ଜହନ୍‌ 6:57 - New Testament in Pengo Parja Language

⁵⁷ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ଜିବୁନ୍ ହିଦ୍‌ନାନ୍। ଇନେସ୍ ଲେକେ ହେୱାନ୍ ନାଙ୍ଗେଙ୍ଗ୍ ଜିବୁନ୍ ହିଦ୍‌ନାନ୍, ହେଲେକେ ଆନେଙ୍ଗ୍ ପା ନା ଗାଗାଡ଼୍‌ନି ଜେଇ ତିନି ମାନାୟାରିଙ୍ଗ୍ ଜିବୁନ୍ ହିନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

⁵⁷ ଜିବୁନ୍‌ନି ଆବା ନାଙ୍ଗେଙ୍ଗ୍‌ ପକ୍‌ତାତାନ୍ନା ଆରି ଆନ୍‌ ଆବା କାଜିଂ ଜିଜ଼ି ମାନାଂ, ହେ ଲାକେ ଜେ ନାଙ୍ଗେଙ୍ଗ୍‌ ତିଞ୍ଜିନାର୍‌, ହେୱାନ୍‌ ପାନା କାଜିଂ ଜିଜ଼ି ମାନାନ୍‌ ।

ଜହନ୍‌ 6:57 ပူးပေါင်းရင်းမြစ်များ

ମାତିଉ 16:16

ଶିମୋନ ପିତର ୱେଚ୍‌ଚାନ୍, “ଏନେଙ୍ଗ୍ ଆନାୟା ଖ୍ରୀଷ୍ଟ। ଯିବୁନ୍ ମାନି ଈଶ୍ୱର ମେହିତି।”

ଜହନ୍‌ 14:19

କେତ୍‌ଦିନ୍ ପାଚେ ଇ ପୁର୍ତିନି ମାନାୟାର୍ ନାଙ୍ଗେଙ୍ଗ୍ ଆରେ ହୁଡ଼୍‌ଦେଦେଙ୍ଗ୍ ଆଡ଼୍‌ଦୁର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦାନାଦେର୍। ଇନେସ୍‌କି ଆନେଙ୍ଗ୍ ଜିବୁନ୍ ମାନାଙ୍ଗ୍, ଏପେଙ୍ଗ୍ ପା ଜିବୁନ୍ ମାନ୍‌ଗାନାଦେର୍।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 17:21

ଏ ଆବା ଈଶ୍ୱର, ଆନେଙ୍ଗ୍ ନିବେ ପାର୍ତାନା କିଦ୍‌ନାଙ୍ଗା, ଇନେସ୍ ପାର୍ତି କିନାକାର୍ ରବେ ଆଦେଙ୍ଗ୍ ଆଡ୍‌ନାର୍। ଇନେସ୍‌କି ଏନେଙ୍ଗ୍ ନାବେ ମାନାଇ ଆରେ ଆନେଙ୍ଗ୍ ନିବେ ମାନାଙ୍ଗ୍। ହେଲେକେ ଇୱାର୍ ପା ମାବେ ମାନ୍‌ଗାନାର୍। ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ପୁର୍ତିନି ୱିଜୁ ମାନାୟାର୍ ପାର୍ତିକିନାର୍।

ଜହନ୍‌ 3:17

ଈଶ୍ୱର ତା ମେହିଙ୍ଗ୍ ଇ ପୁର୍ତିତାକେ ବିଚାର୍ କିଦେଙ୍ଗ୍ ପକ୍ତାୱାଦାଙ୍ଗ୍ ମାନ୍‌ଞ୍ଚାନ୍। ମାତର୍ ଇ ଜଗତ୍‌ ଇନେସ୍ ତା ମେହି କାଜିଙ୍ଗ୍ ରକ୍ଷା ପାୟାଆନାତ୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ତା ମେହିଙ୍ଗ୍ ପକ୍‌ଚି ମାନ୍‌ଞ୍ଚାନ୍।

ଜହନ୍‌ 5:26

ମାତର୍ ସରଗ୍‌ନି ଆବା ଆନାନା ଜିବୁନ୍‌ନି ଆଦିକାର୍ ମାନାତ୍। ହେୱାନ୍ ତା ମେହିଙ୍ଗ୍ ପା ଜିବୁନ୍‌ନି ଆଦିକାର୍ ହିତାନ୍‌ନା।

ଜହନ୍‌ 6:29

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଈଶ୍ୱର ଇନେରିଙ୍ଗ୍ ପକ୍ତାନ୍‌ନା ହେୱାନିଙ୍ଗ୍ ଏପେଙ୍ଗ୍ ପାର୍ତିକିୟାଟ୍। ଇଦାଙ୍ଗ୍ ନେ ଈଶ୍ୱର ଇଚା।”

ଜହନ୍‌ 6:38

ଆନେଙ୍ଗ୍ ନା ଇଚାତାଙ୍ଗ୍ କାମାୟ୍ କିଦେଙ୍ଗ୍ ୱାୱାତାଙ୍ଗ୍‌ନା। ମାତର୍ ଆନେଙ୍ଗ୍ ଈଶ୍ୱର ଇଚାତାଙ୍ଗ୍ କାମାୟ୍ କିଦେଙ୍ଗ୍ ସରଗ୍‌ତାଙ୍ଗ୍ ୱାତାଙ୍ଗ୍‌ନା।

୧ କରନ୍ତିୟ 15:22

ଆଦମ କିତି ପାପ୍ କାଜିଙ୍ଗ୍ ପୁର୍ତିନି ୱିଜାର୍ ମାନାୟାର୍ ହାଃନାରା, ମାତର୍ ଏଚେଜାଣ୍ ଖ୍ରୀଷ୍ଟଙ୍ଗ୍ ପାର୍ତି କିଜି ହାଃତାର୍‌ନା ଈଶ୍ୱର ହେୱାରିଙ୍ଗ୍ ଆରେରଗ ଜିବୁନ୍ ହିନାନ୍।

୧ କରନ୍ତିୟ 15:45

ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ପାର୍ତୁମ୍ ମାନାୟ୍ ଆଦମ ଜିବୁନ୍ ମାନାକାନ୍ ଆତାନ୍, ମାତର୍ ସେସ୍ ଆଦମ ଖ୍ରୀଷ୍ଟ ଜିବୁନ୍ ହିଦ୍‌ନି ଆତ୍ମା ଆତାନ୍‌ନା।”

୨ କରନ୍ତିୟ 13:4

ଖ୍ରୀଷ୍ଟ କୃଶକାଟ୍‌ତାକେ ହାଃତିହିଙ୍ଗ୍ ଦୁର୍‌ବଲ୍ ମାଚାନ୍, ମାତର୍ ନଙ୍ଗୟ୍ ହେୱାନ୍ ଈଶ୍ୱର ଶାକ୍ତିତାଙ୍ଗ୍ ଜିବୁନ୍ ମାନାନ୍। ହେଲେକେ ଆସେଙ୍ଗ୍ ପା ଦୁର୍‌ବଲ୍ ଇନେସ୍ ଖ୍ରୀଷ୍ଟ ଦୁର୍‌ବଲ୍ ମାଚାନ୍, ମାତର୍ ଆପେଙ୍ଗ୍ ଏଚେପାଦ୍ନା ମିଙ୍ଗେଙ୍ଗ୍ ଟିକ୍ ମାନାୟ୍ ଆଦେଙ୍ଗ୍ ହିକ୍ଷା ହିଦ୍‌ନାପ୍। ଆସେଙ୍ଗ୍ ତା ହୁଦାଙ୍ଗ୍ ଜିବୁନ୍ ମାନ୍‌ଗାନାସ୍ ଆରେ ଈଶ୍ୱର ଶାକ୍ତି ମା ହୁଦାଙ୍ଗ୍ ମାନ୍‌ଗାନାତ୍।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

୧ ଥେସଲନୀକିୟ 1:9

ମାନାୟାର୍ ନିଜେ ମା ବିଷୟରେ ଇଞ୍ଜ୍‌ନାରା ଯେ, ଏଚେପାଦ୍ନା ଆପେଙ୍ଗ୍ ମିତାକେ ୱାତାପ୍ ହେପାଦ୍ନା ଇନାକା ଗଟାଆଜି ମାଚାତ୍। ଆରେ ଏପେଙ୍ଗ୍ ମୁର୍ତି ପୁଜା କିନାକା ପିସ୍ତି, ସତ୍ ଆରେ ଯିବୁନ୍ ମାନି ଈଶ୍ୱରତିଙ୍ଗ୍ ପୁଜା କିତାଦେର୍,

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

୧ ଯୋହନ 4:9

ଈଶ୍ୱର ମାଙ୍ଗେଙ୍ଗ୍ ଇଲେକେ ଲାଡ୍ କିଦ୍‌ନାନା, ହେଦାଙ୍ଗ୍ କାଜିଙ୍ଗ୍ ହେୱାନ୍ ତା ରକାନ୍ ଇଞ୍ଜି ମେହିଙ୍ଗ୍ ପୁର୍ତିତାକେ ପକ୍ତାତାନ୍। ଇନେସ୍‌କି ହେୱାନ୍ ମାଙ୍ଗେଙ୍ଗ୍ ୱିଜ୍‌ୱି ଜିବୁନ୍ ହିଦ୍‌ନାନ୍।