ଜହନ୍‌ 9:31 - New Testament in Pengo Parja Language

³¹ ଆସେଙ୍ଗ୍ ୱିଜାକାସ୍ ପୁନାସ୍, ଈଶ୍ୱର ପାପି ନିକାର୍ କାତା ୱେନୁନ୍। ମାତର୍ ଇମ୍‌ଣାକାନ୍ ଈଶ୍ୱରତିଙ୍ଗ୍ ପୁଜା କିନାନ୍ ଆରେ ତା କାତାତିଙ୍ଗ୍ ମାନି କିନାନ୍ ଈଶ୍ୱର ତା କାତା ୱେନାନ୍।

ସତ୍‌ ବଚନ୍‌ ପୁନି ନିୟମ୍‌

³¹ ଇସ୍ୱର୍‌ ଜେ ପାପିର୍‌ କାତା ୱେନୁନ୍, ଇଦାଂ ଆପେଂ ପୁନାପ୍‌, ମାତର୍‌ ଜଦି ଇନେର୍‌ ଇସ୍ୱର୍‌ ହେବା କିନାକାନ୍‌ ଆଜ଼ି ତା ଇଚା ମାନି କିନାନ୍‌, ତା ଆତିସ୍‌ ହେୱାନ୍‌ ତା କାତା ୱେନାର୍‌ ।

ଜହନ୍‌ 9:31 ပူးပေါင်းရင်းမြစ်များ

ଜହନ୍‌ 11:22

ମାତର୍ ନଙ୍ଗୟ୍ ପା ଆନେଙ୍ଗ୍ ପୁନାଙ୍ଗ୍ ଯେ, ଏନେଙ୍ଗ୍ ଇନାକା ଏନ୍‌ନାଇ, ଈଶ୍ୱର ହେଦାଙ୍ଗ୍ ନିଙ୍ଗେଙ୍ଗ୍ ହିଦ୍‌ନାନ୍।”

ଜହନ୍‌ 15:16

ଏପେଙ୍ଗ୍ ନାଙ୍ଗେଙ୍ଗ୍ ବାଚି କିଦ୍‌ୱାତାଦେର୍‌ନା, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା। ଆରେ ଏପେଙ୍ଗ୍ ଇନେସ୍‌କି ପାଡ଼୍‌ ଆସ୍ତେଙ୍ଗ୍ ଆଡ୍‌ନାଦେର୍, ମି ପାଡ଼୍‌ ତିର୍‌ଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତାକେ ଏନ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ଏପେଙ୍ଗ୍ ଚେଲା କାଦେର୍।

ଜହନ୍‌ 4:34

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆବା ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା, ତା ଇଚା ମାନିକିଜି ଆରେ ତା କାମାୟ୍ ପୁରା କିନାକା ନେ ନା କାଦି।

ଜହନ୍‌ 7:17

ଇମ୍‌ଣାକାନ୍ ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଇଚାକିନାନ୍। ହେୱାନ୍‌ନେ ପୁଞ୍ଜେଙ୍ଗ୍ ଆଡ୍‌ନାନ୍ ଇଦାଙ୍ଗ୍ ଈଶ୍ୱରନି ହିକ୍ଷା କି ନା ଜାର୍ ହିକ୍ଷା।

ଜହନ୍‌ 9:30

ହେ କାଣାତାଙ୍ଗ୍ ହାର୍‌ଆତି ମାନାୟ୍ ୱେଚ୍‌ଚାନ୍, “ଇଦାଙ୍ଗ୍‌ ତ ଚାନିଆଆନି କାତା। ଯୀଶୁ ଇମେତାଙ୍ଗ୍ ୱାତାନ୍‌ନା ଏପେଙ୍ଗ୍ ପୁନୁଦେର୍। ମାତର୍ ହେୱାନ୍ ନାଙ୍ଗେଙ୍ଗ୍ କାଣ୍‌କୁ ହାର୍ କିତ୍‌ତାନ୍‌ନା।

ଜହନ୍‌ 9:32

ନେଞ୍ଜେଙ୍ଗ୍‌ତାଙ୍ଗ୍ ଇନେର୍ ଇନାୱେଡ଼ାଙ୍ଗ୍ ପା ଜନମ୍ ଦିନ୍‌ତାଙ୍ଗ୍ କାଣା ମାନାୟ୍‌ତିଙ୍ଗ୍ ହାର୍ କିୱାଦାଙ୍ଗ୍ ମାଚାର୍।

ଏବ୍ରି 10:7

ଲାଗିଙ୍ଗ୍ ଖ୍ରୀଷ୍ଟ ଈଶ୍ୱରତିଙ୍ଗ୍ ୱେଚ୍‌ଚାନ୍, ‘ହୁଡ଼ା, ସାସ୍ତର୍‌ତାକେ ନା ବିଷୟରେ ଲେକାଆତି ଲେକେ, ଏ ଈଶ୍ୱର, ନି ଇଚା ପୁରା କିନି କାଜିଙ୍ଗ୍ ଆନେଙ୍ଗ୍ ୱାତାଙ୍ଗ୍‌ନା’”।