ଜହନ୍‌ 4:10 - New Testament in Pengo Parja Language

¹⁰ ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଈଶ୍ୱର ହିତି ଜିନିଷ୍ ବିଷୟରେ ପୁନ୍‌ୱାତାଇନା। ନିଙ୍ଗେଙ୍ଗ୍ ଏଜୁଙ୍ଗ୍ ଏନ୍ତିନି ମାନାୟ୍‌ତିଙ୍ଗ୍ ଏନେଙ୍ଗ୍ ପୁନୁୟେ। ଏନେଙ୍ଗ୍ ଯଦି ଇ ୱିଜୁବେଣ୍ ପୁଚାଇମା, ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ଏନ୍ତାତାଇମା। ଆରେ ଆନେଙ୍ଗ୍ ନିଙ୍ଗେଙ୍ଗ୍ ଜିବୁନ୍ ଏଜୁଙ୍ଗ୍ ହିତ୍‌ତାଙ୍ଗ୍‌ମା।”

ସତ୍‌ ବଚନ୍‌ ପୁନି ନିୟମ୍‌

¹⁰ ଜିସୁ ତାଙ୍ଗେଙ୍ଗ୍‌ ଉତର୍‌ ହିତାନ୍‌, “ଇସ୍ୱର୍‌ତି ଦାନ୍‌ ଆରି ନାଂ ଉଣ୍ଡେଙ୍ଗ୍‌ ହିଦା ଇଞ୍ଜି ଇନେନ୍‌ ନିଂ ଇଞ୍ଜ୍‌ନାରା, ହେୱାର୍‌ ଇନେର୍‌, ଏଲେଙ୍ଗ୍‌ ଜଦି ଏନେଂ ପୁଚାୟ୍‌ମା, ତାଆତିସ୍‌ ଏନେଂ ତାଂ ଏନ୍ତାୟ୍‌ମା, ଆରେ ହେୱାନ୍‌ ନିଙ୍ଗେଙ୍ଗ୍‌ ଜିବୁନ୍‌ନି ଏଜ଼ୁଂ ହିତ୍‌ତାନ୍‌ମା ।”

ଜହନ୍‌ 4:10 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:13

ଏପେଙ୍ଗ୍ ବାନ୍ଯା ମାନାୟ୍ ଆଜି ମାଚିସ୍ ପା ଜାର୍-ଜାର୍ ହିମ୍‌ଣାକାଙ୍ଗ୍ ହାର୍-ହାର୍ ଜିନିଷ୍ ହିନାଦେରା। ଲାଗିଙ୍ଗ୍ ସରଗ୍‌ତାକେ ମାନି ମି ଆବା ଈଶ୍ୱରତିଙ୍ଗ୍ ଇନେର୍ ପା ଏନ୍‌ନାର୍, ହେୱାନିଙ୍ଗ୍ ଆଦିକ୍ ଜବର୍ କିଜି ପବିତ୍ର ଆତ୍ମା ହିନାନ୍।”

ଜହନ୍‌ 16:3

ହେୱାର୍ ହେଲେକେ କିନାର୍, ହେଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱରତିଙ୍ଗ୍ ପୁନୁରେ, ଆରେ ହେୱାର୍ ନାଙ୍ଗେଙ୍ଗ୍ ପା ପୁଞ୍ଜୁରେ।

ଜହନ୍‌ 17:3

ଏନେଙ୍ଗ୍ ରକାୟ୍ ସତ୍ ଈଶ୍ୱର, ନିଙ୍ଗେଙ୍ଗ୍ ଆରେ ଏନେଙ୍ଗ୍ ପକ୍ତିତି ଯୀଶୁ ଖ୍ରୀଷ୍ଟଙ୍ଗ୍ ପୁନାକା ନେ ୱିଜ୍‌ୱି ଜିବୁନ୍।

ଜହନ୍‌ 3:16

ଇନେସ୍‌କି ଈଶ୍ୱର ପୁର୍ତିତିଙ୍ଗ୍ ଏଚେକ୍ ଲାଡ୍ କିତାନ୍ ଯେ, ହେୱାନ୍ ତା ରକାନ୍ ଇଞ୍ଜି ମେହିଙ୍ଗ୍ ହିତ୍‌ତାନ୍। ଇନେସ୍ ଲେକେ ତା ମାଜିଙ୍ଗ୍ ପାର୍ତିକିନାର୍ ହେ ମାନାୟାର୍, ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ ପାୟାଆନାର୍‌।

ଜହନ୍‌ 4:14

ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”

ଜହନ୍‌ 6:35

ତାପାଚେ ଯୀଶୁ ୱେଚ୍‌ଚାନ୍, ଆନେଙ୍ଗ୍ ନିଜେ ଜିବୁନ୍‌ହିନି କାଦି। ନା ଲାଗାୟ୍ ଇନେର୍ ୱାନାର୍, ହେୱାନ୍ ଇନାୱେଡ଼ାଙ୍ଗ୍ ପା ନାସ୍‌କି ଆଉନ୍। ଆରେ ନାଙ୍ଗେଙ୍ଗ୍ ଇନେର୍ ପାର୍ତି କିଦ୍‌ନାର୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍।

ଜହନ୍‌ 6:51

ଆନେଙ୍ଗ୍ ସରଗ୍ ଜପିତାଙ୍ଗ୍ ଜୁତ୍‌ତି ହେ ଜିବୁନ୍‌ହିନି କାଦି। ଇମ୍‌ଣାକାନ୍ ଇ କାଦିତିଙ୍ଗ୍ ତିନାନ୍ ହେୱାନ୍ ୱିଜୁଦିନ୍ ପାତେକ୍ ଜିବୁନ୍ ମାନ୍‌ଗାନାନ୍। ଇ କାଦି ଆନାତା ନା ଗାଗାଡ଼୍। ଆନେଙ୍ଗ୍ ନା ଗାଗାଡ଼୍ ହିଦ୍‌ନାଙ୍ଗ୍, ହେଦାଙ୍ଗ୍ କାଜିଙ୍ଗ୍ ପୁର୍ତିନି ମାନାୟାର୍ ଜିବୁନ୍ ପାୟାଆନାର୍‌।”

ପକ୍ୟାତାକା 9:11

ହେବେତାଙ୍ଗ୍ ମାପୃ ହେୱାନିଙ୍ଗ୍ ୱେଚ୍‌ଚାନ୍, “ନିଙ୍ଗା, ସଳଖ ତର୍‌ଦି ହାଜ୍‌ଦିଙ୍ଗ୍ ହାଲ୍‌ଜି ଯିହୁଦା ଇଞ୍ଜ ହାଲା। ହେବେ ଏନେଙ୍ଗ୍ ହାଲ୍‌ଜି ତାର୍ଷ ସହର୍‌ତାଙ୍ଗ୍ ୱାଜିମାଚି ଶାଉଲ ତର୍‍ଦାକାନ୍ ରକାନ୍ ମାନାୟ୍‌ତିଙ୍ଗ୍ ଡେକା। ନଙ୍ଗୟ୍ ହେୱାନ୍ ପାର୍ତାନା କିନାନା।

ରୋମିୟ 8:32

ଈଶ୍ୱର ତା ମେହିଙ୍ଗ୍ ନେ ତାବେ ଇଟ୍‌ୱାତାନ୍‌, ମାତର୍ ମା କାଜିଙ୍ଗ୍ ତାଙ୍ଗେଙ୍ଗ୍ ଶତ୍ରୁ କେଇଦ ହିତାନ୍, ଲାଗିଙ୍ଗ୍ ହେୱାନ୍ ପାର୍ମାଣ୍‌କିତି ୱିଜୁ ଜିନିଷ୍ ପା ମାଙ୍ଗେଙ୍ଗ୍ ଆଶ୍ରିବାଦ୍ କିତାନ୍।

୧ କରନ୍ତିୟ 1:30

ମାତର୍ ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟ ଯୀଶୁ ହୁଦାଙ୍ଗ୍ ଏକ୍ କିତ୍‌ତାନ୍‌ନା, ଆରେ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ବୁଦି ହିଦ୍‌ନାନ୍। ଈଶ୍ୱର ମା ୱିଜୁ ପାପ୍‌ତାଙ୍ଗ୍ ମୁକ୍ତି କିତ୍‌ତାନ୍ ଆରେ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ପବିତ୍ର ଆରେ ତା ମୁମ୍‌ଦ ଦରମ୍ ମାନାୟ୍ କିଦ୍‌ନାନ୍।

୧ କରନ୍ତିୟ 10:4

ଆରେ ଈଶ୍ୱର ହେୱାରିଙ୍ଗ୍ ସରଗ୍‌ନି ଚେଚ୍‌ରାତାଙ୍ଗ୍ ଏଜୁଙ୍ଗ୍ ହପ୍‌ଚି ଉଣ୍ଡେଙ୍ଗ୍ ହିଜିମାଚାନ୍। ଇମ୍‌ଣି ଚେଚ୍‌ରାତାଙ୍ଗ୍ ହେୱାରିଙ୍ଗ୍ ଈଶ୍ୱର ଉଣ୍ଡେଙ୍ଗ୍ ଏଜୁଙ୍ଗ୍ ହିଜିମାଚାନ୍, ହେ ଚେଚ୍‌ରା ଯୀଶୁ ଖ୍ରୀଷ୍ଟ ମାଚାନ୍ ଆରେ ହେୱାନ୍ ହେୱାର୍ ହୁଦାଙ୍ଗ୍ ହାଲ୍‌ଜି ମାଚାନ୍।

୨ କରନ୍ତିୟ 9:15

ଆସେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍, ଇନେସ୍‌କି ହେୱାନ୍ ଚାନିଆଆନି ଦାନ୍ ଯୀଶୁ ଖ୍ରୀଷ୍ଟଙ୍ଗ୍ ମା କାଜିଙ୍ଗ୍ ହିତ୍‌ତାନ୍‌ନା।

ଏପିସିୟ 2:8

ଲାଗିଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର ତା ଦୟାତାଙ୍ଗ୍ ମିଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଏପେଙ୍ଗ୍ ନିଜେ ଜାର୍‌ତିଙ୍ଗ୍ ରକ୍ଷା କିମାଟ୍, ମାତର୍ ଇଦାଙ୍ଗ୍ ଈଶ୍ୱର ଦାନ୍ କିତ୍‌ତାକା।

ଏବ୍ରି 6:4

ଇମ୍‌ଣାକାର୍ ହେୱାର୍ ପାର୍ତିତିଙ୍ଗ୍ ପିସ୍ତାର୍‌ନା, ହେୱାରିଙ୍ଗ୍ ଆରେରଗ ପାପ୍ କାମାୟ୍‌ତାଙ୍ଗ୍ ଲେଉଟାଇ କିଜି ତାସିୱାନାକା ବେସି କଷ୍ଟ। ଇନେସ୍‌କି ହେୱାର୍ ରଗ ଈଶ୍ୱର ସତ୍ ବିଷୟତିଙ୍ଗ୍ ଚିନ୍ କିତାର୍‌ନା ଆରେ ସରଗ୍‌ତାଙ୍ଗ୍ ଦାନ୍ ପାୟାଆତାର୍‌ନା, ଆରେ ହେୱାର୍ ଜେକନିକାର୍ ଲେକେ ପବିତ୍ର ଆତ୍ମା ପାୟାଆତାର୍‌ନା।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।

ହତ୍‌ତି 21:6

ଆରେ ପା ହେୱାନ୍ ୱେଚ୍‌ଚାନ୍, “ଇଦାଙ୍ଗ୍ ସେସ୍ ଆତାତ୍! ଆନେଙ୍ଗ୍ ନେ ଆଲ୍‌ପା ଆରେ ଅମେଗାନି ଅର୍ତ, ଆରମ୍ ଆରେ ସେସ୍। ଇନେର୍ ୱିଜୁ ଜିନିଷ୍‌ତିଙ୍ଗ୍ ଉବ୍‌ଜାଇ କିତାନ୍‌ନା ଆରେ ୱିଜୁ ଜିନିଷ୍‌ତିଙ୍ଗ୍ ସେସ୍ କିଦେଙ୍ଗ୍ ଆଡ୍‌ନାନ୍। ଇମ୍‌ଣାକାରିଙ୍ଗ୍ ଏସ୍‌କି ଆନାରା ଆନେଙ୍ଗ୍ ହେୱାରିଙ୍ଗ୍ ଉପ୍‌କା ଉଣ୍ଡେଙ୍ଗ୍ ଜାରାଣ୍ ଏଜୁଙ୍ଗ୍ ହିନାଙ୍ଗ୍ ହେ ଏଜୁଙ୍ଗ୍ ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।

ହତ୍‌ତି 22:17

ତାପାଚେ ପବିତ୍ର ଆତ୍ମା ଆରେ ମେଣ୍ଢା ଇନେର୍‌କି ଯୀଶୁ ବିବାଆନି କଗ୍‌ଲେ ୱେଚ୍‌ଚାତ୍, “ୱାଡ” ଆରେ ୱିଜୁ ୱେନାକାର୍ ପା ୱେଚ୍‌ଚାର୍ “ୱାଡ।” ଇମ୍‌ଣାକାର୍ ଏସ୍‌କି ଆନାରା ଆରେ ଉଣ୍ଡେଙ୍ଗ୍ ଇଚାକିନାର୍ ହେୱାର୍ ୱାଏର୍ ଆରେ ଉପ୍‌କା ଜିବୁନ୍‌ହିନି ଏଜୁଙ୍ଗ୍ ଉଣେର୍।

ହତ୍‌ତି 7:17

ଇନେସ୍‌କି ମେଣ୍ଢା ଗଡ଼ିୟା ଇନେସ୍ ତା ମେଣ୍ଢାକାଙ୍ଗ୍ ଉଦାର୍ କିନାନ୍ ହେଲେକେ ହେ ସିଙ୍ଗାସନ ଆଗେ ନିଲ୍‌ତି ମେଣ୍ଢା ଇନେର୍‌କି ଯୀଶୁ ହେୱାରିଙ୍ଗ୍ ଉଦାର୍ କିନାନ୍‌। ହେୱାନ୍ ହେୱାରିଙ୍ଗ୍ କିଲେର୍ ଏଜୁଙ୍ଗ୍ ଉଣ୍ଡେଙ୍ଗ୍ ହିନାନ୍ ଇମ୍‌ଣି ଏଜୁଙ୍ଗ୍ ମାନାୟାରିଙ୍ଗ୍ ଜିବୁନ୍ ହିନାତ୍। ଆରେ ଈଶ୍ୱର ହେୱାର୍ କାଣ୍‌କୁନି ୱିଜୁ କାଣେଲିଙ୍ଗ୍ ନେନ୍ଦ୍‌ନାନ୍।”