ଜହନ୍‌ 8:38 - New Testament in Pengo Parja Language

³⁸ ଏଚେପାଦ୍ନା ଆନେଙ୍ଗ୍ ତା ହୁଦାଙ୍ଗ୍ ମାଚାଙ୍ଗ୍, ନାଙ୍ଗେଙ୍ଗ୍ ନା ଆବା ଈଶ୍ୱର ଇନାକା ଚଚ୍‌ଚାତାନ୍‌ନା, ହେଦାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା। ମାତର୍ ମି ଆକଦାଦିର୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ଏପେଙ୍ଗ୍ କିନାଦେରା।”

ସତ୍‌ ବଚନ୍‌ ପୁନି ନିୟମ୍‌

³⁸ ମାଞ୍ଜି ଆବା ତାକେ ଇନା ଇନାକା ହୁଡ଼୍‌ତାଙ୍ଗ୍‌ନା, ହେଦାଂ ଆନ୍‌ ଇଞ୍ଜ୍‌ନାଙ୍ଗା, ମାତର୍‌ ମି ଆବା ଇଞ୍ଜ୍‌ନି ଲାକେ ଏନ୍‌ କାମାୟ୍‌ କିନାୟା ।”

ଜହନ୍‌ 8:38 ပူးပေါင်းရင်းမြစ်များ

ମାତିଉ 3:7

ମାତର୍ ପାରୁସିଦଳ୍‍ ଆରେ ଯିହୁଦି ଦର୍‍ମନି ସାଦୁକିଦଳ୍‌ ବିତ୍ରେତାଙ୍ଗ୍ କେତେକ୍ ମାନାୟ୍ ଡୁବନ୍ ଅଦେଙ୍ଗ୍ ୱାନାରା, ଇଦାଙ୍ଗ୍ ହୁଡ଼୍‌ଜି ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ବିସ୍‌ମାନି ରାଚ୍ ଲେକେ ବାନ୍ୟା ମାନାଦେର୍! ଏପେଙ୍ଗ୍ ମି ଆଗେନି ରିସାତାଙ୍ଗ୍ ହନ୍ତେଙ୍ଗ୍ ମିଙ୍ଗେଙ୍ଗ୍ ଇନେର୍ ଚେତ୍‌ନା କିତ୍‌ତାର୍।

ଜହନ୍‌ 14:10

ଆନେଙ୍ଗ୍ ଆବା ଈଶ୍ୱରତାକେ ଆରେ ଆବା ଈଶ୍ୱର ନାବେ ମାନାନ୍? ଏପେଙ୍ଗ୍ ଇନାକା ପାର୍ତି କିନାଦେର୍, ଆନେଙ୍ଗ୍ ଇନା ଇନାକା ୱେଚ୍‌ନାଙ୍ଗା ହେଦାଙ୍ଗ୍ ନାବେତାଙ୍ଗ୍ ୱାୱାତାତ୍‌ନା। ମାତର୍ ଆବା ଈଶ୍ୱର ନା ବିତ୍ରେ ମାନ୍‌ଞ୍ଜି ଇୱିଜୁ କାମାୟ୍ କିନାନା।

ଜହନ୍‌ 14:24

ମାତର୍ ଇମ୍‌ଣାକାନ୍ ନାଙ୍ଗେଙ୍ଗ୍ ଲାଡ୍ କିଦୁନ୍, ହେୱାନ୍ ନା କାତା ମାନିକିଉନ୍। ନାବେତାଙ୍ଗ୍ ଇମ୍‌ଣି କାତା ଏପେଙ୍ଗ୍ ୱେଚାଦେର୍‌ନା, ହେଦାଙ୍ଗ୍ ନାଦି ଆକାୟ୍। ମାତର୍ ଇଦାଙ୍ଗ୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି।

ଜହନ୍‌ 17:8

ଇନେସ୍‌କି ନାଙ୍ଗେଙ୍ଗ୍ ଏନେଙ୍ଗ୍ ଇମ୍‌ଣି ହିକ୍ଷାହିଜି ମାନ୍‌ଞ୍ଚାଇ, ଆନେଙ୍ଗ୍ ହେ ହିକ୍ଷାତିଙ୍ଗ୍ ମାନାୟାରିଙ୍ଗ୍ ହିତାଙ୍ଗ୍‌ନା। ହେୱାର୍ ହେଦାଙ୍ଗ୍‌ତିଙ୍ଗ୍ ଆସ୍ତାର୍‌ନା। ହେୱାର୍ ପୁଞ୍ଜେଙ୍ଗ୍ ଆଡ଼୍‌ତାର୍ ଯେ, ଆନେଙ୍ଗ୍ ହାତ୍‌ପା ମିବେତାଙ୍ଗ୍ ୱାତାଙ୍ଗ୍‌ନା, ଆରେ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ହେୱାର୍ ପାର୍ତି କିଦ୍‌ନାରା।

ଜହନ୍‌ 3:32

ହେୱାନ୍ ଇନାକା ହୁଡ଼୍‌ତାନ୍‌ନା ଆରେ ୱେଚାନ୍‌ନା ହେ ବିଷୟରେ ୱେଚ୍‌ନାନ୍। ମାତର୍ ହେୱାନ୍ ୱେଚ୍‌ନି ବେଣ୍‌ତିଙ୍ଗ୍ ଅଲପ୍ ହେନି ମାନାୟାର୍ ଆହ୍‌ନାର୍।

ଜହନ୍‌ 5:19

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ମେହି ରକାନ୍ ଇନାକା କିଦେଙ୍ଗ୍ ଆଡୁନ୍। ଇନାକା ଲାତ୍ରାହି କିନାକା ମେହି ହୁଡ଼୍‌ତାନ୍, ହେୱାନ୍ ହେଦାଙ୍ଗ୍‌ନେ ଇନାନ୍। ଇନେସ୍‌କି ଆବା ଇନାକା କିନାନ୍ ମେହି ପା ହେ ୱିଜୁ କିନାନ୍।

ଜହନ୍‌ 5:30

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଆନେଙ୍ଗ୍ ନା ଜାର୍ ଇଚାତାଙ୍ଗ୍ ଇନାକା କିଦେଙ୍ଗ୍ ଆଡୁଙ୍ଗ୍। ନା ଆବା ଈଶ୍ୱର ଇନେସ୍ ନାଙ୍ଗେଙ୍ଗ୍ ୱେଚ୍‌ଚାନାନ୍ ହେଲେକେ ମାନାୟାରିଙ୍ଗ୍ ବିଚାର୍ କିନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ କିନି ବିଚାର୍ ଟିକ୍। ଇନେସ୍‌କି ନା ଜାର୍ ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିନାଙ୍ଗା।

ଜହନ୍‌ 8:26

ଆନେଙ୍ଗ୍ ମିଙ୍ଗେଙ୍ଗ୍ ବିଚାର୍ କିଦେଙ୍ଗ୍ କେତେକ୍ ବିଷୟ ୱେଚ୍‌ଚାନାକା ମାନାତ୍। ମାତର୍ ନାଙ୍ଗେଙ୍ଗ୍ ନା ଆବା ଈଶ୍ୱର ଇନାକା ୱେଚ୍‌ଚି ପକ୍ତାତାନ୍‌ନା, ହେଦାଙ୍ଗ୍ ଆନେଙ୍ଗ୍ ପୁର୍ତିନି ମାନାୟାରିଙ୍ଗ୍ ୱେଚ୍‌ଚାନାଙ୍ଗା, ଆରେ ହେୱାନ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ସତ୍।”

ଜହନ୍‌ 8:41

ଏପେଙ୍ଗ୍ ମିଞ୍ଜ୍‌ବା କିତି କାମାୟ୍ ୱିଜୁ କିନାଦେରା।” ମାତର୍ ଯିହୁଦି ନେତାର୍ ହେୱାନିଙ୍ଗ୍ ୱେଚ୍‌ଚାର୍, “ଆପେଙ୍ଗ୍ ଦାରି କାମାୟ୍ କିତିତାଙ୍ଗ୍ ଜନମ୍ ଆୱାତାପ୍‌ନା। ମାତର୍ ଈଶ୍ୱର ନେ ମା ରକାନ୍ ଇଞ୍ଜି ଆବା।”

ଜହନ୍‌ 8:44

ଶୟତାନ୍ ଆନାନା ମିଞ୍ଜ୍‌ବା ଆରେ ଏପେଙ୍ଗ୍ ତା ମେହି କାଦେର୍। ଏପେଙ୍ଗ୍ ତା ଇଚାତାଙ୍ଗ୍ କାମାୟ୍ କିନାଦେରା। ହେୱାନ୍ ଆଗେତାଙ୍ଗ୍ ମାନାୟ୍ ମାରୁ, ଆରେ ହେୱାନ୍ ଇନାୱେଡ଼ାଙ୍ଗ୍ ପା ସତ୍ ୱେଚ୍‌ୱାତାନ୍‌ନା। ଇନେସ୍‌କି ହେୱାନ୍ ମିଚ୍‌ୱା। ଏଚେପାଦ୍ନା ହେୱାନ୍ ମିଚ୍ କାତା ୱେଚ୍‌ନାନ୍, ହେପାଦ୍ନା ହେୱାନ୍ ଜାର୍‌ତିଙ୍ଗ୍ ୱେଚ୍‌ନାନ୍। ଇନେସ୍‌କି ହେୱାନ୍ ମିଚ୍ ୱେଚ୍‌ନି ମାନାୟ୍, ଆରେ ହେୱାନ୍ ମିଚ୍ ୱେଚ୍‌ନାକାର୍ ତାଞ୍ଜିବା।