ଜହନ୍‌ 20:29 - New Testament in Pengo Parja Language

²⁹ ଯୀଶୁ ଥୋମାଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦିତିଲେ ପାର୍ତି କିତ୍‌ତାୟ୍। ମାତର୍ ଇମ୍‌ଣି ମାନାୟାର୍ ନାଙ୍ଗେଙ୍ଗ୍ ହୁଡ଼୍‌ଦାୱାଦାଙ୍ଗ୍ ପାର୍ତି କିଦ୍‌ନାର୍, ହେୱାର୍ ଆଶ୍ରିବାଦ୍ ପାୟାଆନାର୍‌।”

ସତ୍‌ ବଚନ୍‌ ପୁନି ନିୟମ୍‌

²⁹ ଜିସୁ ତାଙ୍ଗେଙ୍ଗ୍‌ ଇଚାନ୍‌, “ଏନ୍‌ ଇନାକା ନାଙ୍ଗ୍‌ ହୁଡ଼୍‌ଜି ପାର୍ତି କିଦ୍‌ନାୟା ? ଇମ୍‌ଣାକାର୍‌ ହୁଡ଼୍‌ୱାଦାଂ ପାର୍ତି କିତାର୍‌, ହେୱାର୍‌ ଦନ୍ୟ ।”

ଜହନ୍‌ 20:29 ပူးပေါင်းရင်းမြစ်များ

ମାତିଉ 13:16

ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତିଲେ ଏପେଙ୍ଗ୍ ହୁଡ଼୍‌ଜି ବୁଜାଆନାଦେରା ଆରେ ୱେନ୍‌ଞ୍ଜି ପୁଞ୍ଜେଙ୍ଗ୍ ଆଡ୍‌ନାଦେରା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:45

ଏନେଙ୍ଗ୍ ର ବାଗ୍ୟ ନିକାୟ୍‌!, ଇନେସ୍‌କି ମାପୃ ନିଙ୍ଗେଙ୍ଗ୍ ଇନା-ଇନାକା ୱେଚ୍‌ଚାତାନ୍‌ନା, ହେ ୱିଜୁ କାତା ଗଟାଆନାତ୍ ଇଞ୍ଜି ପାର୍ତି କିତାୟ୍।”

ଜହନ୍‌ 20:28

ଥୋମା ଯୀଶୁଙ୍ଗ୍ ୱେଚ୍‌ଚାନ୍, “ନା ମାପୃ, ନା ଈଶ୍ୱର।”

ଜହନ୍‌ 20:8

ତାପାଚେ ଜେକନି ଚେଲାହି ରକାନ୍ ବିତ୍ରେ ହାଚାନ୍, ହେ ଚେଲାହି ରକାନ୍ ଦୁଗେର୍ ଲାଗାୟ୍ ଆଗେ ଇକାତାନ୍। ହେୱାନ୍ ୱିଜୁଗଟ୍‌ନା ହୁଡ଼୍‌ତାନ୍ ଆରେ ପାର୍ତି କିତାନ୍।

ଜହନ୍‌ 4:48

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଚାନିଆଆନି କାମାୟ୍ ହୁଡ଼୍‌ୱିତିସ୍, ଏପେଙ୍ଗ୍ ଇନାୱେଡ଼ାଙ୍ଗ୍ ନାଙ୍ଗେଙ୍ଗ୍ ପାର୍ତି କିଦୁଦେର୍।”

୨ କରନ୍ତିୟ 5:7

ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହୁଡ଼୍‌ଜି ଜିବୁନ୍ କାଟି କିଉସା ମାତର୍ ତାଙ୍ଗେଙ୍ଗ୍ ପାର୍ତି କିଜି ଜିବୁନ୍ କାଟି କିନାସା।

ଏବ୍ରି 11:1

ଇନାକା ଗଟାଆନାତ୍ ଇଞ୍ଜି ଆସେଙ୍ଗ୍ ଆହା କିନାସା, ହେ ଷ୍ଟ୍ରଙ୍ଗ୍ ଆହାତିଙ୍ଗ୍ ପାର୍ତି ୱେଚ୍‌ନାର୍। ଆରେ ଇନାକା ଆସେଙ୍ଗ୍ ହୁଡ଼୍‌ୱାତାସ୍‌ନା, ହେ ବିଷୟତିଙ୍ଗ୍ ଇଦାଙ୍ଗ୍ ସତ୍ ଇଞ୍ଜି ପାର୍ମାଣ୍ କିନାତ୍।

ଏବ୍ରି 11:27

ପାର୍ତି କାଜିଙ୍ଗ୍ ମୋଶା ମିସର ଦେସ୍ ପିସ୍ତି ହାଲ୍‌ଜି ମାଚାନ୍। ରାଜା ରିସା ଆଦ୍‌ନାନ୍ ଇଞ୍ଜି ହେୱାନ୍ ପାଣ୍ଡ୍ରା ଆୱାଦାଙ୍ଗ୍ ମାଚାନ୍। ହେୱାନ୍ ଆରେ ମିସର ଦେସ୍‌ତାକେ ଲେଉଟା ଆଜି ୱାୱାତାନ୍, ଇନେସ୍‌କି ଚଞ୍ଜି ଆଦ୍‌ୱି ଈଶ୍ୱର ହେୱାନ୍ ହୁଦାଙ୍ଗ୍ ମାନାନ୍ ଇଞ୍ଜି ହେୱାନ୍ ପୁଚାନ୍।

ଏବ୍ରି 11:39

ଇ ପାର୍ତିକିନି ମାନାୟାର୍‌ତାଙ୍ଗ୍ ଈଶ୍ୱର ୱାରି ମାଚାନ୍, ଇନେସ୍‌କି ହେୱାର୍ ଈଶ୍ୱରତାକେ ପାର୍ତି କିତାର୍। ମାତର୍ ଈଶ୍ୱର ହେୱାରିଙ୍ଗ୍ ଇନାକା ପାର୍ମାଣ୍ କିଜି ମାଚାନ୍ ହେଦାଙ୍ଗ୍ ପାୟା ଆୱାତାର୍।

୧ ପିତର 1:8

ଏପେଙ୍ଗ୍ ଯୀଶୁଙ୍ଗ୍ ଇନାୱେଡ଼ାଙ୍ଗ୍ ପା ହୁଡ଼୍‌ୱାତାଦେର୍‌ନା, ମାତର୍ ନଙ୍ଗୟ୍ ପାତେକ୍ ହେୱାନିଙ୍ଗ୍ ଲାଡ୍ କିନାଦେରା। ଏପେଙ୍ଗ୍ ନଙ୍ଗୟ୍ ଯୀଶୁଙ୍ଗ୍ ହୁଡ଼୍‌ୱାତାଦେର୍‌ନା ମାତର୍ ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା। ଲାଗିଙ୍ଗ୍ ଏପେଙ୍ଗ୍ ବେସି ୱାରିୟା ଆନାଦେରା ହେଦାଙ୍ଗ୍ କାତା ୱେଚ୍‌ଚି ବୁଜାୟ୍ କିୟି ଆଉତ୍।