ଜହନ୍‌ 6:42 - New Testament in Pengo Parja Language

⁴² “ଇୱାନ୍‌ତ ଯୋଷେପ୍‌ ମେହି ଯୀଶୁ! ଲାତ୍ରାହି ଆରେ ତାଞ୍ଜିୟାଙ୍ଗ୍ ତ ଆପେଙ୍ଗ୍ ପୁଚାପ୍‌ନା। ଲାଗିଙ୍ଗ୍ ଇୱାନ୍ ଇନେସ୍ କିଜି ସରଗ୍‌ତାଙ୍ଗ୍ ୱାତାଙ୍ଗ୍‌ନା ଇଞ୍ଜି ୱେଚ୍‌ଚାନାନା?”

ସତ୍‌ ବଚନ୍‌ ପୁନି ନିୟମ୍‌

⁴² ଆରେ ଇଚାର୍‌ ଇୱାନ୍‌ ଜସେପ୍‌ ମେହି ଜିସୁ ଆକାୟ୍‌, “ଆରେ ଆପେଂ ଇନାକା ଇୱାନ୍‌ ଲାତ୍ରାହି ତେହିଙ୍ଗ୍‌ ପୁନୁପ୍‌ ? ଲାଗିଂ ଆନ୍‌ ସାର୍ଗେତାଂ ଜୁତ୍‌ତାଙ୍ଗ୍‌ନା ଇଞ୍ଜି ହେୱାନ୍‌ ନଙ୍ଗ୍‌ ଇନେସ୍‌ ଇନାନ୍ନା ?”

ଜହନ୍‌ 6:42 ပူးပေါင်းရင်းမြစ်များ

ମାର୍କ 6:3

ହେୱାନିଙ୍ଗ୍ ଅପ୍‌ମାନ୍ ହିଜି ୱେଚ୍‌ଚାର୍, “ଇୱାନ୍‌ତ ର ବାଡାଇ, ମରିୟମ ମେହି, ଆରେ ଯାକୁବ, ଯୋଷେପ୍‌, ଯିହୁଦା ଆରେ ଶିମୋନ ଟଣ୍ତାହି, ଆରେ ତା ତଣ୍‍ଦେହିକ୍ ପା ମା ଲାହାଙ୍ଗ୍ ଇବେ ମାନିକା।” ଏନେଙ୍ଗ୍ ୱେଚ୍‌ଚି ଯୀଶୁଙ୍ଗ୍ ପାର୍ତି କିୱାତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:22

ଏଚେଜାଣ୍ ତା ହିକ୍ଷାତିଙ୍ଗ୍ ୱେନ୍‌ଞ୍ଜି ୱିଜାକାର୍ ୱେଚ୍‌ଚେଙ୍ଗ୍ ଲାଗାତାର୍, “ଇୱାନ୍ ହିକ୍ଷା ବେସି ବଡ଼ିଆ।” ଆରେ ତା ହାର୍ଦି ବେଣ୍ ୱେନ୍‌ଞ୍ଜି ଚାନିଆଆତାର୍। ଆରେ ହେୱାର୍ ୱେଚ୍‌ପା ୱେଚ୍‌ପି ଆଜି ୱେଚ୍‌ଚାର୍, “ଇୱାନ୍‌ତ ଯୋଷେପ୍‌ ମେହି।”

ଜହନ୍‌ 1:45

ପିଲିପ ନିତନିୟେଲ ତର୍‌ଦି ମାନାୟ୍‌ତାକେ ହାଚାନ୍। ପିଲିପ ହେୱାନିଙ୍ଗ୍ ୱେଚ୍‌ଚାନ୍, “ମୋଶା ଲେକିକିତି ନିୟମ୍‌ନି ସାସ୍ତର୍‌ତାକେ ଆରେ ଭବିଷ୍ଯତବକ୍ତାର୍ ତା ସାସ୍ତର୍‌ତାକେ ଇମ୍‌ଣି ମାନାୟ୍ ବିଷୟରେ ଲେକିକିଜି ମାଚାର୍, ଆପେଙ୍ଗ୍ ହେ ମାନାୟ୍‌ତିଙ୍ଗ୍ ହୁଡ଼୍‌ତାପ୍‌ନା। ହେୱାନ୍ ଆନାନା ନାଜରିତ ସହର୍‌ନି ଯୀଶୁ। ହେୱାନ୍ ଯୋଷେପ୍‌ ମେହି।”

ଜହନ୍‌ 3:13

ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହେୱାନ୍ ରକାନ୍ ସରଗ୍‌ତାଙ୍ଗ୍ ୱାତାନ୍‌ନା, ଆରେ ହେୱାନିଙ୍ଗ୍ ପିସ୍ତି ଇନେର୍ ପା ସରଗ୍‌ଜପି ହାଲ୍‌ୱାତାର୍‌ନା।

ଜହନ୍‌ 6:38

ଆନେଙ୍ଗ୍ ନା ଇଚାତାଙ୍ଗ୍ କାମାୟ୍ କିଦେଙ୍ଗ୍ ୱାୱାତାଙ୍ଗ୍‌ନା। ମାତର୍ ଆନେଙ୍ଗ୍ ଈଶ୍ୱର ଇଚାତାଙ୍ଗ୍ କାମାୟ୍ କିଦେଙ୍ଗ୍ ସରଗ୍‌ତାଙ୍ଗ୍ ୱାତାଙ୍ଗ୍‌ନା।

ଜହନ୍‌ 6:43

ମାତର୍ ଯୀଶୁ ୱେଚ୍‌ଚାନ୍, “ଏପେଙ୍ଗ୍ ୱେଚ୍‌ପା ଆନାକା ବନ୍ଦ୍ କିୟାଟ୍।

ଜହନ୍‌ 6:62

ଲାଗିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଇମେତାଙ୍ଗ୍ ୱାଜିମାଚାନ୍। ଆରେରଗ ହେ ବାହାତାକେ ହେୱାନ୍ ହାନାନ୍, ଇ ବିଷୟରେ ଏପେଙ୍ଗ୍ ଇନାକା ବାବିକିନାଦେରା?

ରୋମିୟ 9:5

ହେୱାର୍ ଆକଦାଦିର୍ ଈଶ୍ୱରତିଙ୍ଗ୍ ଗାଜାକାର୍ ମାଚାର୍, ଆରେ ଖ୍ରୀଷ୍ଟ ନିଜେ ର ଯିହୁଦି ମାଚାନ୍, ଏଚେଦିନ୍ ପାତେକ୍ ହେୱାନ୍ ମାନାୟ୍ ରୁପ୍ ଆଜି ପୁର୍ତିତାକେ ମାଚାନ୍। ଆରେ ହେୱାନ୍ ଈଶ୍ୱର ମାଚାନ୍, ଇନେର୍ ୱିଜୁ ଜିନିଷ୍ ଜପି ସାସନ୍ କିନାନା, ଆରେ ହେୱାନ୍ ୱିଜୁଦିନ୍ ଜୟ୍-ଜୟ୍ ପାୟାଆନି ଦର୍‌କାର୍। ଆମେନ୍।

୧ କରନ୍ତିୟ 15:47

ଈଶ୍ୱର ପାର୍ତୁମ୍ ମାନାୟ୍ ଆଦମତିଙ୍ଗ୍ ଇ ପୁର୍ତିନି ଚିକ୍‌ଲାତାଙ୍ଗ୍ ରସ୍ତାନ୍, ମାତର୍ ଦୁଇ ନମ୍ବର୍ ଆଦମ ଯୀଶୁ ଖ୍ରୀଷ୍ଟ ସରଗ୍‌ତାଙ୍ଗ୍ ୱାଜିମାଚାନ୍।

ଗାଲାତିୟ 4:4

ମାତର୍ ଈଶ୍ୱର ଟିକ୍ କିଜିମାଚି ଦିନ୍ ୱାତିଲେ, ଈଶ୍ୱର ତା ଜାର୍ ହିମ୍‌ଣାତିଙ୍ଗ୍ ଇ ଜଗତ୍‌ତାକେ ପକ୍ତାନ୍, ଆରେ ହେୱାନ୍ ମାନାୟ୍ ଜନମ୍ ଆତି ଲେକେ କଗ୍‌ଲେତାଙ୍ଗ୍ ଜନମ୍ ଆତାନ୍। ଆରେ ହେୱାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନି କିତାନ୍।