ଜହନ୍‌ 8:14 - New Testament in Pengo Parja Language

¹⁴ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଯଦି ନା ବିଷୟରେ ୱେଚ୍‌ଚିତିସ୍ ପା ହେ କାତା ସତ୍। ଇନେସ୍‌କି ଆନେଙ୍ଗ୍ ଇମେତାଙ୍ଗ୍ ୱାତାଙ୍ଗ୍‌ନା ଆରେ ଆନେଙ୍ଗ୍ ଇମେତାକେ ହାନାଙ୍ଗ୍ ହେଦାଙ୍ଗ୍ ଆନେଙ୍ଗ୍ ପୁଚାଙ୍ଗ୍‌ନା। ମାତର୍ ଏପେଙ୍ଗ୍ ପୁନ୍‌ୱାତାଦେର୍‌ନା ଆନେଙ୍ଗ୍ ଇମେତାଙ୍ଗ୍ ୱାତାଙ୍ଗ୍‌ନା ଆରେ ଇମେତାକେ ହାନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

¹⁴ ଜିସୁ ହେୱାରିଂ ଉତର୍‌ ହିତାନ୍‌, ଆନ୍‌ ଜଦି ନିଜେ ବିସ୍ରେ ସାକି ହିଜ଼ିମାନାଂ, ଲାଗିଂ ପାନା ସାକି ହାତ୍‌ପା, ଇନାକିଦେଂକି ଆନ୍‌ ଇମ୍‌ଣି ବାହାତାଂ ୱାତାଙ୍ଗ୍‌ନା ଆରି ଇମ୍‌ଣି ବାହାତାକେ ହାନାଙ୍ଗା, ହେଦାଂ ପୁନାଙ୍ଗ୍‌, “ମାତର୍‌ ଆନ୍‌ ଇମ୍‌ଣି ବାହାତାଂ ୱାନାଙ୍ଗ୍‌ କି ଇମ୍‌ଣି ବାହାତ ହାନାଙ୍ଗ୍‌, ହେଦାଂ ଏପେଙ୍ଗ୍‌ ପୁନୁଦେର୍‌ ।

ଜହନ୍‌ 8:14 ပူးပေါင်းရင်းမြစ်များ

ଜହନ୍‌ 10:15

ଆନେଙ୍ଗ୍ ହେଲେକେ ନା ମେଣ୍ଢାକାଙ୍ଗ୍ ପା ପୁନାଙ୍ଗ୍, ଆରେ ହେୱେକ୍ ପା ନାଙ୍ଗେଙ୍ଗ୍ ପୁଞ୍ଜ୍‌ନିକ୍। ଆନେଙ୍ଗ୍ ମେଣ୍ଢାକାଙ୍ଗ୍ ନା ଜିବୁନ୍ ହିଦେଙ୍ଗ୍ ପା ରାଜି ମାନାଙ୍ଗ୍।

ଜହନ୍‌ 10:36

ଲାଗିଙ୍ଗ୍ ଏପେଙ୍ଗ୍ ଇନା କିଦେଙ୍ଗ୍ ଇନାଦେରା, ଆନେଙ୍ଗ୍ ଇନାକା ଈଶ୍ୱର ନିନ୍ଦା ବିରୁଦ୍‌ତାକେ ୱେଚ୍‌ଚାନାଙ୍ଗା ଇଞ୍ଜି। ଇନେସ୍‌କି ଆନେଙ୍ଗ୍ ୱେଚ୍‌ଚାନାଙ୍ଗା, ‘ଆନେଙ୍ଗ୍ ଈଶ୍ୱର ମେହି।’ ନାଙ୍ଗେଙ୍ଗ୍ ଈଶ୍ୱର ବାଚି କିତ୍‌ତାନ୍‌ନା ଆରେ ପୁର୍ତିତାକେ ପକ୍ତାତାନ୍‌ନା।

ଜହନ୍‌ 13:3

ଆବା ଈଶ୍ୱର ଯୀଶୁଙ୍ଗ୍ ୱିଜୁ ବଷୟରେ ଆଦିକାର୍ ହିଜିମାଚାନ୍। ହେୱାନ୍ ଈଶ୍ୱରତାଙ୍ଗ୍ ୱାତାନ୍‌ନା ଆରେ ଈଶ୍ୱରତାକେ ହାନାଙ୍ଗ୍ ଇଞ୍ଜି ଯୀଶୁ ଇଦାଙ୍ଗ୍ ପୁନ୍‌ଞ୍ଜି ମାଚାନ୍।

ଜହନ୍‌ 14:10

ଆନେଙ୍ଗ୍ ଆବା ଈଶ୍ୱରତାକେ ଆରେ ଆବା ଈଶ୍ୱର ନାବେ ମାନାନ୍? ଏପେଙ୍ଗ୍ ଇନାକା ପାର୍ତି କିନାଦେର୍, ଆନେଙ୍ଗ୍ ଇନା ଇନାକା ୱେଚ୍‌ନାଙ୍ଗା ହେଦାଙ୍ଗ୍ ନାବେତାଙ୍ଗ୍ ୱାୱାତାତ୍‌ନା। ମାତର୍ ଆବା ଈଶ୍ୱର ନା ବିତ୍ରେ ମାନ୍‌ଞ୍ଜି ଇୱିଜୁ କାମାୟ୍ କିନାନା।

ଜହନ୍‌ 16:28

ଆନେଙ୍ଗ୍ ଇ ପୁର୍ତିତିଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଙ୍ଗ୍‌ନା। ନଙ୍ଗୟ୍ ଆନେଙ୍ଗ୍ ଇ ପୁର୍ତି ପିସ୍ତି ଆବା ଈଶ୍ୱରତାକେ ହାନାଙ୍ଗ୍।”

ଜହନ୍‌ 17:8

ଇନେସ୍‌କି ନାଙ୍ଗେଙ୍ଗ୍ ଏନେଙ୍ଗ୍ ଇମ୍‌ଣି ହିକ୍ଷାହିଜି ମାନ୍‌ଞ୍ଚାଇ, ଆନେଙ୍ଗ୍ ହେ ହିକ୍ଷାତିଙ୍ଗ୍ ମାନାୟାରିଙ୍ଗ୍ ହିତାଙ୍ଗ୍‌ନା। ହେୱାର୍ ହେଦାଙ୍ଗ୍‌ତିଙ୍ଗ୍ ଆସ୍ତାର୍‌ନା। ହେୱାର୍ ପୁଞ୍ଜେଙ୍ଗ୍ ଆଡ଼୍‌ତାର୍ ଯେ, ଆନେଙ୍ଗ୍ ହାତ୍‌ପା ମିବେତାଙ୍ଗ୍ ୱାତାଙ୍ଗ୍‌ନା, ଆରେ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ହେୱାର୍ ପାର୍ତି କିଦ୍‌ନାରା।

ଜହନ୍‌ 18:37

ପିଲାତ ୱେଚ୍‌ଚାନ୍, “ଲାଗିଙ୍ଗ୍ ଏନେଙ୍ଗ୍ ରକାଇ ରାଜା।” ଯୀଶୁ ୱେଚ୍‌ଚାନ୍, “ଏନେଙ୍ଗ୍ ନାଙ୍ଗେଙ୍ଗ୍ ରାଜା ଇଞ୍ଜି ୱେଚ୍‌ଚାନାୟା। ଇଦାଙ୍ଗ୍ ସତ୍। ଆନେଙ୍ଗ୍ ଇଦାଙ୍ଗ୍ କାଜିଙ୍ଗ୍ ଜନମ୍ ଆତାଙ୍ଗ୍‌ନା। ମାନାୟାରିଙ୍ଗ୍ ସତ୍ ବିଷୟରେ ପୁନିକିଦେଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଜଗତ୍‌ତାକେ ୱାତାଙ୍ଗ୍‌ନା। ସତ୍‌ତିଙ୍ଗ୍ ଲାଡ୍ କିନାକାର୍ ୱିଜୁ ମାନାୟ୍ ନା କାତା ୱେନାର୍।”

ଜହନ୍‌ 5:31

ଆନେଙ୍ଗ୍ ଯଦି ମାନାୟାରିଙ୍ଗ୍ ନା ଜାର୍ ବିଷୟରେ ୱେଚ୍‌ଚାନାଙ୍ଗ୍‌, ଏଲେଙ୍ଗ୍ ଆତିସ୍ ନା ୱେଚ୍‌ଚି ବେଣ୍ ଟିକ୍ ଆଉତ୍।

ଜହନ୍‌ 8:42

ଯୀଶୁ ହେ ଯିହୁଦି ନେତାରିଙ୍ଗ୍ ୱେଚ୍‌ଚାନ୍, “ଈଶ୍ୱର ଯଦି ମିଞ୍ଜ୍‌ବା ଆତାନ୍‌ମା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଲାଡ୍ କିତ୍‌ତାଦେର୍‌ମା। ଆନେଙ୍ଗ୍ ନିଜେ ୱାୱାତାଙ୍ଗ୍, ମାତର୍ ନାଙ୍ଗେଙ୍ଗ୍ ଈଶ୍ୱର ଇବେ ପକ୍ତାତାନ୍‌ନା।

୨ କରନ୍ତିୟ 11:31

ମା ମାପୃ ଯୀଶୁ ଖ୍ରୀଷ୍ଟ ଲାତ୍ରାହି, ଈଶ୍ୱର ୱିଜୁଦିନ୍ ଜୟ୍-ଜୟ୍ ପାୟା ଆନାନ୍ ହେୱାନ୍ ପୁଚାନ୍‌ନା ଯେ ଆନେଙ୍ଗ୍ ମିଚ୍ ୱେଚୁଙ୍ଗା।

୨ କରନ୍ତିୟ 12:11

ଆନେଙ୍ଗ୍ ବକ୍‌ୱା ଲେକେ ବ୍ୟବହାର୍ କିନାଙ୍ଗା, ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ହେଲେକେ କିଦେଙ୍ଗ୍ ବାଦ୍ୟ କିତ୍‌ତାଦେର୍। ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ହାର୍ ଇଞ୍ଜି ଇଞ୍ଜ୍‌ନାକା ମାଚାତ୍, ଲାଗିଙ୍ଗ୍ ଆନେଙ୍ଗ୍ ବେକାର୍ ଆଜି ମାଚିସ୍ ପା, ଆନେଙ୍ଗ୍ ଗାଜା ବାଚିକିତି ଚେଲାର୍‌ତାଙ୍ଗ୍ ହିରୁକାଙ୍ଗ୍ ଆକାୟ୍।

୨ କରନ୍ତିୟ 12:19

ଏପେଙ୍ଗ୍ ବାବିକିଜି ମାନାଦେର୍ ଯେ, ମା ବିରୁଦ୍‌ତାକେ ୱେଚ୍‌ଚି ମାନି ୱିଜୁ ବିଷୟତିଙ୍ଗ୍ ବନ୍ଦ୍ କିଦେଙ୍ଗ୍ ଇ ୱିଜୁ ଲେକିକିନାଙ୍ଗା, ହେଲେକେ ଆକାୟ୍, ମାତର୍ ଆପେଙ୍ଗ୍ ଖ୍ରୀଷ୍ଟତାକେ ଚାକର୍ ଆଜିମାଚି କାଜିଙ୍ଗ୍ ଇ ୱିଜୁ ୱେଚ୍‌ଚାନାପା। ଇ ୱିଜୁ ଜିନିଷ୍ ମି ଲାବ୍ କାଜିଙ୍ଗ୍ କିନାପା, ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ ଈଶ୍ୱର ମାଙ୍ଗେଙ୍ଗ୍ ୱେଞ୍ଜ୍‌ନାନା।

ହତ୍‌ତି 1:5

ଆରେ, ଯୀଶୁ ଖ୍ରୀଷ୍ଟତାଙ୍ଗ୍ ଇନେର୍‌କି ଈଶ୍ୱର କାତାତିଙ୍ଗ୍ ସାକି ହିନାନା ଆରେ ତା କାତାତିଙ୍ଗ୍ ପାର୍ତି କିୟାଆନାତ୍, ହେୱାନ୍‌ ନେ ପାର୍ତୁମ୍ ମାରାଣ୍‌ତାଙ୍ଗ୍ ଜିବୁନ୍ ଆତାନ୍‌ନା ଆରେ ପୁର୍ତିନି ୱିଜୁ ରାଜାରିଙ୍ଗ୍ ସାସନ୍ କିନି ମାନାୟ୍ ଆତାନ୍‌ନା। ହେୱାନ୍ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ହେୱାନ୍ ମା କାଜିଙ୍ଗ୍ ଜାର୍ ନେତେର୍ ବଡ଼ାଇ କିଜି ହାଃତାନ୍ ଆରେ ଆସେଙ୍ଗ୍ କିତି ପାପ୍‌ନି ଦଣ୍ଡ୍‌ତିଙ୍ଗ୍ କେମା କିତାନ୍‌ନା।

ହତ୍‌ତି 3:14

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଲାଅଦିକୀଆ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍। ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେରିଙ୍ଗ୍ ଆମେନ୍ ଇନାର୍, ଇନେସ୍‌କି ଆନେଙ୍ଗ୍ ଦରମ୍ ଲକ୍ ଆରେ ଆନେଙ୍ଗ୍ ଈଶ୍ୱର ବିଷୟରେ ୱେଚ୍‌ନାକା ୱିଜୁ ସତ୍। ଆରେ ପା ଈଶ୍ୱର ନା କାଜିଙ୍ଗ୍ ପୁର୍ତିନି ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା।