ଜହନ୍‌ 20:31 - New Testament in Pengo Parja Language

³¹ ମାତର୍ ଇ ବହିତାକେ ଇୱିଜୁ ଲେକାଆତାତ୍‌ନା, ଇନେସ୍‌କି ଏପେଙ୍ଗ୍ ପାର୍ତି କିନାଦେର୍, ଯୀଶୁ ଆନାନା ଖ୍ରୀଷ୍ଟ ଆରେ ଈଶ୍ୱର ମେହି, ଏପେଙ୍ଗ୍ ତା ତର୍‍ଦାଙ୍ଗ୍ ଜିବୁନ୍ ପାୟାଆନାଦେର୍, ଇଦାଙ୍ଗ୍ କାଜିଙ୍ଗ୍ ଇୱିଜୁ ଲେକାଆତାତ୍‌ନା।

ସତ୍‌ ବଚନ୍‌ ପୁନି ନିୟମ୍‌

³¹ ମାତର୍‌ ଏପେଙ୍ଗ୍‌ ଇନେସ୍‌ ପାର୍ତି କିନାଦେର୍‌ ଜେ ଜିସୁ ଇସ୍ୱର୍‌ ମାଜ଼ି କ୍ରିସ୍ଟ ଆତାନ୍ନା, ଆରେ ପାର୍ତି କିଜ଼ି ଇନେସ୍‌କି ଏପେଙ୍ଗ୍‌ ହେ ତର୍‌ଦାଂ ଜିବୁନ୍‌ ପାୟା ଆନାଦେର୍‌, ଇଦାଂ କାଜିଂ ଇ ୱିଜ଼ୁ ଲେକାଆତାତ୍‌ନା ।

ଜହନ୍‌ 20:31 ပူးပေါင်းရင်းမြစ်များ

ମାତିଉ 16:16

ଶିମୋନ ପିତର ୱେଚ୍‌ଚାନ୍, “ଏନେଙ୍ଗ୍ ଆନାୟା ଖ୍ରୀଷ୍ଟ। ଯିବୁନ୍ ମାନି ଈଶ୍ୱର ମେହିତି।”

ମାତିଉ 27:54

ରୋମିୟ ସେନାର୍ ଆରେ ଯୀଶୁଙ୍ଗ୍ କାସିମାଚି ସେନାର୍ ବୁମିକମ୍ପ୍ ଆରେ ଜେକୱିଜୁ ଗଟ୍‌ନା ଗଟାଆନାକା ହୁଡ଼୍‌ତାର୍। ହେୱାର୍ ବେସି ପାଣ୍ଡ୍ରା ଆତାର୍ ଆରେ ହେୱାର୍ ୱେଚ୍‌ଚାର୍, “ହାତ୍‌ପା ଇୱାନ୍ ରକାନ୍ ଈଶ୍ୱର ମେହି ମାଚାନ୍।”

ମାତିଉ 4:3

ହେବେ ଶୟତାନ ଯୀଶୁଙ୍ଗ୍ ପରିକ୍ଷା କିଦେଙ୍ଗ୍ ତା କଚଣ୍‌ତ ୱାଜି ୱେଚ୍‌ଚାତ୍, “ଏନେଙ୍ଗ୍ ଯଦି ଈଶ୍ୱର ମେହିତି, ଲାଗିଙ୍ଗ୍ ଇ କାଲ୍‌କୁକାଙ୍ଗ୍ ରୁଟି ଆଦେଙ୍ଗ୍ ଆଦେସ୍ ହିୟା।”

ମାର୍କ 16:16

ଇନେର୍ ନା ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍ ଆରେ ଡୁବନ୍ ଆନାର୍। ହେୱାନ୍ ରକ୍ଷା ପାୟା ଆନାନ୍, ମାତର୍ ଇନେର୍ ପାର୍ତି କିଉନ୍, ହେୱାନିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:35

ସରଗ୍‌ଦୁତ୍ ମରିୟମତିଙ୍ଗ୍ ୱେଚ୍‌ଚାତ୍, “ପବିତ୍ର ଆତ୍ମାନି ଲାଗାୟ୍ ୱାନାତ୍, ଆରେ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ହୁଦାଙ୍ଗ୍ ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ହେ ହିମ୍‌ଣା ପବିତ୍ର ଆଜି ଜନମ୍ ଆନାନ୍। ଆରେ ମାନାୟାର୍ ହେୱାନିଙ୍ଗ୍ ଈଶ୍ୱର ମେହି ଇଞ୍ଜି ପୁନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:4

ଲାଗିଙ୍ଗ୍ ଏପେଙ୍ଗ୍ ପୁରା ସତ୍ ବିଷୟରେ ପୁଞ୍ଜେଙ୍ଗ୍ ଆଡ୍‌ନାଦେର୍ ଇମ୍‌ଣାକା ମିଙ୍ଗେଙ୍ଗ୍ ମାନାୟାର୍ ୱେଚ୍‌ଚି ମାନ୍‌ଞ୍ଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:47

ଯିରୁଶାଲାମ ସହର୍‌ତାଙ୍ଗ୍ ଆରମ୍ କିଜି ୱିଜୁ ଜାତିର୍‌ତାକେ ପାପ୍ କାମାୟ୍ ପିସ୍ତି ମାପୃ ୱାତିସ୍ ଈଶ୍ୱର ପାପ୍ କେମା କିନି ବିଷୟରେ ମାନାୟାରିଙ୍ଗ୍ ଶୁଣାୟ୍ କିନାର୍।

ଜହନ୍‌ 1:49

ତାପାଚେ ନିତନିୟେଲ ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ଏନେଙ୍ଗ୍ ଈଶ୍ୱର ମେହି। ଏନେଙ୍ଗ୍‍ନେ ଇସ୍ରାଏଲ ଜାତିନି ରାଜା।”

ଜହନ୍‌ 10:10

ଚର୍ ମାନାୟ୍ ଚର୍‌କିଦେଙ୍ଗ୍, ଅସ୍ତେଙ୍ଗ୍ ଆରେ ନଷ୍ଟ କିଦେଙ୍ଗ୍ ୱାନାନ୍। ମାତର୍ ଆନେଙ୍ଗ୍ ହେୱାରିଙ୍ଗ୍ ହାର୍ଦି ଜିବୁନ୍ ହିଦେଙ୍ଗ୍ ୱାତାଙ୍ଗ୍‌ନା।

ଜହନ୍‌ 19:35

ଇନେର୍ ଇଦାଙ୍ଗ୍ ହୁଡ଼୍‌ତାର୍‌ନା ହେୱାନ୍ ୱେଚ୍‌ଚାନ୍‌ନା। ତା କାଜିଙ୍ଗ୍ ଏପେଙ୍ଗ୍ ପା ୱେନ୍‌ଞ୍ଜି ପାର୍ତି କିନାଦେର୍। ହେୱାନ୍ ଇନାକା ୱେଚ୍‌ନାନ୍, ହେଦାଙ୍ଗ୍ ସତ୍। ହେୱାନ୍ ପୁନାନ୍ ଯେ, ହେୱାନ୍ ସତ୍ ୱେଚ୍‌ନାନ୍।

ଜହନ୍‌ 20:28

ଥୋମା ଯୀଶୁଙ୍ଗ୍ ୱେଚ୍‌ଚାନ୍, “ନା ମାପୃ, ନା ଈଶ୍ୱର।”

ଜହନ୍‌ 3:18

ଈଶ୍ୱର ମେହିଙ୍ଗ୍ ପାର୍ତି କିନାକାରିଙ୍ଗ୍ ଇନାୱେଡ଼ାଙ୍ଗ୍ ପା ବିଚାର୍ କିୟା ଆଉନ୍। ମାତର୍ ହେୱାନ୍‌ତାକେ ପାର୍ତି କିୱାକାରିଙ୍ଗ୍ ବିଚାର୍ କିୟାଟ୍। ଇନେସ୍‌କି ହେୱାନ୍ ଈଶ୍ୱର ରୱାନ୍ ଇଞ୍ଜି ମେହିଙ୍ଗ୍ ପାର୍ତି କିୱାତାନ୍‌ନା।

ଜହନ୍‌ 3:36

ଇନେର୍ ମେହିଙ୍ଗ୍ ପାର୍ତିକିନି ମାନାୟ୍ ୱିଜ୍‌ୱି ଜିବୁନ୍ ପାୟା ଆନାନ୍। ମାତର୍ ମେହିଙ୍ଗ୍ ପାର୍ତି କିୱିତି ମାନାୟ୍ ଇନାୱେଡ଼ାଙ୍ଗ୍ ପା ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଆଡୁନ୍। ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।”

ଜହନ୍‌ 5:24

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଇମ୍‌ଣାକାନ୍ ନା ୱେଚ୍‌ଚି ବେଣ୍‌ତିଙ୍ଗ୍ ୱେନାନ୍, ଆରେ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ପାର୍ତିକିନାର୍, ଲାଗିଙ୍ଗ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଦସି ଇଞ୍ଜି ବିଚାର୍ କିୟା ଆୱାଦାଙ୍ଗ୍ ହାଃନିତାଙ୍ଗ୍ ଜିତାଆଜି ଜିବୁନ୍‌ ମାନ୍‌ଗାନାନ୍।

ଜହନ୍‌ 6:40

ୱିଜାକାର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ହୁଡ଼୍‌ନାର୍, ଆରେ ହେୱାନ୍‌ତାକେ ପାର୍ତିକିନାର୍। ଆରେ ହେୱାର୍ ଇନେସ୍‌କି ୱିଜ୍‌ୱି ଜିବୁନ୍ ପାୟାଆନାର୍‌। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।”

ପକ୍ୟାତାକା 10:43

ହେଦାଙ୍ଗ୍ କାଜିଙ୍ଗ୍ ଇମ୍‌ଣାକାନ୍ ହେୱାନ୍‌ତାକେ ପାର୍ତିକିନାର୍, ହେୱାନ୍ ତା ତର୍‍ଦାଙ୍ଗ୍ ପାପ୍ କେମା ପାୟା ଆନାନ୍, ଇ କାତା ୱିଜୁ ଭବିଷ୍ଯତବକ୍ତାର୍ ହେୱାନ୍ ବିଷୟରେ ଶୁଣାୟ୍ କିତାର୍‌ନା।”

ପକ୍ୟାତାକା 3:16

ଇ ମାନାୟ୍‌ତିଙ୍ଗ୍ ଏପେଙ୍ଗ୍ ହୁଡ଼୍‌ତାଦେର୍‌ନା ଆରେ ପୁଚାଦେର୍‌ନା, ହେୱାନ୍ ଯୀଶୁ ତର୍‍ଦାଙ୍ଗ୍ ପାର୍ତିକିନି କାଜିଙ୍ଗ୍ ଶାକ୍ତି ପାୟାଆତାନ୍‌। ହେ ଚଟା ମାନାୟ୍ ଯୀଶୁ ତର୍‌ଦିଙ୍ଗ୍ ପାର୍ତିକିନି କାଜିଙ୍ଗ୍ ପୁରାପୁରି ହାର୍ ଆତାନ୍‌ନା। ଇଦାଙ୍ଗ୍ ଏପେଙ୍ଗ୍ ହୁଡ଼୍‌ତାଦେର୍‌ନା।

ପକ୍ୟାତାକା 8:36

ଆରେ ହେୱାର୍ ହାନିହିଙ୍ଗ୍ ହାଜି ଲାଗାୟ୍ ର ବାନ୍ଦ୍‌ତାକେ ଇକାତାର୍। ଲାଗିଙ୍ଗ୍ ହେ ଅପିସର୍ ପିଲିପତିଙ୍ଗ୍ ୱେଚ୍‌ଚାନ୍, “ଏହେଁ ତ ବାନ୍ଦ୍ ମାନାତ୍, ନାଙ୍ଗେଙ୍ଗ୍ ଏନେଙ୍ଗ୍ ଡୁବନ୍ ହିଦ୍‌ନି କାଜିଙ୍ଗ୍ ଇନାକା ବାଦା ମାନାତ୍ କି?”

ପକ୍ୟାତାକା 8:37

ପିଲିପ ହେୱାନିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଯଦି ନି ମାନ୍ ହିଜି ପାର୍ତି କିତିସ୍, ଲାଗିଙ୍ଗ୍ ଏନେଙ୍ଗ୍ ଡୁବନ୍ ଅଦେଙ୍ଗ୍ ଆଡ୍‌ନାଇ।” ହେବେତାଙ୍ଗ୍ ହେ ଅପିସର୍ ୱେଚ୍‌ଚାନ୍, “ଯୀଶୁ ଖ୍ରୀଷ୍ଟ ଈଶ୍ୱର ମେହି, ଇଦାଙ୍ଗ୍ ଆନେଙ୍ଗ୍ ପାର୍ତି କିନାଙ୍ଗା”

ପକ୍ୟାତାକା 9:20

ଶାଉଲ ଦମେସକ ସହର୍‌ତାକେ ମାନିହିଙ୍ଗ୍ ନେ ପାର୍ତାନା ଇଲ୍‌କୁକାଙ୍ଗ୍ ହାଲ୍‌ଜି ଯୀଶୁ ନେ ଈଶ୍ୱର ମେହି ଇଞ୍ଜି ଶୁଣାୟ୍ କିଦେଙ୍ଗ୍ ଲାଗାତାନ୍।

୧ ପିତର 1:9

ଏପେଙ୍ଗ୍ ୱାରିୟା ଆନାଦେରା, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ହାଃନି ଦଣ୍ଡ୍‌ତାଙ୍ଗ୍ ଉଦାର୍ କିଦ୍‌ନାନା। ଇଦାଙ୍ଗ୍ ନେ ଯୀଶୁ ଖ୍ରୀଷ୍ଟତାକେ ପାର୍ତିକିନି ପୁରଷ୍କାର୍।

୧ ଯୋହନ 4:15

ଇମ୍‌ଣି ମାନାୟ୍ ଯୀଶୁଙ୍ଗ୍ ଈଶ୍ୱର ମେହି ଇଞ୍ଜି ୱେଚ୍‌ନାନ୍, ଈଶ୍ୱର ତାବେ ମାନାନ୍। ଆରେ ହେୱାନ୍ ଈଶ୍ୱରତାକେ ମାନାନ୍।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।

୨ ଯୋହନ 1:9

ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ହିକ୍ଷାତିଙ୍ଗ୍ ଆରେ ତା ହିକ୍ଷାତିଙ୍ଗ୍ ମାହାୟ୍ କିନାନ୍, ଆରେ ଖ୍ରୀଷ୍ଟ ହିକ୍ଷାତିଙ୍ଗ୍ ପାର୍ତି କିଉନ୍। ଲାଗିଙ୍ଗ୍ ହେୱାନ୍ ଈଶ୍ୱରତିଙ୍ଗ୍ ମାହା ବିଡ଼ା ଆଜି ମାନୁନା। ମାତର୍ ଇମ୍‌ଣି ମାନାୟ୍ ହେ ହିକ୍ଷାତିଙ୍ଗ୍ ପାର୍ତିକିନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଆରେ ତା ମେହି ଯୀଶୁଙ୍ଗ୍ ମାହାଆଜି ମାନାନ୍।

ହତ୍‌ତି 2:18

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଥୁୟତିରା ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ଈଶ୍ୱର ମେହିତଙ୍ଗ୍‌ ଇ ୱିଜୁ ବିଷୟ ଆନେଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାନାଙ୍ଗା। ଇନେର୍ କାଣ୍‌କୁ ନାଣି ଲେକେ ଚମ୍‌କା ଆଜିମାଚାତ୍, ଆରେ ଜାର୍ କାଲ୍‌ପାନା ନାଣିତାକେ ଦେସ୍ତି ପିତାଡ଼୍ ଲେକେ ଚମ୍‌କା ଆଜି ମାଚାତ୍।”