ଜହନ୍‌ 6:45 - New Testament in Pengo Parja Language

⁴⁵ ଭବିଷ୍ଯତବକ୍ତାର୍ ସାସ୍ତର୍‌ତାକେ ଲେକାଆତାତ୍‌ନା, ‘ଈଶ୍ୱର ମାନାୟାରିଙ୍ଗ୍ ହିକ୍ଷା ହିନାନ୍।’ ଇମ୍‌ଣାକାର୍ ନା ଆବା ଈଶ୍ୱର କାତା ୱେନାର୍, ଆରେ ହିକ୍ଷା ପାୟାଆନାର୍‌। ହେୱାର୍ ନା ଲାଗାୟ୍ ୱାନାର୍।

ସତ୍‌ ବଚନ୍‌ ପୁନି ନିୟମ୍‌

⁴⁵ ବେଣ୍‌ବାକ୍‌ଣାୟ୍‌କିନାକାର୍‌ ଦରମ୍‌ ସାସ୍ତର୍‌ ତାକେ ଲେକିକିତାର୍ଣ୍ଣା, ୱିଜ଼ାର୍‌ କେବଲ୍‌ ଇସ୍ୱର୍ତି ହିକ୍ୟା ପାୟା ଆନାର୍‌ । ଇନେର୍‌କି ଆବା ତାକେଣ୍ଡାଂ ହିକ୍ୟା ଲାବ୍‌ କିତାନ୍‌ନ୍ନା, ହେୱାନ୍‌ ନାତାକେ ୱାନାନ୍‌ ।

ଜହନ୍‌ 6:45 ပူးပေါင်းရင်းမြစ်များ

ମାତିଉ 11:27

ନା ଆବା ସରଗ୍ ଆରେ ପୁର୍ତିନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇନେର୍ ପା ପୁନୁର୍। ଆରେ ଆବା ବିଷୟରେ ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍। ଆରେ ହିମ୍‌ଣା ଇନେରିଙ୍ଗ୍ ବାଚିକିଜି ୱେଚ୍‌ଚାଙ୍ଗ୍‌ନା ହେୱାର୍ ନେ ଆବାଙ୍ଗ୍ ପୁନାନ୍।

ମାତିଉ 17:5

ଯୀଶୁ ଇବେଣ୍ ୱେଚୁ-ୱେଚୁ, ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍‌ତାକେ ଆନେଙ୍ଗ୍ ବେସି ୱାରି, ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନାଟ୍!”

ମାର୍କ 1:2

ଭବିଷ୍ଯତବକ୍ତା ଯିଶାୟ ତା ସାସ୍ତର୍‌ତାକେ ଲେକା ମାନାତ୍, ଈଶ୍ୱର ତା ମେହିଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ୱେଚ୍‌ଚାନ୍, ହୁଡ଼ା, “ଆନେଙ୍ଗ୍ ନା ଡାଣ୍ଡାସିଙ୍ଗ୍ ନି ଆଗେ ପକ୍ତାନାଙ୍ଗ୍, ହେୱାନ୍ ନି ହାଜି ରହନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:70

ଈଶ୍ୱର ଆଗେ ତା ଭବିଷ୍ଯତବକ୍ତାର୍ ଇନେସ୍ ୱେଚ୍‌ଚି ମାଚାନ୍ ହେଲେକେ ନେ ହେୱାନ୍ କିନାନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:31

ଯୀଶୁ ବାରଜାଣ୍ ଚେଲାହିରିଙ୍ଗ୍ ର ବାହାତାକେ କୁକ୍‌ଚି ହେୱାରିଙ୍ଗ୍ ୱେଚ୍‌ଚାନ୍, “ହୁଡ଼ାଟ୍, ଆସେଙ୍ଗ୍ ଯିରୁଶାଲାମ ସହର୍‌ତାକେ ହାନାସ୍। ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବିଷୟରେ ଭବିଷ୍ଯତବକ୍ତାର୍ ଇମ୍‌ଣିୱିଜୁ ଲେକିକିତାର୍‌, ହେ ୱିଜୁ ବିଷୟ ହେବେ ହାଚିସ୍ ପୁରାଆନାତ୍।

ଜହନ୍‌ 10:27

ନା ମେଣ୍ଢାଙ୍ଗ୍ ନା ବେଣ୍ ୱେନିକ୍। ଆନେଙ୍ଗ୍ ହେୱେକିୟାକାଙ୍ଗ୍ ପୁନାଙ୍ଗ୍ ଆରେ ହେୱେକ୍ ନା ପାଚେ ୱାନିକ୍।

ଜହନ୍‌ 6:37

ନା ଆବା ଈଶ୍ୱର ନାଙ୍ଗେଙ୍ଗ୍ ଇମ୍‌ଣାକା ହିତ୍‌ତାନ୍‌ନା, ହେୱାର୍ ନା ଲାଗାୟ୍ ୱାନାର୍। ଆରେ ଆନେଙ୍ଗ୍ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ହପୁଙ୍ଗ୍‌।

ଜହନ୍‌ 6:65

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଆଗେ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ‘ନା ଆବା ଈଶ୍ୱର ଯଦି ଇନେରିଙ୍ଗ୍ ନା ଲାଗାୟ୍ ୱାଦେଙ୍ଗ୍ ସାଇଜ କିୱିତିସ୍, ହେୱାନ୍ ନା ଲାଗାୟ୍ ୱାଦେଙ୍ଗ୍ ଆଡୁନ୍।’ ”

ପକ୍ୟାତାକା 13:40

ଲାଗିଙ୍ଗ୍ ସାବ୍‌ଦାନ୍ ଆଜି ମାନାଟ୍, ଭବିଷ୍ଯତବକ୍ତାର୍ ସାସ୍ତର୍‌ତାକେ ଇନାକା ଲେକା ମାନାତ୍, ହେଦାଙ୍ଗ୍ ଇନେସ୍ ମି କାଜିଙ୍ଗ୍ ଗଟା ଆଦୁତ୍।

ପକ୍ୟାତାକା 7:42

ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ରିସାଆଜି ୱେଡ଼ା, ଲେଞ୍ଜ୍ ଆରେ ବାଦାଡ଼୍‌ନି ହୁକାକାଙ୍ଗ୍ ପୁଜା କିଦେଙ୍ଗ୍ ପିସ୍ତି ହିତାନ୍। ଇନେସ୍‌କି ଭବିଷ୍ଯତବକ୍ତାର୍ ସାସ୍ତର୍‌ତାକେ ଈଶ୍ୱର ୱେଚ୍‌ଚାନ୍‌ନା, ‘ଏ ଇସ୍ରାଏଲ ଜାତିନି ମାନାୟାର୍, ଟାଙ୍ଗ୍ରାବାହାତାକେ ଚାଲିଶ୍ ବାର୍ହୁ ପାତେକ୍ ଏପେଙ୍ଗ୍ ମା କାଜିଙ୍ଗ୍ ପଶୁକାଙ୍ଗ୍ ବଲିପୁଜା କିତାଦେର୍, ଆରେ ବାରବିନି ଜିନିଷ୍ ହିତାଦେର୍ କି?

ଏପିସିୟ 1:17

ଆନେଙ୍ଗ୍ ଇଦାଙ୍ଗ୍ ପା ପାର୍ତାନା କିନାଙ୍ଗ୍ ଯେ ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟନି ଗୌରବମାନି ଆବା ମିଙ୍ଗେଙ୍ଗ୍ ଜ୍ଞାନ୍ ଆରେ ବୁଦି ହିଦେନ୍, ଲାଗିଙ୍ଗ୍ ଏପେଙ୍ଗ୍ ହେୱାନିଙ୍ଗ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

ପିଲିପିୟ 3:15

ଲାଗିଙ୍ଗ୍ ଆସେଙ୍ଗ୍ ଏଚେଜାଣ୍ ବେସି ପାର୍ତି କିନାସା ଇ ଲେକେ ବାବିକିନି ଦର୍‌କାର୍। ଯଦି ମି ବିତ୍ରେତାଙ୍ଗ୍ ଇମ୍‌ଣାକାନ୍ ଜେକନିକା ବାବିକିନାନ୍, ହେୱାନିଙ୍ଗ୍ ଈଶ୍ୱର ସତ୍ ବିଷୟ ପୁଞ୍ଜେଙ୍ଗ୍ ସାଇଜ କିନାନ୍।

୧ ଥେସଲନୀକିୟ 4:9

ଆନେଙ୍ଗ୍, ପାର୍ତିକିନି ଟଣ୍ଡାରିଙ୍ଗ୍ ଲାଡ୍‌କିନି ବିଷୟରେ ଲେକିକିନି ଦର୍‌କାର୍ ଆକାୟ୍, ଇନେସ୍‌କି ଏପେଙ୍ଗ୍ ଈଶ୍ୱରନି ଲକ୍, ଆରେ ଈଶ୍ୱର ମିଙ୍ଗେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାକା ହିକାୟ୍ କିତ୍‌ତାନ୍‌ନା।

ଏବ୍ରି 10:16

“ହେଦିନ୍‌ ଆନେଙ୍ଗ୍ ନା ମାନାୟାର୍ ହୁଦାଙ୍ଗ୍ ଇ ପୁନି ପାର୍ମାଣ୍ କିନାଙ୍ଗ୍। ହେଦାଙ୍ଗ୍ ଇଦାଙ୍ଗ୍, ‘ଆନେଙ୍ଗ୍ ହେୱାର୍ ଗରବ୍‌ତାକେ ନା ନିୟମ୍ ହିନାଙ୍ଗ୍, ଆରେ ହେୱାର୍ ହେଦାଙ୍ଗ୍ ବୁଜା ଆନାର୍। ଆରେ ଆନେଙ୍ଗ୍ ହେୱାର୍ ମାନ୍ତ ହେ ୱିଜୁ ଲେକିକିନାଙ୍ଗ୍, ଆରେ ହେୱାର୍ ହେ ୱିଜୁ ମାନିକିନାର୍’”।

୧ ଯୋହନ 2:27

ମାତର୍ ଖ୍ରୀଷ୍ଟ ମିଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା, ଆରେ ହେୱାନ୍ ମି ବିତ୍ରେ ମାନାନା। ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍ ପା ସତ୍ ହିକାୟ୍ କିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ହେ ପବିତ୍ର ଆତ୍ମା ସତ୍ ହିକାୟ୍ କିଦ୍‌ନାତ୍, ଆରେ ୱିଜୁ ବିଷୟତିଙ୍ଗ୍ ହିକାୟ୍ କିଦ୍‌ନାତ୍। ଲାଗିଙ୍ଗ୍ ହେୱାନ୍ ହିକାୟ୍ କିତ୍‌ତିଲେକେ ଯିବୁନ୍ କାଟିକିଜି ଖ୍ରୀଷ୍ଟତାକେ ମାନାଟ୍।