ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:33 - New Testament in Pengo Parja Language

³³ ହେୱାନ୍ ଯାକୁବ ଲାତ୍ରାତିଙ୍ଗ୍ ଯୁଗ୍-ଯୁଗ୍ ରାଜାଆଜି ସାସନ୍ କିନାନ୍। ଆରେ ତା ସାସନ୍ କିନି ରାଜି ଇନାୱେଡ଼ାଙ୍ଗ୍ ପା ୱିଜୁତ୍।”

ସତ୍‌ ବଚନ୍‌ ପୁନି ନିୟମ୍‌

³³ ହେୱାନ୍‌ ଜାକୁବ୍‌ ଲାତ୍ରା ଜପି ଜୁଗ୍‌ ଜୁଗ୍‌ ରାଜି କିନାନ୍‌ ଆରି ହେୱାନ୍‌ ରାଜିତ ୱିଜ଼ୁତ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:33 ပူးပေါင်းရင်းမြစ်များ

ମାତିଉ 1:1

ଯୀଶୁ ଖ୍ରୀଷ୍ଟ ଦାଉଦ ରାଜା ଆରେ ଅବ୍ରାହାମ୍‌ ଲାତ୍ରାନିକାନ୍ ମାଚାନ୍। ଯୀଶୁନି ଆକଦାଦିର୍‌ନି ଲାତ୍ରା ଲେକେ:

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:34

ମରିୟମ ସରଗ୍ ଦୁତ୍‌ତିଙ୍ଗ୍ ୱେନ୍‌ବାତାତ୍, “ଇଦାଙ୍ଗ୍ ଇନେସ୍ କିଜି ଗଟାଆନାତ୍? ଆନେଙ୍ଗ୍ ତ ରଞ୍ଜେଲ୍ ଜୁବା ଗାଡ଼୍‌ଚେ।”

ରୋମିୟ 9:6

ଆନେଙ୍ଗ୍ ୱେଚ୍‌ଚୁଙ୍ଗା ଯେ, ଇସ୍ରାଏଲନି ମାନାୟାରିଙ୍ଗ୍ ଈଶ୍ୱର ହିତି ପାର୍ମାଣ୍ ପୁରା କିଦେଙ୍ଗ୍ ଆଡ୍‌ୱାତାତ୍, ଇନେସ୍‌କି ୱିଜାର୍ ମାନାୟାର୍ ଯିହୁଦି ଜାତିନି କୁଟୁମ୍‌ତାକେ ଜନମ୍ ଆଜି ମାଚିସ୍ ପା ସତ୍ ଯିହୁଦି ଆକାୟ୍।

ଗାଲାତିୟ 3:29

ଏପେଙ୍ଗ୍ ନଙ୍ଗୟ୍ ଖ୍ରୀଷ୍ଟନି ମାନାୟ୍ କାଦେର୍, ଆରେ ଏପେଙ୍ଗ୍ ହାତ୍‌ପା ଅବ୍ରାହାମନି ମେହି କାଦେର୍। ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ପାର୍ମାଣ୍‌ନି ଆଶ୍ରିବାଦ୍‌ତାଙ୍ଗ୍ ଏପେଙ୍ଗ୍ ତା ଅଦିକାର୍ ଆତାଦେର୍।

ଗାଲାତିୟ 6:16

ଆରେ ଏଚେଜାଣ୍ ଇ ନିୟମ୍ ଅନ୍‌ସାରେ ବ୍ଯବହାର୍ କିନାର୍, ଈଶ୍ୱର ସତ୍ ଇସ୍ରାଏଲ ମାନାୟାରିଙ୍ଗ୍ ତା ଶାନ୍ତି ଆରେ ଦୟା ହିନାନ୍, ଆରେ ହେୱାର୍ ଈଶ୍ୱରତି ପୁନି ମାନାୟ୍ ଆନାର୍।

ପିଲିପିୟ 3:3

ଇନେସ୍‌କି ଆପେଙ୍ଗ୍ ଟିକ୍ ସୁନତ ବିଦି ପାୟାଆତାସ୍‌ନା। ଆପେଙ୍ଗ୍ ଈଶ୍ୱର ଆତ୍ମାତାଙ୍ଗ୍ ଈଶ୍ୱରତିଙ୍ଗ୍ ପୁଜା କିନାପା। ମାନାୟ୍ କିତି ଉପାଇତିଙ୍ଗ୍ ଆପେଙ୍ଗ୍ ଆହା କିୱାଦାଙ୍ଗ୍ ଯୀଶୁ ଖ୍ରୀଷ୍ଟତାକେ ଆହା କିନାପା।

ଏବ୍ରି 1:8

ଲାଗିଙ୍ଗ୍ ଈଶ୍ୱର ହିମ୍‌ଣା ବିଷୟରେ ଇଦାଙ୍ଗ୍ ୱେଚ୍‌ନାନ୍, “ଏ ଈଶ୍ୱର, ଏନେଙ୍ଗ୍ ରାଜାଆଜି ୱିଜୁଦିନ୍ ସାସନ୍ କିନାୟ୍, ଆରେ ଏନେଙ୍ଗ୍ ନ୍ୟାୟ୍‌ତାଙ୍ଗ୍ ସାସନ୍ କିନାୟ୍।”

ହତ୍‌ତି 11:15

ତାପାଚେ ଏଚେପାଦ୍ନା ସାତ୍ ନମ୍ବର୍ ଦୁତ୍ ମରି ତୁପ୍‌ତାତ୍, ଆରେ ସରଗ୍‌ତାକେ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍। “ୱିଜୁ ପୁର୍ତିତିଙ୍ଗ୍ ମା ମାପୃ ଈଶ୍ୱର ସାସନ୍ କିଦେଙ୍ଗ୍ ରାଜି ଆତାନ୍ ଆରେ ତା ଖ୍ରୀଷ୍ଟଙ୍ଗ୍ ଅଦିକାର୍ ହିତାନ୍, ଆରେ ହେୱାନ୍ ଯୁଗ୍-ଯୁଗ୍ ପାତେକ୍ ସାସନ୍ କିନାନ୍।”