ଜହନ୍‌ 4:48 - New Testament in Pengo Parja Language

⁴⁸ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଚାନିଆଆନି କାମାୟ୍ ହୁଡ଼୍‌ୱିତିସ୍, ଏପେଙ୍ଗ୍ ଇନାୱେଡ଼ାଙ୍ଗ୍ ନାଙ୍ଗେଙ୍ଗ୍ ପାର୍ତି କିଦୁଦେର୍।”

ସତ୍‌ ବଚନ୍‌ ପୁନି ନିୟମ୍‌

⁴⁸ ହେବେତାଂ ଜିସୁ ତାଙ୍ଗେଙ୍ଗ୍‌ ଇଚାନ୍‌, “ଚିନ୍‌ ଆରେ କାବାନି କାମାୟ୍‌ ହୁଡ଼୍‌ୱିତିସ୍‌ ଏପେଙ୍ଗ୍‌ ଇନେସ୍‌ କିତିସ୍‌ପା ପାର୍ତି କିଉଦେର୍‌ ।”

ଜହନ୍‌ 4:48 ပူးပေါင်းရင်းမြစ်များ

ମାତିଉ 16:1

ପାରୁସିଦଳ୍‍ ଆରେ ଯିହୁଦି ଦର୍‍ମନି ସାଦୁକିଦଳ୍‌ନି ମାନାୟାର୍ ଯୀଶୁ ଲାଗାୟ୍ ୱାଜି ଯୀଶୁଙ୍ଗ୍ ହେୱାର୍ ଯୀଶୁଙ୍ଗ୍ ଗୁପାଇ କିଦେଙ୍ଗ୍ ସରଗ୍‌ତାଙ୍ଗ୍ ର ଚାନିଆଆନି ଚିନା ଏନ୍ତେଙ୍ଗ୍ ଗୁୱାରି କିତାର୍।

ମାତିଉ 24:24

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍‌କାଇ କିନାର୍।

ମାତିଉ 27:42

ହେୱାର୍ ୱେଚ୍‌ଚି ମାଚାର୍, “ହେୱାନ୍ ଜେକନିକାରିଙ୍ଗ୍ ଉଦାର୍ କିଜି ମାଚାନ୍। ନଙ୍ଗୟ୍ ମାତର୍ ଜାର୍‌ତିଙ୍ଗ୍ ଉଦାର୍ କିଦେଙ୍ଗ୍ ଆଡୁନା। ମାନାୟାର୍ ୱେଚ୍‌ନାର୍ ଯେ ହେୱାନ୍ ଇସ୍ରାଏଲନି ରାଜା। ଇ କାତା ଯଦି ସତ୍, ଲାଗିଙ୍ଗ୍ ହେୱାନ୍ ନଙ୍ଗୟ୍ କୃଶକାଟ୍‌ତାଙ୍ଗ୍ ତାରେନ୍ ଜୁଦେନ୍। ଲାଗିଙ୍ଗ୍ ଆପେଙ୍ଗ୍ ହୁଡ଼୍‌ଜି ମା ରାଜା ଇଞ୍ଜି ପାର୍ତିକିନାପ୍।

ମାର୍କ 13:22

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ବୁଲ୍‌କାଇ କିନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:18

ଇଦାଙ୍ଗ୍ ୱେନ୍‌ଞ୍ଜି ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଶୟତାନ୍‌ତିଙ୍ଗ୍ ଆରାୟ୍‌କିଜି ସରଗ୍‌ତାଙ୍ଗ୍ ବିଜ୍‌ଲି ଲେକେ ଆଜି ଆର୍ଦାନାକା ହୁଡ଼୍‌ତାଙ୍ଗ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:31

ମାତର୍ ଅବ୍ରାହାମ ହେୱାନିଙ୍ଗ୍ ୱେଚ୍‌ଚାନ୍, ‘ଆକାୟ୍ ଯଦି ନି ଟଣ୍ଡାଦିର୍ ମୋଶା ଲେକିକିତି ନିୟମ୍‌ନି ସାସ୍ତର୍ ଆରେ ଭବିଷ୍ଯତବକ୍ତା ବେଣ୍‌ତିଙ୍ଗ୍ ଯଦି ୱେନୁର୍, ଲାଗିଙ୍ଗ୍ ହେୱାର୍ ହାଃଜି ଆରେରଗ ଜିବୁନ୍ ଆତାକାର୍ ବେଣ୍ ପା ୱେନୁର୍।’ ”

ଜହନ୍‌ 12:37

ଯୀଶୁ ବେସି ଚାନିଆଆନି କାମାୟ୍ କିତାନ୍। ମାନାୟାର୍ ଇୱିଜୁ ହୁଡ଼୍‌ଜି ପା ପାର୍ତି କିୱାତାର୍।

ଜହନ୍‌ 15:24

ଆନେଙ୍ଗ୍ ଇମ୍‌ଣି ଚାନିଆଆନି କାମାୟ୍ ହେ ମାନାୟାର୍ ବିତ୍ରେ କିତାଙ୍ଗ୍‌ନା, ହେଦାଙ୍ଗ୍ ଇମ୍‌ଣାକାନ୍ ପା ଇନାୱେଡ଼ାଙ୍ଗ୍ କିୱାତାନ୍‌ନା। ଆନେଙ୍ଗ୍ ଯଦି ହେ କାମାୟ୍ କିୱାତାଙ୍ଗ୍‌ମା, ଲାଗିଙ୍ଗ୍ ହେୱାର୍ ପାପ୍ କାଜିଙ୍ଗ୍ ଦସି ଆୱାତାର୍‌ମା। ମାତର୍ ହେୱାର୍ ନା ଚାନିଆଆନି କାମାୟ୍ କିତାକା ହୁଡ଼୍‌ତାର୍‌ନା। ହେୱାର୍ ନାଙ୍ଗେଙ୍ଗ୍ ଆରେ ନା ଆବା ଈଶ୍ୱରତିଙ୍ଗ୍ ଗିଣ୍ କିନାରା।

ଜହନ୍‌ 2:18

ହେବେତାଙ୍ଗ୍ ଯିହୁଦି ନେତାର୍ ଯୀଶୁଙ୍ଗ୍ ୱେଚ୍‌ଚାର୍, “ମାଙ୍ଗେଙ୍ଗ୍ ଚିନା ଲେକେ ର ଚାନିଆଆନି କାମାୟ୍ କିଜି ଚଚ୍‌ଚା। ଆରେ ପାର୍ମାଣ୍ କିଜି ୱେଚ୍‌ଚା ଯେ ଇୱିଜୁ କିଦେଙ୍ଗ୍ ନା ଆଦିକାର୍ ମାନାତ୍।”

ଜହନ୍‌ 20:29

ଯୀଶୁ ଥୋମାଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦିତିଲେ ପାର୍ତି କିତ୍‌ତାୟ୍। ମାତର୍ ଇମ୍‌ଣି ମାନାୟାର୍ ନାଙ୍ଗେଙ୍ଗ୍ ହୁଡ଼୍‌ଦାୱାଦାଙ୍ଗ୍ ପାର୍ତି କିଦ୍‌ନାର୍, ହେୱାର୍ ଆଶ୍ରିବାଦ୍ ପାୟାଆନାର୍‌।”

ଜହନ୍‌ 4:49

ରାଜା ଇଞ୍ଜ କାମାୟ୍ କିନାକାନ୍ ୱେଚ୍‌ଚାନ୍, “ଏ ଆଜ୍ଞା, ନା ମାଜି ହାଃୱିଆଗେ ଏନେଙ୍ଗ୍ ମାଞ୍ଜ ୱା।”

ପକ୍ୟାତାକା 14:3

ମାତର୍ ପାଉଲ ଆରେ ବର୍ଣ୍ଣବା ହେ ସହର୍‌ତାକେ କେତେକ୍ ଦିନ୍ ପାତେକ୍ ମାଚାର୍। ମାପୃତିଙ୍ଗ୍ ଆହାକିଜି ସାହାସ୍‌ତାଙ୍ଗ୍ ଶୁଣାୟ୍ କିତାର୍। ମାପୃ ହେୱାରିଙ୍ଗ୍ ବେସି ଚିନା ଆରେ ଚାନିଆଆନି କାମାୟ୍ କିଦେଙ୍ଗ୍ ସାଇଜ କିତାନ୍। ଆରେ ହେୱାନ୍ ହେୱାର୍ ଶୁଣାଇକିତି କାତା ସତ୍ ଇଞ୍ଜି ମାନାୟାରିଙ୍ଗ୍ ଚଚ୍‌ଚାନ୍।

ପକ୍ୟାତାକା 15:12

ଲାଗିଙ୍ଗ୍ ମିଟିଙ୍ଗ୍‌ତାକେ ମାନାକାର୍ ଚିମ୍ରା ଆଜି ମାଚାର୍। ଲାଗିଙ୍ଗ୍ ଈଶ୍ୱର ସାଇଜତାଙ୍ଗ୍ ପାଉଲ ଆରେ ବର୍ଣ୍ଣବା ଇମ୍‌ଣି ଚିନା ଆରେ ଚାନିଆଆନି କାମାୟ୍ ବିନ୍‌ଜାତିନି ମାନାୟାର୍‌ତାକେ କିଜି ମାଚାର୍, ହେ ୱିଜୁ କାତା ହେବେ ମାନି ମାନାୟାର୍ ୱେନ୍‌ଞ୍ଜି ମାଚାର୍।

ପକ୍ୟାତାକା 2:19

ଆନେଙ୍ଗ୍ ବାଦାଡ଼୍‌ତାକେ ଚାନିଆଆନି କାମାୟ୍ ଚଚ୍‌ଚାନାଙ୍ଗ୍। ଆରେ ପୁର୍ତିତାକେ କେତେକ୍ ବିନ୍-ବିନ୍ ଚିନ୍ ଚଚ୍‌ଚାନାଙ୍ଗ୍। ମାନାୟାର୍ ଅସ୍‌ପା ଆତି ନେତେର୍ ଆରେ ନାଣି ଦୁଆଁ ପୁର୍ତିନି ମାନାୟାର୍ ହୁଡ଼୍‌ନାର୍।

ପକ୍ୟାତାକା 2:22

ଏ ଇସ୍ରାଏଲ ଜାତିନି ମାନାୟାର୍, “ୱେନାଟ୍! ନାଜରିତିୟ ସହର୍‌ନି ଯୀଶୁ ଇନା-ଇନା ଶାକ୍ତିନି କାମାୟ୍, ଚାନିଆଆନି କାମାୟ୍ ଆରେ ଚିନାତାଙ୍ଗ୍ ମି ଲାଗାୟ୍ ଈଶ୍ୱର ପକିଆତି ମାନାୟ୍ ଇଞ୍ଜି ଚଚିୟା ଆନାନ୍। ହେଦାଙ୍ଗ୍ କାଜିଙ୍ଗ୍ ହେୱାନ୍‌ତାଙ୍ଗ୍ ଈଶ୍ୱର ମିବେ ଇୱିଜୁ କାମାୟ୍ କିତାନ୍‌ନା। ଇଦାଙ୍ଗ୍ ଏପେଙ୍ଗ୍ ନିଜେ ପୁଚାଦେର୍‌ନା।

ପକ୍ୟାତାକା 2:43

ଆରେ ମାନାୟାର୍ ୱିଜାକାର୍ ପାଣ୍ଡ୍ରା ଆଦେଙ୍ଗ୍ ଲାଗାତାର୍। ବାଚିକିତି ଚେଲାହିର୍ ପା କେତେକ୍ ହୁଡ଼୍‌ୱିତି କାମାୟ୍ ଆରେ ଚାନିଆଆନି କାମାୟ୍ କିଦେଙ୍ଗ୍ ଲାଗାତାର୍।

ପକ୍ୟାତାକା 4:30

ଆରେ ଏନେଙ୍ଗ୍ ବାଚିକିତି ପବିତ୍ର ଦାସ୍ ଯୀଶୁ ତର୍‍ଦାଙ୍ଗ୍ ମାନାୟାରିଙ୍ଗ୍ ହାର୍‌କିଦେଙ୍ଗ୍, ଚିନ୍ ଚଚ୍‌ଚେଙ୍ଗ୍ ଆରେ ଚାନିଆଆନି କାମାୟ୍ କିଦେଙ୍ଗ୍ ମାଙ୍ଗେଙ୍ଗ୍ ସାଇଜକିଦା।”

ପକ୍ୟାତାକା 5:12

ବାଚିକିତି ଚେଲାହିର୍ ମାନାୟାର୍ ବିତ୍ରେ ବେସି ଚିନା ଆରେ ଚାନିଆଆନି କାମାୟ୍ କିତାର୍। ଆରେ ୱିଜୁ ଯୀଶୁଙ୍ଗ୍ ପାର୍ତିକିନି ୱିଜାକାର୍ ର ମାନ୍‌ଆଜି ଈଶ୍ୱର ମାନି ମନ୍ଦିର୍‌ ପିଣ୍ଡାନି ଶଲମନ ମଣ୍ଡପ୍‌ତାକେ ରୁଣ୍ଡାଆଜି ମାଚାର୍।

ପକ୍ୟାତାକା 6:8

ଈଶ୍ୱର ଦୟାତାଙ୍ଗ୍ ଆରେ ଈଶ୍ୱର ଶାକ୍ତିତାଙ୍ଗ୍ ସ୍ତିପାନ ପୁରାଆଜି ମାନାୟାର୍ ବିତ୍ରେ ଗାଜା-ଗାଜା ଚାନିଆଆନି କାମାୟ୍ ଆରେ ଚିନ୍ କିଦେଙ୍ଗ୍ ଲାଗାତାନ୍।

ପକ୍ୟାତାକା 7:36

ଆରେ ହେୱାନ୍ ମିସର ଦେସ୍‌ତାଙ୍ଗ୍ ହେୱାରିଙ୍ଗ୍ ହପ୍‌ଚି ତାତାନ୍‌। ହେୱାନ୍ ମିସର ଦେସ୍‌ତାକେ, ସୁପ ହାମ୍‌ଦୁର୍‌ତାକେ ଆରେ ଚାଲିଶ୍ ବାର୍ହୁ ପାତେକ୍ ଟାଙ୍ଗ୍ରାବାହାତାକେ ବାରବିନି ଚାନିଆଆନି କାମାୟ୍ କିତାନ୍।

ରୋମିୟ 15:19

ଈଶ୍ୱର ନାଙ୍ଗେଙ୍ଗ୍ ପବିତ୍ର ଆତ୍ମା ଶାକ୍ତି ହିଜି ମାନ୍‌ଞ୍ଚି କାଜିଙ୍ଗ୍, ଆନେଙ୍ଗ୍ ଶାକ୍ତି ଚିନ୍ ଆରେ ଚାନିଆ କାମାୟ୍ କିଜି ମାଚାଙ୍ଗ୍। ଆନେଙ୍ଗ୍ ଯିରୁଶାଲାମ ସହର୍‌ତାଙ୍ଗ୍ ଇଲୁରିକ ସହର୍‌ତାକେ କେତେକ୍ ବାହାକାଙ୍ଗ୍ ହାଚାଙ୍ଗ୍, ଆନେଙ୍ଗ୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱିଜାକାରିଙ୍ଗ୍ ଶୁଣାୟ୍ କିଜି ମାଚାଙ୍ଗ୍।

୧ କରନ୍ତିୟ 1:22

ଈଶ୍ୱରତି ଇ ଉପାୟ୍‌ତିଙ୍ଗ୍ ଯିହୁଦି ଜାତିନି ମାନାୟାର୍ ବେକାର୍ ଇଞ୍ଜି ବାବିକିନାରା। ଇନେସ୍‌କି ହେୱାର୍ ସତ୍ ଇଞ୍ଜି ପୁଞ୍ଜେଙ୍ଗ୍ ସରଗତାଙ୍ଗ୍ ର ଚିନ୍ ଦାହ୍‌ନାରା, ଆରେ ବିନ୍‌ଜାତିନି ମାନାୟାର୍ ପା ବେକାର୍ ଇଞ୍ଜି ବାବିକିନାରା, ଇନେସ୍‌କି ହେୱାର୍ ତା ଜ୍ଞାନ୍ ଅନୁସାରେ ପାର୍ତିକିନାରା।

୨ କରନ୍ତିୟ 12:12

ଆନେଙ୍ଗ୍ ଏଚେପାଦ୍ନା ମିତାକେ ମାଚାଙ୍ଗ୍, ଈଶ୍ୱର ନାଙ୍ଗେଙ୍ଗ୍ ମିତାକେ ପକ୍ତାତାନ୍‌ନା ଆରେ ଆନେଙ୍ଗ୍ ହାତ୍‌ପା ରକାଙ୍ଗ୍ ଈଶ୍ୱର ବାଚିକିତି ଚେଲାଇଞ୍ଜି ୱେଚ୍‌ଚି ମାଚାଙ୍ଗ୍। ଇନେସ୍‌କି ଆନେଙ୍ଗ୍ ସାସ୍ ଆଜି ବେସି ଚାନିଆଆନି ଚିନ୍, ଚାନିଆଆନି କାମାୟ୍ ଆରେ ଶାକ୍ତିନି କାମାୟ୍ ୱିଜୁ ମିତାକେ କିଜି ମାଚାଙ୍ଗ୍।

୨ ଥେସଲନୀକିୟ 2:9

ହେ ଅଦରମ୍‌ ମାନାୟ୍ ଶୟତାନନି ଶାକ୍ତିନି କାମାୟ୍ କିନାନ୍। ହେୱାନ୍ ୱିଜୁ ପର୍‌କାର୍ ଚାନିଆ କାମାୟ୍, ଚିନ୍ ଆରେ କାବା ଆନି କାମାୟ୍ କିନାନ୍, ଲାଗିଙ୍ଗ୍ ମାନାୟାର୍ ତାଙ୍ଗେଙ୍ଗ୍ ଈଶ୍ୱର ଇଞ୍ଜି ବାବିକିନାର୍।

ଏବ୍ରି 2:4

ଏଚେପାଦ୍ନା ଈଶ୍ୱର ଇଦାଙ୍ଗ୍ କିନି କାଜିଙ୍ଗ୍ ଇଚା କିତାନ୍, ହେୱାନ୍ ପା ବେସି ଚିନା ଆରେ ଚାନିଆ କାମାୟ୍ ଆରେ ବିନ୍ ପର୍‌କାର୍ ଶାକ୍ତିନି କାମାୟ୍‌ତାଙ୍ଗ୍ ଆରେ ପବିତ୍ର ଆତ୍ମାନି ବର୍‌ଦାନ୍ ହିଜି ଚଚ୍‌ଚାତାନ୍‌ନା।