ଜହନ୍‌ 5:44 - New Testament in Pengo Parja Language

⁴⁴ ଏପେଙ୍ଗ୍ ଜାର୍ ଜାର୍‌ତିଙ୍ଗ୍ ଜୟ୍-ଜୟ୍ ପାୟା ଆଦେଙ୍ଗ୍ ଇଚା କିନାଦେର୍, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ନାବେ ପାର୍ତି କିଉଦେରା। ଏପେଙ୍ଗ୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟା ଆଦେଙ୍ଗ୍ ଇଚା କିଉଦେରା।

ସତ୍‌ ବଚନ୍‌ ପୁନି ନିୟମ୍‌

⁴⁴ ଏପେଙ୍ଗ୍‌ ନାଙ୍ଗ୍‌ ଇନେସ୍‌ ପାର୍ତି କିଦ୍‌ନାଦେର୍‌ ? ଏପେଙ୍ଗ୍‌ ତ ରକାନ୍‌ ଆରେ ରକାନ୍‌ ତାଙ୍ଗ୍‌ ଜାଜ୍‌ମାଲ୍‌ ପାୟା ଆଦେଂ ମାନ୍‌ କିନାଦେରା, ଆରି ରଞ୍ଜାଙ୍ଗ୍‌ ମାତର୍‌ ଇସ୍ୱର୍‌ତାଂ ଇମ୍‌ଣି ଜାଜ୍‌ମାଲ୍‌, ହେଦାଂ ଗାଟାଆନି କାଜିଂ ସେସ୍ଟା କିଉଦେରା ।

ଜହନ୍‌ 5:44 ပူးပေါင်းရင်းမြစ်များ

ମାତିଉ 23:5

“ମାତର୍ ହେୱାର୍ ମାନାୟ୍‌ତିଙ୍ଗ୍ ଚଚ୍‌ଚେଙ୍ଗ୍ ୱିଜୁ ହାର୍ କାମାୟ୍ କିନାର୍। ହୁଡ଼ାଟ୍, ଜାର୍‌ତିଙ୍ଗ୍ ଦରମ୍ ଚଚିୟାଆନି କାଜିଙ୍ଗ୍ ଗାଜାଗାଜା ଡଙ୍ଗ୍‌ରୁ ମାରାତ ଗାଚିଆ ଆନାର୍, ଆରେ ଜାର୍ ପାର୍ତାନା କିନିହିଙ୍ଗ୍ ଉସ୍‌ପିତି ହେନ୍ଦ୍ରା ବେସି ଲାମାୟ୍ କିନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:17

ରାଜା ହେ ହଲିଆହିଙ୍ଗ୍ ୱେଚ୍‌ଚାନ୍, ‘ବଡ଼ିଆ ଏନେଙ୍ଗ୍ ବେସି ହାର୍ଦି ହଲିଆ, ନିଙ୍ଗେଙ୍ଗ୍ ହିରୁ-ହିରୁ ବିଷୟତାଙ୍ଗ୍ ପାର୍ତି କିୟାଆନାତ୍ ଇଞ୍ଜି ଆନେଙ୍ଗ୍ ପୁନାଙ୍ଗ୍। ଲାଗିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ନା ଦଶ୍‌ଗଟା ସହର୍ ସାସନ୍ କିଦେଙ୍ଗ୍ ଦାୟିତ୍‌ପ ହିଦ୍‌ନାଙ୍ଗ୍।’

ଜହନ୍‌ 12:43

ହେ ମାନାୟାର୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟାଆନି ବାଦୁଲ୍ ମାନାୟାର୍ ଜୟ୍-ଜୟ୍ ପାୟା ଆଦେଙ୍ଗ୍ ମାନ୍ କିଜି ମାଚାର୍।

ଜହନ୍‌ 17:3

ଏନେଙ୍ଗ୍ ରକାୟ୍ ସତ୍ ଈଶ୍ୱର, ନିଙ୍ଗେଙ୍ଗ୍ ଆରେ ଏନେଙ୍ଗ୍ ପକ୍ତିତି ଯୀଶୁ ଖ୍ରୀଷ୍ଟଙ୍ଗ୍ ପୁନାକା ନେ ୱିଜ୍‌ୱି ଜିବୁନ୍।

ଜହନ୍‌ 3:20

କରାପ୍ କାମାୟ୍ କିନାକାର୍ ଅଜଡ଼୍‌ତିଙ୍ଗ୍ ଗିଣ୍ କିନାର୍। ହେୱାନ୍ ଇନାୱେଡ଼ାଙ୍ଗ୍ ପା ଅଜଡ଼୍‌ତାକେ ୱାଉନ୍‌, ଇନେସ୍‌କି ଅଜଡ଼୍ ତା କିତି କରାପ୍ କାମାୟ୍ ୱିଜୁ ଚଚ୍‌ଚି ହିନାତ୍।

ଜହନ୍‌ 5:41

ନାଙ୍ଗେଙ୍ଗ୍ ମାନାୟାର୍ ଜୟ୍-ଜୟ୍ କିନାକା ଦର୍‌କାର୍ ଆକାଇ।

ଜହନ୍‌ 8:43

ଆନେଙ୍ଗ୍ ଇନାକାପା ୱେଚ୍‌ଚାନାଙ୍ଗା, ହେଦାଙ୍ଗ୍ ଏପେଙ୍ଗ୍ ବୁଜା ଆଦେଙ୍ଗ୍ ଆଡୁଦେରା। ଆରେ ଏପେଙ୍ଗ୍ ନା ହିକ୍ଷାତିଙ୍ଗ୍ ଆସ୍ତେଙ୍ଗ୍ ଆଡୁଦେରା।

ରୋମିୟ 2:10

ମାତର୍ ଇମ୍‌ଣି ମାନାୟାର୍ ହାର୍ କାମାୟ୍ କିଜିମାନାର୍‌ ଈଶ୍ୱର ହେୱାରିଙ୍ଗ୍ ଗୌରବ, ସନ୍‌ମାନ୍ ଆରେ ଶାନ୍ତି ହିନାତ୍, ଆଗେ ଯିହୁଦି ଜାତି ମାନାୟାରିଙ୍ଗ୍ ତାପାଚେ ବିନ୍‌ଜାତିନି ମାନାୟାରିଙ୍ଗ୍।

ରୋମିୟ 2:29

ମାତର୍ ମି ଗରବ୍ ଈଶ୍ୱର ହୁଦାଙ୍ଗ୍ ଟିକ୍‌ଆଜି ମାନାତ୍, ଲାଗିଙ୍ଗ୍ ଏପେଙ୍ଗ୍ ସତ୍ ଯିହୁଦି। ଆରେ ସତ୍ ସୁନତ ଇଲେକେ ଯେ, ଗାଗାଡ଼୍‌ନି ଜିନିଷ୍ ହଣ୍ଡ୍‌ନାକା ଆକାୟ୍, ମାତର୍ ଈଶ୍ୱର ଆତ୍ମା ସାଇଜତାଙ୍ଗ୍ ଜାର୍ ଗରବ୍‌ତିଙ୍ଗ୍ ବାଦ୍‌ଲାୟ୍ କିନାକା। ହେ ଲେଗ୍‌ଦି ମାନାୟ୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟା ଆନାନ୍, ମାତର୍ ମାନାୟାର୍‌ତାଙ୍ଗ୍ ପାୟା ଆଉନ୍।

ରୋମିୟ 2:7

ମାତର୍ ଇମ୍‌ଣାକାର୍ ସାସ୍ ଆଜି ହାର୍ କାମାୟ୍ କିନାର୍, ଗୌରବ, ସନ୍‌ମାନ୍ ଆରେ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ୱିଜୁଦିନ୍ ଦାହ୍‌ନାର୍, ଈଶ୍ୱର ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।

୧ କରନ୍ତିୟ 4:5

ହେଦାଙ୍ଗ୍ କାଜିଙ୍ଗ୍ ମାପୃ ଆରେରଗ ପୁର୍ତିତାକେ ୱାୱି ପାତେକ୍ ମାନାୟାରିଙ୍ଗ୍ ଏପେଙ୍ଗ୍ ବିଚାର୍ କିମାଟ୍, ଏଚେପାଦ୍ନା ମାପୃ ୱାନାନ୍‌ ହେୱାନ୍ ମାନାୟାର୍ ମାନ୍ତି କାତାତିଙ୍ଗ୍ ୱେଚ୍‌ନାନ୍, ଇମ୍‌ଣାକା ଇନେର୍ ପା ପୁନୁର୍। ହେୱାନ୍ ମାନାୟାର୍ ଗରବ୍ ବିତ୍ରେନି ଇଚାତାଙ୍ଗ୍ ପୁନିକିନାନ୍। ହେପାଦ୍ନା ଈଶ୍ୱର ୱିଜୁ ମାନାୟାରିଙ୍ଗ୍ ହେୱାର୍ ଅଦିକାର୍ ଅନୁସାରେ ସନ୍‌ମାନ୍ ହିନାନ୍।

୨ କରନ୍ତିୟ 10:18

ଇନେସ୍‌କି ଇମ୍‌ଣାକାର୍ ଜାର୍‌ତିଙ୍ଗ୍ ଜୟ୍-ଜୟ୍ କିନାନ୍, ଈଶ୍ୱର ହେୱାନିଙ୍ଗ୍ ଆହୁନ୍, ମାତର୍ ଇମ୍‌ଣାକାରିଙ୍ଗ୍ ଈଶ୍ୱର ଜୟ୍-ଜୟ୍ କିନାନ୍, ହେଦାଙ୍ଗ୍ ତାବେତାଙ୍ଗ୍ ଅଲ୍‌ଗା।

ପିଲିପିୟ 2:3

ଜାର୍ ବିଷୟରେ ନେ ବାବିକିମାଟ୍। ଆରେ ବାଟ୍‌ପାଣିଆ ଆଜି ନିଜେ ଗାଜା ଇଞ୍ଜି ଚଚିୟା ଆମାଟ୍, ମାତର୍ ଜେକନି ମାନାୟାରିଙ୍ଗ୍ ସନ୍‌ମାନ୍ କିଜି ନିଜେ ହିରୁ ଆଜି ମାନାଟ୍।

୧ ଥେସଲନୀକିୟ 2:6

ଆପେଙ୍ଗ୍ ଖ୍ରୀଷ୍ଟଙ୍ଗ୍ ବାଚିକିତି ଚେଲା, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ହାର୍ କିଜି ଦେକାଶୁଣା କିଦ୍‌ଦେଙ୍ଗ୍ ଦାବି କିତ୍‌ତାପ୍‌ମା। ମାତର୍ ଆପେଙ୍ଗ୍ ହେଲେକେ କିୱାତାପ୍‌ନା, ଆରେ ମିବେତାଙ୍ଗ୍ କି ଜେକନିକାର୍‌ତାଙ୍ଗ୍ ସନ୍‌ମାନ୍ ପାୟା ଆଦେଙ୍ଗ୍ ଇଚା କିୱାତାପ୍‌ନା।

୧ ତିମତି 1:17

ଇମ୍‌ଣି ରାଜା ୱିଜ୍‌ୱି ଜିବୁନ୍ ପାତେକ୍ ସାସନ୍ କିନାନ୍, ହେୱାନ୍ ୱିଜୁଦିନ୍ ମାନ୍‌ଗାନାନ୍ ଆରେ ଇନେର୍ ପା ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍, ହେୱାନ୍ ନେ ରକାନ୍ ସତ୍ ଈଶ୍ୱର। ହେୱାନିଙ୍ଗ୍ ସନ୍‌ମାନ୍ ଆରେ ଗୌରବ ଆୟେତ୍। ଆମେନ୍।

ଏବ୍ରି 3:12

ଲାଗିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଜାଗ୍ରତ୍ ଆଜି ମାନାଟ୍, ମି ଗରବ୍ ଜିବୁନ୍ ମାନି ଈଶ୍ୱରତିଙ୍ଗ୍ ଆହ୍‌ୱାଦାଙ୍ଗ୍, କରାପ୍ ଆରେ ପାର୍ତିକିୱି ମାନାୟ୍ ଲେକେ ଆମେତ୍।

ଜାକ୍‌ବ 2:1

ଏ ନା ପାର୍ତିକିନି ଟଣ୍ଡାର୍‌କାଦେର୍, ଆସେଙ୍ଗ୍ ଗୌରବମାନି ମାପୃ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାପା ଇଞ୍ଜି ଏପେଙ୍ଗ୍ ମାନାୟ୍ ହୁଡ଼୍‌ଜି ବ୍ଯବହାର୍ କିମାଟ୍।

୧ ପିତର 1:7

ଇ ୱିଜୁ ଦୁକ୍‌କଷ୍ଟ ପୁନି କିଦ୍‌ନାତ୍ ଯେ, ଏପେଙ୍ଗ୍ ଈଶ୍ୱରତିଙ୍ଗ୍ ହାତ୍‌ପା ପାର୍ତି କିନାଦେରା। ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାକା ହନାତାଙ୍ଗ୍ ପା ବେସି ଦାମ୍। ଇନେସ୍‌କି ହନାତିଙ୍ଗ୍ ନାଣିତାକେ କାଡିକିଜି ପରିକ୍ଷା କିନାର୍ ଆରେ ନୁଜ୍‌ନାର୍, ହେଲେକେ ଦୁକ୍‌କଷ୍ଟ ୱାତିସ୍ ପା ଏପେଙ୍ଗ୍ ଯଦି ଯୀଶୁଙ୍ଗ୍ ପାର୍ତି କିଜି ମାନ୍‌ଗାନାଦେର୍। ଲାଗିଙ୍ଗ୍ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଏପେଙ୍ଗ୍ ଗୌରବ, ସନ୍‌ମାନ୍ ଆରେ ଜୟ୍-ଜୟ୍ ପାୟାଆନାଦେର୍।