ଜହନ୍‌ 8:29 - New Testament in Pengo Parja Language

²⁹ ନାଙ୍ଗେଙ୍ଗ୍ ଇମ୍‌ଣି ଆବା ଈଶ୍ୱର ପକ୍ତାତାନ୍‌ନା, ହେୱାନ୍ ନା ହୁଦାଙ୍ଗ୍ ମାନାନ୍। ହେୱାନ୍ ନାଙ୍ଗେଙ୍ଗ୍ ରକାନ୍ କିଜି ପିସ୍ତି ହାଞ୍ଜ୍‌ୱାତାନ୍‌ନା। ହେୱାନ୍ ୱାରି ଆନି କାମାୟ୍ ୱିଜୁଦିନ୍ କିନାଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

²⁹ ନା ପକ୍‌ତାତାକାନ୍‌ ହେୱାନ୍‌ ନା ଲାହାଙ୍ଗ୍‌ ମାନାନ୍‌; ହେୱାନ୍‌ ନାଙ୍ଗେଙ୍ଗ୍‌ ରୱାନିଂ ପିସ୍ତି ହାଞ୍ଜ୍‌ୱାତାନ୍‌, ଇନାକିଦେଂକି ତାଦାଙ୍ଗ୍‌ ଇନାକା ମାନ୍‌ ହେଦାଂ ଆନ୍‌ କିନାଙ୍ଗ୍‌ ।”

ଜହନ୍‌ 8:29 ပူးပေါင်းရင်းမြစ်များ

ମାତିଉ 17:5

ଯୀଶୁ ଇବେଣ୍ ୱେଚୁ-ୱେଚୁ, ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍‌ତାକେ ଆନେଙ୍ଗ୍ ବେସି ୱାରି, ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନାଟ୍!”

ମାତିଉ 3:15

ମାତର୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ରାଜି ଆ, ଇନେସ୍‌କି ହେଲେକେ ୱିଜୁ ହାର୍ଦି ବିଷୟ ମାନିକିନି ଦର୍‌କାର୍।” ଲାଗିଙ୍ଗ୍ ଡୁବନ୍‌ହିନି ଯୋହନ ଯୀଶୁ କାତାତିଙ୍ଗ୍ ଡୁବନ୍ ହିଦେଙ୍ଗ୍ ରାଜି ଆତାନ୍।

ମାତିଉ 3:17

ହେପାଦ୍ନା ଈଶ୍ୱର ବାଦାଡ଼୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ଜହନ୍‌ 14:31

ମାତର୍ ଇ ପୁର୍ତି ପୁନି ଦର୍‌କାର୍ ଯେ, ଆନେଙ୍ଗ୍ ଆବା ଈଶ୍ୱରତିଙ୍ଗ୍ ଲାଡ୍ କିନାଙ୍ଗ୍। ଲାଗିଙ୍ଗ୍ ଆବା ଈଶ୍ୱର ନାଙ୍ଗେଙ୍ଗ୍ ଇନେସ୍ ଲେକେ ୱେଚ୍‌ଚାତାନ୍‌ନା, ଆନେଙ୍ଗ୍ ଟିକ୍ ହେଲେକେ କିନାଙ୍ଗ୍। ଜାଡ ଆସେଙ୍ଗ୍ ଇ ବାହାତାଙ୍ଗ୍ ହାନାସ୍।”

ଜହନ୍‌ 15:10

ଆନେଙ୍ଗ୍ ନା ଆବା ଈଶ୍ୱର ଆଦେସ୍‌ତିଙ୍ଗ୍ ମାନିକିନାଙ୍ଗା ଆରେ ଆନେଙ୍ଗ୍ ତା ଲାଡ୍‌ତାକେ ତିର୍‌ଆଜି ମାନାଙ୍ଗା। ହେଲେକେ ଏପେଙ୍ଗ୍ ଯଦି ନା ଆଦେସ୍‌ତିଙ୍ଗ୍ ମାନିକିନାଦେର୍, ଲାଗିଙ୍ଗ୍ ଏପେଙ୍ଗ୍ ନା ଲାଡ୍‌ତାକେ ତିର୍‌ଆଜି ମାନାଦେର୍।

ଜହନ୍‌ 16:32

ୱେନାଟ୍! ସମୟ୍ ୱାନାତା, ଏଚେପାଦ୍ନା ଏପେଙ୍ଗ୍ ଚିନ୍-ବିନ୍ ଆନାଦେର୍। ମି ବିତ୍ରେତାଙ୍ଗ୍ ୱିଜାକାର୍ ଜାର୍-ଜାର୍ ଇଲ୍ ବିତ୍ରେ ଚିନ୍-ବିନ୍ ଆଜି ହନ୍‌ନାଦେର୍। ହେ ସମୟ୍ ୱାଜି ଏକାୱାତାତେ। ଏପେଙ୍ଗ୍ ରକାଙ୍ଗ୍ ନାଙ୍ଗେଙ୍ଗ୍ ପିସ୍ତାନାଦେର୍। ଆନେଙ୍ଗ୍ ରକାଙ୍ଗ୍ ମାନ୍‌ଗାନାଙ୍ଗ୍। ମାତର୍ ଆନେଙ୍ଗ୍ ରକାଙ୍ଗ୍ ଆକାୟ୍, ଇନେସ୍‌କି ଆବା ଈଶ୍ୱର ନା ହୁଦାଙ୍ଗ୍ ମାନାନ୍।

ଜହନ୍‌ 17:4

ଏନେଙ୍ଗ୍ ନାଙ୍ଗେଙ୍ଗ୍ ଇମ୍‌ଣି କାମାୟ୍ ହିତ୍‌ତାଇନା, ହେଦାଙ୍ଗ୍ ଆନେଙ୍ଗ୍ ପୁରା କିତାଙ୍ଗ୍‌ନା। ଆରେ ଆନେଙ୍ଗ୍ ମିଙ୍ଗେଙ୍ଗ୍ ପୁର୍ତିତାକେ ଜୟ୍-ଜୟ୍ କିତ୍‌ତାଙ୍ଗ୍‌ନା।

ଜହନ୍‌ 4:34

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆବା ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା, ତା ଇଚା ମାନିକିଜି ଆରେ ତା କାମାୟ୍ ପୁରା କିନାକା ନେ ନା କାଦି।

ଜହନ୍‌ 5:30

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଆନେଙ୍ଗ୍ ନା ଜାର୍ ଇଚାତାଙ୍ଗ୍ ଇନାକା କିଦେଙ୍ଗ୍ ଆଡୁଙ୍ଗ୍। ନା ଆବା ଈଶ୍ୱର ଇନେସ୍ ନାଙ୍ଗେଙ୍ଗ୍ ୱେଚ୍‌ଚାନାନ୍ ହେଲେକେ ମାନାୟାରିଙ୍ଗ୍ ବିଚାର୍ କିନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ କିନି ବିଚାର୍ ଟିକ୍। ଇନେସ୍‌କି ନା ଜାର୍ ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିନାଙ୍ଗା।

ଜହନ୍‌ 6:38

ଆନେଙ୍ଗ୍ ନା ଇଚାତାଙ୍ଗ୍ କାମାୟ୍ କିଦେଙ୍ଗ୍ ୱାୱାତାଙ୍ଗ୍‌ନା। ମାତର୍ ଆନେଙ୍ଗ୍ ଈଶ୍ୱର ଇଚାତାଙ୍ଗ୍ କାମାୟ୍ କିଦେଙ୍ଗ୍ ସରଗ୍‌ତାଙ୍ଗ୍ ୱାତାଙ୍ଗ୍‌ନା।

ଜହନ୍‌ 8:16

ଆନେଙ୍ଗ୍ ଯଦି ବିଚାର୍ କିଦ୍‌ନାଙ୍ଗ୍, ନା ବିଚାର୍ ଟିକ୍ ଆନାତ୍‌। ଇନେସ୍‌କି ଆନେଙ୍ଗ୍ ରକାଙ୍ଗ୍ ବିଚାର୍ କିଉଙ୍ଗ୍, ମାତର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ନା ହୁଦାଙ୍ଗ୍ ମାନାନ୍।

୨ ତିମଥି 4:17

ମାତର୍ ମାପୃ ନା ନିପଣ୍ ଆଜି ନାଙ୍ଗେଙ୍ଗ୍ ଶାକ୍ତି କିତ୍‌ତାନ୍, ଆରେ ଆନେଙ୍ଗ୍ ଇନେସ୍ ହାର୍ଦିକାବୁର୍ ପୁରାପୁରି କିଲେର୍ କିଜି ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଆରେ ବିନ୍‌ଜାତିର୍ ୱିଜୁ ମାନାୟାର୍ ହେଦାଙ୍ଗ୍ ୱେଞ୍ଜେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ହାଃନିତାଙ୍ଗ୍ ରକ୍ଷା କିତ୍‌ତାନ୍।

୨ ତିମଥି 4:22

ମାପୃ ମିହୁଦାଙ୍ଗ୍ ମାନେନ୍ ଆରେ ହେୱାନ୍ ମିଙ୍ଗେଙ୍ଗ୍ ଦୟା କିଦେନ୍।

ଏବ୍ରି 4:15

ଯୀଶୁ ଖ୍ରୀଷ୍ଟ ମା ପ୍ରଦାନ୍ ମୁଡ଼୍‌ଦି ପୁଜାରି ମା ଦୁର୍‌ବଲ୍‌ତିଙ୍ଗ୍ ପୁନାନ୍, ଶୟତାନ ମା ଲେକେ ଯୀଶୁଙ୍ଗ୍ ୱିଜୁ ବିଷୟରେ ପରିକ୍ଷା କିତାତ୍, ମାତର୍ ଯୀଶୁ ପାପ୍ କିୱାତାନ୍।

ଏବ୍ରି 7:26

ଇନେସ୍‌କି ଯୀଶୁ ଲେକେ ପ୍ରଦାନ୍ ମୁଡ଼୍‌ଦି ପୁଜାରି ମା କାଜିଙ୍ଗ୍ ଦର୍‌କାର୍। ହେୱାନ୍ ରକାନ୍ ପବିତ୍ର ମାନାୟ୍, ଇନା ଦସ୍ ହିଲ୍‌ୱି ମାନାୟ୍, ପୁରାପୁରି ଟିକ୍ ମାନାୟ୍, ପାପି ମାନାୟାର୍ ପାପ୍ କାମାୟ୍‌ତାଙ୍ଗ୍ ଦେହା ମାନି ମାନାୟ୍ ଆରେ ହେୱାନ୍ ସରଗ୍‌ତାକେ ୱିଜୁତାଙ୍ଗ୍ ଗାଜା ସନ୍‌ମାନ୍ ପାୟାଆନି ବାହାତାକେ ମାନି ମାନାୟ୍।

୧ ଯୋହନ 2:1

ଏ କାଡ଼୍‌ଦେର୍, ଏପେଙ୍ଗ୍ ଇନେସ୍‌କି ପାପ୍ କିଉଦେର୍, ଇଦାଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା। ମାତର୍ ଏପେଙ୍ଗ୍ ଯଦି ପାପ୍ କିନାଦେର୍, ଆବା ଈଶ୍ୱର ଆଗେ ମାପଣ୍ଡାଙ୍ଗ୍ ଆଜି ୱେଚ୍‌ନାକାନ୍ ର ମାନାୟ୍ ମାନାନ୍, ହେୱାନ୍ ଦରମ୍ ଯୀଶୁ ଖ୍ରୀଷ୍ଟ।

୧ ଯୋହନ 3:22

ଆରେ ଆସେଙ୍ଗ୍ ଇନା-ଇନାକା ଈଶ୍ୱରତିଙ୍ଗ୍ ଏନ୍‌ନାସ୍ ହେଦାଙ୍ଗ୍ ମାଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ତା ଆଦେସ୍‌ତିଙ୍ଗ୍ ମାନିକିଜି ହେୱାନ୍ ୱାରିୟା ଆନିଲେକେ ଆପେଙ୍ଗ୍ କାମାୟ୍‌ କିନାପା।