, ହେୱାନିଙ୍ଗ୍ ଚାରିଗୁଣ୍ ଦନ୍ ହିନାଙ୍ଗ୍।”

ପକ୍ୟାତାକା 10:15

ଆରେରଗ ଈଶ୍ୱର ପିତରତିଙ୍ଗ୍ ୱେଚ୍‌ନାକା ୱେଚାନ୍, “ଇମ୍‌ଣାକା ଆନେଙ୍ଗ୍ ତିନାକା ଇଞ୍ଜି ନିୟମ୍ କିତାଙ୍ଗ୍‌ନା, ଏନେଙ୍ଗ୍ ହେଦାଙ୍ଗ୍ ଚିଞ୍ଜେଙ୍ଗ୍ ନିୟମ୍ ଆକାୟ୍ ଇଞ୍ଜି ୱେଚ୍‌ମା।”

ପକ୍ୟାତାକା 11:29

ଲାଗିଙ୍ଗ୍ ଚେଲାର୍ ଆନ୍ତିୟକିଆ ସହର୍‌ନି ମଣ୍ଡ୍‌ଲିନି ପାର୍ତି କିନାକାର୍ ଜାର୍ ଶାକ୍ତି ହୁଡ଼୍‌ଜି, ଯିହୁଦା ଜିଲ୍ଲାତାକେ ମାନି ପାର୍ତିକିନି ଟଣ୍ଡାରିଙ୍ଗ୍ ସାଇଜ ପକ୍ତେଙ୍ଗ୍ ଇଚାକିତାର୍।

ପକ୍ୟାତାକା 24:17

ଆନେଙ୍ଗ୍ କେତେକ୍ ବାର୍ହୁ ପାଚେ ନା ଜାତିନି ଗରିବ୍ ଲକାଙ୍ଗ୍ ଦାନ୍ ହିଦେଙ୍ଗ୍, ଆରେ ଈଶ୍ୱରତାକେ ପୁଜା କିଦେଙ୍ଗ୍ ଯିରୁଶାଲାମ ସହର୍‌ତାକେ ୱାଜି ମାଚାଙ୍ଗ୍।

୨ କରନ୍ତିୟ 8:12

ଏପେଙ୍ଗ୍ ଆଡ୍‌ୱି ଏଚେକ୍ ଦାନ୍ ହିୱାଦାଙ୍ଗ୍, ଜାର୍ ଇଚାତାଙ୍ଗ୍ ଏଚେକ୍ ହିଦେଙ୍ଗ୍ ଆଡ୍‌ନାଦେର୍ ହେ ଏଚେକ୍ ଦାନ୍ ହିୟାଟ୍, ହେଦାଙ୍ଗ୍ ଈଶ୍ୱର ଆହ୍‌ନାନ୍।

ଏପିସିୟ 4:28

ଚର୍ କାମାୟ୍ କିନାକାନ୍ ଆରେ ଚର୍ କାମାୟ୍ କିମେନ୍, ମାତର୍ ହେୱାନ୍ ନିଜେ କେଇଦାଙ୍ଗ୍ କାମାୟ୍ କିୟେନ୍। ଲାଗିଙ୍ଗ୍ ହେୱାନ୍ ଅବାବ୍ ମାନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଆଡ୍‌ନାନ୍।

ତୀତସ 1:15

ହାର୍ଦି ମାନାୟାର୍ କାଜିଙ୍ଗ୍ ୱିଜୁ ବିଷୟ ନେ ହାର୍। ମାତର୍ କରାପ୍ ଆରେ ପାର୍ତିକିୱି ମାନାୟାର୍ କାଜିଙ୍ଗ୍ ଇମ୍‌ଣି ବିଷୟ ପା ହାର୍ ଆକାୟ୍। ଇନେସ୍‌କି ହେୱାର୍ ମାନ୍ ଆରେ ବୁଜାଆନି ଶାକ୍ତି ଇ ରିଣ୍ଡାଙ୍ଗ୍ ନେ କରାପ୍।

ଏବ୍ରି 13:16

ହାର୍ଦି କାମାୟ୍ କିନାସ୍ ଆରେ ନାସ୍‌କିନି ମାନାୟାରିଙ୍ଗ୍ ଦାନ୍ କିନାକା ଏପେଙ୍ଗ୍ ବାଣା ଆମାଟ୍। ଇନେସ୍‌କି ଇଲେକେ ବିଲିପୁଜାତିଙ୍ଗ୍ ଈଶ୍ୱର ବେସି ୱାରି ଆନାନ୍।

ଏବ୍ରି 6:10

ଈଶ୍ୱର ନ୍ୟାୟ୍ ବିଚାର୍ କିନାକାନ୍। ଏପେଙ୍ଗ୍ କିଜିମାଚି କାମାୟ୍ ଆରେ ହେୱାନିଙ୍ଗ୍ ଲାଡ୍‌କିଜି ଜେକନିକାନିଙ୍ଗ୍ ସାଇଜ କିଜିମାଚି କାମାୟ୍‌ତିଙ୍ଗ୍, ହେୱାନ୍ ବାଣାଆଉନ୍। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ପାତେକ୍ ହେୱାରିଙ୍ଗ୍ ସାଇଜ କିନାଦେରା ଇଞ୍ଜି ହେୱାନ୍ ମାନ୍ତ ଏତୁ କିଦ୍‌ନାନ୍।

ଜାକ୍‌ବ 1:27

ଟୁରା ହିମ୍‌ଣା ଆରେ ରାଣ୍ଡି କଗ୍‍ଲେକାଙ୍ଗ୍ ଜାତୁନ୍ କିଦେଙ୍ଗ୍ ଆରେ ପୁର୍ତିନି କରାପ୍ କାମାୟ୍‌ତାଙ୍ଗ୍ ମାନ୍‌ୱାଦାଙ୍ଗ୍ ଜାର୍‌ତିଙ୍ଗ୍ କରାପ୍ ଆଜି ମାନ୍‌ଗୁନ୍, ହେଦାଙ୍ଗ୍ ନେ ମା ଆବା ଈଶ୍ୱର ମୁମ୍‌ଦ ନିର୍ମଲ୍ ଆରେ ଟିକ୍‌ଟାକ୍ ଦରମ୍ ଜିବୁନ୍।