ଜହନ୍‌ 6:40 - New Testament in Pengo Parja Language

⁴⁰ ୱିଜାକାର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ହୁଡ଼୍‌ନାର୍, ଆରେ ହେୱାନ୍‌ତାକେ ପାର୍ତିକିନାର୍। ଆରେ ହେୱାର୍ ଇନେସ୍‌କି ୱିଜ୍‌ୱି ଜିବୁନ୍ ପାୟାଆନାର୍‌। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।”

ସତ୍‌ ବଚନ୍‌ ପୁନି ନିୟମ୍‌

⁴⁰ ଇନାକିଦେଂକି ଇନେର୍‌କି ମାଜ଼ିଙ୍ଗ୍‌ ହୁଡ଼୍‌ଜି ତା ତାକେ ପାର୍ତି କିତାର୍‌, ହେୱାନ୍‌ ଇନେସ୍‌ ୱିଜ଼୍‌ୱି ଜିବୁନ୍‌ ପାୟା ଆନାନ୍‌, ଇଦାଂ ନେ ମାଞ୍ଜି ଆବାତି ମାନ୍‌; ଆରେ, ଆନ୍‌ ତାଙ୍ଗେଙ୍ଗ୍‌ ହାରିହାରା ନାଜିଂ ଆରେ ରଗ ଜିପ୍‌ନାଙ୍ଗ୍‌ ।”

ଜହନ୍‌ 6:40 ပူးပေါင်းရင်းမြစ်များ

ମାତିଉ 10:15

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ବିଚାର୍ ଦିନ୍ ନାଞ୍ଜିଙ୍ଗ୍ ସଦୋମ ଆରେ ଗମୋରା ସହର୍ ଦଣ୍ଡ୍‌ତାଙ୍ଗ୍ ହେ ସହର୍‌ନି ମାନାୟାରିଙ୍ଗ୍ ଈଶ୍ୱର ବେସି ଦଣ୍ଡ୍ ହିନାନ୍।”

ମାତିଉ 25:46

ତାପାଚେ ଇ ମାନାୟାର୍ ହସି ହାନାର୍। ଅଦରମ୍‌ ମାନାୟାରିଙ୍ଗ୍ ୱିଜ୍‌ୱି ଦଣ୍ଡ୍ ପାୟା ଆଦେଙ୍ଗ୍ ଆନାତ୍। ମାତର୍ ହାର୍ଦି ମାନାୟାର୍ ୱିଜ୍‌ୱି ଜିବୁନ୍ ପାୟାଆନାର୍‌।”

ମାର୍କ 16:16

ଇନେର୍ ନା ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍ ଆରେ ଡୁବନ୍ ଆନାର୍। ହେୱାନ୍ ରକ୍ଷା ପାୟା ଆନାନ୍, ମାତର୍ ଇନେର୍ ପାର୍ତି କିଉନ୍, ହେୱାନିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:30

ଏନେଙ୍ଗ୍ ଇମ୍‌ଣି ଉଦାର୍ କିଦ୍‌ନାକାନିଙ୍ଗ୍ ଚଚ୍‌ଚାତାଇ ହେୱାନିଙ୍ଗ୍ ଆନେଙ୍ଗ୍ ନା କାଣ୍‍କୁକାଙ୍ଗ୍ ହୁଡ଼୍‌ତାଙ୍ଗ୍।

ଜହନ୍‌ 1:14

ହେ ବେଣ୍ ମାନାୟ୍ ରୁପ୍ ଆତାତ୍, ଆରେ ମା ହୁଦାଙ୍ଗ୍ ବାହାକିତାତ୍‌। ହେୱାନ୍ ଦୟା ଆରେ ସତ୍ ବିଷୟ ବାର୍ତି ମାଚାତ୍। ଆବା ଈଶ୍ୱର ର ମେହିତାକେ ଇନେସ୍ ଲେକେ ଗୌରବ ମାନାତ୍, ହେଲେକେ ଗୌରବ ଆପେଙ୍ଗ୍ ହୁଡ଼୍‌ତାପ୍।

ଜହନ୍‌ 10:28

ଆନେଙ୍ଗ୍ ନା ମେଣ୍ଢାକାଙ୍ଗ୍ ୱିଜ୍‌ୱି ଜିବୁନ୍ ହିନାଙ୍ଗ୍। ହେୱେକ୍ ଇନାୱେଡ଼ାଙ୍ଗ୍ ପା ହାଃଉକ୍‌, ହେୱାରିଙ୍ଗ୍ କେଇଦାଙ୍ଗ୍ ଇନେର୍ ପା ନାବେତାଙ୍ଗ୍ କିସ୍ତି ଅଦେଙ୍ଗ୍ ଆଡୁର୍।

ଜହନ୍‌ 11:24

ମାର୍ଥା ହେୱାନିଙ୍ଗ୍ ୱେଚ୍‌ଚାତ୍, “ଆନେଙ୍ଗ୍ ପୁନାଙ୍ଗ୍, ଆରେରଗ ଜିବୁନ୍‌ଆଜି ନିଙ୍ଗ୍‌ନି ଦିନ୍‌ତ ହେପାଦ୍ନା ୱିଜାକାର୍ ହାଃତିତାଙ୍ଗ୍ ଜିବୁନ୍‌ଆଜି ନିଙ୍ଗ୍‌ନାର୍, ହେପାଦ୍ନା ହେୱାନ୍ ପା ହାଃତିତାଙ୍ଗ୍ ନିଙ୍ଗ୍‌ନାନ୍।”

ଜହନ୍‌ 11:25

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାବେ ପାର୍ତି କିନାକାର୍, ହେୱାନ୍ ହାଃତିସ୍ ପା ଆରେରଗ ଜିବୁନ୍ ଆନାନ୍, ଆରେ ଜିବୁନ୍ ମାନ୍‌ଗାନାର୍।

ଜହନ୍‌ 12:45

ନାଙ୍ଗେଙ୍ଗ୍ ଇମ୍‌ଣାକାନ୍ ହୁଡ଼୍‌ଦାନାନ୍, ହେୱାନ୍ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ହୁଡ଼୍‌ତାନ୍।

ଜହନ୍‌ 12:50

ଆନେଙ୍ଗ୍ ପୁନାଙ୍ଗ୍, ନା ଆବା ଈଶ୍ୱର ଇନାକା ଆଦେସ୍ ହିଦ୍‌ନାନ୍, ହେ ଆଦେସ୍‌ତାଙ୍ଗ୍ ୱିଜ୍‌ୱି ଜିବୁନ୍ ୱାନାତ୍। ଲାଗିଙ୍ଗ୍ ଆନେଙ୍ଗ୍ ଇନାକା ୱେଚ୍‌ତାଙ୍ଗ୍‌ନା, ହେଦାଙ୍ଗ୍ ୱେଚ୍‌ନି କାଜିଙ୍ଗ୍ ନାଙ୍ଗେଙ୍ଗ୍ ନା ଆବା ଈଶ୍ୱର ୱେଚ୍‌ଚାତାନ୍‌ନା।”

ଜହନ୍‌ 14:17

ହେ କାମାୟ୍ କିନାକାନ୍ ରକାନ୍ ପବିତ୍ର ଆତ୍ମା, ହେୱାନ୍ ୱିଜୁ ସତ୍ ହାଜି ଚଚ୍‌ଚାନାନ୍। ଇ ପୁର୍ତି ହେୱାନିଙ୍ଗ୍ ଆସ୍ତେଙ୍ଗ୍ ଆଡୁତ୍। ଇନେସ୍‌କି ପୁର୍ତି ହେୱାନିଙ୍ଗ୍ ପୁନ୍‌ୱାତାତ୍‌ନା। ମାତର୍ ଏପେଙ୍ଗ୍ ହେୱାନିଙ୍ଗ୍ ପୁଚାଦେର୍‌ନା। ହେୱାନ୍ ମିହୁଦାଙ୍ଗ୍ ମାନ୍‌ଗାନାନ୍, ଆରେ ମି ଗରବ୍‌ତାକେ ବାହା କିଦ୍‌ନାନ୍।

ଜହନ୍‌ 14:19

କେତ୍‌ଦିନ୍ ପାଚେ ଇ ପୁର୍ତିନି ମାନାୟାର୍ ନାଙ୍ଗେଙ୍ଗ୍ ଆରେ ହୁଡ଼୍‌ଦେଦେଙ୍ଗ୍ ଆଡ଼୍‌ଦୁର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦାନାଦେର୍। ଇନେସ୍‌କି ଆନେଙ୍ଗ୍ ଜିବୁନ୍ ମାନାଙ୍ଗ୍, ଏପେଙ୍ଗ୍ ପା ଜିବୁନ୍ ମାନ୍‌ଗାନାଦେର୍।

ଜହନ୍‌ 17:2

ଏନେଙ୍ଗ୍ ହେୱାନିଙ୍ଗ୍ ୱିଜୁ ମାନାୟ୍ ଜାତିତିଙ୍ଗ୍ ଆଦିକାର୍ ହିତାଇନା। ଇନେସ୍‌କି ଏନେଙ୍ଗ୍ ହେୱାନିଙ୍ଗ୍ ଇମ୍‌ଣାକାରିଙ୍ଗ୍ ହିତାଇନା, ହେୱାରିଙ୍ଗ୍ ହେ ହିମ୍‌ଣା ୱିଜ୍‌ୱି ଜିବୁନ୍ ହିନାନ୍।

ଜହନ୍‌ 3:36

ଇନେର୍ ମେହିଙ୍ଗ୍ ପାର୍ତିକିନି ମାନାୟ୍ ୱିଜ୍‌ୱି ଜିବୁନ୍ ପାୟା ଆନାନ୍। ମାତର୍ ମେହିଙ୍ଗ୍ ପାର୍ତି କିୱିତି ମାନାୟ୍ ଇନାୱେଡ଼ାଙ୍ଗ୍ ପା ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଆଡୁନ୍। ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।”

ଜହନ୍‌ 4:14

ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”

ଜହନ୍‌ 5:24

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଇମ୍‌ଣାକାନ୍ ନା ୱେଚ୍‌ଚି ବେଣ୍‌ତିଙ୍ଗ୍ ୱେନାନ୍, ଆରେ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ପାର୍ତିକିନାର୍, ଲାଗିଙ୍ଗ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଦସି ଇଞ୍ଜି ବିଚାର୍ କିୟା ଆୱାଦାଙ୍ଗ୍ ହାଃନିତାଙ୍ଗ୍ ଜିତାଆଜି ଜିବୁନ୍‌ ମାନ୍‌ଗାନାନ୍।

ଜହନ୍‌ 6:27

ନଷ୍ଟ ଆନି କାଦିତିଙ୍ଗ୍ ଏପେଙ୍ଗ୍ କଷ୍ଟ କିମାଟ୍। ମାତର୍ ଇମ୍‌ଣି କାଦି ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ କାଜିଙ୍ଗ୍ ମାନ୍‌ଗାନାତ୍, ହେ କାଦି କାଜିଙ୍ଗ୍ କଷ୍ଟ କିୟାଟ୍। ହେ କାଦି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହିଦ୍‌ନାନ୍। ଇନେସ୍‌କି ଆବା ଈଶ୍ୱର ନାଙ୍ଗେଙ୍ଗ୍ ହେ ଆଦିକାର୍ ହିତ୍‌ତାନ୍‌ନା।”

ଜହନ୍‌ 6:39

ଈଶ୍ୱର ଇମ୍‌ଣାକାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାନ୍‌ନା, ଆନେଙ୍ଗ୍ ହେୱାର୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଆରାଇ କିଉଙ୍ଗ୍। ଆନେଙ୍ଗ୍ ହେୱାରିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।

ଜହନ୍‌ 6:44

ନା ଆବା ଈଶ୍ୱର ଇନେରିଙ୍ଗ୍ ନା ଲାଗାୟ୍ ପକ୍ତାନାନ୍। ହେୱାନ୍‌ନେ ନା ଲାଗାୟ୍ ୱାନାନ୍। ଆରେ ଆନେଙ୍ଗ୍ ହେୱାରିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍।

ଜହନ୍‌ 6:54

ଯଦି ଇମ୍‌ଣାକାନ୍ ନା ଗାଗାଡ଼୍‌ନି ଜେଇ ତିନାନ୍ ଆରେ ନା ନେତେର୍ ଉଣାନ୍, ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ହାଃତିତାଙ୍ଗ୍ ଜିବୁନ୍ କିନାଙ୍ଗ୍।

ଜହନ୍‌ 8:56

ନା ୱାନାକା ହୁଡ଼୍‌ଦେଙ୍ଗ୍ ଆଡ୍‌ନାଙ୍ଗ୍ ଇଞ୍ଜି ଆହାକିଜି ମିଞ୍ଜ୍‌ବା ଅବ୍ରାହାମ୍‌ ବେସି ଆହାକିଜି ମାଚାନ୍। ହେୱାନ୍ ହେ ଦିନ୍ ହୁଡ଼୍‌ତାନ୍ ଆରେ ବେସି ୱାରିଆ ଆତାନ୍।”

ରୋମିୟ 5:21

ଲାଗିଙ୍ଗ୍ ପାପ୍ ଇନେସ୍‌ଲେକେ ମାନାୟାରିଙ୍ଗ୍ ସାସନ୍ କିଜି ମାଚାତ୍ ଆରେ ହେୱାର୍ ହାଃତାର୍, ହେଲେକେ ଈଶ୍ୱର ଦୟା ସାସନ୍ କିନାତ୍ ଆରେ ଈଶ୍ୱର ଆଗେ ୱିଜାକାର୍‌ ଦରମ୍ ମାନାୟ୍ ଆତାର୍। ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜାକାର୍ ୱିଜ୍‌ୱି ଜିବୁନ୍ ପାୟାଆନାର୍‌।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

୨ କରନ୍ତିୟ 4:6

ଇନେସ୍‌କି ଈଶ୍ୱର ଆଗେ ୱେଚ୍‌ଚି ମାଚାନ୍, “ମାଜ୍‌ଗାତାକେ ଅଜଡ଼୍ ଆଏତ୍” ଆରେ ଇଲେକେ କିଜି ହେୱାନ୍ ତା ଗୌରବ ବୁଜାୟ୍ କିଜି ମାଚାତ୍ ଯେ, ହେ ଅଜଡ଼୍‌ଲେକେ ତା ଗୌରବ ଯୀଶୁ ଖ୍ରୀଷ୍ଟ ମୁମ୍‌ଦ ଚନ୍‌ଞ୍ଜି ମାଚାତ୍।

ଏବ୍ରି 11:1

ଇନାକା ଗଟାଆନାତ୍ ଇଞ୍ଜି ଆସେଙ୍ଗ୍ ଆହା କିନାସା, ହେ ଷ୍ଟ୍ରଙ୍ଗ୍ ଆହାତିଙ୍ଗ୍ ପାର୍ତି ୱେଚ୍‌ନାର୍। ଆରେ ଇନାକା ଆସେଙ୍ଗ୍ ହୁଡ଼୍‌ୱାତାସ୍‌ନା, ହେ ବିଷୟତିଙ୍ଗ୍ ଇଦାଙ୍ଗ୍ ସତ୍ ଇଞ୍ଜି ପାର୍ମାଣ୍ କିନାତ୍।

ଏବ୍ରି 11:27

ପାର୍ତି କାଜିଙ୍ଗ୍ ମୋଶା ମିସର ଦେସ୍ ପିସ୍ତି ହାଲ୍‌ଜି ମାଚାନ୍। ରାଜା ରିସା ଆଦ୍‌ନାନ୍ ଇଞ୍ଜି ହେୱାନ୍ ପାଣ୍ଡ୍ରା ଆୱାଦାଙ୍ଗ୍ ମାଚାନ୍। ହେୱାନ୍ ଆରେ ମିସର ଦେସ୍‌ତାକେ ଲେଉଟା ଆଜି ୱାୱାତାନ୍, ଇନେସ୍‌କି ଚଞ୍ଜି ଆଦ୍‌ୱି ଈଶ୍ୱର ହେୱାନ୍ ହୁଦାଙ୍ଗ୍ ମାନାନ୍ ଇଞ୍ଜି ହେୱାନ୍ ପୁଚାନ୍।

୧ ପିତର 1:8

ଏପେଙ୍ଗ୍ ଯୀଶୁଙ୍ଗ୍ ଇନାୱେଡ଼ାଙ୍ଗ୍ ପା ହୁଡ଼୍‌ୱାତାଦେର୍‌ନା, ମାତର୍ ନଙ୍ଗୟ୍ ପାତେକ୍ ହେୱାନିଙ୍ଗ୍ ଲାଡ୍ କିନାଦେରା। ଏପେଙ୍ଗ୍ ନଙ୍ଗୟ୍ ଯୀଶୁଙ୍ଗ୍ ହୁଡ଼୍‌ୱାତାଦେର୍‌ନା ମାତର୍ ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା। ଲାଗିଙ୍ଗ୍ ଏପେଙ୍ଗ୍ ବେସି ୱାରିୟା ଆନାଦେରା ହେଦାଙ୍ଗ୍ କାତା ୱେଚ୍‌ଚି ବୁଜାୟ୍ କିୟି ଆଉତ୍।

୧ ଯୋହନ 2:25

ଆରେ ଈଶ୍ୱର ମାଙ୍ଗେଙ୍ଗ୍ ହିତ୍‌ତି ପାର୍ମାଣ୍ ନେ ୱିଜ୍‌ୱି ଜିବୁନ୍।

ଜିହୁଦା 1:21

ମା ମାପୃ ଯୀଶୁ ଖ୍ରୀଷ୍ଟ ତା ଦୟାତାଙ୍ଗ୍ ୱିଜ୍‌ୱି ଜିବୁନ୍ ହିଦ୍‌ନାନ୍ ଇଞ୍ଜି ଏପେଙ୍ଗ୍ କାତାଦେର୍‌ନା, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଲାଡ୍ କିତ୍‌ତାନ୍‌ନା ଇଞ୍ଜି ପୁନ୍‌ଞ୍ଜି, ଏପେଙ୍ଗ୍ ହାର୍‌ଦାଙ୍ଗ୍ ଜିବୁନ୍ କାଟିକିୟାଟ୍।