ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:18 - New Testament in Pengo Parja Language

¹⁸ ଇଦାଙ୍ଗ୍ ୱେନ୍‌ଞ୍ଜି ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଶୟତାନ୍‌ତିଙ୍ଗ୍ ଆରାୟ୍‌କିଜି ସରଗ୍‌ତାଙ୍ଗ୍ ବିଜ୍‌ଲି ଲେକେ ଆଜି ଆର୍ଦାନାକା ହୁଡ଼୍‌ତାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹⁸ ମାତର୍‌ ଜିସୁ ହେୱାରିଂ ଇଚାନ୍‌, “ବିଜ୍‌ଲି ଲାକେ ସାର୍ଗେତାଂ ସୟ୍‌ତାନ୍‌ତିଂ ଆର୍ଦାନାକା ଆନ୍‌ ହୁଡ଼୍‌ଜି ମାଚାଙ୍ଗ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:18 ပူးပေါင်းရင်းမြစ်များ

ମାତିଉ 4:10

ହେବେ ଯୀଶୁ ତାଙ୍ଗେଙ୍ଗ୍ ୱେଚ୍‌ଚାନ୍, “ନାବେତାଙ୍ଗ୍ ଦେହା ଆ ଶୟତାନ, ‘ଲାଗିଙ୍ଗ୍ ଈଶ୍ୱର ସାସ୍ତର୍‌ତାକେ ଲେକା ମାନାତ୍, ଏପେଙ୍ଗ୍ ଜାର୍ ମାପୃତିଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାଦେର୍, ଆରେ ହେୱାନିଙ୍ଗ୍‌ନେ ହେବା କିନାଦେର୍।’ ”

ଜହନ୍‌ 12:31

ନଙ୍ଗୟ୍ ଇ ପୁର୍ତିତିଙ୍ଗ୍ ବିଚାର୍‌କିନି ଦିନ୍ ଏକିୱାତାତ୍, ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍‌ତିଙ୍ଗ୍ ବାର୍ତ ତୁସିହିନି ଦିନ୍ ୱାତାତ୍।

ଜହନ୍‌ 16:11

ନ୍ୟାୟ୍ ବିଚାର୍ ବିଷୟରେ ପୁର୍ତିତିଙ୍ଗ୍ ଚଚ୍‍ନାନ୍, ଇନେସ୍‌କି ପୁର୍ତିନି ସାସନ୍ କିନି ଶୟତାନ୍ ବିଚାର୍ ଆତାନେ।

ଏବ୍ରି 2:14

ଇନେସ୍‌କି ଈଶ୍ୱର ହିମ୍‌ଣାର୍ ନେତେର୍ ଆରେ ଜେଇନି ମାନାୟାର୍, ଲାଗିଙ୍ଗ୍ ଯୀଶୁ ପା ନିଜେ ମାନାୟ୍ ରୁପ୍ ଆଜି ଜନମ୍ ଆଜି ନେତେର୍ ଜେଇନି ମାନାୟ୍ ଆତାନ୍। ଇନେସ୍‌କି ହେୱାନ୍ ମାନାୟ୍ ରୁପ୍ ଆତି କାଜିଙ୍ଗ୍ ନେ ହାଃଦେଙ୍ଗ୍ ଆଡ଼୍‌ତାନ୍, ଆରେ ହାଃତି କାଜିଙ୍ଗ୍ ନେ ହେୱାନ୍ ହାଃନିଲେକେ ମାନି ଆଦିକାର୍‌ନି ଶାକ୍ତି ଇଡ଼୍‌ଜି ମାଚି ଶୟତାନନି ଶାକ୍ତିତିଙ୍ଗ୍ ବିନାସ୍ କିଦେଙ୍ଗ୍ ଆଡ଼୍‌ତାନ୍।

୧ ଯୋହନ 3:8

ଇନେର୍ ପାପ୍ କାମାୟ୍ କିଜି ମାନାନ୍, ହେୱାନ୍ ଶୟତାନ ମେହି, ଇନେସ୍‌କି ଶୟତାନ ଆରମ୍‌ତାଙ୍ଗ୍ ପାପ୍ କାମାୟ୍ କିତାତ୍‌ନା। ମାତର୍ ଶୟତାନ କିତି କାମାୟ୍‌ତିଙ୍ଗ୍ ସେସ୍ କିଦେଙ୍ଗ୍ ଈଶ୍ୱର ମେହି ଯୀଶୁ ଖ୍ରୀଷ୍ଟ ପୁର୍ତିତାକେ ୱାତାନ୍।

ହତ୍‌ତି 20:2

ହେ ଦୁତ୍ ହେ ଗାଜା ରାଚ୍ ଇନେର୍‌କି ଗାଜା ଶୟତାନ, ତାଙ୍ଗେଙ୍ଗ୍ ଲୱା ହିକ୍‌ଡ଼ିଙ୍ଗ୍ ହୁଦାଙ୍ଗ୍ ଗାଚ୍‌ଚି ହାଜାର୍ ବାର୍ହୁ କାଜିଙ୍ଗ୍ ପାତାଳ୍‌ କୁଣ୍ଡ୍‌ତାକେ ତୁସିହିତାନ୍‌।

ହତ୍‌ତି 9:1

ତାପାଚେ ଏଚେପାଦ୍ନା ପାଞ୍ଚ୍ ନମ୍ବର୍ ଦୁତ୍ ମରି ତୁପ୍‌ତାତ୍, ହେପାଦ୍ନା ଆନେଙ୍ଗ୍ ହୁଡ଼୍‌ତାଙ୍ଗ୍ ଯେ, ବାଦାଡ଼୍‌ତାଙ୍ଗ୍ ପୁର୍ତିତାକେ ର ହୁକା ଆର୍‌ଦାତାତ୍‌। ତାଙ୍ଗେଙ୍ଗ୍ ପାତାଳ୍‌ନି କୁଚିକାଡିଙ୍ଗ୍ ହିଜିମାଚାନ୍।