ଜହନ୍‌ 7:1 - New Testament in Pengo Parja Language

¹ ଇଦାଙ୍ଗ୍ ପାଚେ ଯୀଶୁ ଗାଲିଲୀ ଜିଲ୍ଲାତାକେ ବୁଲାଆଦେଙ୍ଗ୍ ଲାଗାତାନ୍। ଯିହୁଦି ନେତାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଇଚାକିଜି ମାଚାର୍। ହେଦାଙ୍ଗ୍ କାଜିଙ୍ଗ୍ ହେୱାନ୍ ଯିହୁଦା ଜିଲ୍ଲାତ ହାଞ୍ଜେଙ୍ଗ୍ ଇଚା କିୱାଦାଙ୍ଗ୍ ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

¹ ଇଦାଂ ପାଚେ ଜିସୁ ଗାଲିଲିତ ବୁଲାଆଦେଂ ଲାଗାତାନ୍‌, ଇନାକିଦେଂକି ଜିହୁଦିର୍‌ ତାଙ୍ଗେଙ୍ଗ୍‌ ଟାଣ୍‌ତେ ଅହ୍‌ନି କାଜିଂ ସେସ୍ଟା କିଜ଼ି ମାଚିଲେ, ହେୱାନ୍‌ ଜିହୁଦା ଦେସ୍‌ତ ବୁଲାଆଦେଂ ମାନ୍‌ କିୱାଦାଂ ମାଚାନ୍‌ ।

ଜହନ୍‌ 7:1 ပူးပေါင်းရင်းမြစ်များ

ମାତିଉ 10:23

ମାତର୍ ହେୱାର୍ ଏଚେପାଦ୍ନା ମିଙ୍ଗେଙ୍ଗ୍ ର ସହର୍‌ତାକେ ଦୁକ୍ ହିଦ୍‌ନାର୍, ହେପାଦ୍ନା ଅଲଗା ସହର୍‌ତାକେ ହାଲାଟ୍। ଇନେସ୍‌କି ମିଙ୍ଗେଙ୍ଗ୍ ଆନେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇସ୍ରାଏଲନି ସହର୍‌କୁକାଙ୍ଗ୍ ଏପେଙ୍ଗ୍ ବୁଲା ଆନାକା ୱିଜ୍‌ୱି ଆଗେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନାଙ୍ଗ୍।

ମାତିଉ 21:38

ମାତର୍ ହେ ଆଦି ଆସ୍ତାକାର୍ ବାଡ଼୍ ମାଲିକ୍‌ନି ହିମ୍‌ଣାଙ୍ଗ୍ ହୁଡ଼୍‌ଜି ଜାର୍-ଜାର୍‌ବିତ୍ରେ ବେଣ୍‌କିବାଆଜି ୱେଚ୍‌ପାଆତାର୍, ‘ଇୱାନ୍‌ତ ମାଲିକ୍ ମେହି, ଇୱାନିଙ୍ଗ୍ ମାର୍ନେ ଅସ୍ତିସ୍ ଇ ଅଙ୍ଗୁର୍ ବାଡ଼୍ ମାଦି ଆନାତ୍‌।’

ମାର୍କ 11:18

ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍, ଆରେ ଯିହୁଦି ଦରମ୍‌ନି ପଣ୍ଡିତାର୍, ଯୀଶୁ କିତି କାମାୟ୍‌ତିଙ୍ଗ୍ ଆରେ ୱେଚ୍‌ଚି ବେଣ୍‌ତିଙ୍ଗ୍ ୱେନ୍‌ଞ୍ଜି ହେୱାର୍‌ ଯୀଶୁଙ୍ଗ୍ ଅସ୍ତେଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍, ମାତର୍ ଯୀଶୁଙ୍ଗ୍ ହେୱାର୍ ପାଣ୍ଡ୍ରାଆଜି ମାଚାର୍। ଇନେସ୍‌କି ମାନାୟାର୍ ତା କାତାତିଙ୍ଗ୍ ମାନିକିଜି ମାଚାର୍।

ଜହନ୍‌ 1:19

ଯିରୁଶାଲାମ ସହର୍‌ତାଙ୍ଗ୍ ଯିହୁଦିର୍ କେତ୍‌ଜାଣ୍ ପୁଜାରି ଆରେ ଈଶ୍ୱର ମନ୍ଦିର୍‌ତ ହେବାକିନି ଲେବିୟରିଙ୍ଗ୍, ଡୁବନ୍‌ହିନି ଯୋହନ ଲାଗାୟ୍ ଏନେଙ୍ଗ୍ ଇନେର୍? ଇଦାଙ୍ଗ୍ ୱେନ୍‌ବିନି କାଜିଙ୍ଗ୍ ଯିହୁଦି ନେତାର୍ ହେୱାରିଙ୍ଗ୍ ପକ୍ତାର୍।

ଜହନ୍‌ 4:3

ଲାଗିଙ୍ଗ୍ ଯୀଶୁ ହେପାଦ୍ନା ଯିହୁଦା ଜିଲ୍ଲା ପିସ୍ତି ଆରେରଗ ଗାଲିଲୀ ଜିଲ୍ଲାତ ହାଚାନ୍।

ଜହନ୍‌ 4:54

ଯିହୁଦା ଜିଲ୍ଲାତାଙ୍ଗ୍ ଗାଲିଲୀ ଜିଲ୍ଲାତାକେ ୱାତି ପାଚେ, ଯୀଶୁ ଇ ଚାନିଆଆନି କାମାୟ୍ ହୁଦାଙ୍ଗ୍ ରିହା ଚାନିଆଆନି କାମାୟ୍ କିଜି ମାଚାନ୍।

ଜହନ୍‌ 6:1

ତାପାଚେ ଯୀଶୁ ଗାଲିଲୀନି ହାମ୍‌ଦୁର୍ ଆନ୍‌ଟିପାଡ଼୍‌କା ହାଚାନ୍, ଇନେରିଙ୍ଗ୍ ତିବିରିଆ ହାମ୍‌ଦୁର୍ ପା ଇନାର୍।

ଜହନ୍‌ 7:11

ହେ ଯିହୁଦିର୍ ପାର୍ବୁତାକେ ଯୀଶୁଙ୍ଗ୍ ଦାସ୍ତାର୍। ହେୱାର୍ ୱେନ୍‌ବାତାର୍, “ହେୱାନ୍ ୱାୱାତାନ୍‌ନା କି?”

ଜହନ୍‌ 7:13

ମାତର୍ ମାନାୟାର୍ ଯିହୁଦି ନେତାରିଙ୍ଗ୍ ପାଣ୍ଡ୍ରାଆଜି କୁଲାକୁଲି ତା ବିଷୟରେ ବେଣ୍ କିୱାଦାଙ୍ଗ୍ ମାଚାର୍।

ଜହନ୍‌ 7:19

ଇଦାଙ୍ଗ୍ ସତ୍ ମୋଶା ଲେକିକିତି ନିୟମ୍‌ନି ସାସ୍ତର୍ ମିଙ୍ଗେଙ୍ଗ୍ ହିତ୍‌ତାନ୍‌ନା। ମାତର୍ ମି ବିତ୍ରେତାଙ୍ଗ୍ ଇନେର୍ ପା ହେ ନିୟମ୍‌ତିଙ୍ଗ୍ ମାନି କିଉଦେରା। ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିନାଦେରା?”

ଜହନ୍‌ 7:25

ଯିରୁଶାଲାମ ସହର୍‌ତାକେ ବାହାକିତି କେତ୍‌ଜାଣ୍ ମାନାୟାର୍ ୱେଚ୍‌ଚାର୍, “ଇୱାନିଙ୍ଗ୍ ଯିହୁଦି ନେତାର୍ ମାର୍ନେ ଅସ୍ତେଙ୍ଗ୍ ଉପାୟ୍ କିଜି ମାଚାର୍, ଇୱାନ୍ ହେୱାନ୍ କି?

ଜହନ୍‌ 7:35

ଯିହୁଦିର୍ ଜାର୍-ଜାର୍ ୱେଚ୍‌ପା ୱେଚ୍‌ପି ଆତାର୍, “ଇୱାନ୍ ଇମେତାକେ ହାନାନ୍ ଆସେଙ୍ଗ୍ ଇୱାନିଙ୍ଗ୍ ଗାଟାଆଉସ୍? ଇୱାନ୍ ଇନାକା ବିନ୍‌ଜାତିନି ନାସ୍‌କୁକାଙ୍ଗ୍ ହାଲ୍‌ଜି ହିକ୍ଷାହିଦେଙ୍ଗ୍ ହତାନ୍‌ନା କି? ଇମେତାକେ ମା ବିଚାଆତି ଲକ୍‌ବାକ୍ ମାନାର୍।

ଜହନ୍‌ 8:37

ଆନେଙ୍ଗ୍ ପୁନାଙ୍ଗ୍ ଏପେଙ୍ଗ୍ ଅବ୍ରାହାମ୍‌ ଲାତ୍ରା ନିକାଦେର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାଦେରା, ଇନେସ୍‌କି ଏପେଙ୍ଗ୍ ନା ହିକ୍ଷାତିଙ୍ଗ୍ ଆସ୍ତେଙ୍ଗ୍ ଇଚା କିଉଦେରା।

ଜହନ୍‌ 8:40

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱରତାଙ୍ଗ୍ ୱେଚି ସତ୍ କାତା ୱେଚ୍‌ଚାନାଙ୍ଗା। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାଦେରା। ମାତର୍ ଅବ୍ରାହାମ୍‌ ହେଲେକେ କିୱାଦାଙ୍ଗ୍ ମାଚାନ୍।

ପକ୍ୟାତାକା 10:38

ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।