ଜହନ୍‌ 5:22 - New Testament in Pengo Parja Language

²² ଆବା ଇନେରିଙ୍ଗ୍ ବିଚାର୍ କିଉନ୍। ମାତର୍ ହେୱାନ୍ ମେହିଙ୍ଗ୍ ବିଚାର୍‌କିନି ୱିଜୁ ଆଦିକାର୍ ହିତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

²² ଆରେ, ଆବା ପା ଇନାକାନିଂ ବିଚାର୍‌ କିଉନ୍‌, ବିଚାର୍‌ କିନି କାଜିଂ ହେୱାନ୍‌ ଜାର୍‌ ମାଜ଼ି ଆଦିକାର୍‌ ହିତାନ୍‌ନା ।

ଜହନ୍‌ 5:22 ပူးပေါင်းရင်းမြစ်များ

ମାତିଉ 11:27

ନା ଆବା ସରଗ୍ ଆରେ ପୁର୍ତିନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇନେର୍ ପା ପୁନୁର୍। ଆରେ ଆବା ବିଷୟରେ ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍। ଆରେ ହିମ୍‌ଣା ଇନେରିଙ୍ଗ୍ ବାଚିକିଜି ୱେଚ୍‌ଚାଙ୍ଗ୍‌ନା ହେୱାର୍ ନେ ଆବାଙ୍ଗ୍ ପୁନାନ୍।

ମାତିଉ 16:27

ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜାର୍ ଆବା ଗୌରବ ହୁଦାଙ୍ଗ୍ ଜାର୍ ଦୁତ୍‌କୁ ହୁଦାଙ୍ଗ୍ ୱାନାନ୍। ଆରେ ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ତା କିତି କାମାୟ୍‌ତାଙ୍ଗ୍ ପାଡ଼୍‌ ହିଦ୍‌ନାନ୍।

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ଜହନ୍‌ 17:2

ଏନେଙ୍ଗ୍ ହେୱାନିଙ୍ଗ୍ ୱିଜୁ ମାନାୟ୍ ଜାତିତିଙ୍ଗ୍ ଆଦିକାର୍ ହିତାଇନା। ଇନେସ୍‌କି ଏନେଙ୍ଗ୍ ହେୱାନିଙ୍ଗ୍ ଇମ୍‌ଣାକାରିଙ୍ଗ୍ ହିତାଇନା, ହେୱାରିଙ୍ଗ୍ ହେ ହିମ୍‌ଣା ୱିଜ୍‌ୱି ଜିବୁନ୍ ହିନାନ୍।

ଜହନ୍‌ 3:35

ଆବା ଈଶ୍ୱର ତା ମେହିଙ୍ଗ୍ ଲାଡ୍ କିନାନ୍। ହେୱାନିଙ୍ଗ୍ ୱିଜୁ ବିଷୟତିଙ୍ଗ୍ ଆଦିକାର୍ ହିତାନ୍‌ନା।

ଜହନ୍‌ 5:27

ମାନାୟାର୍ ବିଚାର୍ କିଦେଙ୍ଗ୍ ହେୱାନ୍ ତା ମେହିଙ୍ଗ୍ ଆଦିକାର୍ ହିତାନ୍‌ନା। ଇନେସ୍‌କି ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌।

ଜହନ୍‌ 9:39

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “କାଣାଲଗାଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ନାର୍। ଆରେ ଇମ୍‌ଣାକାର୍ ହୁଡ଼୍‌ଦେଙ୍ଗ୍ ଆଡ୍‌ନାରା ହେୱାର୍ କାଣା ଆନାର୍। ଇ ବିଚାର୍ କିଦେଙ୍ଗ୍ ଆନେଙ୍ଗ୍ ପୁର୍ତିତାକେ ୱାତାଙ୍ଗ୍‌ନା।”

ପକ୍ୟାତାକା 10:42

ଯୀଶୁଙ୍ଗ୍ ହାଃତାକାରିଙ୍ଗ୍ ଆରେ ଜିବୁନ୍ ମାନାକାରିଙ୍ଗ୍ ବିଚାର୍ କିଦେଙ୍ଗ୍ ଈଶ୍ୱର ବାଚି କିତାନ୍‌ନା। ଇ ବିଷୟରେ ୱିଜୁ ମାନାୟାରିଙ୍ଗ୍ ଶୁଣାୟ୍ କିଦେଙ୍ଗ୍, ଆରେ ସାକି ହିଦେଙ୍ଗ୍ ହେୱାନ୍ ମାଙ୍ଗେଙ୍ଗ୍ ଆଦେସ୍ ହିତ୍‌ତାନ୍‌ନା।

ପକ୍ୟାତାକା 17:31

ପୁର୍ତିନି ନ୍ୟାୟ୍‌ତିଙ୍ଗ୍ ବିଚାର୍ କିଦେଙ୍ଗ୍ ହେୱାନ୍ ରକାନିଙ୍ଗ୍ ବାଚି କିତାନ୍‌ନା, ଆରେ ଦିନ୍ ପା ରସ୍ତାନ୍‌ନା। ହେୱାନିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ୱିଜାକାର୍‌ତାକେ ସତ୍ ଇଞ୍ଜି ଚଚ୍‌ଚାନ୍‌ନା।”

ରୋମିୟ 2:16

ହେ ଦିନ୍ ଇଲେକେ ଗଟାଆନାତ୍ ଯେ, ନା ହାର୍ଦିକାବୁର୍ ଅନୁସାରେ ଈଶ୍ୱର ଯୀଶୁ ଖ୍ରୀଷ୍ଟ ହୁଦାଙ୍ଗ୍ ମାନାୟାର୍ ଡ଼ୁକ୍‌ତି ବିଷୟତିଙ୍ଗ୍ ବିଚାର୍ କିନାର୍, ହେ ନାଞ୍ଜିଙ୍ଗ୍ ଇ ୱିଜୁ ପୁନ୍ୟା ଆନାତ୍।

୨ କରନ୍ତିୟ 5:10

ଇନେସ୍‌କି ଆସେଙ୍ଗ୍ ବିଚାର୍ ଆନି କାଜିଙ୍ଗ୍ ଯୀଶୁ ଖ୍ରୀଷ୍ଟ ବିଚାର୍‌କିନି ବାହାତାକେ ନିଲ୍‌ୟା ଆନାତ୍, ଆସେଙ୍ଗ୍ ଇନାକା ମା ଗାଗାଡ଼୍‌ତାକେ କିଜି ମାନାସ୍ ହେୱାନ୍ ମାଙ୍ଗେଙ୍ଗ୍ ମା ହାର୍ ଆରେ କରାପ୍ କାମାୟ୍ କାଜିଙ୍ଗ୍ ପୁରଷ୍କାର୍ ହିଦ୍‌ନାନ୍।

୨ ତିମଥି 4:1

ଯୀଶୁ ଖ୍ରୀଷ୍ଟ ରାଜା ଲେକେ ବିଚାର୍ କିଦେଙ୍ଗ୍ ୱାନାନ୍, ଜିଜି ମାଚି ମାନାୟାର୍ ଆରେ ହାଃଜି ମାଚି ମାନାୟାରିଙ୍ଗ୍ ହେୱାନ୍ ବିଚାର୍ କିନାନ୍। ଲାଗିଙ୍ଗ୍ ଆନେଙ୍ଗ୍ ଈଶ୍ୱର ରାଜିତିଙ୍ଗ୍ ଆରେ ଖ୍ରୀଷ୍ଟଙ୍ଗ୍ ସାକି ଇଡ଼୍‌ଜି, ଆନେଙ୍ଗ୍ ମିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା,

୧ ପିତର 4:5

ମାତର୍ ରଦିନ୍ ୱାନାତ୍ ହେୱାର୍ ୱିଜାକାର୍ ଈଶ୍ୱର ମୁମ୍‌ଦ ନିଲ୍‌ନାର୍ ଆରେ ଈଶ୍ୱର ହେୱାରିଙ୍ଗ୍ ବିଚାର୍ କିନାନ୍। ଈଶ୍ୱର ହେୱାରିଙ୍ଗ୍ ରୱା-ରୱାରିଙ୍ଗ୍ ୱେନ୍‌ବାନାନ୍ ଏପେଙ୍ଗ୍ ପୁର୍ତିତାକେ ମାଚିହିଙ୍ଗ୍ ଇନା-ଇନା କାମାୟ୍ କିଜି ମାଚାଦେର୍। ଈଶ୍ୱର ୱିଜୁ ହାଃତାକାରିଙ୍ଗ୍ ଆରେ ଜିବୁନ୍ ମାନି ମାନାୟାରିଙ୍ଗ୍ ବିଚାର୍ କିନାନ୍।