ଜହନ୍‌ 3:34 - New Testament in Pengo Parja Language

³⁴ ଇନେସ୍‌କି ଈଶ୍ୱର ଇନେରିଙ୍ଗ୍ ପକ୍ତାନ୍‌ନା। ଈଶ୍ୱର ଇନାକା ୱେଚ୍‌ଚି ମାନାନ୍, ହେୱାନ୍ ହେଦାଙ୍ଗ୍ ୱେଚ୍‌ନାନ୍। ଈଶ୍ୱରଆତ୍ମା ପୁରାପୁରି ହିନାନ୍।

ସତ୍‌ ବଚନ୍‌ ପୁନି ନିୟମ୍‌

³⁴ ଇନାକିଦେଂକି ଇସ୍ୱର୍‌ ଇନେରିଂ ପକ୍‌ଚି ମାଚାନ୍‌, ହେୱାନ୍‌ ଇସ୍ୱର୍‌ତି ବଚନ୍‌ ଇନାନ୍‌, ଇନେକିଦେଂକି ହେୱାନ୍‌ ଇସ୍ୱର୍‌ତି ଜିବୁନ୍‌ତ ବାର୍ତି ।

ଜହନ୍‌ 3:34 ပူးပေါင်းရင်းမြစ်များ

ମାତିଉ 12:18

“ହୁଡ଼ାଟ୍, ଆନେଙ୍ଗ୍ ବାଚିକିତି ହଲିଆ। ଆନେଙ୍ଗ୍ ହେୱାନିଙ୍ଗ୍ ବେସି ଲାଡ୍ କିନାଙ୍ଗ୍ ଆରେ ହେୱାନିଙ୍ଗ୍ ବେସି ୱାରି କିନାଙ୍ଗ୍। ଆନେଙ୍ଗ୍ ହେୱାନିଙ୍ଗ୍ ନା ପବିତ୍ର ଆତ୍ମା ହିନାଙ୍ଗ୍, ଆରେ ହେୱାନ୍ ବିନ୍‌ଜାତିର୍‌ତାକେ ନ୍ୟାୟ୍‌ବିଚାର୍‌ନି କାତା ଶୁଣାୟ୍ କିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:18

“ପବିତ୍ର ଆତ୍ମା ନାବେ ମାନାତ୍। ଗରିବ୍ ନିକାର୍‌ତାକେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ବାଚିକିତ୍‌ନ୍‌ନା। ଆରେ ଶୟତାନ ଜାଲ୍‌ଦ ମାନାକାରିଙ୍ଗ୍ ରକ୍ଷା କିଦେଙ୍ଗ୍, ଆରେ କାଣାର୍ ମାନାୟାରିଙ୍ଗ୍ ହୁଡ଼୍‌ଦେଙ୍ଗ୍ ସାଇଜ କିଦେଙ୍ଗ୍, ଆରେ ଦୁକ୍‌କଷ୍ଟ ପାୟାଆନାକାରିଙ୍ଗ୍ ରକ୍ଷା କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା।

ଜହନ୍‌ 1:16

ହେୱାନ୍ ଦୟା ଆରେ ସତ୍‌ତାଙ୍ଗ୍ ବାର୍ତିଆଜି ମାଚାନ୍। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ହେୱାନ୍‌ତାଙ୍ଗ୍ ବେସି ଆଶ୍ରିବାଦ୍ ଜପି ଆଶ୍ରିବାଦ୍ ପାୟାଆତାପ୍।

ଜହନ୍‌ 15:26

ଆନେଙ୍ଗ୍ ନା ଆବା ଈଶ୍ୱରତାକେଣ୍ଡାଙ୍ଗ୍ ମି ଲାଗାୟ୍ ହେ ସାଇଜ କିଦ୍‌ନାକାନିଙ୍ଗ୍ ପକ୍ତାନାଙ୍ଗ୍। ହେ ସାଇଜ କିଦ୍‌ନାକାନ୍ ଈଶ୍ୱରଆତ୍ମା ମାନ୍‌ଗାନାନ୍। ହେୱାନ୍ ଆବା ଈଶ୍ୱରତାଙ୍ଗ୍ ୱାନାନ୍। ହେପାଦ୍ନା ହେୱାନ୍ ନା ବିଷୟରେ ୱିଜୁ ସତ୍ କାତା ୱେଚ୍‌ଚାନାନ୍।

ଜହନ୍‌ 16:7

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଆନେଙ୍ଗ୍ ଇବେତାଙ୍ଗ୍ ହାନାକା ମି କାଜିଙ୍ଗ୍ ହାର୍। ଇନେସ୍‌କି ଆନେଙ୍ଗ୍ ହାଚି ପାଚେ ଆନେଙ୍ଗ୍ ହେ ସାଇଜ କିଦ୍‌ନାକାନିଙ୍ଗ୍ ପକ୍ତାନାଙ୍ଗ୍। ମାତର୍ ଆନେଙ୍ଗ୍ ଯଦି ହାଲୁଙ୍ଗ୍, ଲାଗିଙ୍ଗ୍ ସାଇଜ କିଦ୍‌ନାକାନ୍ ୱାଉନ୍।

ଜହନ୍‌ 3:17

ଈଶ୍ୱର ତା ମେହିଙ୍ଗ୍ ଇ ପୁର୍ତିତାକେ ବିଚାର୍ କିଦେଙ୍ଗ୍ ପକ୍ତାୱାଦାଙ୍ଗ୍ ମାନ୍‌ଞ୍ଚାନ୍। ମାତର୍ ଇ ଜଗତ୍‌ ଇନେସ୍ ତା ମେହି କାଜିଙ୍ଗ୍ ରକ୍ଷା ପାୟାଆନାତ୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ତା ମେହିଙ୍ଗ୍ ପକ୍‌ଚି ମାନ୍‌ଞ୍ଚାନ୍।

ଜହନ୍‌ 5:26

ମାତର୍ ସରଗ୍‌ନି ଆବା ଆନାନା ଜିବୁନ୍‌ନି ଆଦିକାର୍ ମାନାତ୍। ହେୱାନ୍ ତା ମେହିଙ୍ଗ୍ ପା ଜିବୁନ୍‌ନି ଆଦିକାର୍ ହିତାନ୍‌ନା।

ଜହନ୍‌ 7:16

ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଇନାକା ହିକ୍ଷା ହିଦ୍‌ନାଙ୍ଗା, ହେଦାଙ୍ଗ୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରନି ହିକ୍ଷା।

ଜହନ୍‌ 8:40

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱରତାଙ୍ଗ୍ ୱେଚି ସତ୍ କାତା ୱେଚ୍‌ଚାନାଙ୍ଗା। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାଦେରା। ମାତର୍ ଅବ୍ରାହାମ୍‌ ହେଲେକେ କିୱାଦାଙ୍ଗ୍ ମାଚାନ୍।

ଜହନ୍‌ 8:47

ଇମ୍‌ଣାକାନ୍ ଈଶ୍ୱର ମାନାୟ୍, ହେୱାନିଙ୍ଗ୍ ଈଶ୍ୱର ଇନାକା ୱେଚ୍‌ନାନ୍ ହେଦାଙ୍ଗ୍ ୱେନାନ୍। ମାତର୍ ଏପେଙ୍ଗ୍ ଈଶ୍ୱର ମାନାୟ୍ କାଦେର୍ ଆକାୟ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଈଶ୍ୱର କାତାତିଙ୍ଗ୍ ଆହୁଦେରା।”

ପକ୍ୟାତାକା 10:38

ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।

ରୋମିୟ 8:2

ଇନେସ୍‌କି ପବିତ୍ର ଆତ୍ମା ମାଙ୍ଗେଙ୍ଗ୍ ଜିବୁନ୍ ହିଦ୍‌ନାତ୍ ହେଦାଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ୱାନାତ୍, ଆରେ ପାପ୍‌ନି ଶାକ୍ତିତାଙ୍ଗ୍ ଆରେ ମାରାଣ୍‌ତାଙ୍ଗ୍ ମୁକ୍ତି କିଦ୍‌ନାତ୍।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

କଲସିୟ 1:19

ଇନେସ୍‌କି ଆବା ଈଶ୍ୱର ଇଚା କିତାନ୍ ଯେ ଈଶ୍ୱର ୱିଜୁ ଗୁଣ୍ ଖ୍ରୀଷ୍ଟତାକେ ବାହା କିୟେତ୍।

କଲସିୟ 2:9

ଲାଗିଙ୍ଗ୍ ଇ ମାନାୟାର୍ ମିଙ୍ଗେଙ୍ଗ୍ ଟକାଇ କିଦ୍‌ମେର୍, ଇନେସ୍‌କି ଖ୍ରୀଷ୍ଟ ମାନାୟ୍ ରୁପ୍ ଆତିହିଙ୍ଗ୍ ଈଶ୍ୱରନି ୱିଜୁ ଗୁଣ୍ ଆରେ ଶାକ୍ତି ତାବେ ମାଚାତ୍।

ହତ୍‌ତି 21:6

ଆରେ ପା ହେୱାନ୍ ୱେଚ୍‌ଚାନ୍, “ଇଦାଙ୍ଗ୍ ସେସ୍ ଆତାତ୍! ଆନେଙ୍ଗ୍ ନେ ଆଲ୍‌ପା ଆରେ ଅମେଗାନି ଅର୍ତ, ଆରମ୍ ଆରେ ସେସ୍। ଇନେର୍ ୱିଜୁ ଜିନିଷ୍‌ତିଙ୍ଗ୍ ଉବ୍‌ଜାଇ କିତାନ୍‌ନା ଆରେ ୱିଜୁ ଜିନିଷ୍‌ତିଙ୍ଗ୍ ସେସ୍ କିଦେଙ୍ଗ୍ ଆଡ୍‌ନାନ୍। ଇମ୍‌ଣାକାରିଙ୍ଗ୍ ଏସ୍‌କି ଆନାରା ଆନେଙ୍ଗ୍ ହେୱାରିଙ୍ଗ୍ ଉପ୍‌କା ଉଣ୍ଡେଙ୍ଗ୍ ଜାରାଣ୍ ଏଜୁଙ୍ଗ୍ ହିନାଙ୍ଗ୍ ହେ ଏଜୁଙ୍ଗ୍ ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।

ହତ୍‌ତି 22:1

ତାପାଚେ ହେ ଦୁତ୍ ନାଙ୍ଗେଙ୍ଗ୍ ର ନାଗୁଡ଼୍ ଚଚ୍‌ଚାତାତ୍‌, ହେ ନାଗୁଡ଼୍‌ନି ଏଜୁଙ୍ଗ୍ ଉଟିସ୍ ଜିବୁନ୍ ଗାଟାଆଦ୍‍ନାତ୍ ଆରେ ହେ ଏଜୁଙ୍ଗ୍ କାଚ୍ ଗିଲାସ୍‌ଲେକେ କିଲେର୍ ମାଚିକ୍। ହେ ନାଗୁଡ଼୍ ଈଶ୍ୱର ଆରେ ମେଣ୍ଢା ଇନେର୍‌କି ଯୀଶୁ ସିଙ୍ଗାସନତାଙ୍ଗ୍ ୱାଜି ମାଚାତ୍।