ଜହନ୍‌ 6:50 - New Testament in Pengo Parja Language

⁵⁰ ଆନେଙ୍ଗ୍ ସରଗ୍ ଜପିତାଙ୍ଗ୍ ଜୁତ୍‌ତି ହେ କାଦି। ଯଦି ଇମ୍‌ଣାକାନ୍ ଇ କାଦି ଚିଚିସ୍ ହେୱାନ୍ ଇନାୱେଡ଼ାଙ୍ଗ୍ ପା ହାଃଉନ୍।

ସତ୍‌ ବଚନ୍‌ ପୁନି ନିୟମ୍‌

⁵⁰ ମାତର୍‌ ଇମ୍‌ଣି କାଦି ସାର୍ଗେତାଂ ୱାନାତ୍‌, ତାଙ୍ଗେଙ୍ଗ୍‌ ଇନେର୍‌ ତିନାନ୍‌ ହେୱାନ୍‌ ୱିଜ଼୍‌ୱି ଜିବୁନ୍‌ ପାୟା ଆନାନ୍‌ ।

ଜହନ୍‌ 6:50 ပူးပေါင်းရင်းမြစ်များ

ଜହନ୍‌ 3:13

ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହେୱାନ୍ ରକାନ୍ ସରଗ୍‌ତାଙ୍ଗ୍ ୱାତାନ୍‌ନା, ଆରେ ହେୱାନିଙ୍ଗ୍ ପିସ୍ତି ଇନେର୍ ପା ସରଗ୍‌ଜପି ହାଲ୍‌ୱାତାର୍‌ନା।

ଜହନ୍‌ 3:36

ଇନେର୍ ମେହିଙ୍ଗ୍ ପାର୍ତିକିନି ମାନାୟ୍ ୱିଜ୍‌ୱି ଜିବୁନ୍ ପାୟା ଆନାନ୍। ମାତର୍ ମେହିଙ୍ଗ୍ ପାର୍ତି କିୱିତି ମାନାୟ୍ ଇନାୱେଡ଼ାଙ୍ଗ୍ ପା ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଆଡୁନ୍। ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।”

ଜହନ୍‌ 5:24

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଇମ୍‌ଣାକାନ୍ ନା ୱେଚ୍‌ଚି ବେଣ୍‌ତିଙ୍ଗ୍ ୱେନାନ୍, ଆରେ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ପାର୍ତିକିନାର୍, ଲାଗିଙ୍ଗ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଦସି ଇଞ୍ଜି ବିଚାର୍ କିୟା ଆୱାଦାଙ୍ଗ୍ ହାଃନିତାଙ୍ଗ୍ ଜିତାଆଜି ଜିବୁନ୍‌ ମାନ୍‌ଗାନାନ୍।

ଜହନ୍‌ 6:33

ଇନେସ୍‌କି ଇମ୍‌ଣି କାଦି ସରଗ୍ ଜପିତାଙ୍ଗ୍ ୱାଜି ପୁର୍ତିନି ମାନାୟାରିଙ୍ଗ୍ ଜିବୁନ୍ ହିନାତ୍, ହେଦାଙ୍ଗ୍‌ନେ ଈଶ୍ୱର ହିତ୍‌ତି କାଦି।”

ଜହନ୍‌ 6:42

“ଇୱାନ୍‌ତ ଯୋଷେପ୍‌ ମେହି ଯୀଶୁ! ଲାତ୍ରାହି ଆରେ ତାଞ୍ଜିୟାଙ୍ଗ୍ ତ ଆପେଙ୍ଗ୍ ପୁଚାପ୍‌ନା। ଲାଗିଙ୍ଗ୍ ଇୱାନ୍ ଇନେସ୍ କିଜି ସରଗ୍‌ତାଙ୍ଗ୍ ୱାତାଙ୍ଗ୍‌ନା ଇଞ୍ଜି ୱେଚ୍‌ଚାନାନା?”

ଜହନ୍‌ 6:47

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ‘ଇମ୍‌ଣାକାନ୍ ପାର୍ତିକିନାନ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍।

ଜହନ୍‌ 6:51

ଆନେଙ୍ଗ୍ ସରଗ୍ ଜପିତାଙ୍ଗ୍ ଜୁତ୍‌ତି ହେ ଜିବୁନ୍‌ହିନି କାଦି। ଇମ୍‌ଣାକାନ୍ ଇ କାଦିତିଙ୍ଗ୍ ତିନାନ୍ ହେୱାନ୍ ୱିଜୁଦିନ୍ ପାତେକ୍ ଜିବୁନ୍ ମାନ୍‌ଗାନାନ୍। ଇ କାଦି ଆନାତା ନା ଗାଗାଡ଼୍। ଆନେଙ୍ଗ୍ ନା ଗାଗାଡ଼୍ ହିଦ୍‌ନାଙ୍ଗ୍, ହେଦାଙ୍ଗ୍ କାଜିଙ୍ଗ୍ ପୁର୍ତିନି ମାନାୟାର୍ ଜିବୁନ୍ ପାୟାଆନାର୍‌।”

ଜହନ୍‌ 6:58

ମା ଆକଦାଦିର୍ ଟାଙ୍ଗ୍ରାବାହାତାକେ ତିନ୍‌ଞ୍ଜି ହାଃତି ଲେକେ କାଦି ଇଦାଙ୍ଗ୍ ଆକାୟ୍। ମାତର୍ ଆନେଙ୍ଗ୍ ସରଗ୍‌ତାଙ୍ଗ୍ ୱାତି କାଦି, ଇମ୍‌ଣାକାନ୍ ଇ କାଦି ତିନାନ୍ ହେୱାନ୍ ୱିଜ୍‌ୱିଦିନ୍ ପାତେକ୍ ଜିବୁନ୍ ମାନ୍‌ଗାନାନ୍।”

ଜହନ୍‌ 8:51

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଇନେର୍ ଯଦି ନା ହିକ୍ଷାତିଙ୍ଗ୍ ମାନିକିନାର୍, ଲାଗିଙ୍ଗ୍ ହେୱାନ୍ ଇନାୱେଡ଼ାଙ୍ଗ୍ ପା ହାଃଉନ୍।”

ରୋମିୟ 8:10

ଯଦି ମା ବିତ୍ରେ ଖ୍ରୀଷ୍ଟ ମାନାନା, ଲାଗିଙ୍ଗ୍ ଆସେଙ୍ଗ୍ ପାପ୍ କିତି କାଜିଙ୍ଗ୍ ମା ଗାଗାଡ଼୍ ହାଃତିସ୍ ପା ମା ଆତ୍ମା ଜିବୁନ୍ ମାନ୍‌ଗାନାତ୍, ଇନେସ୍‌କି ଆସେଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାସ୍‌ନା।