ଜହନ୍‌ 8:24 - New Testament in Pengo Parja Language

²⁴ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦ୍‌ୱି କାଜିଙ୍ଗ୍ ଜାର୍ ପାପ୍ କାଜିଙ୍ଗ୍ ହାଃନାଦେର୍। ଆନେଙ୍ଗ୍ ହେ ମାନାୟ୍, ଇଦାଙ୍ଗ୍ ଯଦି ଏପେଙ୍ଗ୍ ପାର୍ତି କିୱିତିସ୍ ମି ଜାର୍-ଜାର୍ ପାପ୍‌ତାକେ ହାଃନାଦେର୍।”

ସତ୍‌ ବଚନ୍‌ ପୁନି ନିୟମ୍‌

²⁴ ଲାଗିଂ ଏପେଙ୍ଗ୍‌ ଜେ ଜାର୍‌ ଜାର୍‌ ପାପ୍‌ତ ହାନାଦେର୍‌, ଆନ୍‌ ମିଙ୍ଗେଙ୍ଗ୍‌ ଇଦାଂ ଇନ୍‌ଚାଙ୍ଗ୍‌; ଇନାକିଦେଂକି ଆନ୍‌ ହେୱାଙ୍ଗ୍‌ ମାନାୟ୍‌, ଇଦାଂ ଏପେଙ୍ଗ୍‌ ପାର୍ତି କିଦ୍‌ୱା ତାଦେର୍‌ ।”

ଜହନ୍‌ 8:24 ပူးပေါင်းရင်းမြစ်များ

ମାତିଉ 24:5

ମାତର୍ ନା ତର୍‍ଦାଙ୍ଗ୍ ୱାଜି, ‘ଆନେଙ୍ଗ୍ ଖ୍ରୀଷ୍ଟ’ ଇଞ୍ଜି ୱେଚ୍‌ଚି ବେସି ହେନିତିଙ୍ଗ୍‌ ପୁସ୍ରାଇ କିଜି ବିନ୍ ହାଜ୍‌ଦିଙ୍ଗ୍ ଅସାହାଞ୍ଜ୍‍ନାର୍।

ମାର୍କ 13:6

କେତେକ୍ ମାନାୟ୍ ନା ତର୍‍ଦାଙ୍ଗ୍ ୱାଜି, ‘ଆନେଙ୍ଗ୍ ଖ୍ରୀଷ୍ଟ’ ଇଞ୍ଜି ୱେଚ୍‌ଚି କେତ୍‌ଜାଣ୍ ପୁସ୍ରାଇ କିଜି ବିନ୍ ହାଜ୍‌ଦିଙ୍ଗ୍ ଅସାହାଞ୍ଜ୍‍ନାର୍।

ମାର୍କ 16:16

ଇନେର୍ ନା ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍ ଆରେ ଡୁବନ୍ ଆନାର୍। ହେୱାନ୍ ରକ୍ଷା ପାୟା ଆନାନ୍, ମାତର୍ ଇନେର୍ ପାର୍ତି କିଉନ୍, ହେୱାନିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:8

ହେବେତାଙ୍ଗ୍ ତା ଚେଲାହିରିଙ୍ଗ୍ ଯୀଶୁ ୱେଚ୍‌ଚାନ୍, “ଜାଗ୍ରତ୍ ଆଜି ମାନାଟ୍! ଇନେସ୍‌କି ନା ତର୍‍ଦାଙ୍ଗ୍ ୱାଜି, ‘ଆନେଙ୍ଗ୍ ଖ୍ରୀଷ୍ଟତଙ୍ଗ୍’ ଇଞ୍ଜି ୱେଚ୍‌ଚି କେତ୍‌ଜାଣ୍ ପୁସ୍ରାଇ କିଜି ବିନ୍ ହାଜ୍‌ଦିଙ୍ଗ୍ ଅସାହାଞ୍ଜ୍‍ନାର୍।

ଜହନ୍‌ 13:19

ନଙ୍ଗୟ୍ ଇଦାଙ୍ଗ୍ ଗଟାଆୱି ଆଗେ ଆନେଙ୍ଗ୍ ମିଙ୍ଗେଙ୍ଗ୍ ଇ କାତା ୱେଚ୍‌ଚାନାଙ୍ଗା। ଲାଗିଙ୍ଗ୍ ଏଚେପାଦ୍ନା ଇଦାଙ୍ଗ୍ ଗଟାଆନାତ୍, ଆନେଙ୍ଗ୍ ହେ ରକ୍ଷାକିଦ୍ନାକାନ୍‌ ଇଞ୍ଜି ଏପେଙ୍ଗ୍ ପାର୍ତି କିନାଦେର୍।

ଜହନ୍‌ 3:18

ଈଶ୍ୱର ମେହିଙ୍ଗ୍ ପାର୍ତି କିନାକାରିଙ୍ଗ୍ ଇନାୱେଡ଼ାଙ୍ଗ୍ ପା ବିଚାର୍ କିୟା ଆଉନ୍। ମାତର୍ ହେୱାନ୍‌ତାକେ ପାର୍ତି କିୱାକାରିଙ୍ଗ୍ ବିଚାର୍ କିୟାଟ୍। ଇନେସ୍‌କି ହେୱାନ୍ ଈଶ୍ୱର ରୱାନ୍ ଇଞ୍ଜି ମେହିଙ୍ଗ୍ ପାର୍ତି କିୱାତାନ୍‌ନା।

ଜହନ୍‌ 3:36

ଇନେର୍ ମେହିଙ୍ଗ୍ ପାର୍ତିକିନି ମାନାୟ୍ ୱିଜ୍‌ୱି ଜିବୁନ୍ ପାୟା ଆନାନ୍। ମାତର୍ ମେହିଙ୍ଗ୍ ପାର୍ତି କିୱିତି ମାନାୟ୍ ଇନାୱେଡ଼ାଙ୍ଗ୍ ପା ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଆଡୁନ୍। ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।”

ଜହନ୍‌ 4:26

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଇମ୍‌ଣି ମାନାୟ୍ ନଙ୍ଗୟ୍‌ ନି ହୁଦାଙ୍ଗ୍ ବେଣ୍ କିଦ୍‌ନାନା। ହେୱାନ୍ ନିଜେ ରକ୍ଷାକିଦ୍ନାକାନ୍‌।”

ଜହନ୍‌ 8:21

ଯୀଶୁ ଆରେରଗ ମାନାୟାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ପିସ୍ତି ହାଞ୍ଜ୍‌ନାଙ୍ଗ୍। ଏପେଙ୍ଗ୍ ନାଙ୍ଗେଙ୍ଗ୍ ଦାସ୍ତାନାଦେର୍ ମାତର୍ ଏପେଙ୍ଗ୍ ମି ପାପ୍ କାମାୟ୍‌ତାଙ୍ଗ୍ ହାଃନାଦେର୍। ଆନେଙ୍ଗ୍ ଇମ୍‌ଣି ବାହାତାକେ ହାନାଙ୍ଗା ଏପେଙ୍ଗ୍ ହେ ବାହାତାକେ ହାଞ୍ଜେଙ୍ଗ୍ ଆଡୁଦେର୍।”

ଜହନ୍‌ 8:25

ଯିହୁଦି ନେତାର୍ ହେୱାନିଙ୍ଗ୍ ୱେନ୍‌ବାତାର୍, “ଏନେଙ୍ଗ୍ ଇନେର୍, ମାଙ୍ଗେଙ୍ଗ୍ ୱେଚ୍‌ଚା।” ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନା ବିଷୟରେ ପାର୍ତୁମ୍‌ତାଙ୍ଗ୍ ୱେଚ୍‌ନାଙ୍ଗା, ଆନେଙ୍ଗ୍ ହେୱାନ୍।

ଜହନ୍‌ 8:28

ଲାଗିଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ କୃଶକାଟ୍‌ତାକେ ଅହ୍‌ନାଦେର୍। ଲାଗିଙ୍ଗ୍ ଏପେଙ୍ଗ୍ ପୁନାଦେର୍ ଆନେଙ୍ଗ୍ ହେ ମାନାୟ୍, ଆନେଙ୍ଗ୍ ଇମ୍‌ଣି କାମାୟ୍ କିଜି ମାଚାଙ୍ଗ୍ ହେଦାଙ୍ଗ୍ ନା କାଜିଙ୍ଗ୍ କିୱାଦାଙ୍ଗ୍ ମାଚାଙ୍ଗ୍। ମାତର୍ ଇନେସ୍ ନା ଆବା ଈଶ୍ୱର ୱେଚ୍‌ଚି ମାନ୍‌ଞ୍ଚାନ୍, ଆନେଙ୍ଗ୍ ପା ହେଲେଙ୍ଗ୍ ୱେଚ୍‌ନାଙ୍ଗା।

ଜହନ୍‌ 8:58

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଅବ୍ରାହାମ୍‌ ଜନମ୍ ଆୱିତି ଆଗେ ଆନେଙ୍ଗ୍ ମାନାଙ୍ଗ୍।”

ପକ୍ୟାତାକା 4:12

ଯୀଶୁଙ୍ଗ୍ ପିସ୍ତି ଆରେ ଇନେର୍‌ତାକେ ପା ଉଦାର୍ ଗାଟାଆଦୁତ୍। ଇନେସ୍‌କି ବାଦାଡ଼୍ ତାରେନ୍ ମାନାୟାର୍ ବିତ୍ରେତାଙ୍ଗ୍ ହେଲେକେ ଇନେର୍ ତର୍‌ ହିଲୁତ୍, ତା ତର୍‍ଦାଙ୍ଗ୍ ରକ୍ଷା ପାୟାଆନାସ୍।”

ଏବ୍ରି 12:25

ଜାଗ୍ରତ୍ ଆଜି ମାନାଟ୍, ଇମ୍‌ଣି ଈଶ୍ୱର ମିହୁଦାଙ୍ଗ୍ ବେଣ୍ କିଦ୍‌ନାନା, ତା କାତା ଏପେଙ୍ଗ୍ ମାନି କିୟାଟ୍। ଇନେସ୍‌କି ଇ ପୁର୍ତିତାକେ ମୋଶା ଇସ୍ରାଏଲନି ମାନାୟାରିଙ୍ଗ୍ ଆଦେସ୍ ହିତାନ୍, ଆରେ ହେୱାର୍ ଅମାନ୍ୟା ଆତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍‌ହିଜି ମାଚାନ୍। ସରଗ୍‌ତାଙ୍ଗ୍ ୱେଚ୍‌ଚିନି ଈଶ୍ୱର ଆଦେସ୍‌ତିଙ୍ଗ୍ ଯଦି ଆସେଙ୍ଗ୍ ଅମାନ୍ୟା କିନାସ୍, ଲାଗିଙ୍ଗ୍ ସତ୍‌ରେ ଆସେଙ୍ଗ୍ ଆଦିକ୍ ଦଣ୍ଡ୍ ପାୟାଆନାସ୍।

ଏବ୍ରି 2:3

ଲାଗିଙ୍ଗ୍ ମାପୃ ଯୀଶୁ ନିଜେ ଶୁଣାୟ୍ କିଜି ୱେଚ୍‌ଚାନ୍, ହାର୍ ଉଦାର୍ କିନି କାତାତିଙ୍ଗ୍ ମାନିକିୱିତିସ୍, ଆସେଙ୍ଗ୍ ଇନେସ୍ ରକ୍ଷା ପାୟାଆନାସ୍ ଇଞ୍ଜି ବାବିକିନାସା? ମାପୃ ଯୀଶୁ ୱେଚ୍‌ନିହିଙ୍ଗ୍ ପାର୍ତୁମ୍ ୱେଚି ଚେଲାହିର୍, ଇଦାଙ୍ଗ୍ ସତ୍ ଇଞ୍ଜି ମାବେ ଚଚ୍‌ଚାନ୍‌ନା।