ଜହନ୍‌ 20:25 - New Testament in Pengo Parja Language

²⁵ ଜେକନି ଚେଲାହିର୍ ଥୋମାଙ୍ଗ୍ ୱେଚ୍‌ଚାର୍, “ଆପେଙ୍ଗ୍ ମାପୃଙ୍ଗ୍ ହୁଡ଼୍‌ତାପ୍।” ଥୋମା ୱେଚ୍‌ଚାନ୍, “ଆନେଙ୍ଗ୍ ତା କେଇଦ କୁଟିଙ୍ଗ୍ ହୁଦାଙ୍ଗ୍ ଇଡ଼୍‌ତି ଚିନା ହୁଡ଼୍‌ୱାଦାଙ୍ଗ୍ ପାର୍ତି କିଉଙ୍ଗ୍। ଆନେଙ୍ଗ୍ ନା ୱାଚ୍‌କା ହେ କୁଟିଙ୍ଗ୍ ଇଡ଼୍‌ତି କାଣାତାକେ ଇଟ୍‌ୱାଦାଙ୍ଗ୍, ଆରେ ତା ନେଞ୍ଜାଡାକିତାକେ ନା କେଇ ଇଟ୍‌ୱାଦାଙ୍ଗ୍ ଆନେଙ୍ଗ୍ ପାର୍ତି କିଦେଙ୍ଗ୍ ଆଡୁଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

²⁵ ଲାଗିଂ, ବିନ୍‌ ଚେଲାର୍‌ ତାଙ୍ଗେଙ୍ଗ୍‌ ଇଚାର୍‌, “ଆପେଂ ମାପ୍ରୁଙ୍ଗ୍‌ ହୁଡ଼୍‌ତାପ୍‌ନା ।” ତମା ହେୱାନ୍‌ ହେୱେରିଂ ଇଚାନ୍‌, “ତା କେଇଦ ୱାଡ଼ିଙ୍ଗ୍‌ ଚିନ୍‌ସବୁ ହୁଡ଼୍‌ୱିତିସ୍‌ ଆରି ହେ ସବୁ ବାହାତ ନା ୱାଚ୍‌କାଙ୍ଗ୍‌ ହୁଡ଼୍‌ୱିତିସ୍‌ ଆରି ହେ କାଲ୍‌କୁ ନା କେଇ ହୁଡ଼୍‌ୱିତିସ୍‌ ଆନ୍‌ ଇନାୱାଡ଼ାଂପା ପାର୍ତି କିଉଙ୍ଗ୍‌ ।”

ଜହନ୍‌ 20:25 ပူးပေါင်းရင်းမြစ်များ

ମାତିଉ 27:42

ହେୱାର୍ ୱେଚ୍‌ଚି ମାଚାର୍, “ହେୱାନ୍ ଜେକନିକାରିଙ୍ଗ୍ ଉଦାର୍ କିଜି ମାଚାନ୍। ନଙ୍ଗୟ୍ ମାତର୍ ଜାର୍‌ତିଙ୍ଗ୍ ଉଦାର୍ କିଦେଙ୍ଗ୍ ଆଡୁନା। ମାନାୟାର୍ ୱେଚ୍‌ନାର୍ ଯେ ହେୱାନ୍ ଇସ୍ରାଏଲନି ରାଜା। ଇ କାତା ଯଦି ସତ୍, ଲାଗିଙ୍ଗ୍ ହେୱାନ୍ ନଙ୍ଗୟ୍ କୃଶକାଟ୍‌ତାଙ୍ଗ୍ ତାରେନ୍ ଜୁଦେନ୍। ଲାଗିଙ୍ଗ୍ ଆପେଙ୍ଗ୍ ହୁଡ଼୍‌ଜି ମା ରାଜା ଇଞ୍ଜି ପାର୍ତିକିନାପ୍।

ମାର୍କ 16:11

ମଗ୍‌ଦଲା ମରିୟମ ହେୱାରିଙ୍ଗ୍ ୱେଚ୍‌ଚାତ୍, “ଯୀଶୁ ଜିବୁନ୍ ମାନାନ୍, ଆନେଙ୍ଗ୍ ନଙ୍ଗୟ୍ ହୁଡ଼୍‌ତାଙ୍ଗ୍।” ମାତର୍ ହେୱାର୍ ହେ ବେଣ୍ ୱେନ୍‌ଞ୍ଜି ପାର୍ତି କିୱାତାର୍।

ମାର୍କ 16:13

ହେ ରିୟାର୍ ଚେଲାହିର୍ ଯୀଶୁଙ୍ଗ୍ ଚିନ୍‍କିତିପାଚେ ହେୱାର୍ ଲେଉଟା ଆଜି ହାଲ୍‌ଜି। ଅଲ୍‍ଗାଚେଲାରିଙ୍ଗ୍ ୱେଚ୍‌ଚାର୍, ମାତର୍ ହେୱାର୍ ବେଣ୍ ଇନେର୍ ପା ପାର୍ତି କିୱାତାର୍।

ମାର୍କ 16:14

ତାପାଚେ ଏଗାର୍‌ଜାଣ୍ ବାଚିକିତି ଚେଲାହିର୍ ଚିଞ୍ଜେଙ୍ଗ୍ କୁଚ୍‌ଚିହିଙ୍ଗ୍ ଯୀଶୁ ହେୱାରିଙ୍ଗ୍ ଚଞ୍ଜିଆତାନ୍। ଆରେ ହେୱାନ୍ ହେୱାର୍ ପାର୍ତି କିୱାକା ଆରେ ମାନ୍ତି ଆଟ୍‌ୱା କାଜିଙ୍ଗ୍ ହେୱାରିଙ୍ଗ୍ କେତ୍‌ତାନ୍। ଇନେସ୍‌କି ଇମ୍‌ଣାକାର୍ ହେୱାନ୍ ହାଃଜି ଆରେରଗ ନିଙ୍ଗ୍‍ତାକା ହୁଡ଼୍‌ଜି ମାଚାର୍, ହେୱାର୍ ବେଣ୍‌ତିଙ୍ଗ୍ ହେୱାର୍ ପାର୍ତି କିୱାଦାଙ୍ଗ୍ ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:25

ତାପାଚେ ଯୀଶୁ ହେ ରିକାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଏଚେକ୍ ବକୁଆ। ଭବିଷ୍ଯତବକ୍ତାର୍ ଇନାକା ୱିଜୁ ୱେଚ୍‌ଚି ମାନ୍‌ଞ୍ଚାର୍, ହେ ସତ୍‌ତିଙ୍ଗ୍ ଏପେଙ୍ଗ୍ ପାର୍ତି କିଦେଙ୍ଗ୍ ଆଡୁଦେରା।

ଜହନ୍‌ 1:41

ଆନ୍ଦ୍ରିୟ ଆଗେ ତା ଟଣ୍ଡାହି ଶିମୋନ ଲାଗାୟ୍ ହାଚାନ୍। ହେୱାନ୍ ଶିମନତିଙ୍ଗ୍‌ ୱେଚ୍‌ଚାନ୍, “ଆପେଙ୍ଗ୍ ଖ୍ରୀଷ୍ଟଙ୍ଗ୍ ହୁଡ଼୍‌ତାପ୍‌ନା।”

ଜହନ୍‌ 20:27

ତାପାଚେ ଯୀଶୁ ଥୋମାଙ୍ଗ୍ ୱେଚ୍‌ଚାନ୍, “ଇବେ ନି ୱାଚ୍‌କା ଇଟା। ନା କେଇଦିଙ୍ଗ୍ ହୁଡ଼ା। ନା ନେଞ୍ଜାଡାକିତାକେ ନି କେଇ ଇଟା। ପାର୍ତି କିୱାଦାଙ୍ଗ୍ ପାର୍ତି କିୟା।”

ଜହନ୍‌ 21:7

ଯୀଶୁ ଇମ୍‌ଣି ଚେଲାହିଙ୍ଗ୍ ଲାଡ୍‌କିଜି ମାଚାନ୍, ହେୱାନ୍ ଶିମୋନ ପିତରତିଙ୍ଗ୍ ୱେଚ୍‌ଚାନ୍, “ଇୱାନ୍‌ତ ମାପୃ।” ଇଞ୍ଜି ପିତର ତା ଜପ୍‌ଣି କଟ୍ ରିକ୍‍ଚି ଇଡ଼୍‌ଜି ମାଚାନ୍, ହେ କଟ୍‌ତିଙ୍ଗ୍ ଉସ୍‌ପିସ୍ କାଣ୍ଡିତାକେ ଉମ୍‌ଜି ହାଞ୍ଜେଙ୍ଗ୍ ଏଜୁକାଙ୍ଗ୍ ଗୁମ୍‌ତାନ୍।

ଜହନ୍‌ 6:30

ଲାଗିଙ୍ଗ୍ ମାନାୟାର୍ ହେୱାନିଙ୍ଗ୍ ୱେନ୍‌ବାତାର୍, “ନିଙ୍ଗେଙ୍ଗ୍ ଈଶ୍ୱର ପକ୍ତାତାନ୍‌ନା, ହେଦାଙ୍ଗ୍ ପୁନି କାଜିଙ୍ଗ୍ ଏନେଙ୍ଗ୍ ଇନା ଚାନିଆଆନି କାମାୟ୍ କିନାଇ, ଇମ୍‌ଣାକା କି ହୁଡ଼୍‌ଜି ଆପେଙ୍ଗ୍ ନିଙ୍ଗେଙ୍ଗ୍ ପାର୍ତିକିଦ୍‍ନାପ୍।

ଏବ୍ରି 3:12

ଲାଗିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଜାଗ୍ରତ୍ ଆଜି ମାନାଟ୍, ମି ଗରବ୍ ଜିବୁନ୍ ମାନି ଈଶ୍ୱରତିଙ୍ଗ୍ ଆହ୍‌ୱାଦାଙ୍ଗ୍, କରାପ୍ ଆରେ ପାର୍ତିକିୱି ମାନାୟ୍ ଲେକେ ଆମେତ୍।

ଏବ୍ରି 3:18

ଇମ୍‌ଣାକାର୍ ବିରଦ୍‌ତାକେ ଈଶ୍ୱର ପାର୍ମାଣ୍ କିଜି ୱେଚ୍‌ଚି ମାଚାନ୍ ଯେ, ହେୱାର୍ ତା ଜମ୍‌ନି ବାହାତାକେ ହଣୁର୍? ଇମ୍‌ଣାକାର୍ ହେୱାନିଙ୍ଗ୍ ବିରଦ୍ କିଜି ମାଚାର୍, ହେୱାରିଙ୍ଗ୍ ହେୱାନ୍ ୱେଚ୍‌ଚାନ୍।