ଜହନ୍‌ 20:27 - New Testament in Pengo Parja Language

²⁷ ତାପାଚେ ଯୀଶୁ ଥୋମାଙ୍ଗ୍ ୱେଚ୍‌ଚାନ୍, “ଇବେ ନି ୱାଚ୍‌କା ଇଟା। ନା କେଇଦିଙ୍ଗ୍ ହୁଡ଼ା। ନା ନେଞ୍ଜାଡାକିତାକେ ନି କେଇ ଇଟା। ପାର୍ତି କିୱାଦାଙ୍ଗ୍ ପାର୍ତି କିୟା।”

ସତ୍‌ ବଚନ୍‌ ପୁନି ନିୟମ୍‌

²⁷ ପାଚେ ହେୱାନ୍‌ ତମାଙ୍ଗ୍‌ ଇଚାନ୍‌, “ଇନ୍‌ଟାଙ୍ଗ୍‌ କେଇ ଲାମାୟ୍‌କିଦା ନା କେଇ ହୁଡ଼ା, ନା କାଲ୍‌କୁ ହୁଡ଼ା; ପାର୍ତି କିୱାକାର୍‌ ଆଜ଼ି ପାର୍ତି କିୟାଟ୍‌ ।”

ଜହନ୍‌ 20:27 ပူးပေါင်းရင်းမြစ်များ

ମାତିଉ 17:17

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମିଙ୍ଗେଙ୍ଗ୍ ପାର୍ତି ହିଲେତ୍। ଆନେଙ୍ଗ୍ ମିହୁଦାଙ୍ଗ୍ କେତେକ୍ ଦିନ୍ ମାନାଙ୍ଗ୍? ଆରେ ଏପେଙ୍ଗ୍ ପାର୍ତିକିନି ପାତେକ୍ ଆନେଙ୍ଗ୍ ମିହୁଦାଙ୍ଗ୍ ଏଚେକ୍ ଦିନ୍ ମାନାଙ୍ଗ୍? ହେ ହିମ୍‌ଣାତିଙ୍ଗ୍ ନା ଲାଗାୟ୍ ତାହି ୱାଡ।” ହେୱାର୍ ଯୀଶୁତାକେ ରକାନିଙ୍ଗ୍ ନେ ତାତାର୍।

ମାର୍କ 9:19

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ପାର୍ତି କିୱାକାଦେର୍। ଆନେଙ୍ଗ୍ ମିହୁଦାଙ୍ଗ୍ କେତେକ୍ ଦିନ୍ ମାନାଙ୍ଗ୍? ଆରେ ଏପେଙ୍ଗ୍ ପାର୍ତିକିନି ପାତେକ୍ ଆନେଙ୍ଗ୍ ମିହୁଦାଙ୍ଗ୍ ଏଚେକ୍ ଦିନ୍ ମାନାଙ୍ଗ୍? ହେ ହିମ୍‌ଣାତିଙ୍ଗ୍ ନା ଲାଗାୟ୍ ତାହି ୱାଡ।” ହେୱାର୍ ଯୀଶୁତାକେ ହେୱାନିଙ୍ଗ୍ ତାତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:39

ଏହେଁ ନା କେଇଦିଙ୍ଗ୍ ହୁଡ଼ାଟ୍ ଆରେ ନା କାଲ୍‌କୁକାଙ୍ଗ୍ ହୁଡ଼ାଟ୍। ଇଦାଙ୍ଗ୍ ଆନେଙ୍ଗ୍ ନିଜେ ଯୀଶୁ! ନାଙ୍ଗେଙ୍ଗ୍ ଆସ୍‌ପାଆଦାଟ୍‌ ଆରେ ପୁନାଟ୍, ଆନେଙ୍ଗ୍ ଜିବୁନ୍ ମାନି ଗାଗାଡ଼୍‌ତାକେ ଜେଇ ଆରେ ପେଣ୍‌ ମାନାତ୍। ମାତର୍ ବୁତ୍‌କୁକାଙ୍ଗ୍ ତ ଇଲେକେ ହିଲ୍‌ଗୁତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:40

ଯୀଶୁ ହେୱାରିଙ୍ଗ୍ ଇ କାତା ୱେଚ୍‌ଚି ପାଚେ, ହେୱାନ୍ ହେୱାରିଙ୍ଗ୍ ତା କେଇ ଆରେ କାଲ୍‌ନି ଚିନାଙ୍ଗ୍ ୱିଜୁ ଚଚ୍‌ଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:41

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଈଶ୍ୱରତିଙ୍ଗ୍ ପାର୍ତି କିୱାକାଦେର୍, ଆରେ ଏପେଙ୍ଗ୍ ପାପ୍‌ତାକେ ମାନାଦେର୍। ଏପେଙ୍ଗ୍ ପାର୍ତିକିନି ପାତେକ୍ ଆନେଙ୍ଗ୍ ମିହୁଦାଙ୍ଗ୍ ଏଚେକ୍ ଦିନ୍ ମାନାଙ୍ଗ୍? ନି ହିମ୍‌ଣାଙ୍ଗ୍ ତାହିୱା।”

ଜହନ୍‌ 20:20

ଯୀଶୁ ଇ କାତା ୱେଚ୍‌ଚି ପାଚେ ଚେଲାହିରିଙ୍ଗ୍ କେଇ ଆରେ କାଲ୍‌ନି ଚିନାଙ୍ଗ୍ ଚଚ୍‌ଚାନ୍। ଚେଲାହିର୍ ମାପୃଙ୍ଗ୍ ହୁଡ଼୍‌ଜି ବେସି ୱାରିୟା ଆତାର୍।

ଜହନ୍‌ 20:25

ଜେକନି ଚେଲାହିର୍ ଥୋମାଙ୍ଗ୍ ୱେଚ୍‌ଚାର୍, “ଆପେଙ୍ଗ୍ ମାପୃଙ୍ଗ୍ ହୁଡ଼୍‌ତାପ୍।” ଥୋମା ୱେଚ୍‌ଚାନ୍, “ଆନେଙ୍ଗ୍ ତା କେଇଦ କୁଟିଙ୍ଗ୍ ହୁଦାଙ୍ଗ୍ ଇଡ଼୍‌ତି ଚିନା ହୁଡ଼୍‌ୱାଦାଙ୍ଗ୍ ପାର୍ତି କିଉଙ୍ଗ୍। ଆନେଙ୍ଗ୍ ନା ୱାଚ୍‌କା ହେ କୁଟିଙ୍ଗ୍ ଇଡ଼୍‌ତି କାଣାତାକେ ଇଟ୍‌ୱାଦାଙ୍ଗ୍, ଆରେ ତା ନେଞ୍ଜାଡାକିତାକେ ନା କେଇ ଇଟ୍‌ୱାଦାଙ୍ଗ୍ ଆନେଙ୍ଗ୍ ପାର୍ତି କିଦେଙ୍ଗ୍ ଆଡୁଙ୍ଗ୍।”

ଜହନ୍‌ 20:28

ଥୋମା ଯୀଶୁଙ୍ଗ୍ ୱେଚ୍‌ଚାନ୍, “ନା ମାପୃ, ନା ଈଶ୍ୱର।”

ରୋମିୟ 5:20

ଈଶ୍ୱର ହିତି ନିୟମ୍ କାଜିଙ୍ଗ୍ ମାନାୟାର୍ ନିଜେ ବେସି ପାପ୍‌ କିନାପା ଇଞ୍ଜି ପୁଚାର୍। ମାତର୍ ଏଚେପାଦ୍ନା ମାନାୟାର୍ ଆଦିକ୍‌ତାଙ୍ଗ୍ ଆଦିକ୍ ପାପ୍ କିତାର୍, ହେପାଦ୍ନା ଈଶ୍ୱର ମାନାୟାରିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଦୟା କିତାନ୍।