ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:59 - New Testament in Pengo Parja Language

⁵⁹ ଏଚେପାଦ୍ନା ହିମ୍‌ଣା ଜନମ୍ ଆଜି ଆଟ୍‌ଦିନ୍ ଆତାତ୍, ହେପାଦ୍ନା ମାନାୟାର୍ ଯିହୁଦିର୍ ବିଦିତାଙ୍ଗ୍ ହେ ହିମ୍‌ଣାକାଙ୍ଗ୍ ସୁନତ କିଦେଙ୍ଗ୍ ୱାତାର୍। ଆରେ ହେୱାର୍ ତାଞ୍ଜିବା ତର୍‌ ହିସାବ୍‌ରେ ହେ ହିମ୍‌ଣାତିଙ୍ଗ୍ ପା ଜିକରିୟ ତର୍‌ ହିଦେଙ୍ଗ୍ ଇଚାକିତାର୍।

ସତ୍‌ ବଚନ୍‌ ପୁନି ନିୟମ୍‌

⁵⁹ ଆଟ୍‌ ଦିନ୍‌ତାଂ ହେୱାର୍‌ ହିମ୍‌ଣାତିଂ ସୁନ୍ନତ୍‌ କିଦେଙ୍ଗ୍‌ ୱାତାର୍‍ ଆରି ତା ଲାତ୍ରାହି ତର୍‌ ଲାକେ ହେ ତର୍‌ ଜିକରିୟ ଇଡ୍‌ଦେଂ ମାନ୍‌କିତାର୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:59 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:21

ହିମ୍‌ଣା ଆଟ୍‌ଦିନ୍ ଆତିଲେ ହେ ହିମ୍‌ଣାତିଙ୍ଗ୍ ଯିହୁଦି ଦରମ୍‌ନି ସୁନତ ବିଦିତାଙ୍ଗ୍ ସୁନତ କିତାର୍। ଆରେ ତା ତର୍‌ ଯୀଶୁ ହିତାର୍। ହେ ହିମ୍‌ଣା ପଟବତ୍ରେ ମାନ୍‌ୱାଦାଙ୍ଗ୍ ନେ ସରଗ୍‌ଦୁତ୍ ହେୱାନିଙ୍ଗ୍ ଇ ତର୍‌ ହିଦେଙ୍ଗ୍ ୱେଚ୍‌ଚି ମାଚାତ୍।

ପକ୍ୟାତାକା 7:8

ଈଶ୍ୱର ଅବ୍ରାହାମତିଙ୍ଗ୍ ପାର୍ମାଣ୍‌କିତି ସୁନତ କିନି ବିଦିନି ନିୟମ୍ ହିତାନ୍। ପାଚେ ଏଚେପାଦ୍ନା ଅବ୍ରାହାମ ଇସାକତିଙ୍ଗ୍ ଜନମ୍ ହିତାନ୍, ଆରେ ହେୱାନ୍ ତା ମେହି ଇସାକତିଙ୍ଗ୍ ଆଟ୍‌ଦିନ୍‌ତ ସୁନତ କିତାନ୍। ହେଲେକେ ଇସାକ ଯାକୁବଙ୍ଗ୍ ସୁନତ କିତାନ୍, ଆରେ ଯାକୁବ ତା ବାରଜାଣ୍ ମେହିରିଙ୍ଗ୍ ସୁନତ କିତାନ୍। ହେୱାର୍ ମା ବାରଗଟା ଗଷ୍ଟିନି ଆକଦାଦିର୍।

ପିଲିପିୟ 3:5

ଆନେଙ୍ଗ୍ ଜନମ୍ ଆଜି ଆଡ଼୍‌ଦିନ୍‌ତ ସୁନତ ବିଦି କିତାଙ୍ଗ୍‌ନା। ଆନେଙ୍ଗ୍ ରକାଙ୍ଗ୍ ଇସ୍ରାଏଲ ଜାତିନି ମାନାୟ୍। ଆନେଙ୍ଗ୍ ବିନ୍ଯାମିନ ଲାତ୍ରା ନିକାଙ୍ଗ୍, ଆରେ ନା ଆୟାଆବା ଏବ୍ରୀ ଜାତିନି ମାନାୟ୍ ମାଚାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପା ରକାଙ୍ଗ୍ ଏବ୍ରୀ ମାନାୟ୍। ଆରେ ଆନେଙ୍ଗ୍ ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିନି ର ପାରୁସିଦଳ୍‍ନି ମାନାୟ୍ ମାଚାଙ୍ଗ୍।