ଜହନ୍‌ 8:19 - New Testament in Pengo Parja Language

¹⁹ ହେୱାର୍ ୱେନ୍‌ବାତାର୍, “ମିଞ୍ଜ୍‌ବା ଇମେନ୍?” ଯୀଶୁ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ପୁଞ୍ଜ୍‌ୱାତାଦେର୍‌ନା ଆରେ ନା ଆବା ଈଶ୍ୱରତିଙ୍ଗ୍ ପା ପୁନ୍‌ୱାତାଦେର୍‌ନା। ଯଦି ଏପେଙ୍ଗ୍ ନାଙ୍ଗେଙ୍ଗ୍ ପୁନ୍‌ଞ୍ଚାଦେର୍‌ମା ଲାଗିଙ୍ଗ୍ ନା ଆବା ଈଶ୍ୱରତିଙ୍ଗ୍ ପା ପୁଚାଦେର୍‌ମା।”

ସତ୍‌ ବଚନ୍‌ ପୁନି ନିୟମ୍‌

¹⁹ ହେବେ ହେୱାର୍‌ ତାଙ୍ଗେଙ୍ଗ୍‌ ୱେନ୍‌ବେଦେଂ ଲାଗାତାର୍‌, “ମି ଆବା ଇମେନ୍‌ ?” ଜିସୁ ଉତର୍‌ ହିତାନ୍‌, “ଏପେଙ୍ଗ୍‌ ନାଙ୍ଗେଙ୍ଗ୍‌ ପୁଞ୍ଜୁଦେର୍‌ କି ମାଞ୍ଜି ଆବାଂ ପା ପୁନୁଦେର୍‌ ଜଦି ନାଙ୍ଗ୍‌ ପୁନ୍‌ଚିସ୍, ଲାଗିଂ ମାଞ୍ଜି ଆବାଂ ପା ପୁଚାଦେର୍ମା ।”

ଜହନ୍‌ 8:19 ပူးပေါင်းရင်းမြစ်များ

ମାତିଉ 11:25

ହେପାଦ୍ନା ଯୀଶୁ ପାର୍ତାନା କିଜି ୱେଚ୍‌ଚାନ୍, “ଏ ଆବା, ସରଗ୍ ଆରେ ପୁର୍ତିନି ମାପୃ, ଏପେଙ୍ଗ୍ ବୁଦିକାଟି ମାନାୟ୍‌ତିଙ୍ଗ୍ ୱେଚ୍‌ୱାଦାଙ୍ଗ୍ ଇ ବୁଦି ହିଲ୍‌ୱାକାରିଙ୍ଗ୍ ୱେଚ୍‌ଚିଲେ ଆନେଙ୍ଗ୍ ମିଙ୍ଗେଙ୍ଗ୍ ଦନ୍ଯବାଦ୍ କିଦ୍‌ନାଙ୍ଗା।

ଜହନ୍‌ 1:10

ହେୱାନ୍ ପୁର୍ତିତାକେ ମାଚାନ୍। ଆରେ ପୁର୍ତିତିଙ୍ଗ୍ ହେୱାନ୍ ଉବ୍‌ଜାଇ କିତାନ୍, ମାତର୍ ପୁର୍ତିନି ମାନାୟାର୍ ହେୱାନିଙ୍ଗ୍ ଚିନ୍ କିଦେଙ୍ଗ୍ ଆଡ୍‌ୱାତାର୍।

ଜହନ୍‌ 1:18

ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା। ମାତର୍ ଈଶ୍ୱର ଲାଗାୟ୍ ମାନି ରକାନ୍ ଇଞ୍ଜି ମେହି ଯୀଶୁ ନେ ତା ବିଷୟରେ ୱେଚ୍‌ଚାନ୍‌ନା।

ଜହନ୍‌ 15:21

ମାନାୟାର୍ ନା କାଜିଙ୍ଗ୍ ମିଙ୍ଗେଙ୍ଗ୍ ହେଲେକେ ବାଉରା ଆଦ୍‌ନାର୍। ଇନେସ୍‌କି ହେୱାର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତିଙ୍ଗ୍ ପୁନୁର୍।

ଜହନ୍‌ 16:3

ହେୱାର୍ ହେଲେକେ କିନାର୍, ହେଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱରତିଙ୍ଗ୍ ପୁନୁରେ, ଆରେ ହେୱାର୍ ନାଙ୍ଗେଙ୍ଗ୍ ପା ପୁଞ୍ଜୁରେ।

ଜହନ୍‌ 17:3

ଏନେଙ୍ଗ୍ ରକାୟ୍ ସତ୍ ଈଶ୍ୱର, ନିଙ୍ଗେଙ୍ଗ୍ ଆରେ ଏନେଙ୍ଗ୍ ପକ୍ତିତି ଯୀଶୁ ଖ୍ରୀଷ୍ଟଙ୍ଗ୍ ପୁନାକା ନେ ୱିଜ୍‌ୱି ଜିବୁନ୍।

ଜହନ୍‌ 7:28

ଯୀଶୁ ଈଶ୍ୱର ମାନି ମନ୍ଦିର୍‌ତାକେ ହିକ୍ଷା ହିନିହିଙ୍ଗ୍ ଗାଜାକାଟ୍ କିଜି ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ପୁନ୍‌ଞ୍ଚାଦେର୍‌ନା, ଆରେ ଆନେଙ୍ଗ୍ ଇମେତାଙ୍ଗ୍ ୱାତାଙ୍ଗ୍‌ନା ହେଦାଙ୍ଗ୍ ପା ଏପେଙ୍ଗ୍ ପୁଚାଦେର୍‌ନା। ମାତର୍ ଆନେଙ୍ଗ୍ ନା ଆଦିକାର୍‌ତାଙ୍ଗ୍ ୱାୱାତାଙ୍ଗ୍‌ନା। ମାତର୍ ଏପେଙ୍ଗ୍ ହେୱାନିଙ୍ଗ୍ ପୁନୁଦେରେ।

୧ କରନ୍ତିୟ 15:34

ଏପେଙ୍ଗ୍ ଟିକ୍ ବିଷୟତିଙ୍ଗ୍ ହାର୍‌ଦାଙ୍ଗ୍ ଚିନ୍ତା କିୟାଟ୍, ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍। ଇନେସ୍‌କି ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ହେୱାର୍ ଈଶ୍ୱରତିଙ୍ଗ୍ ମୁଡ଼୍‌କେ ପୁନ୍‌ୱାତାର୍‌ନା ଆରେ ହେୱାରିଙ୍ଗ୍ ଲାଜୁ କିଦେଙ୍ଗ୍ ଇ ୱିଜୁ ବିଷୟରେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।

ଗାଲାତିୟ 4:9

ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱରତିଙ୍ଗ୍ ପୁଚାଦେର୍‌ନା, ନଇଲେ ଇଦାଙ୍ଗ୍ ପା ଆନେଙ୍ଗ୍ ୱେଚ୍‌ଚାନାଙ୍ଗ୍ ଯେ ଈଶ୍ୱର ନଙ୍ଗୟ୍ ମିଙ୍ଗେଙ୍ଗ୍ ପୁନ୍‌ଞ୍ଚାନ୍‌ନା। ଲାଗିଙ୍ଗ୍ ଇ ଜଗତ୍‌ନି ଦୁର୍‌ବଲ୍ ଆରେ ମୁଲ୍ୟ ହିଲ୍‌ୱି ହିକ୍ଷାନି ଦାସ୍ ଆଦେଙ୍ଗ୍, ଇନେସ୍ ଆରେରଗ ଲେଉଟା ଆଜି ହାଞ୍ଜେଙ୍ଗ୍ ଇଚା କିନାଦେରା?

ଏପିସିୟ 1:17

ଆନେଙ୍ଗ୍ ଇଦାଙ୍ଗ୍ ପା ପାର୍ତାନା କିନାଙ୍ଗ୍ ଯେ ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟନି ଗୌରବମାନି ଆବା ମିଙ୍ଗେଙ୍ଗ୍ ଜ୍ଞାନ୍ ଆରେ ବୁଦି ହିଦେନ୍, ଲାଗିଙ୍ଗ୍ ଏପେଙ୍ଗ୍ ହେୱାନିଙ୍ଗ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 1:10

ଆରେ ଏପେଙ୍ଗ୍ ଇନେସ୍‌କି ମାପୃଙ୍ଗ୍ ୱିଜୁଦିନ୍ ସନ୍‌ମାନ୍ ଆରେ ୱାରି କିତିଲେକେ ଜିବୁନ୍ କାଟିକିନାଦେର୍। ଏପେଙ୍ଗ୍ ୱିଜୁଦିନ୍ ହାର୍ଦି କାମାୟ୍ କିନାଦେର୍, ଆରେ ଈଶ୍ୱରତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 1:15

ଆପେଙ୍ଗ୍ ଇନାୱେଡ଼ାଙ୍ଗ୍ ଈଶ୍ୱରତିଙ୍ଗ୍ ହୁଡ଼୍‌ୱାତାପ୍‌ନା, ମାତର୍ ଏଚେପାଦ୍ନା ତା ମେହି ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ଇନେସ୍ ଚଞ୍ଜ୍‌ନାନା ହେଦାଙ୍ଗ୍ ବୁଜା ଆଦେଙ୍ଗ୍ ମାଙ୍ଗେଙ୍ଗ୍ ସାଇଜ କିତ୍‌ତାନ୍। ଇନେସ୍‌କି ହେୱାନ୍ ଈଶ୍ୱରଲେକେ ମାଚାନ୍। ଈଶ୍ୱର ଉବ୍‌ଜାଇ କିତି ଆଗେ ହେୱାନ୍ ମାଚାନ୍ ଆରେ ୱିଜୁ ଉବ୍‌ଜାଇ କିଜି ଜିନିଷ୍ ଜପି ଗାଜା ଆଦିକାରି ମାଚାନ୍।

ଏବ୍ରି 1:3

ହେ ହିମ୍‌ଣା ଈଶ୍ୱର ଗୌରବତାଙ୍ଗ୍ ଚଚ୍‌ଚାନାନ୍ ଆରେ ହେୱାନ୍ ୱିଜୁ ବିଷୟରେ ଈଶ୍ୱରଲେକେ ଚଞ୍ଜ୍‌ନାନ୍‌। ହେୱାନ୍ ଜାର୍ ଶାକ୍ତିମାନି କାତାତାଙ୍ଗ୍ ପୁର୍ତିନି ୱିଜୁ ବିଷୟ ଆସ୍ତାନ୍‌ନା। ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ନୁସ୍‌ତି ପାଚେ ସରଗ୍‌ତାକେ ଈଶ୍ୱରତି ଗୌରବ ପାୟାଆନି ତିନାବାଗାୟ୍‌ନି ବାହାତାକେ କୁଚ୍‌ଚାନ୍‌ନା।

୧ ଯୋହନ 2:23

ଇନେର୍ ଈଶ୍ୱର ମେହିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଗାଟା ଆୱାତାନ୍‌ନା, ମାତର୍ ଇନେର୍ ଈଶ୍ୱର ମେହିଙ୍ଗ୍ ପୁଚାଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ପା ପାୟାଆତାନ୍‌ନା।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।

୨ ଯୋହନ 1:9

ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ହିକ୍ଷାତିଙ୍ଗ୍ ଆରେ ତା ହିକ୍ଷାତିଙ୍ଗ୍ ମାହାୟ୍ କିନାନ୍, ଆରେ ଖ୍ରୀଷ୍ଟ ହିକ୍ଷାତିଙ୍ଗ୍ ପାର୍ତି କିଉନ୍। ଲାଗିଙ୍ଗ୍ ହେୱାନ୍ ଈଶ୍ୱରତିଙ୍ଗ୍ ମାହା ବିଡ଼ା ଆଜି ମାନୁନା। ମାତର୍ ଇମ୍‌ଣି ମାନାୟ୍ ହେ ହିକ୍ଷାତିଙ୍ଗ୍ ପାର୍ତିକିନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଆରେ ତା ମେହି ଯୀଶୁଙ୍ଗ୍ ମାହାଆଜି ମାନାନ୍।