ଜହନ୍‌ 5:18 - New Testament in Pengo Parja Language

¹⁸ ଇଦାଙ୍ଗ୍ କାଜିଙ୍ଗ୍ ଯିହୁଦି ନେତାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଆରେ ଆଦିକ୍ ଉପାୟ୍ କିତାର୍। ଯିହୁଦି ନେତାର୍ ୱେଚ୍‌ଚାର୍, “ପାର୍ତୁମ୍ ଯୀଶୁ ଜମ୍‌ନିଦିନ୍‌ ନିୟମ୍ ବିଦିତିଙ୍ଗ୍ ବାଙ୍ଗାଇ କିତାନ୍। ତାପାଚେ ହେୱାନ୍ ଈଶ୍ୱରତିଙ୍ଗ୍ ଜାର୍ ଆବା ଇଞ୍ଜି ଇନାନା। ହେୱାନ୍ ଜାର୍‌ତିଙ୍ଗ୍ ଈଶ୍ୱର ଲାହାଙ୍ଗ୍ ହାମାନ୍ କିନାନା।”

ସତ୍‌ ବଚନ୍‌ ପୁନି ନିୟମ୍‌

¹⁸ ଇ ନିୟମ୍‌ତାଂ ଜିହୁଦିର୍‌ ତାଙ୍ଗେଙ୍ଗ୍‌ ଆସ୍ତେଙ୍ଗ୍‌ ଇଞ୍ଜି ଆରେ ଆଦେକ୍‌ ସେସ୍ଟା କିଦେଙ୍ଗ୍‌ ଲାଗାତାର୍‌, ଇନାକିଦେଂକି ହେୱାନ୍‌ ଜମ୍‌ନିବାର୍‌ ନାଜିଂ ମାନିକିୱାତାନ୍‌ କେବଲ୍‌ ଆକାୟ୍‌, ମତର୍‌ ଇସ୍ୱର୍‌ ଲାହାଙ୍ଗ୍‌ ଜାର୍‌ ଆବା ଇଞ୍ଜି ଇଞ୍ଜି ଜାର୍‌ତିଂ ଇସ୍ୱର୍‌ ଲାହାଙ୍ଗ୍‌ ସମାନ୍‌ କିଜ଼ି ମାଚାନ୍‌ ।

ଜହନ୍‌ 5:18 ပူးပေါင်းရင်းမြစ်များ

ମାତିଉ 12:5

ଆରେ ଜମ୍‌ନିଦିନ୍‌ ନାଞ୍ଜିଙ୍ଗ୍ ପୁଜାରି ଈଶ୍ୱର ମାନି ମନ୍ଦିର୍‌ ବିତ୍ରେ ଜମ୍‌ନିଦିନ୍‌ତିଙ୍ଗ୍ ରାଡ଼ା କିଜି ପା ଦସି ଆଉର୍, ମୋଶା ଲେକିକିତି ନିୟମ୍ ସାସ୍ତର୍ ଏପେଙ୍ଗ୍ ଇନାକା ଇଦାଙ୍ଗ୍ ପଡ଼ି କିୱାତାଦେର୍‍ନା?”

ଜହନ୍‌ 1:19

ଯିରୁଶାଲାମ ସହର୍‌ତାଙ୍ଗ୍ ଯିହୁଦିର୍ କେତ୍‌ଜାଣ୍ ପୁଜାରି ଆରେ ଈଶ୍ୱର ମନ୍ଦିର୍‌ତ ହେବାକିନି ଲେବିୟରିଙ୍ଗ୍, ଡୁବନ୍‌ହିନି ଯୋହନ ଲାଗାୟ୍ ଏନେଙ୍ଗ୍ ଇନେର୍? ଇଦାଙ୍ଗ୍ ୱେନ୍‌ବିନି କାଜିଙ୍ଗ୍ ଯିହୁଦି ନେତାର୍ ହେୱାରିଙ୍ଗ୍ ପକ୍ତାର୍।

ଜହନ୍‌ 10:30

ଆନେଙ୍ଗ୍ ଆରେ ନା ଆବା ଈଶ୍ୱର ରିୟାପ୍ ନେ ରକାପ୍‌।”

ଜହନ୍‌ 10:33

ଯିହୁଦି ନେତାର୍ ୱେଚ୍‌ଚାର୍, “ଆପେଙ୍ଗ୍ ଇମ୍‌ଣି ଚାନିଆଆନି କାମାୟ୍ କିତାକା ମାନିକିଉପା। ମାତର୍ ଏନେଙ୍ଗ୍ ଇନାକା ୱେଚ୍‌ନାୟା ହେଦାଙ୍ଗ୍ ଈଶ୍ୱର ନିନ୍ଦା ବିରୁଦ୍‌ତାକେ ୱେଚ୍‌ନାୟା। ଏନେଙ୍ଗ୍ ରକାଇ ମାନାୟ୍ ନେ, ମାତର୍ ଜାର୍‌ତିଙ୍ଗ୍ ଈଶ୍ୱର ଲାହାଙ୍ଗ୍ ହାମାନ୍ ଇଞ୍ଜି ଇନାୟା। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ନିଙ୍ଗେଙ୍ଗ୍ କାଲ୍ ହୁଦାଙ୍ଗ୍ ଅସ୍ତେଦେଙ୍ଗ୍ ଇଚା କିନାପା।”

ଜହନ୍‌ 14:23

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଲାଗିଙ୍ଗ୍ ହେୱାନ୍ ନା ଆଦେସ୍‌ତିଙ୍ଗ୍ ମାନି କିନାନ୍। ଆରେ ନା ଆବା ଈଶ୍ୱର ହେୱାନିଙ୍ଗ୍ ଲାଡ୍ କିନାନ୍। ନା ଆବା ଈଶ୍ୱର ଆରେ ଆନେଙ୍ଗ୍ ହେ ମାନାୟ୍‌ତାକେ ୱାନାପ୍ ଆରେ ତା ହୁଦାଙ୍ଗ୍ ମାନ୍‌ଗାନାପ୍।

ଜହନ୍‌ 14:9

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ପିଲିପ, ମିହୁଦାଙ୍ଗ୍ ବେସି ଦିନ୍‌ତାଙ୍ଗ୍ ମାନାଙ୍ଗା। ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ପୁଞ୍ଜ୍‌ନି କାତା। ନାଙ୍ଗେଙ୍ଗ୍ ଇନେର୍ ହୁଡ଼୍‌ଦାତାର୍‌ନା, ହେୱାନ୍ ଆବା ଈଶ୍ୱରତିଙ୍ଗ୍ ପା ହୁଡ଼୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ଇଞ୍ଜ୍‌ନାଦେରା, ‘ମାଙ୍ଗେଙ୍ଗ୍ ଆବା ଈଶ୍ୱରତିଙ୍ଗ୍ ଚଚ୍‌ଚା ଇଞ୍ଜି?’

ଜହନ୍‌ 19:7

ଯିହୁଦିର୍ ୱେଚ୍‌ଚାର୍, “ମୋଶା ଲେକିକିତି ନିୟମ୍ ସାସ୍ତର୍‌ତାଙ୍ଗ୍ ହେୱାନ୍ ହାଃନି ଦଣ୍ଡ୍ ପାୟାଆନି ଦର୍‌କାର୍। ଇନେସ୍‌କି ହେୱାନ୍ ଜାର୍‌ତିଙ୍ଗ୍ ଈଶ୍ୱର ମେହି ଇଞ୍ଜି ୱେଚ୍‌ନାନା।”

ଜହନ୍‌ 5:15

ତାପାଚେ ହେ ମାନାୟ୍ ହାଲ୍‌ଜି ଯିହୁଦି ନେତାରିଙ୍ଗ୍ ୱେଚ୍‌ଚାନ୍, “ଯୀଶୁ ନାଙ୍ଗେଙ୍ଗ୍ ହାର୍ କିତ୍‌ତାନ୍।”

ଜହନ୍‌ 5:16

ଯୀଶୁ ଜମ୍‌ନିଦିନ୍‌ ନାଞ୍ଜିଙ୍ଗ୍ ଇୱିଜୁ ହାର୍‌କିନି କାମାୟ୍ କିଜି ମାଚାନ୍। ଲାଗିଙ୍ଗ୍ ଯିହୁଦି ନେତାର୍ ଯୀଶୁଙ୍ଗ୍ ହଇରାଣ୍ କିଦେଙ୍ଗ୍ ଲାଗାତାର୍।

ଜହନ୍‌ 5:17

ମାତର୍ ଯୀଶୁ ଯିହୁଦି ନେତାରିଙ୍ଗ୍ ୱେଚ୍‌ଚାନ୍, “ନା ଆବା ନଙ୍ଗୟ୍ ପାତେକ୍ କାମାୟ୍ କିନାନା, ଆରେ ଆନେଙ୍ଗ୍ ପା କାମାୟ୍ କିନାଙ୍ଗା।”

ଜହନ୍‌ 5:23

ଇମ୍‌ଣାକାନ୍ ମେହିଙ୍ଗ୍ ସନ୍‌ମାନ୍ କିଉନ୍, ତାଙ୍ଗେଙ୍ଗ୍ ପକ୍ତି ଆବାଙ୍ଗ୍ ପା ସନ୍‌ମାନ୍ କିଉଦେର୍।”

ଜହନ୍‌ 7:1

ଇଦାଙ୍ଗ୍ ପାଚେ ଯୀଶୁ ଗାଲିଲୀ ଜିଲ୍ଲାତାକେ ବୁଲାଆଦେଙ୍ଗ୍ ଲାଗାତାନ୍। ଯିହୁଦି ନେତାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଇଚାକିଜି ମାଚାର୍। ହେଦାଙ୍ଗ୍ କାଜିଙ୍ଗ୍ ହେୱାନ୍ ଯିହୁଦା ଜିଲ୍ଲାତ ହାଞ୍ଜେଙ୍ଗ୍ ଇଚା କିୱାଦାଙ୍ଗ୍ ମାଚାନ୍।

ଜହନ୍‌ 7:19

ଇଦାଙ୍ଗ୍ ସତ୍ ମୋଶା ଲେକିକିତି ନିୟମ୍‌ନି ସାସ୍ତର୍ ମିଙ୍ଗେଙ୍ଗ୍ ହିତ୍‌ତାନ୍‌ନା। ମାତର୍ ମି ବିତ୍ରେତାଙ୍ଗ୍ ଇନେର୍ ପା ହେ ନିୟମ୍‌ତିଙ୍ଗ୍ ମାନି କିଉଦେରା। ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିନାଦେରା?”

ଜହନ୍‌ 8:54

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଯଦି ନିଜେ-ନିଜେ ସନ୍‌ମାନ୍ କିୟା ଆନାଙ୍ଗା, ଏଲେଙ୍ଗ୍ କିତିସ୍ ନା ସନ୍‌ମାନ୍ ଅଲପ୍‌ପା ମୁଲ୍ୟ ଆକାୟ୍। ନା ଆବା ଈଶ୍ୱର ନାଙ୍ଗେଙ୍ଗ୍ ସନ୍‌ମାନ୍ କିଦ୍‌ନାନ୍, ହେୱାନିଙ୍ଗ୍ ଏପେଙ୍ଗ୍ ମା ଈଶ୍ୱର ଇଞ୍ଜି ଇନାଦେରା।

ଜହନ୍‌ 8:58

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଅବ୍ରାହାମ୍‌ ଜନମ୍ ଆୱିତି ଆଗେ ଆନେଙ୍ଗ୍ ମାନାଙ୍ଗ୍।”

ପିଲିପିୟ 2:6

ହେୱାନ୍ ଈଶ୍ୱର ମାଚାନ୍, ମାତର୍ ହେୱାନ୍ ପା ଈଶ୍ୱର ହୁଦାଙ୍ଗ୍ ହାମାନ୍ ଆନି କାଜିଙ୍ଗ୍ ଇଚା କିୱାତାନ୍।

ହତ୍‌ତି 22:1

ତାପାଚେ ହେ ଦୁତ୍ ନାଙ୍ଗେଙ୍ଗ୍ ର ନାଗୁଡ଼୍ ଚଚ୍‌ଚାତାତ୍‌, ହେ ନାଗୁଡ଼୍‌ନି ଏଜୁଙ୍ଗ୍ ଉଟିସ୍ ଜିବୁନ୍ ଗାଟାଆଦ୍‍ନାତ୍ ଆରେ ହେ ଏଜୁଙ୍ଗ୍ କାଚ୍ ଗିଲାସ୍‌ଲେକେ କିଲେର୍ ମାଚିକ୍। ହେ ନାଗୁଡ଼୍ ଈଶ୍ୱର ଆରେ ମେଣ୍ଢା ଇନେର୍‌କି ଯୀଶୁ ସିଙ୍ଗାସନତାଙ୍ଗ୍ ୱାଜି ମାଚାତ୍।

ହତ୍‌ତି 22:3

ହେ ସହର୍‌ନି ୱିଜୁ ଜିନିଷ୍ ଜପି ଆରେ ୱିଜାର୍ ମାନାୟାର୍ ଜପି ଈଶ୍ୱରତି ଅବିଶାପ୍ ମାନ୍‌ଗୁତ୍। ଇନେସ୍‌କି ହେ ସହର୍‌ତାକେ ଈଶ୍ୱରତି ଆରେ ମେଣ୍ଢା ଇନେର୍‌କି ଯୀଶୁ ସିଙ୍ଗାସନ ମାନ୍‌ଗାନାତ୍ ଆରେ ଈଶ୍ୱର ଦାସ୍‌କୁ ତା ପୁଜାକିଜି ମାନାର୍।