ଜହନ୍‌ 5:23 - New Testament in Pengo Parja Language

²³ ଇମ୍‌ଣାକାନ୍ ମେହିଙ୍ଗ୍ ସନ୍‌ମାନ୍ କିଉନ୍, ତାଙ୍ଗେଙ୍ଗ୍ ପକ୍ତି ଆବାଙ୍ଗ୍ ପା ସନ୍‌ମାନ୍ କିଉଦେର୍।”

ସତ୍‌ ବଚନ୍‌ ପୁନି ନିୟମ୍‌

²³ ହେବେତାଂ ଆବାଂ ମାନି କିତାର୍‌ ମାଜ଼ିଙ୍ଗ୍‌ ପା ହେ ଲାକେ ୱିଜ଼ାର୍‌ ମାନି କିତାର୍‌, ଇନେନ୍‌ ମାଜ଼ିଙ୍ଗ୍‌ ମାନିକିଉନ୍‌ ତା ପକ୍ତିତି ଆବାଂ ପା ହେୱାନ୍‌ ମାନିକିଉନ୍‌ ।”

ଜହନ୍‌ 5:23 ပူးပေါင်းရင်းမြစ်များ

ମାତିଉ 10:37

ଇନେର୍ ପା ଆବା କି ଆୟା ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍। ମାତର୍ ଇନେର୍ ମେହିଙ୍ଗ୍ କି କଇଙ୍ଗ୍ ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍।

ମାତିଉ 11:27

ନା ଆବା ସରଗ୍ ଆରେ ପୁର୍ତିନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇନେର୍ ପା ପୁନୁର୍। ଆରେ ଆବା ବିଷୟରେ ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍। ଆରେ ହିମ୍‌ଣା ଇନେରିଙ୍ଗ୍ ବାଚିକିଜି ୱେଚ୍‌ଚାଙ୍ଗ୍‌ନା ହେୱାର୍ ନେ ଆବାଙ୍ଗ୍ ପୁନାନ୍।

ମାତିଉ 12:21

ଇଦାଙ୍ଗ୍ କାଜିଙ୍ଗ୍ ୱିଜୁ ଜାତିନି ମାନାୟାର୍ ତାବେ ଆହା ଇଟ୍‌ନାର୍।”

ମାତିଉ 15:8

ଏପେଙ୍ଗ୍ ନାଙ୍ଗେଙ୍ଗ୍ ଜପି-ଜପି ଲାଡ୍ କିଦ୍‌ନାଦେର୍ ମାତର୍ ମି ଗରବ୍‌ତାକେ ଲାଡ୍ କିଦୁଦେର୍।

ମାତିଉ 28:19

ଲାଗିଙ୍ଗ୍ ଏପେଙ୍ଗ୍ ହାଲାଟ୍ ଆରେ ୱିଜୁଜାତି ମାନାୟାରିଙ୍ଗ୍ ନା ଚେଲା ରହାଟ୍। ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ତର୍‍ଦାଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଡୁବନ୍ ହିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:16

“ଏଚେପାଦ୍ନା ଇମ୍‌ଣାକାନ୍ ମି କାତାତିଙ୍ଗ୍ ୱେନାନ୍, ହେୱାନ୍ ହାତ୍‌ପା ନା କାତାତିଙ୍ଗ୍ ପା ୱେନାନ୍। ହେପାଦ୍ନା ରକାନ୍ ମିଙ୍ଗେଙ୍ଗ୍ ଆସ୍ତେଙ୍ଗ୍ ମୁନା କିଦ୍‌ନାନ୍, ହେୱାନ୍ ନାଙ୍ଗେଙ୍ଗ୍ ପା ଆସ୍ତେଦେଙ୍ଗ୍ ମୁନା କିନାନ୍। ଆରେ ଏଚେପାଦ୍ନା ନାଙ୍ଗେଙ୍ଗ୍ ମୁନା କିଦ୍‌ନାନ୍, ହେୱାନ୍ ହାତ୍‌ପା ନାଙ୍ଗେଙ୍ଗ୍ ପକ୍ତିତି ଈଶ୍ୱରତିଙ୍ଗ୍ ଆସ୍ତେଙ୍ଗ୍ ମୁନା କିନାନ୍।”

ଜହନ୍‌ 14:1

ଆରେରଗ ଯୀଶୁ ୱେଚ୍‌ଚାନ୍, “ମି ଗରବ୍ ଚିନ୍ତା ଆମେତ୍। ଈଶ୍ୱରତାକେ ପାର୍ତି କିଜି ମାନାଟ୍। ନାବେ ପା ପାର୍ତିକିୟାଟ୍।

ଜହନ୍‌ 16:14

ଈଶ୍ୱରଆତ୍ମା ନା ଜୟ୍-ଜୟ୍ କିଦ୍‌ନାତ୍। ହେୱାନ୍ ଇନାକା ନାବେତାଙ୍ଗ୍ ୱେନ୍‌ଞ୍ଜି ହେ ସତ୍ ବିଷୟ ମିଙ୍ଗେଙ୍ଗ୍ ୱେଚ୍‌ଚାନାନ୍।

ଜହନ୍‌ 17:10

ନାଦି ଇନାକା ୱିଜୁ ମାନାତ୍, ହେ ୱିଜୁ ନିଦି, ଆରେ ନିଦି ଇନାକା ୱିଜୁ ମାନାତ୍, ହେଦାଙ୍ଗ୍‌ୱିଜୁ ନାଦି। ଇ ମାନାୟାର୍ ନାଙ୍ଗେଙ୍ଗ୍ ଜୟ୍-ଜୟ୍ କିଦ୍‌ନାର୍।

ରୋମିୟ 1:7

ଆନେଙ୍ଗ୍ ଇ ଚିଟି ରୋମ ସହରନି ମାନାୟାର୍ କାଜିଙ୍ଗ୍ ଲେକିକିନାଙ୍ଗା, ଈଶ୍ୱର ମିଙ୍ଗେଙ୍ଗ୍ ବେସି ଲାଡ୍ କିଦ୍‌ନାନା ଆରେ ମିଙ୍ଗେଙ୍ଗ୍ ତା ଜାର୍ ଲକ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା। ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।

ରୋମିୟ 15:12

ଆରେ ଯିଶାୟ ଭବିଷ୍ଯତବକ୍ତା ଇଲେକେ ୱେଚ୍‌ଚାନ୍‌ନା ଯେ, “ଯିଶି ମେହି ଦାଉଦ ରାଜା କୁଟୁମ୍‌ତାଙ୍ଗ୍ ର ମାନାୟ୍ ତା ରାଜ୍ ଗାଦିତିଙ୍ଗ୍ ଅଦିକାର୍ କିଦେଙ୍ଗ୍ ୱାନାନ୍, ଆରେ ହେୱାନ୍ ୱିଜୁ ବିନ୍‌ଜାତିନି ମାନାୟାରିଙ୍ଗ୍ ସାସନ୍ କିନାନ୍। ହେ ବିନ୍‌ଜାତିନି ମାନାୟାର୍ ତାଙ୍ଗେଙ୍ଗ୍ ଆହା କିନାର୍।”

ରୋମିୟ 6:22

ମାତର୍ ନଙ୍ଗୟ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି ପାୟା ଆତାଦେର୍‌ନା ଆରେ ଈଶ୍ୱରତାକେ ଚାକର୍ ଆତାଦେର୍‌ନା। ନଙ୍ଗୟ୍ ଏପେଙ୍ଗ୍ ପବିତ୍ର ଆଦେଙ୍ଗ୍ ଆରେ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଦରମ୍ କାମାୟ୍ କିନାଦେରା।

ରୋମିୟ 8:9

ମାତର୍ ମିଙ୍ଗେଙ୍ଗ୍ ପାପ୍ କାମାୟ୍ କିନି ଇଚା କଣ୍ଟ୍ରୁଲ୍ କିଦୁତା, ଇନେସ୍‌କି ଯଦି ମି ବିତ୍ରେ ମାନି ଈଶ୍ୱରତି ପବିତ୍ର ଆତ୍ମା କଣ୍ଟ୍ରୁଲ୍ କିନାତା। ଆରେ ଏପେଙ୍ଗ୍ ମାନ୍ତ ଇଟାଟ୍ ଯେ, ଇମ୍‌ଣି ମାନାୟାର୍ ବିତ୍ରେ ଖ୍ରୀଷ୍ଟ ଆତ୍ମା ମାନୁତା, ହେୱାର୍ ସତ୍ ଖ୍ରୀଷ୍ଟାନ୍ ଆକାୟ୍।

୧ କରନ୍ତିୟ 1:3

ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।

୧ କରନ୍ତିୟ 10:31

ଏପେଙ୍ଗ୍ ତିନାଟ୍ କି ଉଣାଟ୍ ଆରେ ଏପେଙ୍ଗ୍ ଇନାକା ପା କିୟାଟ୍, ହେ ୱିଜୁ ଈଶ୍ୱରତିଙ୍ଗ୍ ଗୌରବ କିଦେଙ୍ଗ୍ କିୟାଟ୍।

୧ କରନ୍ତିୟ 16:22

ମି ବିତ୍ରେତାଙ୍ଗ୍ ଇନେର୍ ଯଦି ମାପୃଙ୍ଗ୍ ଲାଡ୍ କିଉନ୍, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାତିସ୍ ହେୱାନ୍ ମିଙ୍ଗେଙ୍ଗ୍ ୱିଜୁ ଦିନ୍‌ତି ଦଣ୍ଡ୍ ହିଦ୍‌ନାନ୍।

୧ କରନ୍ତିୟ 6:19

ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ମି ଗାଗାଡ଼୍ ପବିତ୍ର ଆତ୍ମାନି ମନ୍ଦିର୍‌ ଆରେ ହେୱାନ୍ ମି ବିତ୍ରେ ମାନାନା। ଇନେରିଙ୍ଗ୍ ଈଶ୍ୱର ମି ବିତ୍ରେ ମାଞ୍ଜେଙ୍ଗ୍ ହିତ୍‌ତାନ୍‌ନା। ଇନେସ୍‌କି ଏପେଙ୍ଗ୍ ଈଶ୍ୱରନି ଲକ୍ ଆତାଦେର୍‌ନା,

୨ କରନ୍ତିୟ 1:9

ହାତ୍‌ପା ଆପେଙ୍ଗ୍ ବାବିକିଜି ମାଚାପ୍ କି ଆପେଙ୍ଗ୍ ହାଃନାପ୍ ଇଞ୍ଜି, ମାତର୍ ଆପେଙ୍ଗ୍ ଜାର୍ ଶାକ୍ତି ଜପି ଆହା କିୱାତାପ୍, ମାତର୍ ହାଃତି ମାନାୟ୍‌ତିଙ୍ଗ୍ ଆରେରଗ ଜିବୁନ୍ କିଦେଙ୍ଗ୍ ଆଡ୍‌ନି ଈଶ୍ୱରତିଙ୍ଗ୍ ପାର୍ତି କିତାପ୍।

୨ କରନ୍ତିୟ 13:14

ମା ମାପୃ ଯୀଶୁ ଖ୍ରୀଷ୍ଟ ଦୟା, ଈଶ୍ୱର ଲାଡ୍, ଆରେ ପବିତ୍ର ଆତ୍ମା ମି ୱିଜାଦେର୍ ହୁଦାଙ୍ଗ୍ ମାହାଆଜି ମାନେତ୍।

୨ କରନ୍ତିୟ 5:14

ଇନେସ୍‌କି ଖ୍ରୀଷ୍ଟ ଲାଡ୍ ମାଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତା, ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାର୍ତି କିନାସା ଯେ, ଖ୍ରୀଷ୍ଟ ୱିଜାର୍ କାଜିଙ୍ଗ୍ ହାଃତାନ୍, ଆରେ ଆସେଙ୍ଗ୍ ଇଦାଙ୍ଗ୍ ପାର୍ତି କିନାସା ଯେ, ଆସେଙ୍ଗ୍ ପା ତା ହୁଦାଙ୍ଗ୍ ହାଃତାସ୍‌ନା।

୨ କରନ୍ତିୟ 5:19

ଇନେସ୍‌କି ଈଶ୍ୱର ଖ୍ରୀଷ୍ଟ ବିତ୍ରେ ମାଚାନ୍, ଆରେ ହେୱାନ୍ ନିଜେ ପୁର୍ତିନି ମାନାୟାରିଙ୍ଗ୍ ତା ହୁଦାଙ୍ଗ୍ ମାହାୟ୍ କିନାନା, ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ତା ବିରଦ୍‌ତାଙ୍ଗ୍ ଗାଣା କିଉନ୍। ଇ ଚାନିଆଆନି ହାର୍ଦିକାବୁର୍ ହେୱାନ୍ ମାଙ୍ଗେଙ୍ଗ୍ ମାନାୟାରିଙ୍ଗ୍ ୱେଚ୍‌ନି କାଜିଙ୍ଗ୍ ହିତ୍‌ତାନ୍‌ନା।

ଏପିସିୟ 6:24

ଇମ୍‌ଣାକାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ୱିଜ୍‌ୱି ଲାଡ୍‌ତାକେ ଲାଡ୍ କିନାର୍, ହେୱାରିଙ୍ଗ୍ ଈଶ୍ୱର ଦୟା କିନାନ୍।

୨ ତିମଥି 1:12

ଇ ହାର୍ଦିକାବୁର୍ ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ପା ଆନେଙ୍ଗ୍ ଇୱିଜୁ ଦୁକ୍ ପାୟାଆତାଙ୍ଗ୍‌ନା, ଆତିସ୍‌ପା ଆନେଙ୍ଗ୍ ଲାଜା ଆଉଙ୍ଗା। ଇନେସ୍‌କି ଆନେଙ୍ଗ୍ ଇନେର୍‌ତାକେ ପାର୍ତି କିନାଙ୍ଗା, ହେୱାନିଙ୍ଗ୍ ଆନେଙ୍ଗ୍ ପୁନାଙ୍ଗ୍। ଖ୍ରୀଷ୍ଟ ନାଙ୍ଗେଙ୍ଗ୍ ଇନାକା ହିତ୍‌ତାନ୍‌ନା, ହେୱାନ୍ ୱାନି ପାତେକ୍ ହେୱାନ୍ ରକ୍ଷା କିଦେଙ୍ଗ୍ ଆଡ୍‌ନାନ୍ ଇଞ୍ଜି ଇଦାଙ୍ଗ୍ ବେସି ପାର୍ତି କିନାଙ୍ଗା।

ଏବ୍ରି 1:6

ଆରେ ଈଶ୍ୱର ଏଚେପାଦ୍ନା ତା ଗୌରବମାନି ହିମ୍‌ଣାତିଙ୍ଗ୍ ଇ ପୁର୍ତିତାକେ ପକ୍ତାତାନ୍, ହେପାଦ୍ନା ଈଶ୍ୱର ୱେଚ୍‌ନାନ୍, “ଈଶ୍ୱରତି ୱିଜୁ ଦୁତ୍‌କୁ ହେୱାନିଙ୍ଗ୍ ପୁଜା କିୟେକ୍।”

୨ ପିତର 1:1

ଆନେଙ୍ଗ୍ ଶିମନ ପିତର ଯୀଶୁ ଖ୍ରୀଷ୍ଟନି ରକାଙ୍ଗ୍‌ ଦାସ୍ ଆରେ ବାଚିକିତି ଚେଲା ଇ ଚିଟି ଲେକିକିନାଙ୍ଗା। ଯୀଶୁ ଖ୍ରୀଷ୍ଟତି ମା ଈଶ୍ୱର ଆରେ ଉଦାର୍ କିଦ୍‌ନାକାନ୍, ହେୱାନ୍ ଈଶ୍ୱର ଲାଗାୟ୍ ମାଙ୍ଗେଙ୍ଗ୍ ଦରମ୍ ମାନାୟ୍ କିତ୍‌ତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ବେସି ମୁଲ୍ୟକାଟି ପାର୍ତି ହିତ୍‌ତାନ୍‌ନା, ଆରେ ଇମ୍‌ଣାକାର୍ ମା ଲେକେ ହାମାନ୍ ପାର୍ତି ପାୟାଆତାର୍‌ନା, ହେୱାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।

୨ ପିତର 3:18

ମାତର୍ ଏପେଙ୍ଗ୍ ମା ମାପୃ ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟନି ଦୟାତିଙ୍ଗ୍ ଆରେ ବୁଦିତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ବୁଜାଆଡ। ଆରେ ହେୱାନିଙ୍ଗ୍ ଏପେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ନଙ୍ଗୟ୍ ଆରେ ୱିଜ୍‌ୱିଦିନ୍ ପାତେକ୍ ଗୌରବ କିୟାଟ୍। ଆମେନ୍।

୧ ଯୋହନ 2:23

ଇନେର୍ ଈଶ୍ୱର ମେହିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଗାଟା ଆୱାତାନ୍‌ନା, ମାତର୍ ଇନେର୍ ଈଶ୍ୱର ମେହିଙ୍ଗ୍ ପୁଚାଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ପା ପାୟାଆତାନ୍‌ନା।

୨ ଯୋହନ 1:9

ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ହିକ୍ଷାତିଙ୍ଗ୍ ଆରେ ତା ହିକ୍ଷାତିଙ୍ଗ୍ ମାହାୟ୍ କିନାନ୍, ଆରେ ଖ୍ରୀଷ୍ଟ ହିକ୍ଷାତିଙ୍ଗ୍ ପାର୍ତି କିଉନ୍। ଲାଗିଙ୍ଗ୍ ହେୱାନ୍ ଈଶ୍ୱରତିଙ୍ଗ୍ ମାହା ବିଡ଼ା ଆଜି ମାନୁନା। ମାତର୍ ଇମ୍‌ଣି ମାନାୟ୍ ହେ ହିକ୍ଷାତିଙ୍ଗ୍ ପାର୍ତିକିନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଆରେ ତା ମେହି ଯୀଶୁଙ୍ଗ୍ ମାହାଆଜି ମାନାନ୍।