ଜହନ୍‌ 7:19 - New Testament in Pengo Parja Language

¹⁹ ଇଦାଙ୍ଗ୍ ସତ୍ ମୋଶା ଲେକିକିତି ନିୟମ୍‌ନି ସାସ୍ତର୍ ମିଙ୍ଗେଙ୍ଗ୍ ହିତ୍‌ତାନ୍‌ନା। ମାତର୍ ମି ବିତ୍ରେତାଙ୍ଗ୍ ଇନେର୍ ପା ହେ ନିୟମ୍‌ତିଙ୍ଗ୍ ମାନି କିଉଦେରା। ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିନାଦେରା?”

ସତ୍‌ ବଚନ୍‌ ପୁନି ନିୟମ୍‌

¹⁹ ମସା ଇନାକା ମିଙ୍ଗେଙ୍ଗ୍‌ ବିଦି ହିଦ୍‌ୱାତାନ୍‌ନା ? ଆତିସ୍‌ପା ମି ବିତ୍ରେ ରୱାନ୍‌ ପା ବିଦି ମାନି କିଉଦେରା । ଏପେଙ୍ଗ୍‌ ଇନାକିଦେଂ ନାଙ୍ଗେଙ୍ଗ୍‌ ଅସ୍ତେଦେଂ ସେସ୍ଟା କିଦ୍‌ନାଦେରା ?”

ଜହନ୍‌ 7:19 ပူးပေါင်းရင်းမြစ်များ

ମାତିଉ 12:14

ମାତର୍ ପାରୁସିଦଳ୍‍ ହସିହାଲ୍‍ଜି ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ହେଦାପ୍ରେ ହେରୋଦ ରାଜା ନିପଣ୍ ଆନି ମାନାୟ୍ ହୁଦାଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍।

ମାତିଉ 21:38

ମାତର୍ ହେ ଆଦି ଆସ୍ତାକାର୍ ବାଡ଼୍ ମାଲିକ୍‌ନି ହିମ୍‌ଣାଙ୍ଗ୍ ହୁଡ଼୍‌ଜି ଜାର୍-ଜାର୍‌ବିତ୍ରେ ବେଣ୍‌କିବାଆଜି ୱେଚ୍‌ପାଆତାର୍, ‘ଇୱାନ୍‌ତ ମାଲିକ୍ ମେହି, ଇୱାନିଙ୍ଗ୍ ମାର୍ନେ ଅସ୍ତିସ୍ ଇ ଅଙ୍ଗୁର୍ ବାଡ଼୍ ମାଦି ଆନାତ୍‌।’

ମାର୍କ 11:18

ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍, ଆରେ ଯିହୁଦି ଦରମ୍‌ନି ପଣ୍ଡିତାର୍, ଯୀଶୁ କିତି କାମାୟ୍‌ତିଙ୍ଗ୍ ଆରେ ୱେଚ୍‌ଚି ବେଣ୍‌ତିଙ୍ଗ୍ ୱେନ୍‌ଞ୍ଜି ହେୱାର୍‌ ଯୀଶୁଙ୍ଗ୍ ଅସ୍ତେଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍, ମାତର୍ ଯୀଶୁଙ୍ଗ୍ ହେୱାର୍ ପାଣ୍ଡ୍ରାଆଜି ମାଚାର୍। ଇନେସ୍‌କି ମାନାୟାର୍ ତା କାତାତିଙ୍ଗ୍ ମାନିକିଜି ମାଚାର୍।

ମାର୍କ 3:4

ହେୱାରିଙ୍ଗ୍ ଯୀଶୁ ୱେଚ୍‌ଚାନ୍, “ଯିହୁଦିର୍ ଜମ୍‌ନିଦିନ୍‌ ନାଞ୍ଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଇ ବିଦି ମାନାତ୍, ମାତର୍ ବାନ୍ୟା କାମାୟ୍ କିଦେଙ୍ଗ୍ ଆକାୟ୍। ଆରେ ଜିବୁନ୍ ଉଦାର୍ କିଦେଙ୍ଗ୍ ପା ବିଦି ମାନାତ୍ ମାତର୍ ପାଗ୍‍ଦେଙ୍ଗ୍ ଆକାୟ୍, ଇଦାଙ୍ଗ୍ ଇନାକା ସତ୍‌ବେଣ୍ ଆକାୟ୍‌କି?” ମାତର୍ ଇବେଣ୍ ୱେନ୍‌ଞ୍ଜି ହେୱାର୍ ଚିମ୍ରା ଆଜି ମାଚାର୍।

ମାର୍କ 3:6

ହେବେତାଙ୍ଗ୍ ପାରୁସିଦଳ୍‍ନି ମାନାୟ୍ ହସିହାଚାର୍ ଆରେ ହେଦାପ୍ରେ ହେରୋଦ ନିପଣ୍ ଆନି ମାନାୟ୍ ନିକାର୍ ହୁଦାଙ୍ଗ୍ ମାହାଆଜି ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍।

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ଜହନ୍‌ 10:39

ଯିହୁଦି ନେତାର୍ ଯୀଶୁଙ୍ଗ୍ ଆସ୍ତେଙ୍ଗ୍ ଆରେରଗ ଉପାୟ୍ କିତାର୍, ମାତର୍ ହେୱାନିଙ୍ଗ୍ ଆସ୍ତେଙ୍ଗ୍ ଆଡ୍‌ୱାତାର୍।

ଜହନ୍‌ 11:53

ଲାଗିଙ୍ଗ୍ ହେଦିନ୍‌ତାଙ୍ଗ୍ ଯିହୁଦିର୍ ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିତାର୍।

ଜହନ୍‌ 5:16

ଯୀଶୁ ଜମ୍‌ନିଦିନ୍‌ ନାଞ୍ଜିଙ୍ଗ୍ ଇୱିଜୁ ହାର୍‌କିନି କାମାୟ୍ କିଜି ମାଚାନ୍। ଲାଗିଙ୍ଗ୍ ଯିହୁଦି ନେତାର୍ ଯୀଶୁଙ୍ଗ୍ ହଇରାଣ୍ କିଦେଙ୍ଗ୍ ଲାଗାତାର୍।

ଜହନ୍‌ 5:18

ଇଦାଙ୍ଗ୍ କାଜିଙ୍ଗ୍ ଯିହୁଦି ନେତାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଆରେ ଆଦିକ୍ ଉପାୟ୍ କିତାର୍। ଯିହୁଦି ନେତାର୍ ୱେଚ୍‌ଚାର୍, “ପାର୍ତୁମ୍ ଯୀଶୁ ଜମ୍‌ନିଦିନ୍‌ ନିୟମ୍ ବିଦିତିଙ୍ଗ୍ ବାଙ୍ଗାଇ କିତାନ୍। ତାପାଚେ ହେୱାନ୍ ଈଶ୍ୱରତିଙ୍ଗ୍ ଜାର୍ ଆବା ଇଞ୍ଜି ଇନାନା। ହେୱାନ୍ ଜାର୍‌ତିଙ୍ଗ୍ ଈଶ୍ୱର ଲାହାଙ୍ଗ୍ ହାମାନ୍ କିନାନା।”

ଜହନ୍‌ 5:45

ଆନେଙ୍ଗ୍ ସରଗ୍‌ନି ଆବା ମୁମ୍‌ଦ ମି ବିରୁଦ୍‌ତାକେ ୱେଚ୍‌ନାଙ୍ଗ୍, ଇଞ୍ଜି ଏପେଙ୍ଗ୍ ଇଲେକେ ବାବିକିମାଟ୍। ମାତର୍ ଇମ୍‌ଣି ଭବିଷ୍ଯତବକ୍ତା ମୋଶାଙ୍ଗ୍ ଆହା ଇଡ଼୍‌ତାଦେର୍‌ନା, ହେୱାନ୍ ମି ବିରୁଦ୍‌ତାକେ ୱେଚ୍‌ଚାନାନା।

ଜହନ୍‌ 7:1

ଇଦାଙ୍ଗ୍ ପାଚେ ଯୀଶୁ ଗାଲିଲୀ ଜିଲ୍ଲାତାକେ ବୁଲାଆଦେଙ୍ଗ୍ ଲାଗାତାନ୍। ଯିହୁଦି ନେତାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଇଚାକିଜି ମାଚାର୍। ହେଦାଙ୍ଗ୍ କାଜିଙ୍ଗ୍ ହେୱାନ୍ ଯିହୁଦା ଜିଲ୍ଲାତ ହାଞ୍ଜେଙ୍ଗ୍ ଇଚା କିୱାଦାଙ୍ଗ୍ ମାଚାନ୍।

ଜହନ୍‌ 7:25

ଯିରୁଶାଲାମ ସହର୍‌ତାକେ ବାହାକିତି କେତ୍‌ଜାଣ୍ ମାନାୟାର୍ ୱେଚ୍‌ଚାର୍, “ଇୱାନିଙ୍ଗ୍ ଯିହୁଦି ନେତାର୍ ମାର୍ନେ ଅସ୍ତେଙ୍ଗ୍ ଉପାୟ୍ କିଜି ମାଚାର୍, ଇୱାନ୍ ହେୱାନ୍ କି?

ପକ୍ୟାତାକା 7:38

ହେୱାର୍ ଏଚେପାଦ୍ନା ଟାଙ୍ଗ୍ରାବାହାତାକେ ରବେଆଜି ମାଚାର୍, ହେପାଦ୍ନା ଇ ମଶା ମା ଆକଦାଦିର୍ ଭବିଷ୍ଯତବକ୍ତା ମାଚାନ୍। ଈଶ୍ୱର ମଶା ଲାଗାୟ୍ ର ଦୁତ୍‌ତିଙ୍ଗ୍ ପକ୍ତାନ୍, ହେ ଦୁତ୍ ହେୱାନ୍ ହୁଦାଙ୍ଗ୍ ସିନୟ ମାଡ଼ିତାକେ ବେଣ୍‌କିତାନ୍, ଆରେ ମା ନିୟମ୍ ସାସ୍ତର୍ ହେୱାନିଙ୍ଗ୍ ହିତାର୍। ଆରେ ମଶା ମା ଆକଦାଦିରିଙ୍ଗ୍ ହେ ନିୟମ୍ ସାସ୍ତର୍ ହିତ୍‌ତାନ୍। ଈଶ୍ୱର ମଶାଙ୍ଗ୍ ଜିବୁନ୍‌ହିନି କାତାହିତାନ୍‌, ଆରେ ହେୱାନ୍ ମାଙ୍ଗେଙ୍ଗ୍ ହିତ୍‌ତାନ୍‌ନା।

ଗାଲାତିୟ 3:19

ଲାଗିଙ୍ଗ୍ ଈଶ୍ୱର ଇନାକିଦେଙ୍ଗ୍ ମୋଶାଙ୍ଗ୍ ନିୟମ୍ ସାସ୍ତର୍ ହିତାନ୍‌ନା? ମାନାୟାରିଙ୍ଗ୍ ଦସି କିଦେଙ୍ଗ୍ ନିୟମ୍ ସାସ୍ତର୍ ହିୟାଆତାତ୍‌ନା। ପାର୍ମାଣ୍ କିଜିମାଚି ହିମ୍‌ଣା ୱାୱାଦାଙ୍ଗ୍ ହେ ନିୟମ୍ ସାସ୍ତର୍ ଚାଲାଆଜି ମାଚାତ୍। ଈଶ୍ୱର ଦୁତ୍‌କୁତାଙ୍ଗ୍ ମୋଶାଙ୍ଗ୍ ହିଜିମାଚାନ୍ ହେୱାନ୍ ଈଶ୍ୱର ଆରେ ମାନାୟାର୍ ବିତ୍ରେ ମାଦି ମାନ୍‌ଞ୍ଜି କାମାୟ୍ କିତାନ୍।

ଗାଲାତିୟ 6:13

ଆରେ ଇମ୍‌ଣି ସୁନତ ବିଦି ମାନିକିନି ପାର୍ତିକିନି ମାନାୟାର୍ ମିଙ୍ଗେଙ୍ଗ୍ ସୁନତ ବିଦି ମାନି କିଦେଙ୍ଗ୍ ୱେଚ୍‌ଚାନାର୍, ହେୱାର୍ ନିଜେ ମୋଶା ଲେକିକିତି ନିୟମ୍ ସାସ୍ତର୍ ମାନିକିଉର୍। ମାତର୍ ହେୱାର୍ କାଜିଙ୍ଗ୍ ଏପେଙ୍ଗ୍ ସୁନତ ବିଦି ଆତାଦେର୍‌ନା ଇଞ୍ଜି ଜାର୍‌ତିଙ୍ଗ୍ ଗର୍ବ ଆଜି ୱେଚ୍‌ଚେଙ୍ଗ୍, ହେୱାର୍ ସୁନତ ବିଦି କିୟାଟ୍ ଇଞ୍ଜି ମିଙ୍ଗେଙ୍ଗ୍ ୱେଚ୍‌ଚାନାର୍।