ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:68 - New Testament in Pengo Parja Language

⁶⁸ “ଇସ୍ରାଏଲନି ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍, ଇନେସ୍‌କି ହେୱାନ୍ ତା ମାନାୟାରିଙ୍ଗ୍ ହୁଡ଼୍‌ଦେଙ୍ଗ୍ ଆରେ ରକ୍ଷା କିଦେଙ୍ଗ୍ ୱାତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

⁶⁸ ଦନ୍ୟ ମାପ୍ରୁ, “ଇସ୍ରାଏଲ୍‌ନି ଇସ୍ୱର୍‌ ମାପ୍ରୁଙ୍ଗ୍‌,” ଇନାକିଦେଂକି ନିଜାର୍‌ ଲଗାଂ ଦୟା ହୁଡ଼୍‌ଜି ହେୱାନ୍‌ ମୁକ୍ତି କିତାନ୍‌ନ୍ନା;

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:68 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:71

ମାଙ୍ଗେଙ୍ଗ୍ ମା ଶାତ୍ରୁତାଙ୍ଗ୍ ଉଦାର୍ କିଦ୍‌ଦେଙ୍ଗ୍ ରକାନିଙ୍ଗ୍ ସାକ୍ତିକାଟି ଖ୍ରୀଷ୍ଟଙ୍ଗ୍‌ ମା ଲାଗାୟ୍ ପକ୍ତାତାନ୍‌ନା। ମାଙ୍ଗେଙ୍ଗ୍ ଗିଣ୍ କିଦ୍‌ନି ମାନାୟାର୍‌ତାଙ୍ଗ୍ ହେୱାନ୍ ଉଦାର୍ କିଦ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:44

ମି ଶତ୍ରୁର୍‌ ମିଙ୍ଗେଙ୍ଗ୍ ପୁରା ନଷ୍ଟ କିଦ୍‌ନାର୍। ମି ସହର୍‌ତାକେ ମାନି ୱିଜାକାରିଙ୍ଗ୍ ମାର୍ନେ ଅହ୍‌ନାର୍। ଆରେ ମି ଇଲ୍‌ଗାଣ୍‌ତିଙ୍ଗ୍ ବାଡ଼୍‌ହାଇ କିଜି ନଷ୍ଟ କିନାର୍। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ରକ୍ଷା କିଦ୍‌ଦେଙ୍ଗ୍ ୱାଜିମାଚି ସମୟତିଙ୍ଗ୍ ପୁନ୍‌ୱାତାଦେର୍‌।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:38

ଶିମିୟନ୍ ଯୀଶୁ ବଷୟରେ ୱେଚ୍‌ଚି ପାଚେ ହାନ୍ନା ଯୋଷେପ ଆରେ ମରିୟମ ଲାଗାୟ୍ ଏକାତାତ୍। ହେଦେଲ୍ ପା ହେ ହିମ୍‌ଣାତିଙ୍ଗ୍ ହୁଡ଼୍‌ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିତାତ୍। ଇମ୍‌ଣାକାର୍ ଇସ୍ରାଏଲ ଜାତିରିଙ୍ଗ୍ ଈଶ୍ୱର ରକ୍ଷା କିଦ୍‌ନାନ୍ ଇଞ୍ଜି ଆହାକିଜି କାସି ମାଚାର୍, ହେୱାରିଙ୍ଗ୍ ହାନ୍ନା ହେ ହିମ୍‌ଣା ଯୀଶୁ ବିଷୟରେ ୱେଚ୍‌ଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:21

ମାତର୍ ଆପେଙ୍ଗ୍ ଆହାକିଜି ମାଚାପ୍ ଯେ ହେୱାନ୍‌ନେ ଇସ୍ରାଏଲ ଜାତିନି ମାନାୟାରିଙ୍ଗ୍ ରମିୟ ସରକାର୍‌ତାଙ୍ଗ୍ ରକ୍ଷା କିନାନ୍! ନଙ୍ଗୟ୍ ଯୀଶୁଙ୍ଗ୍ ମାର୍ନେ ଅସ୍ତି ତିନ୍‌ଦିନ୍ ଆତାତେ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:16

ହେବେ ମାଚି ୱିଜାକାର୍ ଚାନିଆ ଆତାର୍‌। ଆରେ ହେୱାର୍ ଈଶ୍ୱରତିଙ୍ଗ୍ ଜୟ୍-ଜୟକିଜି ହେୱାର୍ ୱେଚ୍‌ଚାର୍, “ଇୱାନ୍ ଗାଜା ଭବିଷ୍ଯତବକ୍ତା ମା ଲାଗାୟ୍ ୱାତାନ୍‌ନା। ଆରେ ଈଶ୍ୱର ତା ଲକ୍‌ବାକ୍‌ତିଙ୍ଗ୍ ସାଇଜ କିଦେଙ୍ଗ୍ ୱାତାନ୍‌ନା।”

ଏପିସିୟ 1:3

ମା ମାପୃ ଯୀଶୁ ଖ୍ରୀଷ୍ଟନି ଈଶ୍ୱର ଆରେ ଆବାତିଙ୍ଗ୍ ଜୟ୍-ଜୟ୍ କିୟାଟ୍। ଖ୍ରୀଷ୍ଟତାକେ ଆସେଙ୍ଗ୍ ରବେଆଜି ମାଚିଲେ, ଈଶ୍ୱର ମାଙ୍ଗେଙ୍ଗ୍ ସରଗ୍‌ନି ୱିଜୁ ଆଶ୍ରିବାଦ୍‌ତାକେ ଆଶ୍ରିବାଦ୍ କିତ୍‌ତାନ୍‌ନା।

ଏପିସିୟ 1:7

ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍‌ନି ଅର୍‌ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍‌ତାନ୍‌ନା।

ଏବ୍ରି 9:12

ହେୱାନ୍ ମେଣ୍ଢା କି ଅଡା ନେତେର୍ ଆସ୍ତି ସରଗ୍‌ତାକେ ମାନି କୁଡ଼ିଆନି ବେସି ପବିତ୍ର ବାହାତାକେ ହାଲ୍‌ୱାତାନ୍‌ନା, ମାତର୍ ହେୱାନ୍ ତା ଜାର୍ ନେତେର୍ ଆସ୍ତି ୱିଜୁଦିନ୍ କାଜିଙ୍ଗ୍ ରଗ ହାଚାନ୍‌ନା। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ମୁକ୍ତି ପାୟାଆତାସ୍‌ନା।

୧ ପିତର 1:3

ମା ମାପୃ ଯୀଶୁ ଖ୍ରୀଷ୍ଟ ଆବା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍, ଈଶ୍ୱର ମାଙ୍ଗେଙ୍ଗ୍ ବେସି ଦୟାକିଜି ମାନ୍‌ଞ୍ଚି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍। ଇନେସ୍‌କି ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ଚି ମାଚାନ୍, ଆରେ ହେୱାନ୍ ମାଙ୍ଗେଙ୍ଗ୍ ସାହାସ୍ ହୁଦାଙ୍ଗ୍ ଜିନି କାଜିଙ୍ଗ୍ ସାଇଜ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହେୱାନ୍ କିଜିମାଚି ପାର୍ମାଣ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ ଆହା କିନାପା।