ଜହନ୍‌ 8:12 - New Testament in Pengo Parja Language

¹² ପାଚେ ଯୀଶୁ ଆରେରଗ ହିକ୍ଷାହିଜି ୱେଚ୍‌ଚାନ୍, “ଆନେଙ୍ଗ୍ ପୁର୍ତିନି ଅଜଡ଼୍, ନା ପାଚେ ଇମ୍‌ଣାକାନ୍ ୱାନାନ୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତ ତାଙ୍ଗୁନ୍। ମାତର୍ ହେୱାନ୍ ଜିବୁନ୍‌ହିନି ଅଜଡ଼୍ ପାୟା ଆନାନ୍।”

ସତ୍‌ ବଚନ୍‌ ପୁନି ନିୟମ୍‌

¹² ଜିସୁ ଆରେ ରଗ ପାରୁସିରିଂ ଇଚାନ୍‌, “ଆନ୍‌ ପୁର୍ତିନି ଅଜଡ଼୍‌” ଇନେର୍‌ ନା ପାଚେ ୱାନାର୍‌, “ହେୱାନ୍‌ ଇନାୱାଡ଼ାଂ ପା ମାଜ୍‌ଗାତ ବୁଲା ଆଉନ୍‌, ଇଚିସ୍‌ ଜିବୁନ୍‌ନି ଅଜଡ଼୍‌ ପାୟା ଆନାନ୍‌ ।”

ଜହନ୍‌ 8:12 ပူးပေါင်းရင်းမြစ်များ

ମାତିଉ 5:14

ଏପେଙ୍ଗ୍ ଇ ପୁର୍ତିନି ବଇଟାଲେକେ। ମାଡ଼ିଜପି ମାନି ନାସ୍ ଡ଼ୁଗ୍‌ଜି ମାଞ୍ଜେଙ୍ଗ୍ ଆଡୁତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:32

ହେୱାନ୍ ବିନ୍‌ଜାତିନି ମାନାୟାରିଙ୍ଗ୍ ହେୱାନ୍ ର ଅଜଡ଼୍‌ଲେକେ ଈଶ୍ୱରତିଙ୍ଗ୍ ପୁନିକିନାନ୍। ଆରେ ତା ଜାର୍ ଇସ୍ରାଏଲ ଜାତିନି ମାନାୟାରିଙ୍ଗ୍ ସନ୍‌ମାନ୍ କିୟିକିତାନ୍‌।”

ଜହନ୍‌ 12:35

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମି ଲାଗାୟ୍ ଆରେ ଅଲପ୍‌ଦିନ୍ ଅଜଡ଼୍ ମାନ୍‌ଗାନାତ୍। ଲାଗିଙ୍ଗ୍ ଅଜଡ଼୍ ମି ଲାଗାୟ୍ ମାନି ପାତେକ୍ ତାଙ୍ଗାଟ୍। ଲାଗିଙ୍ଗ୍ ମାଜ୍‌ଗା ମିଙ୍ଗେଙ୍ଗ୍ ଆସ୍ତେଦେଙ୍ଗ୍ ଆଡ଼୍‌ଦୁତ୍। ମାଜ୍‌ଗାତାକେ ତାଙ୍ଗ୍‌ନାକାନ୍ ଇମେନିପଣ୍ ହାନାନା ପୁଞ୍ଜେଙ୍ଗ୍ ଆଡୁନ୍।

ଜହନ୍‌ 12:36

ଲାଗିଙ୍ଗ୍ ମି ଲାଗାୟ୍ ଅଜଡ଼୍ ମାନି ପାତେକ୍ ହେୱାନ୍‌ତାକେ ପାର୍ତିକିୟାଟ୍। ଲାଗିଙ୍ଗ୍ ଏପେଙ୍ଗ୍ ଅଜଡ଼୍‌ନି ମାଜିକାଦେର୍ ଆନାଦେର୍।” ଯୀଶୁ ଇ କାତା ୱେଚ୍‌ଚି ପାଚେ ହେୱାର୍‌ତାଙ୍ଗ୍ ହାଚାନ୍। ହେୱାନ୍ ଇଲେଗ୍‌ଦି ବାହାତାକେ ମାଚାନ୍, ହେୱାନିଙ୍ଗ୍ ମାନାୟାର୍ ଦାସ୍ତେଙ୍ଗ୍ ଆଡ୍‌ୱାତାର୍।

ଜହନ୍‌ 12:46

ଆନେଙ୍ଗ୍ ଅଜଡ଼୍‌ଲେକେ ପୁର୍ତିତାକେ ୱାତାଙ୍ଗ୍‌ନା। ଇନେର୍ ନାଙ୍ଗେଙ୍ଗ୍ ପାର୍ତି କିଦ୍‌ନାର୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତାକେ ମାନୁନ୍।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 3:19

ମାନାୟାର୍ ଈଶ୍ୱର ମେହିଙ୍ଗ୍ ପାର୍ତିକିୱି କାଜିଙ୍ଗ୍ ବିଚାର୍ ଆନାତ୍। ହେ ଅଜଡ଼୍ ଜଗତ୍‌ତାକେ ୱାତାତ୍‌ନା, ମାତର୍ ମାନାୟାର୍ ହେ ଅଜଡ଼୍‌ତିଙ୍ଗ୍ ହୁଡ଼୍‌ୱାତାର୍, ହେୱାର୍ ମାଜ୍‌ଗାତିଙ୍ଗ୍ ଡେକ୍‌ତାର୍, ଇନେସ୍‌କି ହେୱାର୍ କରାପ୍ କାମାୟ୍‌ତାକେ ମାଚାର୍।

ଜହନ୍‌ 7:17

ଇମ୍‌ଣାକାନ୍ ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଇଚାକିନାନ୍। ହେୱାନ୍‌ନେ ପୁଞ୍ଜେଙ୍ଗ୍ ଆଡ୍‌ନାନ୍ ଇଦାଙ୍ଗ୍ ଈଶ୍ୱରନି ହିକ୍ଷା କି ନା ଜାର୍ ହିକ୍ଷା।

ଜହନ୍‌ 9:5

ଆନେଙ୍ଗ୍ ପୁର୍ତିତାକେ ମାନି ପାତେକ୍ ପୁର୍ତି କାଜିଙ୍ଗ୍ ଅଜଡ଼୍ ଆରେ ୱିଜାକାରିଙ୍ଗ୍ ଅଜଡ଼୍ ହିଜି ମାନାଙ୍ଗ୍।”

ପକ୍ୟାତାକା 13:47

ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ଇଲେକେ ଆଦେସ୍ ହିତ୍‌ତାନ୍‌ନା, ‘ଆପେଙ୍ଗ୍ ନିଙ୍ଗେଙ୍ଗ୍ ବିନ୍‌ଜାତିନି ମାନାୟାର୍ କାଜିଙ୍ଗ୍ ର ଲାଇଟ୍ ଲେକେ ଅଜଡ଼୍ ରସ୍ତାପ୍‌ନା, ଏନେଙ୍ଗ୍ ପୁର୍ତିନି ଚାରିବେଣ୍‌ତାଙ୍ଗ୍ ମାନି ମାନାୟାରିଙ୍ଗ୍ ଉଦାର୍ କିଦ୍‌ନାକାନ୍ ବିଷୟରେ ୱେଚ୍‍ନାଇ।’”

ପକ୍ୟାତାକା 26:23

ଇବିଷୟ ୱେଚ୍‌ଚାର୍‌ନା ଯେ ଖ୍ରୀଷ୍ଟ ଦୁକ୍‌କଷ୍ଟ ପାୟା ଆନାନ୍, ଆରେ ହେୱାନ୍‌ନେ ପାର୍ତୁମ୍ ହାଃତାକାର୍‌ତାଙ୍ଗ୍ ଜିବୁନ୍‌ଆଜି ନିଙ୍ଗ୍‌ନାନ୍। ଇଦାଙ୍ଗ୍ କାଜିଙ୍ଗ୍ ଯିହୁଦିର୍ ଆରେ ବିନ୍‌ଜାତିନି ମାନାୟାର୍ ଲାଗାୟ୍ ହେୱାର୍ ପା ରକ୍ଷା ପାୟାଆନାର୍‌ ଇଞ୍ଜି ଶୁଣାୟ୍ କିନାନ୍।”

୨ ପିତର 2:17

ୱାଚ୍‌ଚି ଜାରାଣ୍‌ଲେକେ ଇ ବୁଲ୍ ହିକ୍ଷାହିନି ମାଷ୍ଟେରାର୍। ବାହ୍‌ରା ଆନି ଆଗେ ଇନେସ୍ ବେସି ଡ଼ୁଇଦୁକା ଆଜି ବାଦାଡ଼୍‌ତିଙ୍ଗ୍ ଗୁଚାଇ କିନାତ୍, ଇ ମାଷ୍ଟେରାର୍ ହେଲେକେ ମୁଲ୍ୟ ହିଲାକାର୍। ଈଶ୍ୱର ହେୱାର୍ କାଜିଙ୍ଗ୍ ବେସି ମାଜ୍‌ଗା ଆତି ବାହା ରସ୍ତାନ୍‌ନା।

୨ ପିତର 2:4

ଇନେସ୍‌କି ଆସେଙ୍ଗ୍ ପୁନାସ୍ ଯେ ଇମ୍‌ଣି ଦୁତ୍‌କୁ ଈଶ୍ୱର ଆଗେ ପାପ୍ କାମାୟ୍ କିଜି ମାଚିକ୍, ଈଶ୍ୱର ହେୱେକିୟାକାଙ୍ଗ୍ ଦଣ୍ଡ୍ ହିତାନ୍। ହେୱାନ୍ ହେୱେକିୟାକାଙ୍ଗ୍ ନରକ୍‌ତାକେ ତୁସିହିତାନ୍‌ନା, ଆରେ ହେୱେକିୟାକାଙ୍ଗ୍ ବିଚାର୍ କିଜି ଦଣ୍ଡ୍ ହିନି ଦିନ୍ ପାତେକ୍, ହେୱାନ୍ ହେୱେକାଙ୍ଗ୍ ମାଜ୍‌ଗା ଜଇଲ୍ ଇଞ୍ଜ ଇଡ଼୍‌ତାନ୍‌ନା।

୧ ଯୋହନ 1:6

ଯଦି ଆସେଙ୍ଗ୍ ଯୀଶୁ ହୁଦାଙ୍ଗ୍ ମାହାଆଜି ମାନାସ୍ ଇଞ୍ଜି ୱେଚ୍‌ନାସ୍, ଆରେ ମାଜ୍‌ଗାତାକେ ମାନିଲେକେ କରାପ୍ କାମାୟ୍ କିଜି ମାନାସ୍। ଲାଗିଙ୍ଗ୍ ଆସେଙ୍ଗ୍ ମିଚ୍‌ୱାକାସ୍‌, ଆରେ ଆସେଙ୍ଗ୍ ସତ୍ ହିକ୍ଷା ଅନୁସାରେ ଜିବୁନ୍ କାଟି କିଉସା।

ଜିହୁଦା 1:13

ହାମ୍‌ଦୁର୍‌ନି ଗାଜା ଲଉଡ଼ି ଇନେସ୍ କରାପ୍ ପେପୁଲ୍ ରହ୍‌ନାତ୍, ହେଲେକେ ଇ ମାନାୟାର୍ ଲାଜାଆନି ବିଷୟ ୱିଜୁ କିନାର୍। କେତେକ୍ ହୁକାଙ୍ଗ୍ ଇନେସ୍ ହାଣ୍‌କୁ ହାଜ୍‌ଦିଙ୍ଗ୍ ହାଲୁକ୍, ହେଲେକେ ହେୱାର୍ ହାର୍ଦି ହାଜ୍‌ଦିଙ୍ଗ୍ ହାଲୁର୍। ମାପୃ ହେୱାର୍ କାଜିଙ୍ଗ୍ ରଞ୍ଜାଙ୍ଗ୍ ପୁରାପୁରି ମାଜ୍‌ଗା ବାହା ଇଡ଼୍‌ତାନ୍‌ନା ଆରେ ହେୱାର୍ ହେ ବାହାତାକେ ୱିଜୁଦିନ୍ କାଜିଙ୍ଗ୍ ମାନ୍‌ଗାନାର୍।

ଜିହୁଦା 1:6

ଆରେ ଈଶ୍ୱର ହିଜିମାଚି ପାଦ୍‌ତାଙ୍ଗ୍ ଇମ୍‌ଣି ଦୁତ୍‌କୁ ୱାରିଆଜି ମାନ୍‌ୱାଦାଙ୍ଗ୍, ହେୱାର୍ ମାନି ଇଲ୍ ସରଗ୍‌ତାକେ ପିସ୍ତାର୍‌ନା, ହେୱାର୍ ବିଷୟରେ ଏପେଙ୍ଗ୍ ବାବିକିଜି ହୁଡ଼ାଟ୍। ଈଶ୍ୱର ହେୱାରିଙ୍ଗ୍ ମାଜ୍‌ଗା ବାହାତାକେ ୱିଜୁଦିନ୍ କାଜିଙ୍ଗ୍ ହେୱାରିଙ୍ଗ୍ ଗାଜା ବିଚାର୍‌କିନି ଦିନ୍‌ତ ୱିଜ୍‌ୱି ଦଣ୍ଡ୍ ହିନି କାଜିଙ୍ଗ୍ ହେୱାରିଙ୍ଗ୍ ହିକ୍‌ଡ଼ିଙ୍ଗ୍‌ତାଙ୍ଗ୍ ଗାଚ୍‌ଚି ଇଡ଼୍‌ତାନ୍‌ନା।

ହତ୍‌ତି 21:24

ହେ ସହର୍‌ନି ଅଜଡ଼୍ ପୁର୍ତିତାକେ ମାନି ୱିଜୁ ମାନାୟାର୍‌ କାଜିଙ୍ଗ୍ ଗୌରବ ଆନାତ୍, ଆରେ ପୁର୍ତିନି ୱିଜୁ ଜାତିନି ରାଜାର୍ ଜାର୍ ଦନ୍ ସମ୍ପତି ହେ ସହର୍‌ତାକେ ତାସିହିନାର୍।