ଜହନ୍‌ 5:34 - New Testament in Pengo Parja Language

³⁴ ନା ବିଷୟରେ ୱେଚ୍‌ଚେଙ୍ଗ୍ ମାନାୟାର୍ ସାକି ଦର୍‌କାର୍ ଆକାୟ୍। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ ୱେଚ୍‌ଚାନାଙ୍ଗା ଇନେସ୍‌କି ଏପେଙ୍ଗ୍ ଯୋହନ କାତା ୱେନ୍‌ଞ୍ଜି ରକ୍ଷା ପାୟାଆନାଦେର୍।

ସତ୍‌ ବଚନ୍‌ ପୁନି ନିୟମ୍‌

³⁴ ମାତର୍‌ ଆନ୍‌ ମାନାୟ୍‌ତିଂ ସାକି ମାନି କିଉଙ୍ଗ୍‌, ଇଚିସ୍‌ ଏପେଙ୍ଗ୍‌ ଇନେସ୍‌କି ମୁକ୍ତି ଆନାଦେର୍‌, ହେଦାଂ କାଜିଂ ଇ ସବୁ ଇଞ୍ଜ୍‌ନାଙ୍ଗା ।

ଜହନ୍‌ 5:34 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:34

ଏ ଯିରୁଶାଲାମ ସହର୍‌ନି ମାନାୟ୍ କାଦେର୍! ଏପେଙ୍ଗ୍ ଇ ଭବିଷ୍ଯତବକ୍ତାରିଙ୍ଗ୍ ଅସ୍ତାଦେର୍‌ନା। ଈଶ୍ୱର ଇମ୍‌ଣି ଭବିଷ୍ଯତବକ୍ତାରିଙ୍ଗ୍ ପକ୍‌ଚି ମାଚାନ୍, ଏପେଙ୍ଗ୍ ହେୱାରିଙ୍ଗ୍ କାଲ୍‌କୁ ହୁଦାଙ୍ଗ୍ ଟ୍ରାକ୍‌ଚି ପାଗ୍‌ତାଦେର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ବେସି ସାଇଜ କିଦେଙ୍ଗ୍ ଇଚାକିଜି ମାଚାଙ୍ଗ୍। ଇନେସ୍‌କି ର କୁଜୁ ତା ହିମ୍‌ଣାକାଙ୍ଗ୍ ଜାର୍ ମାରାଙ୍ଗ୍ ତାରେନ୍ ରୁଣ୍ଡାଇ କିନାତ୍, ହେଲେକେ ମିଙ୍ଗେଙ୍ଗ୍ ୱିଜୁ ହିମ୍‌ଣାକାଙ୍ଗ୍ ଇନେକିଦେଙ୍ଗ୍ ଆନେଙ୍ଗ୍ ବେସିହଟ୍ ମାନ୍ କିଜି ମାଚାଙ୍ଗ୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହେଦାଙ୍ଗ୍ କିଦେଙ୍ଗ୍ ହିଦ୍‌ୱାତାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:10

ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା, ଜାଙ୍ଗ୍‌ତି ମାନାୟାରିଙ୍ଗ୍ ଡେକ୍‌ଚି ହେୱାରିଙ୍ଗ୍ ଉଦାର୍ କିଦେଙ୍ଗ୍ ୱାତାନ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:47

ଯିରୁଶାଲାମ ସହର୍‌ତାଙ୍ଗ୍ ଆରମ୍ କିଜି ୱିଜୁ ଜାତିର୍‌ତାକେ ପାପ୍ କାମାୟ୍ ପିସ୍ତି ମାପୃ ୱାତିସ୍ ଈଶ୍ୱର ପାପ୍ କେମା କିନି ବିଷୟରେ ମାନାୟାରିଙ୍ଗ୍ ଶୁଣାୟ୍ କିନାର୍।

ଜହନ୍‌ 20:31

ମାତର୍ ଇ ବହିତାକେ ଇୱିଜୁ ଲେକାଆତାତ୍‌ନା, ଇନେସ୍‌କି ଏପେଙ୍ଗ୍ ପାର୍ତି କିନାଦେର୍, ଯୀଶୁ ଆନାନା ଖ୍ରୀଷ୍ଟ ଆରେ ଈଶ୍ୱର ମେହି, ଏପେଙ୍ଗ୍ ତା ତର୍‍ଦାଙ୍ଗ୍ ଜିବୁନ୍ ପାୟାଆନାଦେର୍, ଇଦାଙ୍ଗ୍ କାଜିଙ୍ଗ୍ ଇୱିଜୁ ଲେକାଆତାତ୍‌ନା।

ଜହନ୍‌ 5:32

ମାତର୍ ନା ବିଷୟରେ ଆବା ଈଶ୍ୱର ସାକି ହିନାନା। ଆରେ ଆନେଙ୍ଗ୍ ପୁନାଙ୍ଗ୍ ନା ବିଷୟରେ ହେୱାନ୍ ଇନାକା ୱେଚ୍‌ଚାନାନା, ହେଦାଙ୍ଗ୍‌ୱିଜୁ ସତ୍।

ଜହନ୍‌ 5:41

ନାଙ୍ଗେଙ୍ଗ୍ ମାନାୟାର୍ ଜୟ୍-ଜୟ୍ କିନାକା ଦର୍‌କାର୍ ଆକାଇ।

ଜହନ୍‌ 8:54

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଯଦି ନିଜେ-ନିଜେ ସନ୍‌ମାନ୍ କିୟା ଆନାଙ୍ଗା, ଏଲେଙ୍ଗ୍ କିତିସ୍ ନା ସନ୍‌ମାନ୍ ଅଲପ୍‌ପା ମୁଲ୍ୟ ଆକାୟ୍। ନା ଆବା ଈଶ୍ୱର ନାଙ୍ଗେଙ୍ଗ୍ ସନ୍‌ମାନ୍ କିଦ୍‌ନାନ୍, ହେୱାନିଙ୍ଗ୍ ଏପେଙ୍ଗ୍ ମା ଈଶ୍ୱର ଇଞ୍ଜି ଇନାଦେରା।

ରୋମିୟ 10:1

ଏ ଟଣ୍ଡାର୍‌କାଦେର୍, ଆନେଙ୍ଗ୍ ଈଶ୍ୱରତାକେ ନା ଗରବ୍‌ତାଙ୍ଗ୍ ପାର୍ତାନା କିଦେଙ୍ଗ୍ ଇଚା କିନାଙ୍ଗା, ଇନେସ୍‌କି ଯିହୁଦି ଜାତିନି ମାନାୟାରିଙ୍ଗ୍ ପା ଈଶ୍ୱର ଉଦାର୍ କିୟେନ୍।

ରୋମିୟ 10:21

ମାତର୍ ଈଶ୍ୱର ଇସ୍ରାଏଲ ବିଷୟରେ ଇଲେକେ ୱେଚ୍‌ଚି ମାଚାନ୍ ଯେ, ଆନେଙ୍ଗ୍ ୱେଡ଼ାବୁଡି ମିଙ୍ଗେଙ୍ଗ୍ ପମ୍‌ନ୍ଦେଦେଙ୍ଗ୍ କେଇ ଲାମାୟ୍ କିଜି ମାଚାଙ୍ଗ୍, ଏପେଙ୍ଗ୍ ନା କାତା ମାନିକିଜି ନାତାକେ ୱାୱାତାଦେର୍‌ନା, ମାତର୍ ନା ହୁଦାଙ୍ଗ୍ ଜିକାଟାଣା ଆଜି ମାଚାଦେର୍।”

ରୋମିୟ 12:21

ଏପେଙ୍ଗ୍ କରାପ୍ କାମାୟ୍ କିଜି ଆରା ଆମାଟ୍, ମାତର୍ ହାର୍ କାମାୟ୍ କିଜି କରାପ୍ କାମାୟ୍‌ତିଙ୍ଗ୍ ଆରାୟ୍ କିୟାଟ୍।

ରୋମିୟ 3:3

ସତ୍‌ନେ, କେତ୍‌ଜାଣ୍ ଯିହୁଦି ଜାତିନି ମାନାୟ୍ ମାନାର୍, ହେୱାର୍ ଈଶ୍ୱର ପାର୍ମାଣ୍‌ତିଙ୍ଗ୍ ବାଙ୍ଗାୟ୍ କିନାରା। ଲାଗିଙ୍ଗ୍ ହେୱାର୍ ଈଶ୍ୱର ପାର୍ମାଣ୍ ବାଙ୍ଗାୟ୍ କିତିଲେକେ ଈଶ୍ୱର ତା ପାର୍ମାଣ୍‌ତିଙ୍ଗ୍ ବାଙ୍ଗାୟ୍ କିଉନ୍।

୧ କରନ୍ତିୟ 9:22

ଆନେଙ୍ଗ୍ ଏଚେପାଦ୍ନା ଅଲପ୍ ପାର୍ତି କିନାକାର୍ ହୁଦାଙ୍ଗ୍ ମାଚାଙ୍ଗ୍, ହେୱାର୍ ଇନେସ୍ ଖ୍ରୀଷ୍ଟଙ୍ଗ୍ ଆଦିକ୍ ପାର୍ତି କିଜି ଉଦାର୍ ପାୟା ଆଦେଙ୍ଗ୍ ଆଡ୍‌ନାର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ ଲେକେ ବ୍ୟବହାର୍ କିଜି ମାଚାଙ୍ଗ୍। ଆନେଙ୍ଗ୍ ଇନେସ୍ ୱିଜାକାରିଙ୍ଗ୍ ଖ୍ରୀଷ୍ଟତାକେ ତାସି ୱାଦେଙ୍ଗ୍ ଆଡ୍‌ନାଙ୍ଗ୍ ଇଦାଙ୍ଗ୍ କାଜିଙ୍ଗ୍ ହେୱାର୍ ଲେକେ ଜିବୁନ୍ କାଟିକିଜି ମାଚାଙ୍ଗ୍।

୧ ତିମତି 4:16

ଏନେଙ୍ଗ୍ ଇନାକା ହିକ୍ଷା ହିନାୟା ଆରେ ନି ଚାଲିଚଲନ୍‌ତିଙ୍ଗ୍ ଜାଗ୍ରତ୍ ଆଜି ମାନା। ଇ ୱିଜୁ ବିଷୟରେ ୱିଜୁଦିନ୍ କିଜି ମାନା, ଇନେସ୍‌କି ହେଦାଙ୍ଗ୍ କିତିସ୍ ଈଶ୍ୱର ନିବେତାଙ୍ଗ୍ ନିଙ୍ଗେଙ୍ଗ୍ ଆରେ ନି କାତା ୱେନାକାରିଙ୍ଗ୍ ଦଣ୍ଡ୍‌ତାଙ୍ଗ୍ ଉଦାର୍ କିଦ୍‌ନାନ୍।

୧ ଯୋହନ 5:9

ଆସେଙ୍ଗ୍ ଯଦି ପୁର୍ତିନି ମାନାୟାର୍ ସାକି ସତ୍ ଇଞ୍ଜି ମାନି କିନାସା, ଲାଗିଙ୍ଗ୍ ଈଶ୍ୱର ସାକି ମାନାୟାର୍ ସାକିତାଙ୍ଗ୍‌ ଗାଜା। ଆରେ ଈଶ୍ୱର ତା ମେହି ଯୀଶୁ ବିଷୟରେ ସାକି ହିନାନା।