ଜହନ୍‌ 21:22 - New Testament in Pengo Parja Language

²² ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଆରେରଗ ୱାନିଦିନ୍ ପାତେକ୍ ହେୱାନ୍ ଜିଜି ମାନେନ୍ ଇଞ୍ଜି ଯଦି ଆନେଙ୍ଗ୍ ଇଚା କିନାଙ୍ଗ୍, ଲାଗିଙ୍ଗ୍ ହେବେ ମିଦାଙ୍ଗ୍ ଇନାକା ମାନାତ୍? ଏପେଙ୍ଗ୍ ନା ପାଚେ ୱାଡ।”

ସତ୍‌ ବଚନ୍‌ ପୁନି ନିୟମ୍‌

²² ଜିସୁ ତାଙ୍ଗେଙ୍ଗ୍‌ ଇଚାନ୍‌, ନା, ୱାନି ପାତେକ୍‌ ହେୱାନ୍‌ ମାନେନ୍‌ ଇଞ୍ଜି “ଜଦି ଆନ୍‌ମାନ୍‌ କିନାଙ୍ଗ୍‌, ତା ଆତିସ୍‌ ହେବେ ମିଦାଙ୍ଗ୍‌ ଇନାକା ମାନାତ୍‌ ? ଏପେଙ୍ଗ୍‌ ନା ପାଚେ ୱାଡ ।”

ଜହନ୍‌ 21:22 ပူးပေါင်းရင်းမြစ်များ

ମାତିଉ 16:24

ହେପାଦ୍ନା ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନେର୍ ପା ନା ପାଚେ ୱାଜି ଚେଲା ଆନାନ୍, ଲାଗିଙ୍ଗ୍ ହେୱାନ୍ ଜାର୍ ସୁକ୍ ପିସ୍ତି ଆରେ ଜାର୍ କୃଶ ଆସ୍ତି ନା ପାଚେ ୱାଡ।

ମାତିଉ 24:27

ବିଜ୍‌ଲି ଇନେସ୍ ଲେକେ ପୁର୍ବନିପଣ୍ ଆଜି ପଶ୍ଚିମ ନିପଣ୍ ବାଦାଡ଼୍‌ତିଙ୍ଗ୍ ଅଜଡ଼୍ ଆନାତ୍ ହେଲେକେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନାକା ହୁଡ଼୍‌ନାର୍।

ମାତିଉ 24:3

ଯୀଶୁ ଜିତ୍‌ମାର୍‌ ମାନି ମାଡ଼ିତାକେ ହାଚାନ୍, ଚେଲାହିର୍ ଡ଼ୁଗ୍‌ଜି ତା ଲାଗେ ୱାଜି ୱେନ୍‌ବାତାର୍, “ମାଙ୍ଗେଙ୍ଗ୍ ୱେଚ୍‌ଚା ଇଦାଙ୍ଗ୍ ଇନାୱେଡ଼ାଙ୍ଗ୍ ଗଟାଆନାତ୍?” ଆରେ, ଏନେଙ୍ଗ୍ ଆରେରଗ ୱାନାକା ଆରେ ଯୁଗ୍‌ଶେସ୍ ଆନାକା ହେ ଚିନ୍ ଇନାକା।

ମାତିଉ 24:44

ଲାଗିଙ୍ଗ୍ ଏପେଙ୍ଗ୍ ପା ଜାଗ୍ରତ୍ ଆଜି କାସିମାନାଟ୍। ଇନେସ୍‌କି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଇନାୱେଡ଼ାଙ୍ଗ୍ ୱାନାନ୍। ଇନାୱେଡ଼ାଙ୍ଗ୍ ଏପେଙ୍ଗ୍ ୱାନାନ୍ ଇଞ୍ଜି ପା ବାବି କିୱାଦାଙ୍ଗ୍ ମାନ୍‌ଗୁଦେର୍।”

ମାତିଉ 25:31

ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଆରେରଗ ହେୱାନ୍ ଗୌରବ ହୁଦାଙ୍ଗ୍ ୱାନାନ୍। ହେୱାନ୍ ହୁଦାଙ୍ଗ୍ ସରଗ୍‌ନି ଦୁତ୍‌କୁ ୱାନିକ୍। ହେୱାନ୍ ରାଜା ଆନାନ୍ ଆରେ ତା ଗାଜା ସିଂହାସନ୍ ଜପି ୱିଜାକାରିଙ୍ଗ୍ ବିଚାର୍ କିଦେଙ୍ଗ୍ କୁଚ୍‌ନାନ୍।

ମାତିଉ 8:22

ମାତର୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଚେଲା ଆଦେଙ୍ଗ୍ ନା ପାଚେ ୱା। ଇମ୍‌ଣାକାର୍ ଆତ୍ମାତାଙ୍ଗ୍ ହାଃତାକାର୍ ଇ ହାଃତି ମାନାୟାରିଙ୍ଗ୍ ଦୁଗେର୍‌ତ ଅଜି ମୁଚ୍‌ନାର୍‌।”

ମାର୍କ 9:1

ଯୀଶୁ ତା ଚେଲାରିଙ୍ଗ୍ ଆରେ ହେବେ ମାଚି ମାନାୟାରିଙ୍ଗ୍ ଇଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଈଶ୍ୱର ସାସନ୍ କିନି ରାଜି ଶାକ୍ତିତାଙ୍ଗ୍ ୱାୱି ପାତେକ୍ ଇବେ ମାନି କେତେକ୍ ମାନାୟ୍ ହାଃଉର୍।”

ଜହନ୍‌ 21:19

ଈଶ୍ୱର ଜୟ୍-ଜୟ୍ କାଜିଙ୍ଗ୍ ପିତର ଇନେସ୍ ହାଃନାନ୍, ଇଦାଙ୍ଗ୍ ପୁନିକିଦେଙ୍ଗ୍ ଯୀଶୁ ହେଲେକେ ୱେଚ୍‌ଚି ମାଚାନ୍। ତାପାଚେ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ନା ପାଚେ ୱା।”

ଜହନ୍‌ 21:21

ହେ ଚେଲାହିଙ୍ଗ୍ ପାଚ୍‌ବାଗାୟ୍ ୱାନାକା ହୁଡ଼୍‌ଜି ପିତର ଯୀଶୁଙ୍ଗ୍ ୱେନ୍‌ବାତାନ୍, “ମାପୃ, ତା ବିଷୟରେ ଇନାକା ଆନାତ୍?”

୧ କରନ୍ତିୟ 11:26

ଏପେଙ୍ଗ୍ ଏଚେହଟ୍‌ ଇ ରୁଟି ତିନାଦେର୍‌ ଆରେ ଇ ଅଙ୍ଗୁର୍ ରାସ୍ ଉଣାଦେର୍, ଏପେଙ୍ଗ୍ ମାପୃ ଆରେରଗ ପୁର୍ତିତାକେ ୱାନି ପାତେକ୍ ମାନାୟାରିଙ୍ଗ୍ ୱେଚ୍‌ନାଦେରା ଯେ, ହେୱାନ୍ ମା କାଜିଙ୍ଗ୍ ହାଃତାନ୍‌ନା।

୧ କରନ୍ତିୟ 4:5

ହେଦାଙ୍ଗ୍ କାଜିଙ୍ଗ୍ ମାପୃ ଆରେରଗ ପୁର୍ତିତାକେ ୱାୱି ପାତେକ୍ ମାନାୟାରିଙ୍ଗ୍ ଏପେଙ୍ଗ୍ ବିଚାର୍ କିମାଟ୍, ଏଚେପାଦ୍ନା ମାପୃ ୱାନାନ୍‌ ହେୱାନ୍ ମାନାୟାର୍ ମାନ୍ତି କାତାତିଙ୍ଗ୍ ୱେଚ୍‌ନାନ୍, ଇମ୍‌ଣାକା ଇନେର୍ ପା ପୁନୁର୍। ହେୱାନ୍ ମାନାୟାର୍ ଗରବ୍ ବିତ୍ରେନି ଇଚାତାଙ୍ଗ୍ ପୁନିକିନାନ୍। ହେପାଦ୍ନା ଈଶ୍ୱର ୱିଜୁ ମାନାୟାରିଙ୍ଗ୍ ହେୱାର୍ ଅଦିକାର୍ ଅନୁସାରେ ସନ୍‌ମାନ୍ ହିନାନ୍।

୧ ଥେସଲନୀକିୟ 2:19

ଇନେସ୍‌କି ମା ଯୀଶୁ ଖ୍ରୀଷ୍ଟ ଏଚେକାଡ଼୍‌ଦ ପୁର୍ତିତାକେ ୱାନାନ୍ ତା ଆଗେ ଏପେଙ୍ଗ୍ ମା ଆହା, ସାର୍‌ଦା ଆରେ ମା ସନ୍‌ମାନ୍‌ନି ମୁକୁଟ୍‌ଲେକେ।

ଜାକ୍‌ବ 5:7

ହେଦାଙ୍ଗ୍ କାଜିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ମାପୃ ୱାନି ପାତେକ୍ ସାସ୍ ଆସ୍ତି ମାନାଟ୍। ତାସି ବିଷୟରେ ବାବିକିଜି ହୁଡ଼ାଟ୍, ତାସ୍‌ତାଙ୍ଗ୍ ହାର୍ଦି ପାଡ଼୍‌ ପାୟା ଆଦେଙ୍ଗ୍ ଆହା କିଜି ପାର୍ତୁମ୍ ଆରେ ପାଚେନି ବାର୍ହା ଆନି ପାତେକ୍ ସାସ୍ ଆସ୍ତି ମାନାନ୍।

ଜାକ୍‌ବ 5:8

ହେଲେକେ ଏପେଙ୍ଗ୍ ପା ସାସ୍ ଆସ୍ତି ମାନାଟ୍ ଆରେ ଆହା କିଜି ମାନାଟ୍, ଇନେସ୍‌କି ମାପୃ ୱାନିଦିନ୍ ଲାଗେ ମାନାତ୍।

ହତ୍‌ତି 1:7

ହୁଡ଼ାଟ୍ ହେୱାନ୍ ସରଗ୍‌ତାଙ୍ଗ୍ ବାଦାଡ଼୍ ହୁଦାଙ୍ଗ୍ ମାହାଆଜି ୱାନାନ୍। ଆରେ ୱିଜାକାର୍ ହେୱାନିଙ୍ଗ୍ ହୁଡ଼୍‌ନାର୍, ଆରେ ପା ତାଙ୍ଗେଙ୍ଗ୍ ବାଲା ହୁଦାଙ୍ଗ୍ କୁନ୍ତାକାର୍ ହୁଡ଼୍‌ନାର୍। ଆରେ ଇ ପୁର୍ତିନି ୱିଜୁ ଦେସ୍‌ନି ମାନାୟାର୍ ତା କାଜିଙ୍ଗ୍ ଆଡ଼୍‌ବାନାର୍। ଆମେନ୍।

ହତ୍‌ତି 2:25

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ୱାନି ପାତେକ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍।

ହତ୍‌ତି 22:20

ଯୀଶୁ ନିଜେ ଇ ୱିଜୁ ବିଷୟ କାଜିଙ୍ଗ୍ ସାକି ହିଜି ୱେଚ୍‌ନାନା, “ଆଁ, ଆନେଙ୍ଗ୍ ବେଗି ୱାନାଙ୍ଗା। ଆନେଙ୍ଗ୍ ଯୋହନ ଉତର୍ ହିତାଙ୍ଗ୍, ଆମେନ୍! ମାପୃ ଯୀଶୁ ଏନେଙ୍ଗ୍ ବେଗି ୱା।”

ହତ୍‌ତି 22:7

ହୁଡ଼ାଟ୍, ଆନେଙ୍ଗ୍ ବେଗି ୱାନାଙ୍ଗା, ଇ ବହିତାକେ ଲେକାଆଜି ମାଚି ଈଶ୍ୱର କାତା ଇନେର୍ ମାନି କିନାନ୍ ଈଶ୍ୱର ତାଙ୍ଗେଙ୍ଗ୍ ଆଶ୍ରିବାଦ୍ କିନାନ୍।”

ହତ୍‌ତି 3:11

ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାଞ୍ଜାଟ୍, ଆରେ ଇନେର୍ ପା ମି ପୁରଷ୍କାର୍‌ନି ମୁକୁଟ୍ ଜେଲ୍‌ଜି ଅଦେଙ୍ଗ୍ ଆଡୁର୍।