ଜହନ୍‌ 6:27 - New Testament in Pengo Parja Language

²⁷ ନଷ୍ଟ ଆନି କାଦିତିଙ୍ଗ୍ ଏପେଙ୍ଗ୍ କଷ୍ଟ କିମାଟ୍। ମାତର୍ ଇମ୍‌ଣି କାଦି ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ କାଜିଙ୍ଗ୍ ମାନ୍‌ଗାନାତ୍, ହେ କାଦି କାଜିଙ୍ଗ୍ କଷ୍ଟ କିୟାଟ୍। ହେ କାଦି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହିଦ୍‌ନାନ୍। ଇନେସ୍‌କି ଆବା ଈଶ୍ୱର ନାଙ୍ଗେଙ୍ଗ୍ ହେ ଆଦିକାର୍ ହିତ୍‌ତାନ୍‌ନା।”

ସତ୍‌ ବଚନ୍‌ ପୁନି ନିୟମ୍‌

²⁷ ଇମ୍‌ଣି କାଦି ନସ୍ଟ ଆନାତ୍‌, ହେଦାଂ କାଜିଂ ବେସି କସ୍ଟକିମାଟ୍‌ । ମାତର୍‌ ଇମ୍‌ଣି କାଦି ୱିଜ଼୍‌ୱି ଜିବୁନ୍‌ ହିନାତ୍‌, ହେଦାଂ କାଜିଂ କାମାୟ୍‌ କିୟାଟ୍‌ । ଇ କାଦି ମାନାୟ୍‌ ମାଜ଼ି ହିଦ୍‌ନାନ୍‌, ଇନାକିଦେଂକି ଆବା ଇସ୍ୱର୍‌ ହେଦାଂ କାଜିଂ ତାଙ୍ଗେଙ୍ଗ୍‌ ଇଡ୍‌ତାନ୍ନା ।”

ଜହନ୍‌ 6:27 ပူးပေါင်းရင်းမြစ်များ

ମାତିଉ 17:5

ଯୀଶୁ ଇବେଣ୍ ୱେଚୁ-ୱେଚୁ, ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍‌ତାକେ ଆନେଙ୍ଗ୍ ବେସି ୱାରି, ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନାଟ୍!”

ମାତିଉ 25:46

ତାପାଚେ ଇ ମାନାୟାର୍ ହସି ହାନାର୍। ଅଦରମ୍‌ ମାନାୟାରିଙ୍ଗ୍ ୱିଜ୍‌ୱି ଦଣ୍ଡ୍ ପାୟା ଆଦେଙ୍ଗ୍ ଆନାତ୍। ମାତର୍ ହାର୍ଦି ମାନାୟାର୍ ୱିଜ୍‌ୱି ଜିବୁନ୍ ପାୟାଆନାର୍‌।”

ମାତିଉ 3:17

ହେପାଦ୍ନା ଈଶ୍ୱର ବାଦାଡ଼୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ମାତିଉ 6:19

ହେଲେକେ ପୁର୍ତିତାକେ ଜାର୍-ଜାର୍ କାଜିଙ୍ଗ୍ ଦନ୍ ରୁଣ୍ଡାଇ କିମାଟ୍। ଇମେତାକେ ପିଡ଼ି ଆରେ ପ୍ରାଲ୍ ତିନ୍‌ଞ୍ଜି ବାନ୍ୟା କିନାତ୍, ଆରେ ଚର୍‌କୁ ଟୁଣ୍ଡି ହଣ୍‌ଜି ଚର୍‌କିଜି ଅନାର୍।

ମାତିଉ 8:20

ହେବେତାଙ୍ଗ୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “କଲିଆ ମାଞ୍ଜେଙ୍ଗ୍ ପାରା ମାନାତ୍। ବାଦାଡ଼୍‌ତ ବୁଲା ଆନି ପଟିକାଙ୍ଗ୍ ଗୁଡା ମାନାତ୍। ମାତର୍ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌ ଆନେଙ୍ଗ୍ (ଯୀଶୁ) ମାଞ୍ଜେଙ୍ଗ୍ ବାହା ହିଲେତ୍।”

ମାର୍କ 1:11

ଆରେ, ଈଶ୍ୱର ସରଗ୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, ଏନେଙ୍ଗ୍ ନା ଲାଡ୍ ମାଜି, “ଆନେଙ୍ଗ୍ ନିତାକେ ବେସି ୱାରି।”

ମାର୍କ 9:7

ହେଦାପ୍ରେ ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନା!”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:22

ପବିତ୍ର ଆତ୍ମା ସରଗ୍‌ତାଙ୍ଗ୍ ପାର୍‌ୱା ଲେକେ ତା ଜପି ୱାତାତ୍। ଆରେ ଈଶ୍ୱର ସରଗ୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:35

ହେ ବାଦାଡ଼୍‌ତାଙ୍ଗ୍ ଈଶ୍ୱର ୱେଚ୍‌ଚାନ୍, “ଏ ନା ଲାଡ୍ ମାଜି। ଆନେଙ୍ଗ୍ ଇୱାନିଙ୍ଗ୍ ବାଚିକିତାଙ୍ଗ୍। ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନା!”

ଜହନ୍‌ 10:28

ଆନେଙ୍ଗ୍ ନା ମେଣ୍ଢାକାଙ୍ଗ୍ ୱିଜ୍‌ୱି ଜିବୁନ୍ ହିନାଙ୍ଗ୍। ହେୱେକ୍ ଇନାୱେଡ଼ାଙ୍ଗ୍ ପା ହାଃଉକ୍‌, ହେୱାରିଙ୍ଗ୍ କେଇଦାଙ୍ଗ୍ ଇନେର୍ ପା ନାବେତାଙ୍ଗ୍ କିସ୍ତି ଅଦେଙ୍ଗ୍ ଆଡୁର୍।

ଜହନ୍‌ 11:42

ଆନେଙ୍ଗ୍ ପୁଚାନାଙ୍ଗ୍‌ନା ଏନେଙ୍ଗ୍ ୱିଜୁଦିନ୍ ନା କାତା ୱେନାୟା। ମାତର୍ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ଇବେ ନିଲ୍‌ତି ମାନାୟାର୍ ଇନେସ୍ କିଜି ପାର୍ତି କିଦ୍‌ନାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଏଲେଙ୍ଗ୍ ୱେଚ୍‌ଚାଙ୍ଗ୍।”

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 15:24

ଆନେଙ୍ଗ୍ ଇମ୍‌ଣି ଚାନିଆଆନି କାମାୟ୍ ହେ ମାନାୟାର୍ ବିତ୍ରେ କିତାଙ୍ଗ୍‌ନା, ହେଦାଙ୍ଗ୍ ଇମ୍‌ଣାକାନ୍ ପା ଇନାୱେଡ଼ାଙ୍ଗ୍ କିୱାତାନ୍‌ନା। ଆନେଙ୍ଗ୍ ଯଦି ହେ କାମାୟ୍ କିୱାତାଙ୍ଗ୍‌ମା, ଲାଗିଙ୍ଗ୍ ହେୱାର୍ ପାପ୍ କାଜିଙ୍ଗ୍ ଦସି ଆୱାତାର୍‌ମା। ମାତର୍ ହେୱାର୍ ନା ଚାନିଆଆନି କାମାୟ୍ କିତାକା ହୁଡ଼୍‌ତାର୍‌ନା। ହେୱାର୍ ନାଙ୍ଗେଙ୍ଗ୍ ଆରେ ନା ଆବା ଈଶ୍ୱରତିଙ୍ଗ୍ ଗିଣ୍ କିନାରା।

ଜହନ୍‌ 17:2

ଏନେଙ୍ଗ୍ ହେୱାନିଙ୍ଗ୍ ୱିଜୁ ମାନାୟ୍ ଜାତିତିଙ୍ଗ୍ ଆଦିକାର୍ ହିତାଇନା। ଇନେସ୍‌କି ଏନେଙ୍ଗ୍ ହେୱାନିଙ୍ଗ୍ ଇମ୍‌ଣାକାରିଙ୍ଗ୍ ହିତାଇନା, ହେୱାରିଙ୍ଗ୍ ହେ ହିମ୍‌ଣା ୱିଜ୍‌ୱି ଜିବୁନ୍ ହିନାନ୍।

ଜହନ୍‌ 3:15

ଇଦାଙ୍ଗ୍ କାଜିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତାକେ, ପାର୍ତିକିନି ୱିଜାକାର୍ ୱିଜ୍‌ୱି ଜିବୁନ୍ ପାୟାଆନାର୍‌।

ଜହନ୍‌ 3:33

ମାତର୍ ଇମ୍‌ଣାକାନ୍ ହେୱାନ୍ ୱେଚ୍‌ଚି ବେଣ୍‌ତିଙ୍ଗ୍ ଆହ୍‌ନାର୍, ହେୱାନ୍ ଈଶ୍ୱର ନେ ସତ୍ ଇଞ୍ଜି ପାର୍ମାଣ୍ କିନାନ୍।

ଜହନ୍‌ 6:40

ୱିଜାକାର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ହୁଡ଼୍‌ନାର୍, ଆରେ ହେୱାନ୍‌ତାକେ ପାର୍ତିକିନାର୍। ଆରେ ହେୱାର୍ ଇନେସ୍‌କି ୱିଜ୍‌ୱି ଜିବୁନ୍ ପାୟାଆନାର୍‌। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।”

ଜହନ୍‌ 6:47

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ‘ଇମ୍‌ଣାକାନ୍ ପାର୍ତିକିନାନ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍।

ଜହନ୍‌ 6:51

ଆନେଙ୍ଗ୍ ସରଗ୍ ଜପିତାଙ୍ଗ୍ ଜୁତ୍‌ତି ହେ ଜିବୁନ୍‌ହିନି କାଦି। ଇମ୍‌ଣାକାନ୍ ଇ କାଦିତିଙ୍ଗ୍ ତିନାନ୍ ହେୱାନ୍ ୱିଜୁଦିନ୍ ପାତେକ୍ ଜିବୁନ୍ ମାନ୍‌ଗାନାନ୍। ଇ କାଦି ଆନାତା ନା ଗାଗାଡ଼୍। ଆନେଙ୍ଗ୍ ନା ଗାଗାଡ଼୍ ହିଦ୍‌ନାଙ୍ଗ୍, ହେଦାଙ୍ଗ୍ କାଜିଙ୍ଗ୍ ପୁର୍ତିନି ମାନାୟାର୍ ଜିବୁନ୍ ପାୟାଆନାର୍‌।”

ଜହନ୍‌ 6:53

ହେବେତାଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏପେଙ୍ଗ୍ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜେଇ ତିନାକା ମାନାତ୍, ଆରେ ନେତେର୍ ଉଣାକା ମାନାତ୍। ଏପେଙ୍ଗ୍ ଯଦି ଏଲେଙ୍ଗ୍ କିୱିତିସ୍, ମି ବିତ୍ରେ ଜିବୁନ୍ ହିଲୁତ୍।

ଜହନ୍‌ 6:54

ଯଦି ଇମ୍‌ଣାକାନ୍ ନା ଗାଗାଡ଼୍‌ନି ଜେଇ ତିନାନ୍ ଆରେ ନା ନେତେର୍ ଉଣାନ୍, ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ହାଃତିତାଙ୍ଗ୍ ଜିବୁନ୍ କିନାଙ୍ଗ୍।

ଜହନ୍‌ 6:58

ମା ଆକଦାଦିର୍ ଟାଙ୍ଗ୍ରାବାହାତାକେ ତିନ୍‌ଞ୍ଜି ହାଃତି ଲେକେ କାଦି ଇଦାଙ୍ଗ୍ ଆକାୟ୍। ମାତର୍ ଆନେଙ୍ଗ୍ ସରଗ୍‌ତାଙ୍ଗ୍ ୱାତି କାଦି, ଇମ୍‌ଣାକାନ୍ ଇ କାଦି ତିନାନ୍ ହେୱାନ୍ ୱିଜ୍‌ୱିଦିନ୍ ପାତେକ୍ ଜିବୁନ୍ ମାନ୍‌ଗାନାନ୍।”

ଜହନ୍‌ 6:62

ଲାଗିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଇମେତାଙ୍ଗ୍ ୱାଜିମାଚାନ୍। ଆରେରଗ ହେ ବାହାତାକେ ହେୱାନ୍ ହାନାନ୍, ଇ ବିଷୟରେ ଏପେଙ୍ଗ୍ ଇନାକା ବାବିକିନାଦେରା?

ଜହନ୍‌ 6:68

ଶିମୋନ ପିତର ହେୱାନିଙ୍ଗ୍ ୱେଚ୍‌ଚାନ୍, “ମାପୃ, ଆପେଙ୍ଗ୍ ଇନେର୍‌ତାକେ ହାନାପ୍? ନିବେ ତ ୱିଜ୍‌ୱି ଜିବୁନ୍ ମାନାତ୍।

ଜହନ୍‌ 8:18

ଆନେଙ୍ଗ୍ ନା ଜାର୍ ବିଷୟରେ ରକାଙ୍ଗ୍ ସାକି, ଆରେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ପା ଆରେ ରକାନ୍ ସାକି।”

ପକ୍ୟାତାକା 10:38

ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।

ପକ୍ୟାତାକା 2:22

ଏ ଇସ୍ରାଏଲ ଜାତିନି ମାନାୟାର୍, “ୱେନାଟ୍! ନାଜରିତିୟ ସହର୍‌ନି ଯୀଶୁ ଇନା-ଇନା ଶାକ୍ତିନି କାମାୟ୍, ଚାନିଆଆନି କାମାୟ୍ ଆରେ ଚିନାତାଙ୍ଗ୍ ମି ଲାଗାୟ୍ ଈଶ୍ୱର ପକିଆତି ମାନାୟ୍ ଇଞ୍ଜି ଚଚିୟା ଆନାନ୍। ହେଦାଙ୍ଗ୍ କାଜିଙ୍ଗ୍ ହେୱାନ୍‌ତାଙ୍ଗ୍ ଈଶ୍ୱର ମିବେ ଇୱିଜୁ କାମାୟ୍ କିତାନ୍‌ନା। ଇଦାଙ୍ଗ୍ ଏପେଙ୍ଗ୍ ନିଜେ ପୁଚାଦେର୍‌ନା।

ରୋମିୟ 4:11

ଆରେ ହେପାଦ୍ନା ହେୱାନ୍ ଈଶ୍ୱରତାକେ ପାର୍ତିକିତି କାଜିଙ୍ଗ୍ ଈଶ୍ୱର ତାଙ୍ଗେଙ୍ଗ୍ ଦରମ୍ ମାନାୟ୍ କିତାନ୍। ହେପାଦ୍ନା ହେୱାନ୍ ସୁନତ୍ ଆୱାଦାଙ୍ଗ୍ ମାଚାନ୍। ସୁନତ୍ ଆନି ଅର୍ତ ଇଲେକେ ଯେ, ହେଦାଙ୍ଗ୍ ଈଶ୍ୱର ଆସ୍ତାନ୍ ଇଞ୍ଜି ର ଚିନ୍। ଲାଗିଙ୍ଗ୍ ହେୱାନ୍ ପାର୍ତିକିନି ମାନାୟାର୍ ଲାତ୍ରାହି ଆତାନ୍, ଆରେ ହେୱାନ୍ ସୁନତ ଆୱାଦାଙ୍ଗ୍ ମାଚାନ୍। ହେୱାର୍ ତା ପାର୍ତି କାଜିଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାର୍।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

୧ କରନ୍ତିୟ 6:13

ଏପେଙ୍ଗ୍ ଇଞ୍ଜେଙ୍ଗ୍ ଆଡ୍‌ନାଦେର୍, କାଦି ଗାଗାଡ଼୍ କାଜିଙ୍ଗ୍ ଆରେ ଗାଗାଡ଼୍ କାଦି କାଜିଙ୍ଗ୍ ରହ୍‌ୟା ଆତାତ୍‌ନା, ହେଦାଙ୍ଗ୍ ସତ୍, ମାତର୍ ହେ ରିଣ୍ଡାଙ୍ଗ୍ ଜିନିଷ୍‌ତିଙ୍ଗ୍ ଈଶ୍ୱର ରଦିନ୍ ବିନାସ୍ କିନାନ୍। ତା ଅର୍ତ ଇଦାଙ୍ଗ୍ ଆକାୟ୍ ଯେ, ଏପେଙ୍ଗ୍ ମି ଗାଗାଡ଼୍‌ତିଙ୍ଗ୍ ଦାରି କାମାୟ୍ କିଦେଙ୍ଗ୍ ବ୍ୟବହାର୍ କିୟାଟ୍, ଇନେସ୍‌କି ଇ ଗାଗାଡ଼୍ ମାପୃତି ଆରେ ମାପୃଙ୍ଗ୍ ହେବା କିଦେଙ୍ଗ୍ ବ୍ୟବହାର୍ କିନି ଦର୍‌କାର୍।

୧ କରନ୍ତିୟ 9:2

ଯଦି ଜେକନିକାର୍ ନାଙ୍ଗେଙ୍ଗ୍ ମାପୃ ଯୀଶୁ ବାଚି କିତ୍‌ତି ଚେଲାଇଞ୍ଜି ଆସ୍ତିୱିତିସ୍ ପା, ଏପେଙ୍ଗ୍ ନାଙ୍ଗେଙ୍ଗ୍ ଆସ୍ତାତାଦେର୍। ଇନେସ୍‌କି ଆନେଙ୍ଗ୍ ନେ ମିଙ୍ଗେଙ୍ଗ୍ ପାର୍ତୁମ୍ ହାର୍ଦିକାବୁର୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍। ଏପେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିଜି ମାନି କାଜିଙ୍ଗ୍ ଆନେଙ୍ଗ୍ ତା ବାଚିକିତି ଚେଲା ଆତାଙ୍ଗ୍‌ନା ଇଞ୍ଜି ଚଞ୍ଜିଆ ଆନାତା।

୨ କରନ୍ତିୟ 4:18

ଲାଗିଙ୍ଗ୍ ନଙ୍ଗୟ୍ ଆସେଙ୍ଗ୍ ପାୟାଆନି ଦୁଃକ୍ କଷ୍ଟ ହୁଡ଼୍‌ୱି ଦର୍‌କାର୍, ତା ବାଦୁଲ୍‌ରେ ଈଶ୍ୱର ମା କାଜିଙ୍ଗ୍ ଇଡ଼୍‌ତି ହୁଡ଼୍‌ୱି ଜିନିଷ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆହାକିନି ଦର୍‌କାର୍। ଇନେସ୍‌କି ଇମ୍‌ଣି ଦୁଃକ୍ କଷ୍ଟ ନଙ୍ଗୟ୍ ହୁଡ଼୍‌ନାସା ହେଦାଙ୍ଗ୍ ବେସି ଆଗେ ସେସ୍ ଆନାତ୍, ମାତର୍ ଇମ୍‌ଣି ୱାରି ପାଚେ ଈଶ୍ୱର ମାଙ୍ଗେଙ୍ଗ୍ ହିଦ୍‌ନାନ୍ ହେଦାଙ୍ଗ୍ ୱିଜୁଦିନ୍ ମାନ୍‌ଗାନାତ୍।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ପିଲିପିୟ 2:13

ଇନେସ୍‌କି ଈଶ୍ୱର ମିବେ ମାନ୍‌ଞ୍ଜି କାମାୟ୍ କିନାନା, ଲାଗିଙ୍ଗ୍ ହେୱାନ୍ ଇନାକା ଇଚା ହେଦାଙ୍ଗ୍ ପୁରା କିଦେଙ୍ଗ୍ ମିଙ୍ଗେଙ୍ଗ୍ ଇଚା କିୟି କିଦ୍‌ନାନା। ଆରେ ହେୱାନ୍ ମିଙ୍ଗେଙ୍ଗ୍ ସାଇଜ ପା କିଦ୍‌ନାନା।

କଲସିୟ 1:29

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବେସି କଷ୍ଟ କିନାଙ୍ଗା। ଲାଗିଙ୍ଗ୍ ଖ୍ରୀଷ୍ଟ ନାଙ୍ଗେଙ୍ଗ୍ କାମାୟ୍ କିଦେଙ୍ଗ୍ ଶାକ୍ତି ହିତ୍‌ତାନ୍‌ନା, ଆରେ ହେ ବେସି ଶାକ୍ତି ସାଇଜତାଙ୍ଗ୍ ଆନେଙ୍ଗ୍ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 2:22

ଇ ୱିଜୁ ନିତି ନିୟମ୍ ମାନାୟ୍ ରସ୍ତି ହିକ୍ଷା, ଆରେ ହେ ୱିଜୁତିଙ୍ଗ୍ ଆସେଙ୍ଗ୍ ବାଉରା ଆତିସ୍ ନଷ୍ଟ ଆନାତ୍।

କଲସିୟ 3:2

ପୁର୍ତିନି ବିଷୟତିଙ୍ଗ୍ ନେ ମାନ୍ ହିମାଟ୍, ମାତର୍ ସରଗ୍‌ନି ବିଷୟତିଙ୍ଗ୍ ମାନ୍ ଲାଗାୟ୍ କିୟାଟ୍।

୧ ଥେସଲନୀକିୟ 1:3

ଆରେ ଆପେଙ୍ଗ୍ ଏଚେପାଦ୍ନା ମା ଆବା ଈଶ୍ୱରତିଙ୍ଗ୍ ପାର୍ତାନା କିନାପା। ଏପେଙ୍ଗ୍ ପାର୍ତିତାଙ୍ଗ୍ କିନି କାମାୟ୍‌ତିଙ୍ଗ୍ ଏତ୍ କିନାପା, ଆରେ ଏପେଙ୍ଗ୍ ପାର୍ତିକିନି ମାନାୟାରିଙ୍ଗ୍ ଲାଡ୍‌କିନି କାଜିଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କଷ୍ଟ କିନାଦେରା। ଆରେ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି ଆହା କିନାଦେରା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ମାନାୟାର୍ ଦୁଃକ୍ କଷ୍ଟ ହିତ୍‌ତିସ୍‌ ପା ସମ୍ବାଲି କିନାଦେରା।

୨ ତିମଥି 2:19

ପାଉଣ୍ଡେସେନ୍ ଇନେସ୍ ପୁରା ଆଟ୍‌ୱା ଆଜି ମାନ୍‌ଗାନାତ୍ ହେଲେକେ ଈଶ୍ୱର ମାନାୟାର୍ ମାନ୍‌ଗାନାର୍। ଇ ପାଉଣ୍ଡେସେନ୍ ଜପି ଇଦାଙ୍ଗ୍ ଲେକାଆତାତ୍‌ନା, “ମାପୃ ତା ଜାର୍ ମାନାୟାରିଙ୍ଗ୍ ପୁଚାନ୍‌ନା।” ଆରେ, “ଇନେର୍ ମାପୃ ତର୍‍ଦାଙ୍ଗ୍ ହେବା କିନାନ୍, ହେୱାନ୍ କରାପ୍ କାମାୟ୍ କିନାକା ପିହେନ୍।”

ଏବ୍ରି 12:16

ମି ବିତ୍ରେ ଇନେର୍ ଦାରି କି ଏଷୌ ଲେକେ ଅଦରମ୍‌ ମାନ୍‌ମେର୍। ଇନେସ୍‌କି ର ସମୟ୍‌ନି କାଦି କାଜିଙ୍ଗ୍ ଏଷୌ, ତା ଗାଜା ହିମ୍‌ଣା ପାୟାଆନି ଆଦିକାର୍‌ତିଙ୍ଗ୍ ଇନସ୍ତାକିଜି ପସି ମାଚାନ୍।

ଏବ୍ରି 4:11

ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହେ ଜମ୍‌ନି ବାହାତାକେ ହଣ୍ଡେଙ୍ଗ୍ ଉପାୟ୍ କିନି ଦର୍‌କାର୍, ଇନେସ୍‌କି ଇସ୍ରାଏଲନି ମାନାୟାର୍‌ଲେକେ ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ମାନିକିଉର୍, ହେୱାନ୍ ଜମ୍‌ନି ବାହାତାକେ ହାଞ୍ଜେଙ୍ଗ୍ ଆଡୁର୍।

ଜାକ୍‌ବ 1:11

ଏଚେପାଦ୍ନା ୱେଡ଼ା ହସି କାରା ଜୁରା ଆତିସ୍ କାଚ୍ରାନି ପୁଇକୁ ୱାଚ୍‌ନିକ୍‌, ଆରେ ତା ହଲ୍‌ନାକା ପା ନଷ୍ଟ ଆନାତ୍। ହେଲେକେ ନେ ପାର୍ତିକିନି ହାଉକାର୍ ମାନାୟ୍ ପା ବୁଡା ଆନାନ୍।

୧ ପିତର 1:24

ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ମାନାୟାର୍ କାଚ୍ରା ଲେକେ ଆରେ ହେୱାର୍ ସୁନ୍ଦର ଜମିନି ପୁଇଲେକେ। ହେ କାଚ୍ରା ୱାଜ୍‌ଜି ହାନାତ୍ ଆରେ ହେ ପୁଇ ୱିଜୁ ହାଡ଼୍‌ନାତ୍‌,

୨ ପିତର 1:17

ଆବା ଈଶ୍ୱର ଏଚେପାଦ୍ନା ଖ୍ରୀଷ୍ଟଙ୍ଗ୍ ସନ୍‌ମାନ୍ ଆରେ ଗୌରବ ହିତାନ୍, ହେପାଦ୍ନା ଆସେଙ୍ଗ୍ ହେୱାନ୍ ହୁଦାଙ୍ଗ୍ ପବିତ୍ର ମାଡ଼ିଜପି ମାଚାସ୍। ହେପାଦ୍ନା ବେସି ଗୌରବ ମାନି ଈଶ୍ୱର ହେୱାନିଙ୍ଗ୍ ଇ ବେଣ୍ ୱେଚ୍‌ଚାନ୍, “ଇୱାନ୍‌ନେ ନା ଲାଡ୍‌ନି ମାଜି, ଇୱାନ୍‌ତାକେ ଆନେଙ୍ଗ୍ ବେସି ୱାରି।” ସରଗ୍‌ତାଙ୍ଗ୍ ଇ ବେଣ୍ ୱେଚ୍‌ନାକା ଆସେଙ୍ଗ୍ ନିଜେ ୱେଚାସ୍‌।