ଜହନ୍‌ 6:39 - New Testament in Pengo Parja Language

³⁹ ଈଶ୍ୱର ଇମ୍‌ଣାକାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାନ୍‌ନା, ଆନେଙ୍ଗ୍ ହେୱାର୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଆରାଇ କିଉଙ୍ଗ୍। ଆନେଙ୍ଗ୍ ହେୱାରିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।

ସତ୍‌ ବଚନ୍‌ ପୁନି ନିୟମ୍‌

³⁹ ଆରେ, ନା ପକ୍‌ତାତାକାନ୍‌ ଜେ ୱିଜ଼ାରିଂ ନାଙ୍ଗ୍‌ ଦାନ୍‌ କିଦ୍‌ନାନ୍‌, ହେୱାର୍‌ ବିତ୍ରେ ଇନେରିଂ ନେ ଇନେସ୍‌କି ଆନ୍‌ ଆରାୟ୍‌ କିୱାଦାଂ, ମାତର୍‌ ହାରିହାରା ଦିନ୍ତ ତାଙ୍ଗେଙ୍ଗ୍‌ ଆରେ ରଗ ଜିପ୍‌ନାଙ୍ଗ୍‌, ଇଦାଂ ତାଦାଙ୍ଗ୍‌ ମାନ୍‌ ।

ଜହନ୍‌ 6:39 ပူးပေါင်းရင်းမြစ်များ

ମାତିଉ 10:15

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ବିଚାର୍ ଦିନ୍ ନାଞ୍ଜିଙ୍ଗ୍ ସଦୋମ ଆରେ ଗମୋରା ସହର୍ ଦଣ୍ଡ୍‌ତାଙ୍ଗ୍ ହେ ସହର୍‌ନି ମାନାୟାରିଙ୍ଗ୍ ଈଶ୍ୱର ବେସି ଦଣ୍ଡ୍ ହିନାନ୍।”

ମାତିଉ 18:14

ହେଲେକେ ସରଗ୍‌ନି ଆବା ପା ଇଚା କିନାନା କି ମାନାୟ୍ ପା ନରକ୍‌ତାକେ ହାଲ୍‌ମେର୍ ଇଞ୍ଜି।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:32

ଏପେଙ୍ଗ୍ ରଞ୍ଜାଙ୍ଗ୍ ହିରୁ ମାନ୍ଦାନି ମେଣ୍ଢାଦଳ୍ ଲେକେ, ଲାଗିଙ୍ଗ୍ ପାଣ୍ଡ୍ରା ଆମାଟ୍। ମି ସରଗ୍‌ନି ଆବା ହେ ସରଗ୍ ରାଜି ହିତ୍‌ଦେଙ୍ଗ୍ ମାନ୍‌କିନାନା।

ଜହନ୍‌ 12:48

ଇନେର୍ ନା ହିକ୍ଷାତିଙ୍ଗ୍ ୱେନୁନ୍ ଆରେ ମାନିକିଉନ୍, ହେୱାରିଙ୍ଗ୍ ବିଚାର୍ କିଦେଙ୍ଗ୍ ରକାନ୍ ମାନାନ୍। ଆନେଙ୍ଗ୍ ଇମ୍‌ଣି କାତା ୱିଜୁ ୱେଚ୍‌ଚାଙ୍ଗ୍‌ନା ହେ କାତା ସେସ୍‌ଦିନ୍‌ତ ବିଚାର୍ ଆନାତ୍।

ଜହନ୍‌ 17:12

ଆନେଙ୍ଗ୍ ଏଚେପାଦ୍ନା ହେୱାର୍ ହୁଦାଙ୍ଗ୍ ମାଚାଙ୍ଗ୍, ଆନେଙ୍ଗ୍ ନି ତର୍‌ ଆରେ ସାକ୍ତିତାଙ୍ଗ୍ ହେୱାରିଙ୍ଗ୍ ୱିଜୁଦିନ୍ ରକ୍ଷା କିଜି ମାଚାଙ୍ଗ୍। ହେ ତର୍‌ ନାଙ୍ଗେଙ୍ଗ୍ ଏନେଙ୍ଗ୍ ହିଜିମାନ୍‌ଞ୍ଚାଇ। ଆନେଙ୍ଗ୍ ହେୱାରିଙ୍ଗ୍ ରକ୍ଷା କିଜି ମାଚାଙ୍ଗ୍। ଆରେ ଦରମ୍ ସାସ୍ତର୍ ପୁରା ଆନି କାଜିଙ୍ଗ୍, ହେୱାର୍ ବିତ୍ରେତାଙ୍ଗ୍ ରକାନ୍ ପା ନଷ୍ଟ ଆଦେଙ୍ଗ୍ ହିୱାଦାଙ୍ଗ୍ ମାଚାଙ୍ଗ୍‌।

ଜହନ୍‌ 17:2

ଏନେଙ୍ଗ୍ ହେୱାନିଙ୍ଗ୍ ୱିଜୁ ମାନାୟ୍ ଜାତିତିଙ୍ଗ୍ ଆଦିକାର୍ ହିତାଇନା। ଇନେସ୍‌କି ଏନେଙ୍ଗ୍ ହେୱାନିଙ୍ଗ୍ ଇମ୍‌ଣାକାରିଙ୍ଗ୍ ହିତାଇନା, ହେୱାରିଙ୍ଗ୍ ହେ ହିମ୍‌ଣା ୱିଜ୍‌ୱି ଜିବୁନ୍ ହିନାନ୍।

ଜହନ୍‌ 17:24

ଏ ଆବା ଈଶ୍ୱର, ଏନେଙ୍ଗ୍ ନାଙ୍ଗେଙ୍ଗ୍ ଇମ୍‌ଣି ମାନାୟାରିଙ୍ଗ୍ ହିତ୍‌ତାଇନା, ଆନେଙ୍ଗ୍ ଇଚା କିନାଙ୍ଗ୍, ଆନେଙ୍ଗ୍ ମାନି ୱିଜୁ ବାହାତାକେ ହେୱାର୍ ନା ହୁଦାଙ୍ଗ୍ ମାନେର୍। ଆନେଙ୍ଗ୍ ଇଚା କିନାଙ୍ଗ୍, ହେୱାର୍ ନା ଅଜଡ଼୍ ହୁଡ଼େର୍। ଇ ଅଜଡ଼୍ ଏନେଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା, ଇନେସ୍‌କି ଏନେଙ୍ଗ୍ ପୁର୍ତି ରହ୍‌ୱିତି ଆଗେ ନାଙ୍ଗେଙ୍ଗ୍ ଲାଡ୍ କିତ୍‌ତାୟ୍।

ଜହନ୍‌ 17:6

ଏଲେଙ୍ଗ୍ ପୁର୍ତିନି କେତ୍‌ଜାଣ୍ ମାନାୟାର୍ ନିଙ୍ଗେଙ୍ଗ୍ ପୁନ୍‌ଞ୍ଚାର୍‌ନା, ହେୱାର୍ ନି ଲକ୍ ମାଚାର୍, ଆରେ ଏନେଙ୍ଗ୍ ହେୱାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା। ହେୱାର୍ ନି ହିକ୍ଷାତିଙ୍ଗ୍ ମାନିକିତାର୍‌ନା।

ଜହନ୍‌ 17:9

ଆନେଙ୍ଗ୍ ହେୱାର୍ କାଜିଙ୍ଗ୍ ନଙ୍ଗୟ୍ ପାର୍ତାନା କିନାଙ୍ଗା। ଆନେଙ୍ଗ୍ ପୁର୍ତିନି ମାନାୟାର୍ କାଜିଙ୍ଗ୍ ପାର୍ତାନା କିଉଙ୍ଗା। ଆନେଙ୍ଗ୍ ହେୱାରିଙ୍ଗ୍ ପାର୍ତାନା କିନାଙ୍ଗା, ଇମ୍‌ଣାକାରିଙ୍ଗ୍ ଏନେଙ୍ଗ୍ ହିଜିମାନ୍‌ଞ୍ଚାଇ। ଇନେସ୍‌କି ହେୱାର୍ ମିୱାର୍।

ଜହନ୍‌ 18:9

ହେଲେକେ ଗଟାଆତାତ୍ ଇନେସ୍‌କି ଆଗେ ହେୱାର୍‌ତାକେ ଲେକାଆତି ଦରମ୍ ସାସ୍ତର୍ ପୁରାଆନାତ୍, “ ଏନେଙ୍ଗ୍ ନାଙ୍ଗେଙ୍ଗ୍ ଇମ୍‌ଣାକାରିଙ୍ଗ୍‌ ହିତ୍‌ତାୟ୍‌ନା ଆନେଙ୍ଗ୍ ରକାନିଙ୍ଗ୍ ପା ଆରାଇ କିଉଙ୍ଗେ।”

ଜହନ୍‌ 5:28

ଏପେଙ୍ଗ୍ ଚାନିଆ ଆମାଟ୍। ଇଲେଗ୍‌ଦି ସମୟ୍ ୱାନାତା, ହେପାଦ୍ନା ହାଃଜି ଦୁଗେର୍‌ତ ମୁଚିଆ ଆତାକାର୍ ୱିଜାକାର୍ ତା ବେଣ୍ ୱେନାର୍।

ଜହନ୍‌ 6:37

ନା ଆବା ଈଶ୍ୱର ନାଙ୍ଗେଙ୍ଗ୍ ଇମ୍‌ଣାକା ହିତ୍‌ତାନ୍‌ନା, ହେୱାର୍ ନା ଲାଗାୟ୍ ୱାନାର୍। ଆରେ ଆନେଙ୍ଗ୍ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ହପୁଙ୍ଗ୍‌।

ଜହନ୍‌ 6:40

ୱିଜାକାର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ହୁଡ଼୍‌ନାର୍, ଆରେ ହେୱାନ୍‌ତାକେ ପାର୍ତିକିନାର୍। ଆରେ ହେୱାର୍ ଇନେସ୍‌କି ୱିଜ୍‌ୱି ଜିବୁନ୍ ପାୟାଆନାର୍‌। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।”

ଜହନ୍‌ 6:44

ନା ଆବା ଈଶ୍ୱର ଇନେରିଙ୍ଗ୍ ନା ଲାଗାୟ୍ ପକ୍ତାନାନ୍। ହେୱାନ୍‌ନେ ନା ଲାଗାୟ୍ ୱାନାନ୍। ଆରେ ଆନେଙ୍ଗ୍ ହେୱାରିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍।

ଜହନ୍‌ 6:54

ଯଦି ଇମ୍‌ଣାକାନ୍ ନା ଗାଗାଡ଼୍‌ନି ଜେଇ ତିନାନ୍ ଆରେ ନା ନେତେର୍ ଉଣାନ୍, ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ହାଃତିତାଙ୍ଗ୍ ଜିବୁନ୍ କିନାଙ୍ଗ୍।

ରୋମିୟ 8:11

ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେ ପବିତ୍ର ଆତ୍ମା ମି ବିତ୍ରେ ମାନାତା। ହେୱାନ୍ ଇନେସ୍ କିଜି ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେଲେକେ ମି ବିତ୍ରେ ମାନି ଆତ୍ମା, ମି ହାଃନି ଗାଗାଡ଼୍‌ତିଙ୍ଗ୍ ଆରେରଗ ଜିବୁନ୍ କିଦ୍‌ନାତ୍।

୧ କରନ୍ତିୟ 6:14

ଈଶ୍ୱର ତା ଶାକ୍ତି ହୁଦାଙ୍ଗ୍ ମା ଗାଗାଡ଼୍‌ତିଙ୍ଗ୍ ହାଃତିତାଙ୍ଗ୍ ଆରେରଗ ନିକ୍ତାନାନ୍‌, ଇନେସ୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍ତାନ୍।

୨ ତିମଥି 2:19

ପାଉଣ୍ଡେସେନ୍ ଇନେସ୍ ପୁରା ଆଟ୍‌ୱା ଆଜି ମାନ୍‌ଗାନାତ୍ ହେଲେକେ ଈଶ୍ୱର ମାନାୟାର୍ ମାନ୍‌ଗାନାର୍। ଇ ପାଉଣ୍ଡେସେନ୍ ଜପି ଇଦାଙ୍ଗ୍ ଲେକାଆତାତ୍‌ନା, “ମାପୃ ତା ଜାର୍ ମାନାୟାରିଙ୍ଗ୍ ପୁଚାନ୍‌ନା।” ଆରେ, “ଇନେର୍ ମାପୃ ତର୍‍ଦାଙ୍ଗ୍ ହେବା କିନାନ୍, ହେୱାନ୍ କରାପ୍ କାମାୟ୍ କିନାକା ପିହେନ୍।”

ଜାକ୍‌ବ 5:15

ପାର୍ତିତାଙ୍ଗ୍ ପାର୍ତାନା କିତିସ୍ ହେ ବେମାର୍ ମାନାୟ୍ ହାର୍ ଆନାନ୍। ଇନେସ୍‌କି ମାପୃ ହେୱାନିଙ୍ଗ୍ ହାର୍‌କିନାନ୍‌, ଆରେ ଯଦି ହେୱାନ୍ ପାପ୍ କିଜିମାଚିସ୍, ଈଶ୍ୱର ହେୱାନିଙ୍ଗ୍ କେମା କିନାନ୍।

୧ ପିତର 1:5

ଏପେଙ୍ଗ୍ ଯୀଶୁଙ୍ଗ୍ ପାର୍ତି କିଜିମାଚି କାଜିଙ୍ଗ୍ ଈଶ୍ୱର ତା ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ରକ୍ଷା କିଦ୍‌ନାନା। ଯୀଶୁ ଖ୍ରୀଷ୍ଟ ଆରେରଗ ୱାନି ସେସ୍‌ଦିନ୍ ପାତେକ୍ ହେୱାନ୍ ମିଙ୍ଗେଙ୍ଗ୍ ଉଦାର୍ କିଜି ମାଞ୍ଜ୍‌ନାନ୍। ଲାଗିଙ୍ଗ୍ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଯେ ଈଶ୍ୱର ମିଙ୍ଗେଙ୍ଗ୍ ପାପ୍ ଆରେ ହାଃନିତାଙ୍ଗ୍ ପୁରାପୁରି ଉଦାର୍ କିତ୍‌ତାନ୍‌ନା।

ଜିହୁଦା 1:1

ଆନେଙ୍ଗ୍ ଯିହୁଦା ଯୀଶୁ ଖ୍ରୀଷ୍ଟତି ରକାନ୍ ଚେଲାହିତଙ୍ଗ୍‌ ଆରେ ଯାକୁବନି ହିରୁ ଟଣ୍ଡାହିତଙ୍ଗ୍‌। ଈଶ୍ୱରତାକେ ପାର୍ତିକିନି କାଜିଙ୍ଗ୍ ଇମ୍‌ଣାକାରିଙ୍ଗ୍ ହେୱାନ୍ କୁକ୍ତାନ୍‌ନା, ହେୱାର୍ ଲାଗାୟ୍ ଇ ଚିଟି ଲେକିକିନାଙ୍ଗା। ଆବା ଈଶ୍ୱର ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍ ଆରେ ଯୀଶୁ ଖ୍ରୀଷ୍ଟତାକେ ମିଙ୍ଗେଙ୍ଗ୍ ହାର୍‌ଦାଙ୍ଗ୍ ଇଡ଼୍‌ଜି ମାଞ୍ଜ୍‌ନାନ୍।