ଜହନ୍‌ 8:26 - New Testament in Pengo Parja Language

²⁶ ଆନେଙ୍ଗ୍ ମିଙ୍ଗେଙ୍ଗ୍ ବିଚାର୍ କିଦେଙ୍ଗ୍ କେତେକ୍ ବିଷୟ ୱେଚ୍‌ଚାନାକା ମାନାତ୍। ମାତର୍ ନାଙ୍ଗେଙ୍ଗ୍ ନା ଆବା ଈଶ୍ୱର ଇନାକା ୱେଚ୍‌ଚି ପକ୍ତାତାନ୍‌ନା, ହେଦାଙ୍ଗ୍ ଆନେଙ୍ଗ୍ ପୁର୍ତିନି ମାନାୟାରିଙ୍ଗ୍ ୱେଚ୍‌ଚାନାଙ୍ଗା, ଆରେ ହେୱାନ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ସତ୍।”

ସତ୍‌ ବଚନ୍‌ ପୁନି ନିୟମ୍‌

²⁶ ମି ବିସ୍ରେ ଇଞ୍ଜେଙ୍ଗ୍‌ ଆରି ବିଚାର୍‌ କିଦେଙ୍ଗ୍‌ ଆନ୍‌ ମି ବିସ୍ରେ ବେସି ଇଞ୍ଜ୍‌ନାକା ମାନାତ୍‌; ଇନେସ୍‌ ଆୟେତ୍‌, ନାଙ୍ଗ୍‌ ପକ୍‌ତାତାକାନ୍‌ ହାତ୍‌ପା, ଆରେ ଆନ୍‌ ତା ତାକେଣ୍ଡାଂ ଇନା ଇନାକା ୱେଚାଙ୍ଗ୍‌ନା, ହେଦାଂ ୱିଜ଼ୁ ପୁର୍ତିତିଂ ୱେଚ୍‌ନାଙ୍ଗା ।”

ଜହନ୍‌ 8:26 ပူးပေါင်းရင်းမြစ်များ

ଜହନ୍‌ 15:15

ଆନେଙ୍ଗ୍ ମିଙ୍ଗେଙ୍ଗ୍ ହଲିଆର୍ ଇଞ୍ଜି ୱେଚ୍‌ଚୁଙ୍ଗା। ରକାନ୍ ହଲିଆ, ତା ମାଲିକ୍ ଇନାକା କିନାନ୍, ହେୱାନ୍ ପୁନୁନ୍। ମାତର୍ ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ସାଙ୍ଗ ଇଞ୍ଜି ୱେଚ୍‌ଚାନାଙ୍ଗା, ଇନେସ୍‌କି ଆନେଙ୍ଗ୍ ନା ଆବା ଈଶ୍ୱରତାଙ୍ଗ୍ ଇନାକା ୱିଜୁ ୱେଚାଙ୍ଗ୍‌ନା, ହେଦାଙ୍ଗ୍ ମିଙ୍ଗେଙ୍ଗ୍ ଶୁଣାୟ୍ କିଦ୍‌ନାଙ୍ଗା।

ଜହନ୍‌ 16:12

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଦେଙ୍ଗ୍ ବେସି କାତା ମାନାତ୍। ମାତର୍ ନଙ୍ଗୟ୍ ଏପେଙ୍ଗ୍ ବୁଜା ଆଦେଙ୍ଗ୍ ଆଡୁଦେର୍।

ଜହନ୍‌ 17:8

ଇନେସ୍‌କି ନାଙ୍ଗେଙ୍ଗ୍ ଏନେଙ୍ଗ୍ ଇମ୍‌ଣି ହିକ୍ଷାହିଜି ମାନ୍‌ଞ୍ଚାଇ, ଆନେଙ୍ଗ୍ ହେ ହିକ୍ଷାତିଙ୍ଗ୍ ମାନାୟାରିଙ୍ଗ୍ ହିତାଙ୍ଗ୍‌ନା। ହେୱାର୍ ହେଦାଙ୍ଗ୍‌ତିଙ୍ଗ୍ ଆସ୍ତାର୍‌ନା। ହେୱାର୍ ପୁଞ୍ଜେଙ୍ଗ୍ ଆଡ଼୍‌ତାର୍ ଯେ, ଆନେଙ୍ଗ୍ ହାତ୍‌ପା ମିବେତାଙ୍ଗ୍ ୱାତାଙ୍ଗ୍‌ନା, ଆରେ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ହେୱାର୍ ପାର୍ତି କିଦ୍‌ନାରା।

ଜହନ୍‌ 18:20

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମାନାୟାରିଙ୍ଗ୍ କୁଲାକୁଲି ହିକ୍ଷା ହିତାଙ୍ଗ୍‌ନା। ଆନେଙ୍ଗ୍ ୱିଜୁଦିନ୍ ପାର୍ତାନା ଇଞ୍ଜ ଆରେ ଈଶ୍ୱର ମାନି ମନ୍ଦିର୍‌ତାକେ ହିକ୍ଷାହିଜି ୱାତାଙ୍ଗ୍‌ନା। ହେବେ ୱିଜୁ ଯିହୁଦିର୍ ରବେ ଆନାର୍। ଆନେଙ୍ଗ୍ ଇମ୍‌ଣି ବିଷୟ ପା ଡ଼ୁକ୍‌ୱାଦାଙ୍ଗ୍ ୱେଚ୍‌ୱାତାଙ୍ଗ୍‌ନା।

ଜହନ୍‌ 3:11

ଆନେଙ୍ଗ୍ ନିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ଇନାକା ପୁନାଙ୍ଗ୍ ହେଦାଙ୍ଗ୍‌ୱିଜୁ ୱେଚ୍‌ନାଙ୍ଗା, ଆନେଙ୍ଗ୍ ଇନାକା ହୁଡ଼୍‌ନାଙ୍ଗା ହେଦାଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ମାତର୍ ଏପେଙ୍ଗ୍ ନା କାତାତିଙ୍ଗ୍ ପାର୍ତି କିଉଦେରା।

ଜହନ୍‌ 7:16

ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଇନାକା ହିକ୍ଷା ହିଦ୍‌ନାଙ୍ଗା, ହେଦାଙ୍ଗ୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରନି ହିକ୍ଷା।

ଜହନ୍‌ 7:28

ଯୀଶୁ ଈଶ୍ୱର ମାନି ମନ୍ଦିର୍‌ତାକେ ହିକ୍ଷା ହିନିହିଙ୍ଗ୍ ଗାଜାକାଟ୍ କିଜି ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ପୁନ୍‌ଞ୍ଚାଦେର୍‌ନା, ଆରେ ଆନେଙ୍ଗ୍ ଇମେତାଙ୍ଗ୍ ୱାତାଙ୍ଗ୍‌ନା ହେଦାଙ୍ଗ୍ ପା ଏପେଙ୍ଗ୍ ପୁଚାଦେର୍‌ନା। ମାତର୍ ଆନେଙ୍ଗ୍ ନା ଆଦିକାର୍‌ତାଙ୍ଗ୍ ୱାୱାତାଙ୍ଗ୍‌ନା। ମାତର୍ ଏପେଙ୍ଗ୍ ହେୱାନିଙ୍ଗ୍ ପୁନୁଦେରେ।

ଜହନ୍‌ 8:25

ଯିହୁଦି ନେତାର୍ ହେୱାନିଙ୍ଗ୍ ୱେନ୍‌ବାତାର୍, “ଏନେଙ୍ଗ୍ ଇନେର୍, ମାଙ୍ଗେଙ୍ଗ୍ ୱେଚ୍‌ଚା।” ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନା ବିଷୟରେ ପାର୍ତୁମ୍‌ତାଙ୍ଗ୍ ୱେଚ୍‌ନାଙ୍ଗା, ଆନେଙ୍ଗ୍ ହେୱାନ୍।

ଜହନ୍‌ 8:27

ଯୀଶୁ ଇନେର୍ ବିଷୟରେ ୱେଚ୍‌ଚି ମାଚାନ୍, ଇ କାତା ମାନାୟାର୍ ବୁଜା ଆଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍। ଯୀଶୁ ଆବା ଈଶ୍ୱର ବିଷୟରେ ୱେଚ୍‌ଚି ମାଚାନ୍।

ଜହନ୍‌ 8:40

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱରତାଙ୍ଗ୍ ୱେଚି ସତ୍ କାତା ୱେଚ୍‌ଚାନାଙ୍ଗା। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାଦେରା। ମାତର୍ ଅବ୍ରାହାମ୍‌ ହେଲେକେ କିୱାଦାଙ୍ଗ୍ ମାଚାନ୍।

୨ କରନ୍ତିୟ 1:18

ଈଶ୍ୱରତିଙ୍ଗ୍ ପାର୍ତି କିୟାଆନାତ୍, ଲାଗିଙ୍ଗ୍ ଆପେଙ୍ଗ୍ ମି ଲାଗେ ୱାନାପ୍ ଇଞ୍ଜି ୱେଚ୍‌ଚିତି ପାର୍ମାଣ୍‌ତିଙ୍ଗ୍ ପା ପାର୍ତିକିୟାଟ୍।