ଜହନ୍‌ 4:9 - New Testament in Pengo Parja Language

⁹ ହେ ଶମିରଣିୟ କଗ୍‌ଲେ ଯୀଶୁଙ୍ଗ୍ ୱେଚ୍‌ଚାତ୍, “ଏନେଙ୍ଗ୍ ରକାଇ ଯିହୁଦି ଆରେ ଆନେଙ୍ଗ୍ ରଞ୍ଜେଲ୍ ଶମିରଣିୟ କଗ୍‍ଲେତଙ୍ଗ୍‌। ଆରେ ଏନେଙ୍ଗ୍ ନା କେଇନି ଏଜୁଙ୍ଗ୍ ଉଣାଇ କି? ଇନେସ୍‌କି ଯିହୁଦିର୍ ଶମିରଣିୟ ହୁଦାଙ୍ଗ୍ ମିତ୍ର କିଉର୍।”

ସତ୍‌ ବଚନ୍‌ ପୁନି ନିୟମ୍‌

⁹ ହେବେ ସମିରଣିୟା କଗ୍‌ଲେ ଜିସୁଙ୍ଗ୍‌ ଇଚାତ୍‌, “ଏନ୍‌ ରୱାୟ୍‌ ଜିହୁଦି ଆରେ ଆନ୍‌ ରୱାଙ୍ଗ୍‌ ସମିରଣି କଗ୍‌ଲେ ଇନେସ୍‌ ନା କେଇଦି ଏଜ଼ୁଂ ଉଣ୍ଡେଙ୍ଗ୍‌ ଏନ୍ତାନାୟା ?” ଇନାକିଦେଂକି ସମିରଣିର୍‌ତି ଲାହାଙ୍ଗ୍‌ ଜିହୁଦିର୍‌ ଡୁବା ଆଉର୍‌ ।

ଜହନ୍‌ 4:9 ပူးပေါင်းရင်းမြစ်များ

ମାତିଉ 10:5

କେତ୍‌ଦିନ୍ ହାଚି ପାଚେ ଯୀଶୁ ବାରଜାଣ୍ ଚେଲାହିରିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ଏପେଙ୍ଗ୍ ବିନ୍‌ଜାତି ଆରେ ଶମିରଣିୟ ମାନାୟ୍ ମାନି ସହର୍‌କୁକାଙ୍ଗ୍ ପା ହାଲ୍‌ମାଟ୍,

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:33

ତାପାଚେ ଶମିରଣିୟ ଦେସ୍‌ନି ରକାନ୍ ମାନାୟ୍ ହେ ହାଜ୍‌ଦିଙ୍ଗ୍ ହେ ବାହାତାକେ ୱାତାନ୍। ହେୱାନ୍ ହେୱାନିଙ୍ଗ୍ ହୁଡ଼୍‌ଜି ଦୟା କିତାନ୍।

ଜହନ୍‌ 4:27

ହେପାଦ୍ନା ଯୀଶୁ ଚେଲାହିର୍ ସହର୍‌ତାଙ୍ଗ୍ ୱାତାର୍। ହେୱାର୍ ଯୀଶୁଙ୍ଗ୍ ର କଗ୍‌ଲେ ହୁଦାଙ୍ଗ୍ ବେଣ୍‌ବାଟ୍ କିବା ଆନାକା ହୁଡ଼୍‌ଜି ଚାନିଆଆତାର୍। ମାତର୍ ଇନେର୍ ପା ହେୱାନିଙ୍ଗ୍ ୱେନ୍‌ବେଦେଙ୍ଗ୍ ଶାସ୍ କିୱାତାର୍, “ନିଙ୍ଗେଙ୍ଗ୍ ଇନାକା ଦର୍‌କାର୍,” ଆରେ “ଏନେଙ୍ଗ୍ ଇନା କିଦେଙ୍ଗ୍ ହେୱାନ୍ ହୁଦାଙ୍ଗ୍ ବେଣ୍ କିନାୟା?”

ଜହନ୍‌ 8:48

ଯିହୁଦି ନେତାର୍ ଯୀଶୁଙ୍ଗ୍ ୱେଚ୍‌ଚାର୍, “ଏନେଙ୍ଗ୍ ରକାଇ ଶମିରଣିୟ ମାନାୟ୍। ନିଙ୍ଗେଙ୍ଗ୍ ରଞ୍ଜାଙ୍ଗ୍ ବୁତ୍ଆତ୍ମା ଡାଞ୍ଜ୍‌ଜାତାତ୍‌ନା। ଆପେଙ୍ଗ୍ ୱେଚ୍‌ନି ବେଣ୍ ଟିକ୍ ଆକାୟ୍‌କି?”

ପକ୍ୟାତାକା 1:8

ମାତର୍ ଏପେଙ୍ଗ୍ ର ବିଷୟ ପୁନି ଦର୍‌କାର୍ ଯେ, ପବିତ୍ର ଆତ୍ମା ମି ଜପି ୱାନାତ୍, ଆରେ ଏପେଙ୍ଗ୍ ଶାକ୍ତି ପାୟ୍ଆନାଦେର୍। ହେପାଦ୍ନା ଏପେଙ୍ଗ୍ ଯିରୁଶାଲାମ ସହର୍, ଯିହୁଦା ଜିଲ୍ଲାନି ଚାରିବେଣ୍‌ତାଙ୍ଗ୍ ଆରେ ଶମିରଣିୟ ଜିଲ୍ଲା ଆରେ ପୁର୍ତିନି ଚାରିବେଣ୍‌ତାଙ୍ଗ୍ ନା ବିଷୟରେ ମାନାୟାରିଙ୍ଗ୍ ୱେଚ୍‌ନାଦେର୍।”

ପକ୍ୟାତାକା 10:28

ଆରେ ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍, ଏପେଙ୍ଗ୍ ପୁଚାଦେର୍‌ନା ଯିହୁଦିର୍ ମାନାୟାର୍ ବିନ୍‌ଜାତିର୍ ହୁଦାଙ୍ଗ୍ ମେହାଆଦେଙ୍ଗ୍ କି ହେୱାର୍ ଲାଗାୟ୍ ହାଞ୍ଜେଙ୍ଗ୍ ବିଦି ହିଲେତ୍। ମାତର୍ ଇନେରିଙ୍ଗ୍ ପା ଅଚୁଆଁ ମାନାୟ୍ ଇଞ୍ଜି ୱେଚ୍‌ୱେଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ହିକାଇ କିତ୍‌ତାନ୍‌ନା।

ପକ୍ୟାତାକା 10:32

ଆରେ ହେ ଦୁତ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, ‘ନଙ୍ଗୟ୍ ଏନେଙ୍ଗ୍ ଯାପା ସହର୍‌ତାକେ ମାନାୟାରିଙ୍ଗ୍ ପକ୍‌ଚି ଶିମୋନତିଙ୍ଗ୍‌ କୁକ୍‌ଚି ତାସିୱାଡ, ହେୱାନ୍ ତଲ୍ କାମାୟ୍ କିନି ପିତର ଇଞ୍ଜ ଗତେନ୍‌ଲେକେ ଆଜି ମାନାନ୍। ତା ଇଲ୍ ହାମ୍‌ଦୁର୍ କାଣ୍ଡିତ ମାନାତ୍।’