ଜହନ୍‌ 9:26 - New Testament in Pengo Parja Language

²⁶ ଯିହୁଦି ନେତାର୍ ୱେନ୍‌ବାତାର୍, “ହେୱାନ୍ ନିଙ୍ଗେଙ୍ଗ୍ ଇନାକା କିତ୍‌ତାନ୍? ହେୱାନ୍ ନି କାଣ୍‍କୁକାଙ୍ଗ୍ ଇନେସ୍ କିଜି ହାର୍‍କିତାନ୍?”

ସତ୍‌ ବଚନ୍‌ ପୁନି ନିୟମ୍‌

²⁶ “ଲାଗିଂ ହେୱାର୍‌ ତାଙ୍ଗେଙ୍ଗ୍‌ ଇଚାର୍‌, ହେୱାନ୍‌ ନିଙ୍ଗେଙ୍ଗ୍‌ ଇନାକା କିତ୍‌ତାନ୍‌ ? ହେୱାନ୍‌ ଇନେସ୍‌ କିଜ଼ି ନି କାଣ୍‌କୁ ଉଜ୍‌ କିତ୍‌ତାନ୍‌ ?”

ଜହନ୍‌ 9:26 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:7

ହେପାଦ୍ନା କେତେକ୍ ପଣ୍ଡିତାର୍ ଆରେ ପାରୁସିଦଳ୍‍ ଯୀଶୁଙ୍ଗ୍ ଦସ୍ ଆସ୍ତେଙ୍ଗ୍ ଉପାୟ୍ ଡେକ୍‌ଚି ମାଚାର୍। ହେଦାଙ୍ଗ୍ କାଜିଙ୍ଗ୍ ଯୀଶୁ ଜମ୍‌ନିଦିନ୍‌ତ ହେ କେଇଦ ହିର୍କଲ୍ ଆହିଆ ଆତାକାନିଙ୍ଗ୍ ହାର୍‌କିନାନ୍‌ କି ଇଞ୍ଜି ମାନ୍ତ ବାବିକିଜି ମାଚାର୍। ଆରେ ହେୱାର୍ ଯୀଶୁଙ୍ଗ୍ ଇଟ୍‌କାଡ଼୍ କିଜି ହୁଡ଼୍‌ଜି ମାଚାର୍।

ଜହନ୍‌ 9:10

ମାନାୟାର୍ ହେୱାନିଙ୍ଗ୍ ୱେନ୍‌ବାତାର୍, “ଏନେଙ୍ଗ୍ ଇନେସ୍ କିଜି କାଣ୍‌କୁ ହୁଡ଼୍‌ତାୟ୍?”

ଜହନ୍‌ 9:15

ଲାଗିଙ୍ଗ୍ ପାରୁସିଦଳ୍‍ନି ମାନାୟାର୍ ପା ହେୱାନିଙ୍ଗ୍ ୱେନ୍‌ବାତାର୍, “ଏନେଙ୍ଗ୍ ଇନେସ୍‌କିଜି କାଣ୍‌କୁ ହୁଡ଼୍‌ତାୟ୍?” ହେୱାନ୍ ୱେଚ୍‌ଚାନ୍, “ହେୱାନ୍ ନା କାଣ୍‍କୁକାଙ୍ଗ୍ କାଦ ଡ଼ିସ୍‌ପା ଆତ୍‌ତାନ୍। ଆନେଙ୍ଗ୍ ନୁଜିଆ ଆତାଙ୍ଗ୍ ଆରେ ଆନେଙ୍ଗ୍ ହୁଡ଼୍‌ଦେଙ୍ଗ୍ ଆଡ଼୍‌ତାଙ୍ଗ୍।”

ଜହନ୍‌ 9:25

ହେ କାଣାତାଙ୍ଗ୍ ହାର୍‌ଆତି ମାନାୟ୍ ୱେଚ୍‌ଚାନ୍, “ହେୱାନ୍ ପାପି କି ଆକାୟ୍, ଆନେଙ୍ଗ୍ ହେଦାଙ୍ଗ୍ ପୁନୁଙ୍ଗ୍। ମାତର୍ ଆନେଙ୍ଗ୍ ର ବିଷୟ ପୁଚାଙ୍ଗ୍‌ନା, ଆନେଙ୍ଗ୍ କାଣା ମାଚାଙ୍ଗ୍, ନଙ୍ଗୟ୍ ଆନେଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ନାଙ୍ଗା।”

ଜହନ୍‌ 9:27

ହେ କାଣାତାଙ୍ଗ୍ ହାର୍‌ଆତି ମାନାୟ୍ ୱେଚ୍‌ଚାନ୍, “ଆନେଙ୍ଗ୍ ହେ ବେଣ୍ ମିଙ୍ଗେଙ୍ଗ୍ ଆଗେ ପା ୱେଚ୍‌ଚାତାଙ୍ଗ୍‌ନା। ମାତର୍ ଏପେଙ୍ଗ୍ ନା କାତା ୱେନୁଦେରା। ଏପେଙ୍ଗ୍ ଆରେରଗ ଇନା କିଦେଙ୍ଗ୍ ୱେଞ୍ଜେଙ୍ଗ୍ ମାନ୍ କିନାଦେରା? ଏପେଙ୍ଗ୍ ପା ଇନାକା ତା ଚେଲା ଆଦେଙ୍ଗ୍ ଇଚା କିନାଦେରା କି?”