ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:34 - New Testament in Pengo Parja Language

³⁴ ମି କାଣ୍‌କୁ ଗାଗାଡ଼୍‌ନି ବଇଟାଲେକେ। ଲାଗିଙ୍ଗ୍ ମି କାଣ୍‌କୁ ଇନାୱେଡ଼ାଙ୍ଗ୍ ହାର୍ ମାଚିସ୍, ଲାଗିଙ୍ଗ୍ ମି ୱିଜୁ ଗାଗାଡ଼୍‍ମୁଡ଼ି ପା ହାର୍ ମାନ୍‌ଗାନାତ୍। ଯଦି ମି କାଣ୍‌କୁ କରାପ୍ ମାଚିସ୍ ମି ୱିଜୁ ଗାଗାଡ଼୍‍ମୁଡ଼ି ପା କରାପ୍ ମାନ୍‌ଗାନାତ୍।

ସତ୍‌ ବଚନ୍‌ ପୁନି ନିୟମ୍‌

³⁴ ମି କାଣ୍‌କୁ ଗାଗାଡ଼୍‌ନି ଅଜଡ଼୍‌ । ଏଚେକାଡ଼୍‌ଦ ମି କାଣ୍‌କୁ ଅଣ୍ଡାଙ୍ଗ୍‌ ମାଚିସ୍‌, ହେପାଦ୍‌ନା ମି ୱିଜ଼ୁ ଗାଗାଡ଼୍‌ ପା ଅଜଡ଼୍‌ ଲାକେ ଆନାତ୍‌; ମାତର୍‌ ଏଚେକାଡ଼୍‌ଦ ହେଦାଂ ବାନ୍ୟା ମାନାତ୍‌, ହେପାଦ୍‌ନା ମି ଗାଗାଡ଼୍‌ ପା ମାଜ୍‌ଗା ଆନାତ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:34 ပူးပေါင်းရင်းမြစ်များ

ମାର୍କ 4:12

ଦରମ୍ ସାସ୍ତର୍‌ତାକେ ଇନେସ୍ ଲେକେ ଲେକା ମାନାତ୍, ହେୱାର୍ ହୁଡ଼୍‌ନାର୍ ମାତର୍ ପୁନୁର୍, ଆରେ ୱେନାର୍ ମାତର୍ ବୁଜା ଆଉର୍। ଯଦି ହେୱାର୍ ବୁଜାଆତାର୍‍ମା ଈଶ୍ୱରତାକେ ୱାତାର୍‌ମା ଆରେ ହେୱାରିଙ୍ଗ୍ ଈଶ୍ୱର ପାପ୍ କେମା କିତାନ୍‍ମା।”

ମାର୍କ 7:22

ଦାରି, ଚର୍, ମାନାୟ୍ ଅହ୍ନାକା, ଦାରି, ଲବ୍ରା, ଚାପ୍‌କାର୍, ମିଚ୍‌ୱା, ଦାରି ଚିନ୍ତା, କାଣ୍‌କୁ ପକାୟ୍ କିନାକା, ନିନ୍ଦା, ଆକାର୍, ମୁର୍କ।

ମାର୍କ 8:18

ମିଙ୍ଗେଙ୍ଗ୍ କାଣ୍‌କୁ ଆରେ କିତୁଲ୍ ମାନିକ୍, ମାତର୍ ଏପେଙ୍ଗ୍ କାଣ୍‌କୁ ମାନ୍‌ଞ୍ଜି ହୁଡ଼୍‌ଦେଙ୍ଗ୍ ଆଡୁଦେରା, କିତୁଲ୍ ମାନ୍‌ଞ୍ଜି ୱେଞ୍ଜେଙ୍ଗ୍ ଆଡୁଦେରା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଏତ୍‌କିଦେଙ୍ଗ୍ ଆଡୁଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:35

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ସାବ୍‌ଦାନ୍ ଆଜି ମାନାଟ୍, ଇନେସ୍‌କି ଆନେଙ୍ଗ୍ ୱେଚ୍‌ଚିତି କାତା ୱିଜୁ ମାନି କିଦେଙ୍ଗ୍ ଆଡ୍‌ନାଦେର୍।

ପକ୍ୟାତାକା 13:11

ହୁଡ଼ା, ନିଙ୍ଗେଙ୍ଗ୍ ନଙ୍ଗୟ୍ ମାପୃ ଦଣ୍ଡ୍ ହିଦ୍‌ନାନ୍। ଏନେଙ୍ଗ୍ କାଣା ଆଜି କେତେକ୍ ସମୟ୍ ପାତେକ୍ ୱେଡ଼ା ହୁଡ଼୍‌ଦେଙ୍ଗ୍ ଆଡୁୟ୍।” ହେଦାପ୍ରେ ଗୁପ୍‌ଟା ଆରେ ମାଜ୍‌ଗା ୱେଡ଼ାତିଙ୍ଗ୍ ଡାବାଇ କିତାତ୍, ଲାଗିଙ୍ଗ୍ ହେୱାନିଙ୍ଗ୍ କେଇଦ ଆସ୍ତି ହାଜି ଚଚ୍‌ଚେଙ୍ଗ୍ ହେୱାନ୍ ଇନି ଆନି ଟାମ୍‌ଡା ଆଜି ମାନାୟ୍‌ତିଙ୍ଗ୍ ଦାସ୍ତେଙ୍ଗ୍ ଲାଗାତାନ୍।

ପକ୍ୟାତାକା 2:46

ଆରେ ହେୱାର୍ ର ମାନ୍‌ଆଜି ୱିଜୁଦିନ୍ ଈଶ୍ୱର ମାନି ମନ୍ଦିର୍‌ତାକେ ମେହାଆଜି ମାଚାର୍। ଆରେ ଇଞ୍ଜ-ଇଞ୍ଜ ରୁଟି ଡିକ୍‌ଚି ୱାରିତାଙ୍ଗ୍ ଆରେ ଶାନ୍ତିତାଙ୍ଗ୍ ତିନ୍‌ଞ୍ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ମାଚାର୍।

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 11:3

ମାତର୍ ପାର୍ତୁମ୍ କଗ୍‌ଲେଙ୍ଗ୍ ହବାଙ୍ଗ୍ ଶୟ୍‌ତାନ୍ ରାଚ୍ ହେଲେକେ ଆଜି ଟକାୟ୍ କିତାତ୍। ହେଲେକେ ଶୟ୍‌ତାନ୍ ମିଚ୍ ହିକ୍ଷାହିନି ମାନାୟାର୍‌ଲେକେ ଆଜି ମିଙ୍ଗେଙ୍ଗ୍ ପା ଚାଲାକି କିଜି ଟକାୟ୍ କିଦ୍‌ନାତ୍ ଆରେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ହେବା କିନାକା ବନ୍ଦ୍ କିନାଦେର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା।

୨ କରନ୍ତିୟ 4:4

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍‌ତିଙ୍ଗ୍ ପାର୍ତିକିୱି ମାନାୟାରିଙ୍ଗ୍ ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍, ତା ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା ଆରେ ବୁଜା ଆଦେଙ୍ଗ୍ ହିଉତା। ଲାଗିଙ୍ଗ୍ ଈଶ୍ୱରଲେକେ ଚଞ୍ଜ୍‌ନି ଖ୍ରୀଷ୍ଟ ଯୀଶୁ ବିଷୟନି ହାର୍ଦିକାବୁର୍ ଆରେ ତା ଗୌରବତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ଏପିସିୟ 1:17

ଆନେଙ୍ଗ୍ ଇଦାଙ୍ଗ୍ ପା ପାର୍ତାନା କିନାଙ୍ଗ୍ ଯେ ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟନି ଗୌରବମାନି ଆବା ମିଙ୍ଗେଙ୍ଗ୍ ଜ୍ଞାନ୍ ଆରେ ବୁଦି ହିଦେନ୍, ଲାଗିଙ୍ଗ୍ ଏପେଙ୍ଗ୍ ହେୱାନିଙ୍ଗ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

ଏପିସିୟ 6:5

ଏ ଦାସ୍ କାଦେର୍, ଏପେଙ୍ଗ୍ ଇନେସ୍ ଖ୍ରୀଷ୍ଟ କାତାତିଙ୍ଗ୍ ମାନିକିଜି ମାନାଦେରା, ହେଲେକେ ଏପେଙ୍ଗ୍ ସନ୍‌ମାନ୍ ଆରେ ସାଦୁ ଆଜି ଜାର୍‌ତିଙ୍ଗ୍ ପାଣ୍ଡ୍ରାଆଜି ଆରେ ଗାଗାଡ଼୍‌ନି ହାର୍ଦି ମାନ୍‌ତାଙ୍ଗ୍ ମି ମାଲିକାର୍ କାତା ମାନିକିଜି ମାନାଟ୍।

କଲସିୟ 3:22

ଏ ଦାସ୍ ମାନାୟ୍ କାଦେର୍ ହେୱାନ୍ ମାନିହିଙ୍ଗ୍ ନେ କାମାୟ୍ କିମାଟ୍, ମାତର୍ ହେୱାନ୍ ହିଲ୍‌ୱିହିଙ୍ଗ୍ ପା କାମାୟ୍ କିୟାଟ୍। ଏପେଙ୍ଗ୍ ମାପୃଙ୍ଗ୍ ପାଣ୍ଡ୍ରାଆନି କାଜିଙ୍ଗ୍ ୱିଜୁଦିନ୍ ହେୱାରିଙ୍ଗ୍ ୱାରି ଆତିଲେକେ କାମାୟ୍ କିଜି ହାର୍ଦି ମାନ୍‌ତାଙ୍ଗ୍ କିୟାଟ୍।